Published:Updated:

`டிரெஸ்ஸிங் ரூமில் அத்துமீறினார்' - ட்ரம்ப் மீது பாலியல் குற்றச்சாட்டு தெரிவித்த பத்திரிகையாளர்!

மலையரசு
`டிரெஸ்ஸிங் ரூமில் அத்துமீறினார்' - ட்ரம்ப் மீது பாலியல் குற்றச்சாட்டு தெரிவித்த பத்திரிகையாளர்!
`டிரெஸ்ஸிங் ரூமில் அத்துமீறினார்' - ட்ரம்ப் மீது பாலியல் குற்றச்சாட்டு தெரிவித்த பத்திரிகையாளர்!

அமெரிக்க அதிபர் ட்ரம்ப் மீது மீண்டும் ஒரு பாலியல் குற்றச்சாட்டு எழுந்துள்ளது.

`டிரெஸ்ஸிங் ரூமில் அத்துமீறினார்' - ட்ரம்ப் மீது பாலியல் குற்றச்சாட்டு தெரிவித்த பத்திரிகையாளர்!

அமெரிக்க அதிபர் ட்ரம்ப், தொழிலதிபராக இருந்த காலகட்டத்தில், பல பெண்களுக்கு பாலியல்ரீதியாகத் தொல்லைகொடுத்துள்ளார் எனப் பாதிக்கப்பட்ட பெண்கள் இணைந்து, கடந்த 2017-ம் ஆண்டு பொதுவெளியில் குற்றம் சுமத்தினர். இந்தக் குற்றச்சாட்டுக்கு ஆதாரம் ஏதும் இல்லை என அமெரிக்காவின் வெள்ளை மாளிகை வட்டாரம் தெரிவித்துவந்தது. இந்நிலையில், ட்ரம்ப் மீது மீண்டும் ஒரு பாலியல் குற்றச்சாட்டு எழுந்துள்ளது. தற்போது பாலியல் குற்றச்சாட்டு தெரிவித்திருப்பவர், அமெரிக்காவின் பிரபல பெண் பத்திரிகையாளரான இ ஜீன் கர்ரோல். நியூயார்க் பத்திரிகையில் ட்ரம்ப்பின் மீதான பாலியல் குற்றச்சாட்டை முன்வைத்துள்ளார். 

அதில், ``1996-ம் ஆண்டின்போது, டிபார்ட்மென்ட் ஸ்டோர் ஒன்றில் உடை மாற்றும் அறைக்குள் அத்துமீறி நுழைந்து, தன்னிடம் பாலியல் அத்துமீறலில் ட்ரம்ப்  ஈடுபட்டார். ட்ரம்ப் குறித்த இதுபோன்ற பல விஷயங்களை விரைவில் தான் வெளியிட உள்ள 'hideous men' என்ற புத்தகத்தில் எழுதி உள்ளதாகவும் கூறி, புதிதாக ஒரு குண்டை வீசியுள்ளார். மேலும், ``இந்த விவகாரத்தில் இதுவரை அமைதியாக இருந்தது தனக்கு குற்ற உணர்ச்சியாக இருந்தது. அதனால்தான் தற்போது இதைத் தெரிவித்துள்ளேன்" என்று கூறியுள்ளார்.

`டிரெஸ்ஸிங் ரூமில் அத்துமீறினார்' - ட்ரம்ப் மீது பாலியல் குற்றச்சாட்டு தெரிவித்த பத்திரிகையாளர்!

இந்தக் குற்றச்சாட்டை திட்டவட்டமாக மறுத்துள்ள ட்ரம்ப், “இது ஒரு போலி செய்தி என்பது மட்டுமல்ல, கர்ரோல் என்பவரைத் தனது வாழ்நாளில் பார்த்ததே இல்லை. இது முற்றிலும் தவறான தகவல். அவர் கூறும் குற்றச்சாட்டுக்கு ஆதாரமாக ஏதாவது ஒரு வீடியோ பதிவோ வேறு சாட்சிகளோ இருக்கிறதா?  தனது புதிய புத்தகத்தை விற்பதற்காக இதுபோன்ற மலிவான விளம்பர யுக்தியை அந்தப் பெண் கையாள்கிறார்" என்று கடுமையாகச் சாடியுள்ளார். இது, புதிய சர்ச்சையை ஏற்படுத்தியுள்ளது.

Vikatan