Published:Updated:

பிரபாகரனுக்கு உதவிகளை வழங்கியவர்கள் விவரங்களை வெளியிடுவேன்: கருணா

பிரபாகரனுக்கு உதவிகளை வழங்கியவர்கள் விவரங்களை வெளியிடுவேன்: கருணா
பிரபாகரனுக்கு உதவிகளை வழங்கியவர்கள் விவரங்களை வெளியிடுவேன்: கருணா
பிரபாகரனுக்கு உதவிகளை வழங்கியவர்கள் விவரங்களை வெளியிடுவேன்: கருணா

கொழும்பு: தமிழீழ விடுதலைப் புலிகளின் தலைவர் வேலுப்பிள்ளை பிரபாகரனுக்கு உதவிகளை வழங்கிய நாடுகள் மற்றும் அரசியல்வாதிகள் பற்றிய தகவல்களை வெளியிடப் போவதாக இலங்கை அரசின் பிரதி அமைச்சரான கருணா என்கிற விநாயகமூர்த்தி முரளிதரன் தெரிவித்துள்ளார்.

இது தொடர்பாக அவர் கூறியிருப்பதாவது:

" தமிழீழ விடுதலைப் புலிகளுக்கு உதவி வழங்கிய நபர்கள் பற்றிய முழுமையான விபரங்கள் எனக்கு மட்டுமெ தெரியும். நார்வே, சுவிட்சர்லாந்து உள்ளிட்ட பல நாடுகளுக்கு நான் விஜயம் செய்திருக்கின்றேன்.

409 ரக ஆயுதங்கள் தொடர்பான பட்டியல் ஒன்றை பங்காக் ஹோட்டல் ஒன்றில் வைத்து ஐயர் என்ற நபருக்கு நானே வழங்கினேன். இந்தப் பட்டியலை வழங்குமாறு பிரபாகரன் என்னை பணித்தார். நார்வே ஆயுத நிறுவனங்களுக்கும் நான் விஜயம் செய்திருந்தேன். கண்ணாடி மாளிகைகளிலிருந்து கற்களை எறிய வேண்டாம் என அரச சார்பற்ற நிறுவனங்களிடம் கேட்கின்றேன்.

##~~##
அரச சார்பற்ற நிறுவனங்களும் புலிகளக்கு உதவிகளை வழங்கியிருந்தன. துப்பாக்கி துளைக்காத பிராடோ ரக வாகனமொன்றை அரச சார்பற்ற நிறுவனமொன்று பிரபாகரனுக்கு வழங்கியிருந்தது" என்று கூறியுள்ளார்.
கருணாவிடம்  விசாரணை நடத்துமாறு மனித உரிமை கண்காணிப்பகம் அண்மையில் கூறியிருந்தது.இந்நிலையிலேயே  அவர் இவ்வாறு கூறியுள்ளார்.