3 கேமரா... எக்ஸ்ட்ரா கலர்... நாட்ச் இல்லாத ஃபுல் ஸ்க்ரீன்! #OnePlus7 இன்னொரு சிக்ஸ் அடிக்குமா? | One plus 7 will have 3 cameras and bigger screen

வெளியிடப்பட்ட நேரம்: 12:00 (09/04/2019)

கடைசி தொடர்பு:12:11 (09/04/2019)

3 கேமரா... எக்ஸ்ட்ரா கலர்... நாட்ச் இல்லாத ஃபுல் ஸ்க்ரீன்! #OnePlus7 இன்னொரு சிக்ஸ் அடிக்குமா?

ஒன் ப்ளஸ் கேமரா

PC: twitter.com/Sudhanshu1414


சென்ற  ஆண்டு, ‘மரண மாஸ்’ அடித்த மொபைல்களில், ஒன் ப்ளஸ் 6டி முக்கியமான ஒன்று. பக்கா டிஸ்ளே, ஹேங் ஆகாத புராசஸர், தெறிக்கவிடும் கேமரா, மின்னல் வேக க்விக் சார்ஜ் என அத்தனை அம்சங்களும் பக்காவாகப் பொருந்திய மொபைல் எனப் பெயர் வாங்கியது. விலைதான் கொஞ்சம் அதிகமென்றாலும், ’கொடுத்த காசு மேலேயே கூவியது’ ஒன் ப்ளஸ் 6டி. 

ஒன் ப்ளஸ் நிறுவனத்திடமிருக்கும் ஒரு பிரச்னை என்னவென்றால், 6 மாதங்களுக்கு ஒரு முறை புதிய மாடலை அறிமுகம் செய்வதுதான். 38,000 ருபாய் கொடுத்து மொபைல் வாங்கிய ஒருவர், அதே விலையில் அடுத்த 6 மாதத்தில் இன்னும் சிறந்த மொபைல் கிடைக்கும்போது கொஞ்சம் கடுப்பாகத்தான்செய்வார். இதோ, ஒன் ப்ளஸ்ஸின் அடுத்த மாடல் பற்றிய தகவல்கள் கசிந்திருக்கின்றன.

  • 6T-யில் பின்புறம் இரண்டு செம கேமராக்கள் உண்டு. ஒன் ப்ளஸ் 7ல் மூன்று கேமராக்கள். அதிலொன்று, 48 மெகாபிக்ஸல். எனவே, புகைப்படங்கள் இன்னமும் அதிக தரத்துடன் எடுக்க முடியும்.
     
  • 6T-ல் முன்புறம் நாட்ச் இருந்தது. செல்ஃபி கேமராவுக்கு இடம் வேண்டுமென்பதால் நாட்ச். ஆனால், ஒன் ப்ளஸ் 7 -ல் பாப்-அப் கேமரா இருக்கு. அதனால், முழுமையாகத் திரை கிடைக்கும். ஏற்கெனவே, விவோ போன்ற சில நிறுவனங்கள் பாப்-அப் கேமரா அறிமுகப்படுத்தியிருக்கின்றன.
     
  • ஒன் ப்ளஸ் மொபைல்களில் பொதுவாக, பல நிறங்கள் இருக்காது. ஆனால், 7 வெளியாகும்போது கூடுதலாக இரண்டு நிறங்களில் மொபைல்கள் கிடைக்கும் என்கின்றன வெளியாகியிருக்கும் தகவல்கள்.
     
  • ஸ்னாப்டிராகன் 855, 8ஜிபி ரேம், 256 ஜிபி மெமரி என அதிலும் அடுத்த கட்டத்திற்கு ஜம்ப் செய்யுமாம் ஒன் ப்ளஸ் 7.
     
  • ஸ்க்ரீனும் கொஞ்சம் பெரிதாகிறது. 6.41 இன்ச் Amoled டிஸ்ப்ளே. 

 

 

இவை எதுவும் அதிகாரபூர்வ தகவல்கள் இல்லைதான். ஆனால், டெக் உலகில் பெரும்பாலும் இப்படிக் கசியும் செய்திகள் உண்மையானவையாகவே இருந்திருக்கின்றன என்பதுதான் வரலாறு சொல்லும் செய்தி.

 

 

 

 

 

 

 

 

 

 

 

 

 

 

 

நீங்க எப்படி பீல் பண்றீங்க