Published:Updated:

கச்சா எண்ணெய் விலையேற்றம்...என்ன காரணம்?

ஒட்டுமொத்த விகடனுக்கும் ஒரே ஷார்ட்கட்

Use App
கச்சா எண்ணெய் விலையேற்றம்...என்ன காரணம்?
கச்சா எண்ணெய் விலையேற்றம்...என்ன காரணம்?

கச்சா எண்ணெய் விலையேற்றம்...என்ன காரணம்?

பிரீமியம் ஸ்டோரி

ர்வதேச சந்தையில் கச்சா எண்ணெய் விலை சரசரவென்று உயர்ந்து, இப்போது கொஞ்சம் இறங்கியிருக்கிறது. கடந்த சில மாதங் களாக ஏற்றத்தின் போக்கிலேயே கச்சா எண்ணெய் விலை இருந்தது. கடந்த பிப்ரவரியில் பிரென்ட் கச்சா எண்ணெய்  விலை பேரல் 62 டாலர்களாக இருந்தது. அப்போது உயரத் தொடங்கி, அதிகபட்ச மாக 86 டாலர் வரை சென்றது. இதே வேகத்தில் கச்சா எண்ணெய் விலை உயர்ந்தால், பேரல் 100 டாலரை எட்டிவிடும் என்கிற பேச்சுதான் கடந்த வாரம் இருந்தது. அந்தப் பேச்சு வாரத்தின் கடைசியில் கொஞ்சம் குறைந்திருக்கிறது.

விலையேற்றத்திற்கான காரணங்கள்

ஈரான் மீது நவம்பர் 4-ம் தேதி முதல் பொருளாதாரக் கட்டுப்பாடுகளை அமல்படுத்த அமெரிக்கா திட்டமிட்டுள்ளது. ஈரான் நாட்டி லிருந்து வர்த்தகத் தொடர்பைத் துண்டித்துக்கொள்ளுமாறு, உலகின் மற்ற நாடுகளுக்கு அமெரிக்கா நிபந்தனை விதித்திருப்பது, ஈரானிலிருந்து எண்ணெய் இறக்குமதி செய்யும் இந்தியா உள்ளிட்ட நாடுகளுக்குப் பெரிய சிக்கல்களைத் தோற்றுவித்துள்ளன. இதன் காரணமாக, ஈரான் ஏற்றுமதி செய்யக்கூடிய கச்சா எண்ணெய், சர்வதேச அளவிலான மொத்தத் தேவையில் பங்களிக்க முடியாத சூழ்நிலை உருவாக வாய்ப்பிருப்பதாகக் கருதப்படுவதால், விலையேற்றம் என்பது தவிர்க்க இயலாததாகப் பார்க்கப்படுகிறது.

கச்சா எண்ணெய் விலையேற்றம்...என்ன காரணம்?

விலையேற்றம் நீடிக்குமா?

இந்த விலை ஏற்றமானது குறுகிய காலத்திற்கு வேண்டு மானால் அதிகரிக்க வாய்ப்பு இருப்பதாகவும், அடுத்த பத்து ஆண்டுகளுக்குச் சராசரியாக 75 டாலருக்குள்ளாகவே வர்த்தகம் நடைபெறுவதற்கான சாத்தியக்கூறுகள் இருப்பதாகவும் பல்வேறு ஆய்வுக் கணிப்புகள் தெரிவிக் கின்றன. எனவே, கச்சா எண்ணெய் இன்னொருமுறை 100 டாலர்களைத் தொடுவதற்கு முகாந்திரம் தற்போதைய சூழ்நிலையில் இல்லை என்றும் சொல்லப்படுகின்றன. ஏன் இப்படிச் சொல்கிறார்கள் என்பதற்கான காரணம் இனி...

கச்சா எண்ணெய் விலையேற்றம்...என்ன காரணம்?

அதிகரித்த ஏற்றுமதி

கடந்த பத்து ஆண்டுகளில் கச்சா எண்ணெய் வர்த்தகம் நிறைய மாற்றங்களைச் சந்தித்துள்ளன. அமெரிக்காவின் கச்சா எண்ணெய் ஏற்றுமதி, இறக்குமதியில் மிகப் பெரிய மாற்றம் நடைபெற்றுள்ளது. 

2010-ம் ஆண்டுக்குப்பிறகு இறக்குமதி குறைந்து வருவதையும், அதேபோல் 2010-ம் ஆண்டுக்குப்பிறகு தொடர்ச்சியாக ஏற்றுமதியை அதிகரித்து வருவதையும் முன்பக்கம் உள்ள வரைபடம் விளக்குகிறது. 2020-ம் ஆண்டில் ஏற்றுமதியானது ஒரு நாளைக்கு நான்கு மில்லியன் பேரல்கள் என்ற அளவிற்கு அதிகரிக்கும் என எதிர்பார்க்கப்படுகிறது.

அமெரிக்காவின் ஏற்றுமதியானது, யு.கே, பிரான்ஸ், நெதர்லாந்து, இத்தாலி மற்றும் இதர நாடுகளுக்கு 2014-ம் ஆண்டை ஒப்பிடும்போது, 2017-ம் ஆண்டில் ஆறு மடங்கு அதிகரித்துள்ளது. ஆகையால், உலகத் தேவைக்கு ஈரானின் பங்களிப்பு தற்சமயம் குறைந்தாலும், வரும் காலத்தில் அதிகரிப்பதால், தற்போது நிலவுகிற தட்டுப்பாடு என்பது நீண்ட நாளைக்கு நீடிக்க வாய்ப்பில்லை.

கச்சா எண்ணெய் விலையேற்றம்...என்ன காரணம்?

முந்தைய காலத்தில், அமெரிக்கா தன்னுடைய கச்சா எண்ணெய் பயன்பாட்டு அளவைக் காட்டிலும், உற்பத்தி அளவு குறைவாக இருந்ததன் காரணமாக, விலை உயர்ந்து காணப்பட்ட தருணங்களில் எல்லாம் பொருளாதாரம் தேக்க நிலையில் காணப்பட்டதாகவும், தற்போது விலை சரிந்துள்ள நிலையில், அமெரிக்க மக்களின் செலவினங்கள் அதிகரித்து, அதன் தாக்கம் ஜி.டி.பி-யில் 0.7% என்ற அளவிற்கு உயர்ந்துள்ளது என்பது வல்லுநர்களின் கருத்தாக இருக்கிறது.அதனால்தான், அமெரிக்காவும் ஒபெக் கூட்டமைப்பை கச்சா எண்ணெய்யின் விலையைக் கட்டுக்குள் வைத்திருக்க வேண்டும் என்று கேட்டுக்கொண்டுள்ளது.

அதிகரிக்கும் கையிருப்பு

கடந்த அக்டோபர் 5-ம் தேதியுடன் முடிவடைந்த காலத்தில் அமெரிக்காவின் கையிருப்பு பற்றிய புள்ளிவிவரம் வெளியிடப் பட்டது. அதில் 2.6 மில்லியன் பேரல்கள் அதிகரித்திருக்கும் என்று சந்தை எதிர்பார்த்த நிலையில், 9.7 மில்லியன் பேரல்கள் அதிகரித்து 410.7 மில்லியன் பேரல்களாக அறிவிக்கப்பட்டதைத் தொடர்ந்து விலை இறக்கம்கண்டது. இது வரக்கூடிய வாரங்களிலும் தொடரும் என எதிர்பார்க்கப்படுகிறது.

கச்சா எண்ணெய் விலையேற்றம்...என்ன காரணம்?

மேலே உள்ள அட்டவணையின்படி, 2015-ம் ஆண்டில் உபரியாக இருந்த கச்சா எண்ணெய் படிப்படியாகக் குறைந்து, அடுத்த இரண்டு ஆண்டுகளில் உற்பத்தியைவிட தேவை அதிகரிக்கக்கூடும் என்று கருதப்பட்டாலும், அமெரிக்க – சீன வர்த்தகப் போரின் காரணமாக, சீனாவின் பொருளாதாரத்தில் தேக்கம் வரும் என எதிர்பார்க்கப்படுகிறது.

இதனால், வருங்காலத் தேவை அதிகரிப்பானது, மீண்டும் குறைந்து சமநிலைக்கு வருவதற்குச் சாத்தியக்கூறுகள் இருப்பதாகப் பார்க்கப்படுவதால், கச்சா எண்ணெய் விலை மேலும் உயர வாய்ப்பில்லை என்று எதிர்பார்க்கலாம்.

- ஷியாம் சுந்தர், கமாடிட்டி நிபுணர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு