Published:Updated:

ஹெச்1பி விசாவுக்குத் தடை... ‘‘இந்த உத்தரவு தேர்தலுக்கானதே!’’

அமெரிக்க அதிபர் ட்ரம்ப்
பிரீமியம் ஸ்டோரி
அமெரிக்க அதிபர் ட்ரம்ப்

அமெரிக்காவில் உள்ளூர் ஊழியர்களுக்கு பேக்கேஜ் வைத்திருக்கின்றனர். அது நிரந்தரமானது.

ஹெச்1பி விசாவுக்குத் தடை... ‘‘இந்த உத்தரவு தேர்தலுக்கானதே!’’

அமெரிக்காவில் உள்ளூர் ஊழியர்களுக்கு பேக்கேஜ் வைத்திருக்கின்றனர். அது நிரந்தரமானது.

Published:Updated:
அமெரிக்க அதிபர் ட்ரம்ப்
பிரீமியம் ஸ்டோரி
அமெரிக்க அதிபர் ட்ரம்ப்
அமெரிக்க அதிபர் ட்ரம்ப், 2016-ம் ஆண்டு தேர்தல் பிரசாரத்திலிருந்தே வெளிநாட்டிலிருந்து குடியேறியவர்களுக்கு எதிரான நிலைப்பாட்டை வெளிப் படுத்தி வந்தார். கடந்த ஏப்ரல் மாதம் கொரோனாவைக் காரணம் காட்டி, புதிதாக மக்கள் அமெரிக்காவில் குடியேறுவதற்கு 60 நாள்கள் தடைவிதித்தார். தற்போது மீண்டும் கொரோனாவால் ஏற்பட்ட பொருளாதார வீழ்ச்சியைக் காரணம் காட்டி, ஜூன் 24 முதல் டிசம்பர் 31 வரை வெளிநாட்டினர் அமெரிக்காவில் பணிபுரிவதற்கு வழங்கப்படும் சிறப்பு விசாவான H1B விசா உட்பட பல தற்காலிக விசாக்களுக்குத் தடைவிதித்துள்ளார்.
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கொரோனாவால் ஏற்பட்ட பொருளாதாரச் சரிவால் 5.7 கோடி அமெரிக்கர்களின் வேலை பறிபோகும் நிலை ஏற்பட்டுள்ளது. ஏற்கெனவே மே மாதம் வரை மட்டுமே 3.74 கோடி அமெரிக்கர்கள் வேலை இழந்தவர்களுக்கான நிதியுதவிக்கு விண்ணப்பித்துள்ளனர். அமெரிக்காவில் வேலையின்மை தற்போது 23.9 சதவிகிதத்தை எட்டியுள்ளது. இந்நிலையில், அமெரிக்க நிறுவனங்கள் வெளிநாட்டினரைப் புதிதாக வேலைகளில் பணியமர்த்துவதைத் தடுக்கவே இந்த தடை உத்தரவு. இதன் மூலம், 5,25,000 வேலைவாய்ப்புகள் அமெரிக்க தொழிலாளர்களுக்குக் கிடைக்கும் என்று நம்பப்படுகிறது. அமெரிக்க அரசின் இந்த முடிவை அமெரிக்காவிலுள்ள பெரிய நிறுவனங்கள் தொடர்ந்து எதிர்த்துவருகின்றன.

அமெரிக்க அதிபர் ட்ரம்ப்
அமெரிக்க அதிபர் ட்ரம்ப்

அமெரிக்காவில் ஒவ்வொரு வருடமும் 85,000 H1B விசாக்கள் வழங்கப்படுகின்றன. இவற்றில் 60,000 விசாக்களை இந்தியர்களே பெறுகின்றனர். அவர்களிலும் பெரும்பாலானோர் ஐ.டி துறையில் பணியாற்றுபவர்கள். `இந்த ஆறு மாத தடைக்காலத்தில் குறைந்தபட்சம் 30,000 இந்தியர்கள் பாதிக்கப்படுவார்கள்’ என்கிறார்கள் ஐ.டி துறை வல்லுநர்கள். இந்த முடிவால் அமெரிக்காவுக்கும் சில பாதகங்கள் இருக்கின்றன. STEM (Science, Technology, Engineering, Mathematics) துறைகளில் அமெரிக்கப் பணி யாளர்கள் குறைவு. இதனால், கூகுள், அமேஸான், ஃபேஸ்புக், மைக்ரோசாஃப்ட் போன்ற தொழில்நுட்ப நிறுவனங்கள் H1B விசா தொழிலாளர்களையே பெரிதும் சார்ந்துள்ளன.

அனைத்திந்திய ஐ.டி தொழிலாளர்கள் அமைப்பின் (FITE) தலைவர் பரிமளா, ‘‘அமெரிக்காவில் தேர்தல் வரவிருப்பதால், அதிபர் ட்ரம்ப் H1B விசா தடையைக் கையிலெடுத்திருக்கிறார். இதை அரசியல் கண்ணோட்டத்தில்தான் ட்ரம்ப் அரசு பார்க்கிறது. மேலும், `இந்தத் தடை மூலம் அமெரிக்கர்களுக்கு வேலை கிடைக்கும்’ என அந்த அரசு நம்புகிறது. இது சரியான முறை அல்ல. அமெரிக்காவில் இந்தியர்கள் அளவுக்கு திறன்வாய்ந்த பணியாளர்கள் இல்லை என்ற காரணத்தால்தான் அமெரிக்க நிறுவனங்கள் இந்தியர்களைத் தேர்ந்தெடுக்கிறார்கள். இதனால் தொழில்நுட்ப நிறுவனங்கள் இந்தத் தடைக்கு எதிராக வழக்கு தொடரவும் திட்டமிட்டுள்ளன.

அமெரிக்காவில் உள்ளூர் ஊழியர்களுக்கு பேக்கேஜ் வைத்திருக்கின்றனர். அது நிரந்தரமானது. இந்தியர்கள் வேலைக்குச் செல்லும்போதே அந்த விதிமுறைகளுக்கு உட்படாமல் கணிசமான பேக்கேஜ் அடிப்படையில்தான் போகவே செய்கிறர்கள். இந்தியர்களுக்கு நிறுவனங்களும் தரத் தயாராக இருக்கின்றன. எனவே, அமெரிக்கர்களைவிட இந்தியர்கள் அதிக சம்பளம் வாங்குகின்றனர். இந்தியர்களைவிட குறைந்த சம்பளத்தில் அமெரிக்கர்கள் கிடைப்பார்கள் என்பதால், ஒருசில நிறுவனங்கள் உள்ளூர் தொழிலாளர்களைப் பணியமர்த்தும் திட்டத்திலும் உள்ளன. அமெரிக்காவிலிருக்கும் இன்ஃபோசிஸ் இதை ஏற்கெனவே செய்யத் தொடங்கிவிட்டது. இந்த விசா தடை ஆறு மாத காலத்துக்குத்தான் என்பதால், இந்தியர்களுக்குப் பெரிய பாதிப்பு ஏற்படாது. அமெரிக்காவில் திறன்வாய்ந்த பணியாளர்கள் உருவாவதற்கு நீண்டகாலம் எடுக்கும் என்பதால், அதிக நாள்கள் இந்தத் தடையை அவர்களாலும் நிச்சயம் நீட்டிக்க முடியாது. இந்த உத்தரவு தேர்தலுக்கானதே’’ என்றார்.