Published:Updated:

மாறத்தான் வேண்டும் மரபுகள்!

மேகன்
பிரீமியம் ஸ்டோரி
மேகன்

அரியணை, அலங்காரம், பணம் என எல்லாவற்றுக்கும் மேல் அதுவொரு நிறுவனம். அந்த நிறுவனம்தான் ஒட்டுமொத்த அரியணையையும் ஆட்டிவைக்கிறது

மாறத்தான் வேண்டும் மரபுகள்!

அரியணை, அலங்காரம், பணம் என எல்லாவற்றுக்கும் மேல் அதுவொரு நிறுவனம். அந்த நிறுவனம்தான் ஒட்டுமொத்த அரியணையையும் ஆட்டிவைக்கிறது

Published:Updated:
மேகன்
பிரீமியம் ஸ்டோரி
மேகன்

பிரிட்டிஷ் அரச குடும்பம் தன்னை எப்படியெல்லாம் நடத்தியது என்று மேகன் சமீபத்தில் அளித்த பேட்டி குறித்துதான் உலகம் முழுதும் விவாத வெளிச்சம்!

ஒரு நடிகையாக உலகம் அறிந்த மேகன், பிரிட்டிஷ் இளைய இளவரசர் ஹேரியின் காதலியான பின் அவரின் வாழ்க்கை முற்றிலுமாய் மாறியது. ‘விவாகரத்து பெற்ற பெண்ணை மணக்கிறார்’ என்பதைத் தாண்டி, ‘ஒரு ஆப்ரோ அமெரிக்கப் பெண் பிரிட்டன் அரியணையை ஆக்கிரமிக்கப் போகிறார்’ என்பதுதான் அப்போதைய தலைப்புச் செய்தி. திருமணத்தை அரச குடும்பம் ஏற்றது. ஆனால், எல்லாமே அடுத்தடுத்த மாதங்களில் மாறின. நின்றால் குற்றம், நடந்தால் குற்றம் என மேகனின் மீது ஆயிரம் தடைகள். ‘வில்லியம்ஸின் (ஹேரியின் சகோதரர்) மனைவியான கேட்டியை அழ வைத்தார் மேகன்’ என ஆரம்பித்தவர்கள், கொஞ்சம் கொஞ்சமாய் மேகனின் மகன் ஆர்ச்சியின் நிறம் பற்றியும் பேசத் தொடங்கினர். இதற்கு மேலும் முடியாது என, கடந்த ஜனவரி மாதம் அரியணையை விட்டு வெளியேறினார் மேகன்.

மாறத்தான் வேண்டும் மரபுகள்!
மாறத்தான் வேண்டும் மரபுகள்!

சமீபத்திய பேட்டியில் அரச குடும்பத்தை Firm என்கிற வார்த்தை மூலம் குறிப்பிட்டிருப்பார் மேகன். அரியணை, அலங்காரம், பணம் என எல்லாவற்றுக்கும் மேல் அதுவொரு நிறுவனம். அந்த நிறுவனம்தான் ஒட்டுமொத்த அரியணையையும் ஆட்டிவைக்கிறது. அதன் சொல்படிதான் ராணி முதல் பூமியில் கால் வைத்த அரசவைக் குழந்தை வரை தவழ வேண்டும். பிரிட்டன் அரியணையில் இருப்பவர்கள் எப்படி நடக்க வேண்டும், பேச வேண்டும், சிரிக்க வேண்டும், கைகொடுக்க வேண்டும் என ஒவ்வொன்றுக்கும் மிகப்பெரிய ரூல்புக் வைத்திருக்கிறார்கள்.

ஒபாமா அமெரிக்க அதிபராக இருந்தபோது அரண்மனை மரபுகளை மீறி, மிச்சல் ஒபாமா பிரிட்டிஷ் மகாராணியின் தோளில் கை போட்டு அரவணைத்தது பெரும் சர்ச்சையானது. அதேபோல்தான் ராணியை எப்படிச் சந்திக்க வேண்டும், எப்படி வணக்கம் வைக்க வேண்டும் போன்ற மரபுகள் மேகனையும் வாட்டி வதைத்திருக்கின்றன.

மாறத்தான் வேண்டும் மரபுகள்!

உலகத்தின் பல பகுதிகள் பிரிட்டன் அரச குடும்பத்தின் பிடியிலிருந்து சுதந்திரம் பெற்றுவிட்டன. ஆனாலும் அந்த அரச குடும்பம் மட்டும் இன்னும் ஆண்டை மனோபாவத்தில் இருந்து மாறவில்லை. அதன்மீதுதான் கல்லை எறிந்திருக்கிறார் மேகன்.

மாறத்தான் வேண்டும் மரபுகள்!

மேகன் - ஹேரி பேட்டியில் இருந்து...

குழந்தையின் நிறம்

மேகன்: என் மகனின் நிறம் எவ்வளவு கறுப்பாக இருக்கும் எனப் பேசிக்கொண்டே இருந்தார்கள். அதுகுறித்த அச்சம் அவர்களுக்கு இருந்தது.

தற்கொலை எண்ணங்கள்

மேகன்: என்னால் இதற்குத் தீர்வு காண முடியவில்லை. நான் உயிருடன் இருக்க விரும்பவில்லை.

பிரிட்டனை விட்டு வெளியேறியது

மேகன்: இனியும் என்னால் என் வாழ்வு முழுக்க பயத்துடன் இருக்க முடியாது.

தந்தை சார்லஸ் பற்றி

ஹேரி: என்னுடன் இரண்டு முறை பேசினார். இப்போது அவர் என் அழைப்புகளை ஏற்பதில்லை.

சகோதரர் வில்லியம் குறித்து

ஹேரி: என் தந்தையும் சகோதரரும் என் மற்ற உறவுகளைப் போல இந்த சிஸ்டத்துக்குள் சிக்கிக்கொண்டவர்கள்.