Published:Updated:

ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!
பிரீமியம் ஸ்டோரி
ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

Published:Updated:
ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!
பிரீமியம் ஸ்டோரி
ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

லகத்தின் முக்கியமான பொருளாதார அமைப்புகள் எல்லாம் இந்தியாவின் எதிர்காலம் எப்படி இருக்கும் என்று கணிப்பதில் கவனம் காட்டி வருகின்றன. அவற்றில் சர்வதேச நாணய நிதியம் (IMF) முக்கியமானது. அடுத்த இரு ஆண்டுகளில் (2018-19, 2019-20) நம் நாட்டின் பொருளாதார வளர்ச்சி எந்தளவுக்கு இருக்கும் என்பது குறித்த இந்த அமைப்பின் மதிப்பீடுகள் தற்போது வெளியாகியுள்ளன. அவற்றிலிருந்து பத்து முக்கியமான விஷயங்களை மட்டும் பார்ப்போம்.

ஐ.எம்.எஃப் மதிப்பீடு... இந்தியப் பொருளாதாரம் சிறப்பாக இருக்கும்!

1. நம் நாட்டின் மொத்த உள்நாட்டு உற்பத்தி நடப்பு 2018-19-ம் நிதியாண்டில் 7.3 சதவிகிதமாகவும், 2019-20-ம் நிதியாண்டில் 7.5 சதவிகிதமாகவும் இருக்கும். இந்த அமைப்பு கடந்த ஆண்டிலேயே இந்தக் கணிப்பினை வெளியிட்டிருந்தது. அந்தக் கணிப்பில் எந்த மாற்றமும் இல்லை என இப்போது மீண்டும் சொல்லியிருக்கிறது.

2. நடப்பு நிதியாண்டில் முதலீடு கள் அதிகரிப்பதற்கான வாய்ப்பு கள் நிறையவே இருப்பதாக   ஐ.எம்.எஃப் சொல்லியிருப்பது மகிழ்ச்சி தரும் பாசிட்டி வான விஷயமாகும். நடப்பு நிதி யாண்டில் நிகர முதலீடு நமது மொத்த ஜி.டி.பி-யில் 30.6 சதவிகிதமாக இருக்கும் என ஐ.எம்.எஃப் ஏற்கெனவே கணித்திருந்தது. அது இந்த ஆண்டு 32.2 சதவிகிதமாக உயரும் என்று இப்போது சொல்லியிருக்கிறது. கடந்த 2014-15-ம் நிதியாண்டில் முதலீட்டுக்கும், ஜி.டி.பி-க்குமான விகிதம் 34.2 சதவிகிதமாக இருந்தது. அப்போது நமது ஜி.டி.பி வளர்ச்சியானது 7.4 சதவிகிதமாக இருந்தது. பொருள்கள் நுகர்வு நமது ஜி.டி.பி-யின் வளர்ச்சி வேகத்தை அதிகப்படுத்துவதில் முக்கியப் பங்கு வகிக்கும் என  ஐ.எம்.எஃப் சொல்லியிருக்கிறது.

3. பல்வேறு பொருள்களின் நுகர்வு வேகமாக அதிகரிக்கும் என்பதால், நடப்பு நிதியாண்டில் நமது சில்லறைப் பணவீக்க விகிதம் 5.2 சதவிகிதமாக இருக்கும் என்று கணிக்கப்பட்டுள்ளது. நமது சில்லறைப் பணவீக்க விகிதம் 4% என்கிற அளவில் மட்டுமே இருக்கும் என மத்திய ரிசர்வ் வங்கி கணித்திருக்கும் அளவைவிட இது அதிகம்தான். எனவே, சில்லறைப் பணவீக்கத்தைக் கட்டுப்படுத்த வட்டி விகிதத்தை உயர்த்தவேண்டிய கட்டாயம் ரிசர்வ் வங்கிக்கு ஏற்படலாம்.

4. கடந்த 2013-14-ம் நிதியாண்டுக்குப்பிறகு ஏற்பட்டுள்ள பொருளாதார வளர்ச்சியால் பணப்புழக்கம் அதிகரிக்கும். இது நடப்பு நிதியாண்டில் 11.4 சதவிகிதமாக உயர வாய்ப்புள்ளது. மேலும், தனியார் துறைக்கு வங்கிகள் வழங்கும் கடன் 13.6 சதவிகிதமாக உயரும் என மதிப்பிடப்பட்டுள்ளது.

5. நடப்பு நிதியாண்டில் நாட்டின் சேமிப்பு நல்ல வளர்ச்சி காணும். ஆனால், மக்களின் சேமிப்பு வளர்ச்சியானது முதலீட்டு வளர்ச்சி அளவிற்கு இருக்காது. 2016-17-ம் நிதியாண்டுடன் ஒப்பிடும்போது சேமிப்பு விகிதம் சற்று குறையவே வாய்ப்புண்டு என ஐ.எம்.எஃப் சொல்லியிருக்கிறது. உள்நாட்டு சேமிப்பு விகிதம் மற்றும் முதலீட்டு விகிதத்திற்கான இடைவெளி காரணமாக நடப்புக் கணக்குப் பற்றாக்குறை அதிகரிக்கும்.

மொத்த உள்நாட்டு உற்பத்தியில் நடப்புக் கணக்குப் பற்றாக்குறை 2.6 சதவிகிதமாக இருக்கும் என்கிற ஐ.எம்.எஃப்-ன் மதிப்பு நிஜமாவதற்கே நிறைய வாய்ப்புகள் இருக்கிறது. இது கடந்த நிதியாண்டுடன் ஒப்பிடும்போது 1.9% அதிகம் என்பதையும் நாம் கவனிக்கத் தவறக்கூடாது.

6. நடப்பு நிதியாண்டில் அனைத்து மாநிலங் களின் நடப்புக் கணக்குப் பற்றாக்குறையையும் சேர்த்து மத்திய அரசின் நடப்புக் கணக்குப் பற்றாக்குறை, 6.6 சதவிகிதமாக இருக்கும். இது கடந்த நிதியாண்டில் 7 சதவிகிதமாக இருந்தது. இதன் காரணமாக நடப்பு நிதியாண்டில் சேமிப்பின் வளர்ச்சி அதிகமாக இருக்கும் என்று ஐ.எம்.ஃஎப் மதிப்பீடு செய்துள்ளது.

7. நடப்பு நிதியாண்டில் நாட்டின் ஏற்றுமதி வளர்ச்சி 13.2 சதவிகிதமாக இருக்கும் என்று ஐ.எம்.எஃப் கணித்திருக்கிறது. இந்த அளவுக்கான ஏற்றுமதி வளர்ச்சி விகிதம் எட்டப்பட்டுவிட்டால், 2011-12 நிதியாண்டுக்குப் பின் மிக அதிகமான ஏற்றுமதி  வளர்ச்சி விகிதம் கொண்ட ஆண்டாக இந்த ஆண்டு இருக்கும். ரூபாய் மதிப்பு சரிந்திருப்பது, ஏற்றுமதியை அதிகரிக்கவே செய்யும். வர்த்தகப் போர் நடக்கும் இந்த சமயத்தில் நமது ஏற்றுமதியை அதிகரிக்க மிகச் சிறந்த வாய்ப்பு இருப்பது மறுக்க முடியாது. நமது பொருளாதாரத்தின் முக்கியத் துறைகளான பொருள்கள் நுகர்வு, முதலீடு, ஏற்றுமதி ஆகிய மூன்றுமே இந்த ஆண்டில் சிறப்பான வளர்ச்சி அடையும் என்று சொல்லியிருக்கிறது ஐ.எம்.எஃப்.

8. இறக்குமதி வளர்ச்சி விகிதமும் நடப்பு நிதியாண்டில் குறைவாகவே இருக்கும் என்று எதிர்பார்க்கப்படுகிறது. 2016-17-ம் நிதியாண்டில் இறக்குமதி எதிர்மறை வளர்ச்சி கண்டிருந்தது என்பது குறிப்பிடத்தக்கது.

ஒட்டுமொத்த விகடனுக்கும் ஒரே ஷார்ட்கட்!

9. வெளிநாட்டு நேரடி முதலீடு நடப்பு நிதியாண்டில் சிறப்பான வளர்ச்சி காணும் என எதிர்பார்க்கப்படுகிறது. இது கடந்த நிதியாண்டில் மிகவும் குறைவாகவே இருந்தது. ஆனால், வெளிநாட்டு முதலீட்டின் நிகர வரத்து இந்த ஆண்டில் குறைவாகவே இருக்கும். இது பங்குச் சந்தையின் வளர்ச்சியைப் பாதிக்கும்.

10. பல்வேறு விஷயங்களில் இந்தியாவின் வளர்ச்சிக்குச் சாதகமாக இருக்கும் என ஐ.எம்.எஃப் மதிப்பிட்டிருந்தாலும், சர்வதேசச் சந்தையில் கச்சா எண்ணெய் விலை, சர்வதேசப் பொருளாதார நிலை, உள்நாட்டு நிதிநிலை போன்ற வெளிப்புறக் காரணிகளைப் பொறுத்தே இந்தியாவின் பொருளாதார வளர்ச்சியானது இருக்கும் என்றும் ஐ.எம்.ஃஎப் எச்சரித்துள்ளது.

ஐ.எம்.எஃப்-ன் இந்த மதிப்பீடுகளைப் பார்க்கும்போது, நமது நாட்டின் பொருளாதாரம் அடுத்த இரண்டு ஆண்டுகளில் குறிப்பிடத்தகுந்த அளவுக்கு வளர வாய்ப்புள்ளது என்பதைத் தெளிவாகப் புரிந்துகொள்ள முடிகிறது. இதன் அடிப்படையில் நமது முதலீட்டு முடிவுகளை அமைத்துக்கொள்வது நல்லது.

- கே.எஸ்.தியாகராஜன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism