Published:Updated:

இனி உலகத்தின் வளர்ச்சி இயந்திரம் இந்தியாதான்!

இனி உலகத்தின் வளர்ச்சி இயந்திரம் இந்தியாதான்!
பிரீமியம் ஸ்டோரி
இனி உலகத்தின் வளர்ச்சி இயந்திரம் இந்தியாதான்!

இனி உலகத்தின் வளர்ச்சி இயந்திரம் இந்தியாதான்!

இனி உலகத்தின் வளர்ச்சி இயந்திரம் இந்தியாதான்!

இனி உலகத்தின் வளர்ச்சி இயந்திரம் இந்தியாதான்!

Published:Updated:
இனி உலகத்தின் வளர்ச்சி இயந்திரம் இந்தியாதான்!
பிரீமியம் ஸ்டோரி
இனி உலகத்தின் வளர்ச்சி இயந்திரம் இந்தியாதான்!

ஹலோ வாசகர்களே..!

இனி உலகத்தின் வளர்ச்சி இயந்திரம் இந்தியாதான்!



‘அடுத்த 30 ஆண்டுகளுக்கு உலகப் பொருளாதார வளர்ச்சியின் இயந்திர மாக இருக்கப்போவது இந்தியாதான்’ என்று மதிப்பிட்டிருக்கிறது சர்வதேச நாணய நிதியம் எனப்படும் இன்டர்நேஷனல் மானிட்டரி ஃபண்ட். அடுத்த இரண்டு ஆண்டுகளில் நம் நாட்டின் பொருளாதார வளர்ச்சியானது எப்படி இருக்கும் என அந்த அமைப்பு விரிவான  அறிக்கையை வெளியிட்டிருக்கிறது. இந்த அறிக்கையில் நமது எதிர்கால வளர்ச்சியை நினைத்து நாமே பெருமைப் படுகிற அளவுக்கு பல விஷயங்கள் உள்ளன.

உலக அளவில், பொருள்களை வாங்கும் சக்திக்கான சமநிலையானது (purchase power parity) இந்தியாவுக்கு 15% என்கிற அளவில் இருக்கிறது. இந்த விஷயத்தில் அமெரிக்கா, சீனாவுக்கு அடுத்தபடியாக உலக அளவில் நாம் இருக்கிறோம். இந்தியாவில் உழைத்துச் சம்பாதிக்கும் வயதினரின் எண்ணிக்கை குறையத் தொடங்குவதற்குக் குறைந்தது முப்பது ஆண்டுகளாவது ஆகும். இந்த முப்பது ஆண்டு காலத்தில் இந்தியப் பொருளாதாரம் மிகச் சிறப்பாகச் செயல்படுவதன்மூலம் அண்மைக் காலங்களில் சீனா கண்ட பொருளாதார வளர்ச்சியைப்போல, இந்தியாவும் காண முடியும் என்று சொல்லியிருக்கிறது ஐ.எம்.எஃப்.

உலக அளவில் இன்று பல நாடுகளுக்கு இல்லாத பாசிட்டிவான விஷயங்கள் இந்தியாவுக்கு இருப்பதால், அடுத்த ஐந்து முதல் பத்து ஆண்டு களில் நமது ஜி.டி.பி வளர்ச்சியானது இரட்டை இலக்கத்தை எட்டும் என நம்மால் எதிர்பார்க்க முடியும் என்றாலும், இந்த வளர்ச்சியை அடைவதற்கு மூன்று முக்கியமான சீர்திருத்தங்களை நாம் செய்தாக வேண்டும்.

முதலாவதாக, தொழில் வளர்ச்சிக்கான சூழலை இன்னும் சிறப்பானதாக மாற்ற வேண்டும். அனுமதி வழங்குவதில் தொடங்கி, இடவசதி, மின்வசதி எனப் பலவும் எளிதில் நமக்குக் கிடைக்க வேண்டும். இதில் லஞ்சம் என்கிற பேச்சு அறவே ஒழிக்கப்பட வேண்டும். உள்கட்டமைப்பு வசதிகள் மிகப் பெரிய அளவில் பெருக்கப்பட வேண்டும். இன்றும் நம்மூரில் நல்ல சாலை வசதிகள் இல்லை. நெடுஞ்சாலைகளின் தரம் மிகப்பெரிய அளவில் உயர்த்தப்பட வேண்டியுள்ளது. விவசாயத்துக்கான நீர்நிலைகளை நவீன மயமாக்க வேண்டியுள்ளது. வாங்கும் விலையில் எல்லோருக்கும் வீடு என்பது இனிமேல்தான் நிஜமாக வேண்டியுள்ளது. எல்லாவற்றுக்கும் மேலாக, அனைவருக்கும் வேலைவாய்ப்பினைத் தர நடவடிக்கை எடுக்க வேண்டும்.

ஏற்கெனவே நாம் செய்திருக்கவேண்டிய, ஆனால் இதுவரை நாம் செய்யாத முக்கியமான சீர்திருத்தங்களை இனியாவது அதிவேகத்தில் செய்யத் தொடங்குவதுதான் சரியான விஷயமாகும். உலகின் மற்ற நாடுகள் நம்மைவிட மோசமான வளர்ச்சி கண்டுவரும் வேளையில், நாம் மிகப் பிரமாதமாக வளர்ந்துகொண்டிருக்கிறோம் என்றால், அந்த வளர்ச்சி வேகத்தை அதிகப்படுத்தத் தேவையான நடவடிக்கைகளை நாம் எடுக்கத் தவறக்கூடாது. அப்படித் தவறும்பட்சத்தில், நாம் பொன்னான வாய்ப்பினை இழந்தத் தவறினைச் செய்தவர்களாகிவிடுவோம்!

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism