Published:Updated:

2 வருடங்களுக்கு பிறகு மீண்டும் சுற்றுலாவுக்காகத் திறக்குமா ஜப்பான் எல்லை! விதிமுறைகள் என்னென்ன?

ஜப்பான்

பல்வேறு சந்தைகளும் மீண்டு வரும் நிலையில் ஜப்பானின் சுற்றுலா துறையின் மீதான தளர்வுகள் எப்போது நீக்கப்படும் எனக் கேள்வி எழுந்தவண்ணம் இருக்கிறது.

2 வருடங்களுக்கு பிறகு மீண்டும் சுற்றுலாவுக்காகத் திறக்குமா ஜப்பான் எல்லை! விதிமுறைகள் என்னென்ன?

பல்வேறு சந்தைகளும் மீண்டு வரும் நிலையில் ஜப்பானின் சுற்றுலா துறையின் மீதான தளர்வுகள் எப்போது நீக்கப்படும் எனக் கேள்வி எழுந்தவண்ணம் இருக்கிறது.

Published:Updated:
ஜப்பான்

ஜப்பானின் எல்லைகள் 2020-ல் மூடப்பட்டதோடு அதன் பிறகு சுற்றுலாவுக்காக திறக்கப்படவில்லை. கடந்த வாரத்தில் 'சோதனை சுற்றுலா' (Test Tourism) என்ற பெயரில் ஜப்பான் வரையறைக்குட்பட்ட எண்ணிக்கையில் பயணிகளை அனுமதிக்கும் திட்டம் ஒன்றைக் கொண்டுவந்தது. ஏற்கெனவே விளிம்பில் இருக்கும் சுற்றுலாவை இன்னும் மோசமான நிலைக்கு இந்தத் திட்டம் கொண்டு செல்லும் என்கின்றனர் அந்த நாட்டின் சுற்றுலா அமைப்பாளர்கள்.

G7 என்று சொல்லப்படுகிற வளர்ந்த பொருளாதார நாடுகள் பலவற்றில் சுற்றுலாவுக்கு அனுமதி அளித்த பிறகும் ஜப்பானின் எல்லைகள் திறக்கப்படாமல் இருப்பது சுற்றுலா பயணிகளுக்கு அதிருப்தியை அளிப்பதாக இருக்கிறது. `சோதனை சுற்றுலா' முறையில் மூன்று நிலையில் தடுப்பூசி செலுத்தியவர்கள் மட்டுமே அனுமதிக்கப்படுவர். குறிப்பாக அமெரிக்கா, ஆஸ்திரேலியா, தாய்லாந்து, சிங்கப்பூர் நாட்டினர் கச்சிதமான திட்டமிடுதலோடு, எப்போதும் ஒரு சுற்றுலா நடத்துனர் உடனிருக்க, சுற்றுலா செல்வதற்கு அனுமதிக்கப்படுவர் என அரசு அறிவித்தது.

ஜப்பான்
ஜப்பான்

2012 முதல் 2019 வரையிலான ஆண்டுகளில் ஜப்பானின் சுற்றுலா துறையின் சந்தை மதிப்பு 31 பில்லியன் அமெரிக்க டாலர் அளவுக்கு இருந்தது. 2019-ல் 3.2 கோடி பயணிகள் வந்து சென்றனர். 2020-ல் டோக்கியோ ஒலிம்பிக்கை முன்னிட்டு பயணிகள் எண்ணிக்கை அதிகரிக்கும் என எதிர்பார்க்கப்பட்டது.

பல்வேறு சந்தைகளும் மீண்டு வரும் நிலையில் ஜப்பானின் சுற்றுலா துறையின் மீதான தளர்வுகள் எப்போது நீக்கப்படும் எனக் கேள்வி எழுந்தவண்ணம் இருக்கிறது. அரசு இதன் மீது கவனம் செலுத்தி சுற்றுலாவை அதிகரிக்க முயற்சி எடுக்க வேண்டும் என கோரிக்கை வைக்கின்றனர் சுற்றுலா அமைப்பாளர்கள்.

சர்வதேச மாணவர்கள், பணியாளர்கள் போன்றோருக்கு ஜப்பானுக்கு வருவதற்கான அனுமதி வழங்கப்பட்டு வருகிறது. தினசரி பயணிகளின் வருகை எண்ணிக்கை 20,000 வரைக்கும் அதிகரிப்பதற்கும் எளிமையான பிசிஆர் சோதனை முறைகள், தனிமைப்படுத்தல் போன்றவற்றில் தளர்வு கொண்டு வரும் முறையும் ஜூன் 1 முதல் நடைமுறைக்கு வரவிருப்பதாக அதிகாரிகள் தெரிவிக்கின்றனர்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism