Published:Updated:

என்.பி.எஃப்.சி நிறுவனங்களுக்கு நல்ல எதிர்காலம்!

என்.பி.எஃப்.சி நிறுவனங்களுக்கு நல்ல எதிர்காலம்!
பிரீமியம் ஸ்டோரி
என்.பி.எஃப்.சி நிறுவனங்களுக்கு நல்ல எதிர்காலம்!

இண்டோஸ்டார் சி.இ.ஓ ஸ்ரீதர் பேட்டி

என்.பி.எஃப்.சி நிறுவனங்களுக்கு நல்ல எதிர்காலம்!

இண்டோஸ்டார் சி.இ.ஓ ஸ்ரீதர் பேட்டி

Published:Updated:
என்.பி.எஃப்.சி நிறுவனங்களுக்கு நல்ல எதிர்காலம்!
பிரீமியம் ஸ்டோரி
என்.பி.எஃப்.சி நிறுவனங்களுக்கு நல்ல எதிர்காலம்!

.பி.ஓ முடிந்து, திங்கள்கிழமை முதல் பங்குச் சந்தையில் வர்த்தகமாகத் தொடங்குகிறது வங்கிசாரா நிதி நிறுவனமான இண்டோஸ்டார் கேப்பிட்டல் ஃபைனான்ஸ் லிமிடெட் நிறுவனத்தின் பங்கு. இந்த  ஐ.பி.ஓ-வுக்கு 6.6 மடங்குக் கூடுதலாக விண்ணப்பம் வந்ததிலிருந்தே இந்த நிறுவனத்துக்குச் சந்தையில் இருக்கும் வரவேற்பைப் புரிந்துகொள்ளலாம். இந்த நிறுவனத்தின் ஐ.பி.ஓ வெளியீட்டினை ஒட்டி, சென்னை வந்திருந்த இண்டோஸ்டார் நிறுவனத்தின் சி.இ.ஓ ஸ்ரீதர் நமக்களித்த பேட்டி இனி... 

என்.பி.எஃப்.சி நிறுவனங்களுக்கு நல்ல எதிர்காலம்!

இண்டோஸ்டார் நிறுவனத்தைப் பற்றிச் சொல்லுங்களேன்.

‘‘பிரைவேட் ஈக்விட்டி நிறுவனமான எவர் ஸ்டோன், தனது பார்ட்னர்களான கோல்ட்மேன் சாக்ஸ், தைவான் பேங்க் போன்ற சில பெரிய நிறுவனங்களுடன்  சேர்ந்து 2011-ல் இந்தியாவில் ரூ.900 கோடி முதலீட்டுடன் இண்டோஸ்டாரைத் தொடங்கியது. ஆரம்பத்தில் கிஷோர் பியானியுடன் கூட்டுச் சேர்ந்து தொழில் செய்ய ஆரம்பித்த இந்த நிறுவனம், பிற்பாடு பிரிந்துவிட்டது. என்றாலும், பெரிய நிறுவனங்களுக்கு கார்ப்பரேட் கடனைத் தந்து வந்தது இண்டோ ஸ்டார் நிறுவனம். கடந்த ஆறு ஆண்டுகளில் ஏறக்குறைய ரூ.23,000 கோடியைக் கடனாகத் தந்து, ரூ.18,000 கோடியைத் திரும்பப் பெற்று, ரூ.5,000 கோடியைத் தற்போது வைத்துள்ளது. இதில் ஆச்சர்யம் என்னவென்றால், ஒரு ரூபாய்கூட வாராக் கடன் ஆனதில்லை என்பதே. இந்தக் கடன் மூலம் ரூ.350 கோடி லாபம் வந்தது. கார்ப்பரேட் நிறுவனங்களுக்குக் கடன் தந்து, ஓரளவுக்கு லாபம் பார்த்துவிட்டு,  ரீடெயில் கடன் வழங்கும் தொழிலில் தற்போது இறங்கியுள்ளது.

இந்த நிறுவனத்தின் சி.இ.ஓ-வாக நான் கடந்த ஆண்டு பதவியேற்றுக் கொண்டேன். ஸ்ரீராம் ட்ரான்ஸ்போர்ட் ஃபைனான்ஸ் கம்பெனியில் எனக்கு 30 வருட அனுபவம் உண்டு. இருபது ஆண்டுகளுக்கு முன்பு, ‘பழைய வாகனங்களை வாங்கக் கடன் தருவது ரிஸ்க்கான பிசினஸ்; அப்படிக் கடன் தந்தால், அந்தப் பணம் திரும்ப வராது’ என்று எல்லோரும் நினைத்ததால், ஸ்ரீராம் ட்ரான்ஸ்போர்ட் நிறுவனத்துக்கு வங்கிகளில் கடன் கிடைக்கவில்லை. கிரெடிட் ரேட்டிங் நிறுவனங்களிடமிருந்து நல்ல ரேட்டிங்கும் கிடைக்கவில்லை.

என்றாலும், நாங்கள் சரியானவர்களுக்குக் கடன் தந்து, அந்தப் பணத்தைச் சரியாகத் திரும்பப் பெற்று, அந்த நிறுவனத்தை வளர்த்தெடுத்தோம். 2000 ஆண்டில் நான் அந்த நிறுவனத்தின் நிர்வாக இயக்குநரானபோது அந்த நிறுவனம் ரூ.2,500 கோடி அளவுக்கு மட்டுமே கடன் தந்திருந்தது. என் முதலாவது ஐந்து வருட முடிவில் அது ரூ.5,000 கோடியாக உயர்ந்தது. இரண்டாவது ஐந்தாண்டு முடிவில் அது ரூ.50,000 கோடியாக உயர்ந்தது. என்னுடைய இந்த அனுபவத்தை அடிப்படையாக வைத்து, ரீடெயில் தொழிலை இன்னும் பெரிய அளவில் கொண்டுசெல்ல வேண்டும் என்பது எவர் ஸ்டோன் நிறுவனத்தின் எண்ணம்.’’

ரீடெயில் கடன் வழங்கும் தொழிலை எப்படிச் செய்யப் போகிறீர்கள்?

‘‘முதலில் வாகனக் கடனை அதிக அளவில் செய்வதில் கவனம் செலுத்தப்போகிறோம். வாகனக் கடனைப் பொறுத்தவரை, ஃப்ளீட் ஓனர், ஸ்மால் ஃப்ளீட் ஓனர், ஃபர்ஸ்ட் டைம் ஓனர் என மூன்று வகை உள்ளது. இதில் ஃபர்ஸ்ட் டைம் ஓனர் என்கிற பிரிவில் ஸ்ரீராம் ட்ரான்ஸ்போர்ட்தான் மார்க்கெட் லீடர். எனவே, அந்தப் பிரிவை விட்டுவிட்டு, ஃப்ளீட் ஓனர், ஸ்மால் ஃப்ளீட் ஓனர் என்கிற இரண்டு பிரிவுகளில் நல்ல வாய்ப்பு இருப்பதால், நாங்கள் அதில் கவனம் செலுத்தப்போகிறோம். இது தவிர, வீட்டுக் கடன், சிறு, குறு மற்றும் நடுத்தரத் தொழில்களுக்கான கடன் ஆகியவற்றிலும் கவனம் செலுத்தப்போகிறோம். நாடு முழுக்க இதுவரை நாங்கள் நூறு கிளைகளைத் திறந்துவிட்டோம்.’’

வீட்டுக் கடன் மற்றும் சிறுதொழிலுக்கான கடனை எந்த அளவுக்குத் தரப் போகிறீர்கள்?


‘‘சிறுதொழில் கடன், அனைவரும் வாங்கக்கூடிய விலையில் விற்கப்படும் வீடுகளுக்கான கடன் ஆகிய இந்த இரண்டு விஷயங்களில் நாங்கள் கவனம் செலுத்திவருகிறோம். அடுத்த பத்து ஆண்டுகளில் இந்த இரண்டும் அதிக வளர்ச்சி காண்பதாக இருக்கும் என க்ரிசில் (Crisil) நிறுவனம் தெரிவித்திருப்பது நான் செல்லும் பாதை மிகச் சரியானது என்பதையே காட்டுகிறது. 

ரூ.25 கோடி டேர்ன் ஓவர் கொண்ட எஸ்.எம்.இ நிறுவனங்கள் தங்கள் பிசினஸை மேம்படுத்திக்கொள்ள  அதிகபட்சம் ரூ.3 கோடி வரை அடமானக் கடன் தருகிறோம். இதுவரை ரூ.1,500 கோடி வரை தொழில் கடன் தந்திருக்கிறோம்.

வாங்கக்கூடிய விலையில் விற்கப் படும் வீடுகளுக்கான கடனை ரூ.28-30 லட்சம் வரை தருகிறோம். இப்போது டயர் 2 நகரங்களில் இந்தக் கடனுக்கு நல்ல வரவேற்பு இருக்கிறது. சம்பளம் வாங்கும் நபராக இல்லாமல், சுய தொழில் செய்பவர்களுக்கு நாங்கள் இந்தக் கடனைத் தருகிறோம். இந்த இரண்டு வகையான கடன்களும் எங்கள் போர்ட்ஃபோலியோவில் சுமார் 20% வரை இருக்கும்.’’

வங்கி சாராத நிதி நிறுவனங்கள்  (NBFC)  இன்றைக்கு எப்படி இருக்கிறது?


‘‘என்.பி.எஃப்.சி நிதி நிறுவனங்களை இரண்டு வகைகளாகப் பிரிக்கலாம். ஒன்று, ரீடெயிலில் மட்டும் செயல்படு கிறவை. இந்த நிறுவனங்கள்  ஹோல்சேல் முறையில் கடன் தருவதில்லை. சில நிறுவனங்கள் ஹோல்சேல் முறையில் மட்டும் கடன் தருகின்றன. இவை ரீடெயில் முறையில் கடன் தருவதில்லை. ஆனால், நாங்கள் இந்த இரண்டு முறையிலுமே கடன் தருகிறோம்.

தவிர, கடந்த பத்து ஆண்டுகளில் வங்கி சாராத நிதி நிறுவனங்கள் நன்கு வளர்ந்திருக்கிறது. உதாரணமாக, பஜாஜ் ஃபைனான்ஸ் ரூ.1 லட்சம் கோடி வரை கடன் தந்திருக்கிறது. ஸ்ரீராம் ட்ரான்ஸ் போர்ட்டும் ரூ.1 லட்சம் கோடியைத் தொடப்போகிறது. பத்து ஆண்டுகளுக்கு முன்பு இது நினைத்துக்கூட பார்க்க முடியாத தொகை.

என்.பி.எஃப்.சி நிறுவனங்கள் கடன் தரும் தொழிலைத் தொடங்கியபோது, ஒவ்வொரு நிறுவனமும் தனக்கென ஒரு பிரிவைத் தேர்ந்தெடுத்துக் கொண்டது. உதாரணமாக, பஜாஜ் என்றால் வீட்டு உபயோகப் பொருள்கள், ஸ்ரீராம் என்றால் வாகனக் கடன், மணப்புரம் என்றால் தங்க நகை அடமானக் கடன், மஹேந்திரா என்றால் டிராக்டர் கடன் என்று பிரித்துக்கொண்டு கடன் தந்திருக்கிறது. வங்கிகள் மாதிரி எல்லாத் துறைகளுக்கும் கடன் தரவில்லை. இதனால் கடந்த பத்து ஆண்டுகளில் என்.பி.எஃப்.சி நிறுவனங்கள் தங்களுக்குத் தேவையான மூலதனத்தைப் பெறுவதில் நல்ல வளர்ச்சி கண்டிருக்கிறது.

அடுத்த முக்கியமான விஷயம், கடன் வழங்கத்  தேவை யான பணத்தை என்.பி.எஃப்.சி நிறுவனங்கள் முன்பு வங்கி யிடமிருந்துதான் பெற்று வந்தன. இப்போது வங்கியிலிருந்து  கடன் பெறுவது பாதியாகக் குறைந்துவிட்டது. மியூச்சுவல் ஃபண்ட் நிறுவனங்களிடமிருந்து, இன்ஷூரன்ஸ் கம்பெனி களிடமிருந்து கடன் பெறுவது அதிகமாகியிருக்கிறது. முன்பு ரியல் எஸ்டேட்டிலும், தங்கத்திலும் பணம் போட்ட வர்கள், அதிலிருந்து குறைந்த அளவே லாபம் கிடைப்பதைப் பார்த்து, மியூச்சுவல் ஃபண்ட் மற்றும் இன்ஷூரன்ஸில் பணம் போட்டு வருவதால், அந்தப் பணத்தை என்.பி.   எஃப்.சி நிறுவனங்களுக்குக் கடனாகத் தருகின்றன.

இந்த இரண்டு காரணங்களினாலும், வங்கிகள் பெரிய நிறுவனங்களுக்குக் கடன் தந்துவிட்டு, அதைத் திரும்ப வசூலிக்க முடியாமல் அவஸ்தைப்படுகிறது. எனவே, அடுத்த பத்து ஆண்டுகளில் என்.பி.எஃப்.சி நிறுவனங்களுக்கு நல்ல எதிர்காலம் இருக்கும் என்று சொல்ல முடியும்.’’

-ஏ.ஆர்.குமார்

படம்:  பா.காளிமுத்து

ஒட்டுமொத்த விகடனுக்கும் ஒரே ஷார்ட்கட்!

ஸ்ரீராம் நிறுவனத்திலிருந்து விலகியது ஏன்?

‘‘2015-ல்
நான் ஸ்ரீராம் நிறுவனத்திலிருந்து விலகி  டி.பி.ஜி (TPG) நிறுவனத்தில் சேர்ந்தேன். இதற்குப் பெரிய காரணம் எதுவுமில்லை. அந்த நிறுவனத்தில் நான் நீண்ட காலம் வேலை பார்த்துவிட்டதால், நானே சில விஷயங்களைச் செய்து பார்க்க நினைத்தேன். எனக்குள் இருக்கும் தொழில் முனைவருக்கு ஒரு வாய்ப்பு கிடைக்காதா என்று காத்திருந்த போதுதான் இந்த வாய்ப்பு கிடைத்தது. என்றாலும், நான் இன்றும் ஸ்ரீராம் ஓனர்ஷிப் ட்ரஸ்டில் இருக்கிறேன். அந்த நிறுவனத்துடன் எனக்கு எந்தப் பிரச்னையும் இல்லை’’ என்றார் ஸ்ரீதர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism