வெளியிடப்பட்ட நேரம்: 10:52 (02/11/2018)

கடைசி தொடர்பு:11:05 (02/11/2018)

தீபாவளி எமோஜி எது? சாய்ஸை உங்களிடம் விடும் ட்விட்டர்! #HappyDiwali

பிரபல நிகழ்வுகள், விழாக்கள், பண்டிகைகள் பொழுதுகளில் பிரபல சமூகவலைதளமான ட்விட்டர் அது தொடர்பான ஹேஷ்டேக்குகளுடன் எமோஜி ஒன்றைச் சேர்ப்பது வழக்கம். அதுபோல இந்தத் தீபாவளிக்கும் எமோஜி ஒன்றை ஹேஷ்டேக்குகளுடன் சேர்க்கவுள்ளது ட்விட்டர். ஆனால் சாய்ஸ் உங்களுடையது.

ட்விட்டர் தீபாவளி

கடந்த மூன்று ஆண்டுகளாகவே இந்த எமோஜி தேர்வை இந்தியர்களிடமே கொடுத்திருந்தது. இந்த முறையும் அதையே பின்பற்றவுள்ளது. மூன்று வெவ்வேறு எமோஜிகளில் இருந்து உங்களுக்குப் பிடித்த ஒன்றை நீங்கள் தேர்வு செய்யலாம். அதிக வாக்கை பெறும் எமோஜி இந்த வருடத் தீபாவளி எமோஜியாக தேர்வு செய்யப்பட்டு தீபாவளி வாழ்த்து தொடர்பான #HappyDiwali மற்றும் சில ஹேஷ்டேக்களுடன் சேர்க்கப்படும். 

இதன் முடிவுகள் நவம்பர் 2, அதாவது இன்று மதியம் வெளியாகும் என எதிர்பார்க்கப்படுகிறது. அதனால் வாக்களிக்க  விரும்பும் ட்விட்டர்வாசிகள் உடனே விரைய வேண்டும். தற்போதைய நிலையை வைத்துப் பார்க்கையில் விளக்கு வடிவம் கொண்ட மூன்றாவது எமோஜிதான் வெற்றிபெறும் எனத் தெரிகிறது. இதேபோன்று பிரபல திரைப்படங்களுக்கும் தயாரிப்பு நிறுவனங்கள் சிறப்பு எமோஜிகளைப் பெறுவர் என்பது குறிப்பிடத்தக்கது. கடந்த தீபாவளிக்கு `மெர்சல்' படத்துக்கு இதேபோன்று எமோஜி கொடுத்தது அனைவருக்கும் நினைவிருக்கும்.

நீங்க எப்படி பீல் பண்றீங்க