Published:Updated:

நுகர்பொருள் ஃபண்டுகளில் முதலீடு செய்யலாமா?

நுகர்பொருள் ஃபண்டுகளில் முதலீடு செய்யலாமா?
பிரீமியம் ஸ்டோரி
நுகர்பொருள் ஃபண்டுகளில் முதலீடு செய்யலாமா?

நுகர்பொருள் ஃபண்டுகளில் முதலீடு செய்யலாமா?

நுகர்பொருள் ஃபண்டுகளில் முதலீடு செய்யலாமா?

நுகர்பொருள் ஃபண்டுகளில் முதலீடு செய்யலாமா?

Published:Updated:
நுகர்பொருள் ஃபண்டுகளில் முதலீடு செய்யலாமா?
பிரீமியம் ஸ்டோரி
நுகர்பொருள் ஃபண்டுகளில் முதலீடு செய்யலாமா?

லகளவில் வேகமாக வளர்ந்துவரும் பொருளாதாரங்களில் இந்தியா முன்னணியில் இருக்கிறது. உலகின் எந்த நாட்டிலும்  இல்லாத அளவுக்கு இந்தியாவில் இளம்வயதினர் உள்ளனர். 1980-க்குப்பிறகு பிறந்தவர்கள் இன்று இந்தியாவின் மக்கள் தொகையில் 65% ஆவர். இந்த இளம் வயதினரின் நுகர்வுக் கலாசாரம் நாம் அனைவரும் அறிந்ததே. கார் வாங்குவதிலாகட்டும் அல்லது புல்லட் வாங்குவதாகட்டும் அல்லது லேட்டஸ்ட் ஸ்மார்ட் போன்களை வாங்குவதிலாகட்டும் அல்லது வீட்டிலிருந்தபடியே ஆன்லைன் மூலம் பல வகையான உணவுகளை வாங்கிச் சாப்பிடுவதிலாகட்டும் – இந்த வயதினர் பெரும்பங்கு வகிக்கின்றனர்.

இந்தியாவின் மக்கள் தொகை சீனாவை ஒட்டி நெருங்கிக்கொண்டிருக்கிறது. ஆனால், சீனர்கள் நுகர்வுடன் ஒப்பிட்டால், பல பொருள் களை வாங்குவதில் நாம் அவர்களுக்குப் பக்கத்தில்கூட இல்லை. அமெரிக்கா/ ஐரோப்பிய நாடுகளின் நுகர்வுடன் ஒப்பிடும் போது நாம் வெகுவாகப் பின்தங்கியிருக்கிறோம். உதாரண மாக, வீடுகளில் ஏ.சி வைத்திருக்கும் குடும்பங்கள் அமெரிக்காவில் 88%, சீனாவில் 74% உள்ளன. ஆனால், இந்தியாவில் வெறும் 13% மட்டுமே உள்ளன. இவையெல்லாம் இந்திய நிறுவனங் களுக்கு, வரும்காலத்தில் உள்ள எல்லையற்ற வாய்ப்புக்களைக் காண்பிக்கிறது.

நுகர்பொருள் ஃபண்டுகளில் முதலீடு செய்யலாமா?

மேலும், நம்நாட்டில் வேலை வாய்ப்புக்கள் அதிகரிக்க அதிகரிக்க, நுகர்வோர் பொருள் களின் விற்பனையும் கூடும். இவை தவிர, கூட்டுக் குடும்பங்கள் உடைந்து, இன்று தனிக் குடும்பங்கள் வளர்ந்துகொண்டே வருகின்றன. இதுவும் நுகர்வோர் பொருள்களின் அதிகரித்துவரும் விற்பனைக்கு ஒரு காரணியாகும்.

உயர்ந்துவரும் சம்பளங்கள், மாறுபட்டு வரும் நுகர்வோரின் தேவைகள், வளர்ந்துவரும் கடன் கலாசாரம், ஆன்லைன் கலாசாரம் போன்றவையும் நுகர்வோர் பொருள்கள் விற்பனைக்கு முக்கியக் காரணங்களாக  உள்ளன.

நுகர்வு (Consumption) என்று எதை அழைக்கிறோம்?

தனிநபர் வாங்கும் பொருள் களையே நுகர்வு (கன்ஸம்ப்ஷன்) என்று  நாம் அழைக்கிறோம். கார், பைக், சோப், உணவு, ஆடைகள், ஃபர்னிச்சர், எலெக்ட்ரானிக் சாதனங்கள் போன்ற பல பொருள் களும் இதில் அடங்கும். சுருக்க மாகச் சொன்னால், பி2சி (B2C – Business to Consumer) பொருள்கள் அனைத்தும் இந்த ‘கன்ஸம்ப்ஷன் தீமில்’ அடங்கும்.

ஒட்டுமொத்த விகடனுக்கும் ஒரே ஷார்ட்கட்!

நுகர்பொருள் ஃபண்டுகளில் முதலீடு செய்யலாமா?

ஏன் இப்போது..?

நுகர்வோர் கலாசாரம் எப்போதும் நம் நாட்டில் இருந்து வருவதுதானே? இப்போது இதில் என்ன புதிதாக உள்ளது என உங்களில் பலர் நினைக்கலாம். எந்தத் பொருளாதாரமும், துறையும், தீமும் பல ஆண்டுகளுக்கு மெதுவாக வளர்ந்துகொண்டி ருக்கும். ஆனால், சில சமயங்களில் அதிவேகமாக வளரக்கூடிய வாய்ப்புக்கள் உருவாகும். அது போன்ற வாய்ப்புக்கள்தான் கன்ஸம்ப்ஷன் துறையில்  தற்போது உருவாகியுள்ளது.

என்னென்ன காரணம்?

கிராமப்புறப் பொருளாதாரத் திற்கு அரசாங்கம் ஆதரவளித்து வருவதால், கிராமப்புறங்களில் நுகர்வு அதிகமாகி வருகிறது. இந்த ஊக்குவிப்பு பலவிதங்களில் நடந்து வருகிறது. உதாரணமாக,  விவசாயக் கடன்கள் தள்ளுபடி, நேரடியாக பணம் கிராமப்புற மக்களின் வங்கிக் கணக்கிற்கு மாற்றப்படுவது மற்றும் பிற மானியங்கள்.

இது தவிர, ஜி.எஸ்.டி, வீடு கட்டுவதற்கு மானியம், ஜன்தன் யோஜனா, புது வேலை வாய்ப்புக்கள், அந்நிய நேரடி முதலீடு பல துறைகளுக்குத் திறந்து விடப்பட்டுள்ளது. போக்குவரத்து, டெலிகாம் துறையில் பலவிதமான முன்னேற்றங்கள் போன்றவையும் கன்ஸம்ப்ஷனை ஊக்குவித்து வருகின்றன.

பி2சி நிறுவனங்களில் ஏன் முதலீடு செய்ய வேண்டும்?

இந்த நிறுவனங்கள் தொழில் நடத்துவதற்கு அதிகமான பணம் தேவைப்படாது; இந்த நிறுவனங்களில் கேஷ் ஃப்ளோ அதிகமாக இருக்கும்; பிராண்ட் வேல்யூ அதிகமாக இருக்கும்; விலையை நிர்ணயிப்பதில் சக்திகொண்ட நிறுவனங்களாக இவை இருக்கும்.  முதலீடு அதிகமாகத் தேவைப்படாது; போட்ட முதலீட்டுக்கு வருமானம் (ROE – Return on Equity) அதிகமாக இருக்கும். இதுபோல பல விஷயங்கள் இந்த நிறுவனங்களுக்கு பலமாக உள்ளன.

நீண்ட காலத்தில் இந்த நிறுவனப் பங்குகளின் வளர்ச்சியும் நன்றாக உள்ளது. இதற்கு முக்கியக் காரணம், இந்த நிறுவனங்கள் தங்களது மூலதனத்தை உயர்த்துவதற்குத் திரும்பத் திரும்ப முதலீட்டாளர்களிடம் வருவதில்லை. மேலும், இந்த நிறுவனங்களின் ஆதிக்கம் நமது பங்குச் சந்தை குறியீடுகளிலும் அதிகரித்துவருவது குறிப்பிடத்தக்கது. இவையெல்லாம் பி2சி நிறுவனங்களில் முதலீட்டை மேற்கொள்வதற்கு பாசிட்டிவ் அம்சங்களாக உள்ளன.

எங்கெல்லாம் இந்த ஃபண்டுகள் முதலீடு செய்யும்?

ரீடெய்ல், ஆட்டோ, ஹாஸ்பிட்டல்ஸ், டெக்ஸ்டைல், எஃப்.எம்.சி.ஜி, மீடியா, பொழுதுபோக்கு சார்ந்த நிறுவனங்கள், ரீடெய்ல் வங்கிகள், வங்கிசாரா நிதி நிறுவனங்கள், ஹவுஸிங் ஃபைனான்ஸ் நிறுவனங்கள், இன்ஷூரன்ஸ், மியூச்சுவல் ஃபண்ட், ஃபார்மா, ஹோட்டல்ஸ், போக்குவரத்து, கன்ஸ்யூமர் சார்ந்த ஆன்லைன் நிறுவனங்கள், கட்டுமானப் பொருள்கள், உரம், டெலிகாம், வீடு கட்டுமான நிறுவனங்கள் போன்ற நிறுவனப் பங்குகளில் இந்த கன்ஸம்ப்ஷன் ஃபண்டுகள் முதலீடு செய்கின்றன.

யாருக்கு உகந்தது?

ஒரு வகையில் பார்த்தால், இந்த வகை ஃபண்டுகள், டைவர்சிஃபைடு ஃபண்டுகளே. ஏனென்றால், இந்த ஃபண்டுகள் பி2சி தொழிலில் உள்ள பல துறை சார்ந்த நிறுவனங்களிலும் முதலீடு செய்கின்றன. இது ஒரு தீம் சார்ந்த ஃபண்ட் என்பதால், டைவர்சிஃபைடு ஃபண்டுகளைவிட சற்றுக் கூடுதல் ரிஸ்க் கொண்டவையாகும். ஆகவே, பி2சி தீமில் நம்பிக்கை கொண்டவர்கள், உபரிப் பணம் உள்ளவர்கள், நீண்ட காலத்துக்கு (ஐந்து வருடங்களுக்கு மேல்) காத்திருக்க முடிந்தவர்கள், இளம் வயதினர் போன்ற அனைவரும் இந்த வகை ஃபண்டுகளில் முதலீடு செய்யலாம்.

நுகர்பொருள் ஃபண்டுகளில் முதலீடு செய்யலாமா?

யாருக்கு உகந்ததல்ல?

ரிஸ்க் எடுக்க விரும்பாதவர்கள், நிரந்தர வருமானத்தை எதிர்பார்ப்பவர்கள், குறுகிய கால முதலீட்டாளர்கள், மூத்த குடிமக்கள், பங்குச் சந்தை குறியீட்டைவிட அதிக ரிஸ்க் எடுக்க விரும்பாதவர்கள் போன்ற அனைவரும் இந்த வகை ஃபண்டுகளில் முதலீட்டைத் தவிர்க்கலாம்.

   இந்த ஃபண்டுகளில் முதலீட்டிற்கு உகந்ததாக உள்ள ஒருசில ஃபண்டு களைப் பார்ப்போம். இந்த ஃபண்டு களைத் தவிர, ஆதித்ய பிர்லா சன் லைஃப் ஜென் நெக்ஸ்ட் ஃபண்ட், ரிலையன்ஸ் கன்ஸம்ப்ஷன் ஃபண்ட், சுந்தரம் ரூரல் அண்டு கன்ஸம்ப்ஷன் ஃபண்ட், யூ.டி.ஐ இந்தியா லைஃப் ஸ்டைல் ஃபண்ட், கனரா ரொபேகோ கன்ஸ்யூமர் டிரெண்ட்ஸ் ஃபண்ட் போன்ற வையும் உள்ளன. தற்போது பி.என்.பி பரிபாஸ் இந்தியா கன்ஸம்ப்ஷன் ஃபண்டை புதிதாகச் சந்தையில் அறிமுகப்படுத்தி உள்ளது. இந்த என்.எஃப்.ஓ (NFO – New Fund Offer) ஆகஸ்ட் 31 வரை மக்களிடம் இருந்து பணம் திரட்டுகிறது.

நுகர்பொருள் ஃபண்டுகளில் முதலீடு செய்யலாமா?

மிரே அஸெட் கிரேட் கன்ஸ்யூமர் ஃபண்ட்

இந்த ஃபண்ட் தற்போது ரூ.438 கோடி மதிப்புள்ள சொத்துகளை நிர்வகித்து வருகிறது. மார்ச் 2011-ல் ஆரம்பிக்கப்பட்ட இந்த ஃபண்ட் இதுவரை ஆண்டிற்கு 18.63% வருமானத்தைக் கொடுத்துள்ளது. இதன் பெஞ்ச்மார்க் குறியீடு பி.எஸ்.இ 200 டி.ஆர்.ஐ ஆகும். இதில் கிட்டத்தட்ட 56% லார்ஜ்கேப் பங்குகளிலும், எஞ்சியது ஸ்மால் அண்டு மிட்கேப் பங்குகளிலும் முதலீடு செய்யப்பட்டுள்ளது. ஹெச்.டி.எஃப்.சி பேங்க், ஐ.டி.சி, ஹேவெல்ஸ் இந்தியா, மாருதி சுஸூகி, டாபர் போன்றவை இதன் டாப் ஹோல்டிங்ஸாக உள்ளன. இதன் ஃபண்ட் மேனேஜர் அங்கித் ஜெயின் ஆவார்.

டாடா இந்தியா கன்ஸ்யூமர் ஃபண்ட்

   டிசம்பர் 2015-ல் ஆரம்பிக்கப் பட்டது. தற்போது ரூ.1,300 கோடி மதிப்புள்ள சொத்துகளை நிர்வகித்து வருகிறது. கடந்த ஓரிரு ஆண்டுகளில் இந்த ஃபண்ட் நல்ல வருமானத்தைக் கொடுத்துள்ளது. கிட்டத்தட்ட 66% லார்ஜ்கேப் பங்குகளிலும், எஞ்சியது மிட் அண்டு ஸ்மால்கேப் பங்குகளிலும் உள்ளது. இதன் டாப் ஹோல்டிங்ஸ் ஐ.டி.சி. ஹிந்துஸ்தான் யூனிலீவர், மாருதி சுஸூகி, ஃப்யூச்சர் ரீடெய்ல், பேட்டா இந்தியா ஆகும். இதன் ஃபண்ட் மேனேஜர் கள் என்னட் ஃபெர்னாண்டஸ், ஸோனம் உதாஸி ஆவார்கள்.

நுகர்பொருள் ஃபண்டுகளில் முதலீடு செய்யலாமா?

எஸ்.பி.ஐ கன்ஸம்ப்ஷன் ஆப்பர்ச்சூனிட்டீஸ் ஃபண்ட்

 இந்த ஃபண்ட் தற்போது ரூ.658 கோடி மதிப்புள்ள சொத்துகளை நிர்வகித்து வருகிறது. இதற்குமுன் இது எஸ்.பி.ஐ எஃப்.எம்.சி.ஜி ஃபண்ட் என அழைக்கப்பட்டது. இந்த ஃபண்ட் ஆரம்பித்தது 1999 ஜூலை. இன்றுவரை வருடத்திற்கு 15.86% வருமானத்தைத் தந்துள்ளது. இந்த ஃபண்டின் டாப் ஹோல்டிங்ஸ் களான ஐ.டி.சி, கோல்கேட் பாமோலிவ், நெஸ்லே இந்தியா, ஷீலா ஃபோம், ஏஷியன் பெயின்ட்ஸ். இதன் டாப் துறை சார்ந்த முதலீடு எஃப்.எம்.சி.ஜி (52.16%), டெக்ஸ்டைல்ஸ் (15.15%), மற்றும் சர்வீசஸ் (9.48%) ஆகும்.

- சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் (www.prakala.com)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism