Published:Updated:

``மகிழ்ச்சியுடன் வாழவே திருமணங்கள் செய்துகொண்டேன்” - இதுவரை 53 பெண்களைத் திருமணம் செய்த சவுதி நபர்

53 பெண்களைத் திருமணம் செய்த முதியவர் ( ட்விட்டர் )

சவுதி அரேபிய நாட்டைச் சேர்ந்த முதியவர் ஒருவர் தன்னுடைய வாழ்நாளில் 53 பெண்களைத் திருமணம் செய்திருக்கிறார்.

``மகிழ்ச்சியுடன் வாழவே திருமணங்கள் செய்துகொண்டேன்” - இதுவரை 53 பெண்களைத் திருமணம் செய்த சவுதி நபர்

சவுதி அரேபிய நாட்டைச் சேர்ந்த முதியவர் ஒருவர் தன்னுடைய வாழ்நாளில் 53 பெண்களைத் திருமணம் செய்திருக்கிறார்.

Published:Updated:
53 பெண்களைத் திருமணம் செய்த முதியவர் ( ட்விட்டர் )

அபு அப்துல்லா (வயது 63) என்பவர் சவுதி அரேபியாவைச் சேர்ந்தவர். இவருக்கு மொத்தம் 53 மனைவிகள் உள்ளனர். அவர் தன்னுடைய வாழ்க்கையின் அனுபவம் குறித்து ஒரு தொலைக்காட்சிக்குப் பேட்டியளித்திருக்கிறார். அந்தப் பேட்டியில், ``நான் 20 வயதில் முதன்முறையாக ஒரு பெண்ணைத் திருமணம் செய்துகொண்டேன். அவர் என்னைவிட ஆறு வயது மூத்தவர். நாங்கள் இருவரும் சந்தோஷமாகவே வாழ்க்கையைத் தொடங்கினோம். ஆனால், எங்களுக்குள் திடீரென மனக்கசப்பு ஏற்பட்டது. இதையடுத்து நான் 2-வது பெண்ணைத் திருமணம்கொண்டேன். சிறிது காலத்தில் 2-வது மனைவியுடனும் கருத்து வேறுபாடு வந்துவிட்டது.

முதல் மனைவிக்கும், 2-வது மனைவிக்கும் என்னுடன் ஒத்துப்போகவில்லை. அதனால், 3-வதாக ஒரு பெண்ணைத் திருமணம் செய்துகொண்டேன். இப்படியே ஒவ்வொரு மனைவியையும் விவாகரத்து செய்துவிட்டு, மொத்தம் 53 திருமணங்கள் வரை செய்துகொண்டேன். ஆனால் நான் சுகத்துக்காகத் திருமணம் செய்துகொள்ளவில்லை. மகிழ்ச்சியுடன் வாழவே திருமணம் செய்துகொண்டேன்'' என்றார்.

அவருடைய பெரும்பாலான திருமணங்கள் சவுதிப் பெண்களுடன் நடந்ததாகத் தெரிவிக்கப்பட்டுள்ளது. தற்போது அவர் தனது சொந்த வேலைக்காக வெளிநாடு பயணம் செய்தபோது ஒரு வெளிநாட்டுப் பெண்ணையும் திருமணம் செய்துகொண்டார். இவருடைய திருமணங்கள் அனைத்தும் அந்நாட்டின் பாரம்பர்ய முறைப்படி நடந்திருக்கிறது என்பது குறிப்பிடத்தக்கது.