Published:Updated:

மலையுச்சியில் கர்ப்பிணி மனைவியுடன் செல்ஃபி; அடுத்த கணமே தள்ளிவிட்டுக் கொன்ற கணவன் - என்ன காரணம்?!

செல்ஃபி

துருக்கியில், இன்ஷூரன்ஸ் பணத்துக்காக, கர்ப்பிணி மனைவியை 1,000 அடி உயர மலையுச்சியிலிருந்து தள்ளிவிட்டுக் கொலைசெய்த கணவனுக்கு 30 ஆண்டுகள் சிறைத் தண்டனை விதிக்கப்பட்டிருக்கிறது.

மலையுச்சியில் கர்ப்பிணி மனைவியுடன் செல்ஃபி; அடுத்த கணமே தள்ளிவிட்டுக் கொன்ற கணவன் - என்ன காரணம்?!

துருக்கியில், இன்ஷூரன்ஸ் பணத்துக்காக, கர்ப்பிணி மனைவியை 1,000 அடி உயர மலையுச்சியிலிருந்து தள்ளிவிட்டுக் கொலைசெய்த கணவனுக்கு 30 ஆண்டுகள் சிறைத் தண்டனை விதிக்கப்பட்டிருக்கிறது.

Published:Updated:
செல்ஃபி

துருக்கியில், ஹக்கன் அய்சல் (Hakan Aysal) என்பவர், தன்னுடைய மனைவி செம்ரா அய்சலுடன் (Semra Aysal) 1,000 அடி உயர மலையுச்சியில் செல்ஃபி எடுத்த அடுத்த கணமே அவரைக் கீழே தள்ளிவிட்டுக் கொலைசெய்ததற்கு, நீதிமன்றம் 30 ஆண்டுகள் சிறைத் தண்டனை விதித்து உத்தரவிட்டிருந்தது. ஆனால், விசாரணையில் கண்டுபிடிக்கப்பட்ட கொலைக்கான காரணம் பலரையும் அதிர்ச்சியடையவைத்திருக்கிறது.

செல்ஃபி
செல்ஃபி
Pixabay

முன்னதாக கடந்த 2018-ம் ஆண்டு ஜூன் மாதம், துருக்கி மாகாணம் முக்லாவிலுள்ள (Mugla) பட்டர்ஃபிளை பள்ளத்தாக்குக்கு (Butterfly Valley) ஹக்கன், செம்ராவை அழைத்துச்சென்றிருக்கிறார். அப்போது செம்ரா, ஏழு மாத கர்ப்பிணி. செம்ராவும் மலையுச்சிக்குச் செல்ல பயந்திருக்கிறார். ஆனால், ஹக்கன் செல்ஃபி எடுக்கலாம் என ஆசைவார்த்தை கூறி செம்ராவை 304 மீட்டர் உயர உச்சிக்கு அழைத்துச் சென்றிருக்கிறார். அப்போது செம்ராவுடன் செல்ஃபி எடுத்த ஹக்கன், திடீரென யாரும் பார்க்காத நேரத்தில் செம்ராவைக் கீழே தள்ளிக் கொன்றிருக்கிறார்.

கொலை
கொலை
மாதிரிப் படம்

பின்னர் இந்தச் சம்பவம் நடந்த சில நாள்களிலேயே, செம்ராவின் பெயரில் இருந்த 25,000 டாலர் மதிப்பிலான லைஃப் இன்ஷூரன்ஸ் பணத்தை நீதிமன்றத்தில் ஹக்கன் கோரியிருக்கிறார். ஆனால், இதை விசாரித்த ஃபெதியே (Fethiye) உயர் குற்றவியல் நீதிமன்றம், அவரின் மனுவை நிராகரித்தது. பின்னர் இந்த விவகாரத்தில், செம்ராவின் மூத்த சகோதரர் நைம் யோல்கு (Naim Yolcu), ``நாங்கள் உடலைப் பெற தடயவியல் மருத்துவ நிறுவனத்துக்குச் சென்றபோது, ​​​​ஹக்கன் காரில் அமர்ந்திருந்தார். நானும் என்னுடைய குடும்பமும் சோகத்தில் மூழ்கியிருந்தோம். ஆனால் ஹக்கன் சோகமாகக்கூடத் தோன்றவில்லை" எனக் கூறியதாகப் பத்திரிகையில் செய்தி வெளியாக, ஹக்கன் மீது சந்தேகம் மேலும் அதிகரித்திருக்கிறது.

நீதிமன்ற உத்தரவு
நீதிமன்ற உத்தரவு

அதைத் தொடர்ந்து விசாரணையில், செம்ராவின் லைஃப் இன்ஷூரன்ஸ் பணத்துக்காகவே ஹக்கன் அவரை மலையிலிருந்து தள்ளிக் கொலைசெய்திருக்கிறார் எனக் கண்டுபிடிக்கப்பட்டது. அதையடுத்து தற்போது இந்த வழக்கில், ஹக்கனுக்கு 30 ஆண்டுகள் ஆயுள் தண்டனை விதிக்கப்பட்டிருக்கிறது.