Published:Updated:

நியூஸ் எம்பஸி

நியூஸ் எம்பஸி
பிரீமியம் ஸ்டோரி
News
நியூஸ் எம்பஸி

ரஷ்யாவில் அதிபர் விளாடிமிர் புதினுக்கும் அவரின் தீவிர எதிர்ப்பாளரான அலெக்ஸி நாவல்னிக்குமான பிரச்னை பூதாகரமாகி வருகிறது

கொரோனா நெருக்கடிக்கு மத்தியில், கோத்தன்பெர்க் ஃபிலிம் ஃபெஸ்டிவல் குழு, போட்டி ஒன்றை அறிவித்தது. அந்தப் போட்டியில் வெல்லும் நபர், ஸ்வீடன் கடலிலிருக்கும் ஹம்னெஸ்கர் (Hamneskar Island) என்ற குட்டித்தீவிலுள்ள பேட்டர் நோஸ்டர் (Pater Noster) கலங்கரை விளக்கத்தில் ஒரு வாரத்தைக் கழிக்கலாம். படவிழாவுக்கு வந்திருக்கும் 60 படங்களைத் தனிமையில் ரசிக்கலாம்.

நியூஸ் எம்பஸி
நியூஸ் எம்பஸி
நியூஸ் எம்பஸி

ஒரே விதிமுறை... செல்போன், புத்தகம் எதற்கும் அனுமதியில்லை! இந்தப் போட்டியில் உலக சினிமா ரசிகர்கள் 12,000 பேரை வீழ்த்தி, கோத்தன்பெர்கை அடுத்த சிறிய நகரைச் சேர்ந்த லிசா என்ரோத் (Lisa Enroth) என்ற நர்ஸ் வென்றிருக்கிறார். கொரோனா வார்டுகளில் பணியாற்றிய அனுபவம்மிக்க லிசா, ``உலகிலேயே மிகவும் வித்தியாசமான அனுபவத்தை உணரப்போகிறேன்’’ என்று மகிழ்ச்சி ஸ்டேட்மென்ட் கொடுத்திருக்கிறார். #பாப்கார்ன் உண்டா?

நியூஸ் எம்பஸி

மியான்மரில் மக்களால் தேர்ந்தெடுக்கப்பட்ட அரசைக் கவிழ்த்து, ஆட்சியைப் பிடித்திருக்கிறது டட்மெடாவ் (Tatmadaw) என்றழைக்கப்படும் அந்நாட்டு ராணுவம். கடந்த நவம்பரில் நடந்த தேர்தலின்போது மிகப்பெரிய அளவில் முறைகேடு நடைபெற்றதாகக் குற்றம்சாட்டி வந்த ராணுவம், ஆங் சாங் சூகி, அதிபர் வின் மின்ட் உள்ளிட்ட தேசிய ஜனநாயக லீக் கட்சியின் முக்கியப் பிரமுகர்களை பிப்ரவரி 1-ம் தேதி அதிகாலையில் கைதுசெய்திருக்கிறது. மியான்மரில் அடுத்த ஓராண்டுக்கு அவசரநிலை அமல் செய்யப்பட்டிருக்கிறது. #மீண்டும் ராணுவ ஆட்சி!

நியூஸ் எம்பஸி

ரஷ்யாவில் அதிபர் விளாடிமிர் புதினுக்கும் அவரின் தீவிர எதிர்ப்பாளரான அலெக்ஸி நாவல்னிக்குமான பிரச்னை பூதாகரமாகி வருகிறது. கொலை முயற்சியிலிருந்து தப்பி ஜெர்மனியில் சிகிச்சை பெற்றுவந்த நாவல்னி, ஜனவரி 17-ல் நாடு திரும்பியபோது கைதுசெய்யப்பட்டார். புதின் உத்தரவின் பேரிலேயே தேநீரில் விஷம் கலந்து, தன்னைக் கொல்ல முயற்சி நடந்ததாக நாவல்னி கூறியிருந்தார். இந்தநிலையில், அவரை விடுதலை செய்யக்கோரி மைனஸ் 13 டிகிரி செல்சியஸ் வெப்பநிலையிலும் அவரின் ஆதரவாளர்கள் போராட்டம் நடத்தினர். அப்போது நாவல்னியின் மனைவி யூலியா உட்பட மாஸ்கோ, செயின்ட் பீட்டர்ஸ்பர்க் உள்ளிட்ட நகரங்களில் போராடிய 2,200-க்கும் மேற்பட்டோர் கைது செய்யப்பட்டிருக்கிறார்கள். கைது நடவடிக்கை தவறு என அமெரிக்கா உள்ளிட்ட நாடுகள் கண்டனம் தெரிவித்திருக்கின்றன. #அடக்குமுறை!