Published:Updated:

வடகொரியா 3-வது முறையாக அணுகுண்டு சோதனை: ஐ. நா. கண்டனம்!

சியோல்: வடகொரியா 3-வது முறையாக அணுகுண்டு சோதனை நடத்தியுள்ள  நிலையில், ஐ.நா. பொதுச் செயலாளர் பான் கி மூன் மற்றும் அமெரிக்க அதிபர் ஒபாமா  உள்ளிட்டோர் இதற்கு கண்டனம் தெரிவித்துள்ளனர்.

அணு ஆயுதங்களை குவித்து வைத்திருப்பதாக உலக நாடுகளால் குற்றம் சாட்டப்படும்  வடகொரியா, இன்று 3-வது முறையாக அணுகுண்டு சோதனை நடத்தியதை உறுதி  செய்துள்ளது.

ஆனால், 2006, 2009 ஆண்டுகளில் பயன்படுத்தியதைவிட குறைவான சக்தியைக்  கொண்டே இந்த சோதனை செய்யப்பட்டுள்ளதாக வடகொரியா அறிவித்துள்ளது.

வடகொரியா 3-வது முறையாக அணுகுண்டு சோதனை நடத்தியுள்ள நிலையில், ஐ.நா. பொதுச் செயலாளர் பான் கி மூன் மற்றும் அமெரிக்க அதிபர் ஒபாமா உள்ளிட்டோர் இதற்கு கண்டனம் தெரிவித்துள்ளனர். மிகப் பாதுகாப்பாகவும், மிகச்சரியான முறையில் இந்த

##~~##
சோதனை நடத்தப்பட்டது. இந்த  சோதனையால் இயற்கைச் சூழலில் எந்தவித மோசமான விளைவுகளும் ஏற்படவில்லை  என்று வடகொரியா அரசு தெரிவித்துள்ளது.
வடகொரியாவின் இந்த அணுகுண்டு சோதனைக்கு ஐக்கிய நாடுகளின் தலைவர்  பான்-கி-மூன், அமெரிக்க அதிபர் ஒபாமா ஆகியோர் கடும் கண்டனம் தெரிவித்துள்ளனர்.
வடகொரியா இன்று நடத்திய அணுகுண்டு சோதனை ஐ.நா. பாதுகாப்பு சபையின்  தீர்மானங்களுக்கு முற்றிலும் எதிரானது என பான்-கி-மூனின் செய்தித் தொடர்பாளர்  மார்டின் நேசிர்கி தெரிவித்துள்ளார்.