Published:Updated:

முதலீட்டு ரகசியங்கள் - 1 - எது சிறந்த வருமானம்?

முதலீட்டு ரகசியங்கள் - 1 - எது சிறந்த வருமானம்?
பிரீமியம் ஸ்டோரி
முதலீட்டு ரகசியங்கள் - 1 - எது சிறந்த வருமானம்?

புதிய தொடர்லலிதா ஜெயபாலன், நிதி ஆலோசகர், moneyvedam. blogspot.in

முதலீட்டு ரகசியங்கள் - 1 - எது சிறந்த வருமானம்?

புதிய தொடர்லலிதா ஜெயபாலன், நிதி ஆலோசகர், moneyvedam. blogspot.in

Published:Updated:
முதலீட்டு ரகசியங்கள் - 1 - எது சிறந்த வருமானம்?
பிரீமியம் ஸ்டோரி
முதலீட்டு ரகசியங்கள் - 1 - எது சிறந்த வருமானம்?

நாம் முதலீடு செய்வதன் முக்கிய நோக்கமே அதன்மூலம் சிறந்த வருமானத்தைப் பெற வேண்டும் என்பதற்காகத்தான். ஆனால், ஒவ்வொரு முதலீட்டிலிருந்து நமக்குக் கிடைக்கும் வருமானம் எவ்வளவு என்பதை நம்மால் துல்லியமாக அளந்து பார்க்க முடிவதில்லை. காரணம், சேமிப்பு அல்லது முதலீட்டின் மூலம் நமக்குக் கிடைக்கும் வருமானத்தை எப்படி அளப்பது என்று நமக்குத் தெரிவதில்லை. அதனால் எது சிறந்த வருமானம் என்று நம்மால் கண்டுபிடிக்க முடிவதில்லை. எனவே, இந்தப் புதிய தொடரில் முதலில் நமக்குக் கிடைக்கும் வருமானத்தைச் சரியாகக் கணக்கிடுவது எப்படி என்று பார்ப்போம்.

வருமானம் என்பது..?

நாம் நமது பணத்தை முதலீடு செய்யும்போது, குறிப்பிட்ட ஒரு தொகையோ அல்லது நமது முதலீட்டின் சதவிகித அடிப்படையிலோ வருமானமாக நமக்குத் திரும்பக் கிடைக்கும். அப்படிக் கிடைக்கும் வருமானம் சரியாக எவ்வளவு என்று பார்க்க வேண்டும்.

முதலீட்டு ரகசியங்கள் - 1 - எது சிறந்த வருமானம்?

நமது சேமிப்பின் ஒரு பகுதியை யாரோ ஒருவருக்குக் கடனாகக் கொடுக்கிறோம். அவர் அந்தக் கடனை முழுவதுமாகத் திரும்ப அடைக்கும் வரை ஒரு சிறிய தொகையை வட்டி போல நமக்கு  அளித்து வருகிறார் என்று வைத்துக்கொள்வோம், அதுதான் நமக்கான வருமானம். அது ஒவ்வொரு மாதமும் கிடைக்கலாம் அல்லது ஒரே தவணையாகக் கொடுப்பதாகக்கூட இருக்கலாம்.  நமக்குக் கிடைத்த வருமானம் நல்ல வருமானம்தான் என்பதை எப்படித் தீர்மானிப்பது? இந்தக் கேள்விக்குப் பதிலளிக்கும் முன், நமக்கு அறிமுகமான சில வருமானங்களைப் பார்ப்போம்.

கலா தன் சேமிப்பு பணத்தை வங்கி ஒன்றில் ஃபிக்ஸட் டெபாசிட்டாகப் போடுகிறார். அதற்கு, 7% வட்டி கிடைப்பதாக வைத்துக்கொள்வோம். அதேபோன்று ராம் என்பவர் நிறுவனப் பங்குகளில் முதலீடு செய்கிறார். அதற்கு அவருக்கு அந்த நிறுவனம் 1.5% டிவிடெண்ட் அளிக்கிறது.

மங்கை என்பவர் தங்கம் வாங்குகிறார். அதை அவர் விற்கும் வரை வருமானம் ஏதும் கிடைக்க வில்லை. சிவா என்பவர் தன்னுடைய 60 லட்சம் ரூபாய் மதிப்புள்ள வீட்டை வாடகைக்கு விட்டு, மாதம் ரூ.15,000 பெறுகிறார், அதாவது, வாடகை வருமானமாக 3% கிடைக்கிறது. அருள் என்பவர் நிலம் ஒன்றை வாங்கி, அதை விற்கும் வரை லாபம் எதையும் ஈட்டவில்லை.

மேற்கூறிய நபர்கள் ஈட்டிய வருமானத்தைச் சதவிகித அடிப்படையில் நாம் ஒப்பிட்டால், கலாவின் எஃப்.டி மூலம் கிடைக்கும் வருமானம் சிறந்தது. மங்கை வாங்கிய தங்கமும், அருள் வாங்கிய நிலமும் மோசமானது  என்ற முடிவுக்கு  வருவோம். ஆனால், இங்கே நாம் சொல்ல வருவது அதுவல்ல. ஏன்?

ரொக்கம் Vs மூலதனச் சொத்து

இதற்கான பதில், சொத்தின் தன்மையைப் பொறுத்தே அமையும். எஃப்டி என்பது ரொக்கமாக உள்ள சொத்து. மற்றவை, மூலதனச் சொத்துகள் (capital assets). மூலதனச் சொத்துகளின் மதிப்பு காலத்தைப் பொறுத்து அமையும். இந்தச் சொத்துகளிலிருந்து சிறிய  வருமானம் தரக்கூடிய (டிவிடெண்ட் அல்லது வாடகை) அல்லது 0% லாபம் தரக் கூடிய (தங்கம்) ஒன்றை ஏற்றுக் கொண்டு, நாம் தேர்வு செய்யத்தான் வேண்டும். எஃப்.டி ரொக்க சொத்தாக இருப்பதால், அதன் மதிப்பு உயரவில்லை. எனவே, அதிலிருந்து நாம் அதிக வருமானத்தை எதிர்பார்க்கிறோம்.

அதேசமயம், எல்லா மூலதனச் சொத்துகளுமே, ஒரேமாதிரி லாபம் கொடுப்பதில்லை. மூலதனச் சொத்துகளின் மதிப்பு உயருவது தேவை மற்றும் அளிப்பைப் பொறுத்தே இருக்கும். எனவே, வருமானத்தை முன்கூட்டியே தீர்மானிக்க முடியாது. குறிப்பிட்ட சில வருடங்களில் அது 50% வருமானத்தையும் தரலாம்; வேறு சில ஆண்டுகளில் வெறும் 3% வருமானம்கூடத் தரலாம். 

முதலீட்டு ரகசியங்கள் - 1 - எது சிறந்த வருமானம்?

2018-ம் ஆண்டைப் போன்று ஏற்றமான ஆண்டு அமைந்தால், பங்குகளிலிருந்து 30% வருமானம் ஈட்டக்கூடிய அளவுக்கு ராமுக்கு அதிர்ஷ்டம் அடிக்கலாம். ஆனால், எப்போதும் அவரால் அதேபோன்ற வருமானத்தை ஈட்ட முடியாது. அதேபோன்றுதான் அருளும். ரூ.5 லட்சத்துக்கு வாங்கிய நிலத்தை 10 ஆண்டுகளில் 30 லட்சம் ரூபாய்க்கு விற்கலாம். ஆனால், அடுத்த 10 ஆண்டுகளில் அந்த நிலத்தை 2 கோடி ரூபாய்க்கு அவரால் விற்க முடியாமல் போகலாம்.

வருமானத்தை எப்படிக் கணக்கிடுவது?

உங்களின் மொத்தச் சொத்து மதிப்பு ரூ.1 கோடி என வைத்துக்கொள்வோம். இதில், ரூ.60 லட்சம் மதிப்புள்ள வாடகைக்கு விடப்பட்டுள்ள வீடு, ரூ.5 லட்சம் மதிப்புடைய நிலம், ரூ.5 லட்சம் பங்குகளில் முதலீடு, ரூ.30 லட்சம் எஃப்.டி/இ.பி.எஃப்/பி.பி.எஃப் என்ற கணக்கில் இருக்கிறது என்று வைத்துக்கொள்வோம். இதற்கு 5.13% வருமானம் கிடைத்தால், ஆண்டு மொத்த வருமானம் ரூ.5.13 லட்சமாக இருக்கும்.

நிலத்தை விற்பதன் மூலம் நீங்கள் 20% வருமானம் ஈட்டினாலும்கூட, அது உங்களின் சொத்து மதிப்பில் 5% மட்டுமே இருக்கும். தற்போது, உங்களின் அனைத்து வகையிலான சொத்துகள் மூலம் 20% வருமானம் ஈட்ட விரும்பினால், அதற்கு உங்கள் வசமுள்ள 1 கோடி ரூபாய் முழுவதையும் ஒரே வகையான சொத்தில் முதலீடு செய்ய வேண்டும். ஆனால், உங்கள் ரிஸ்க்கை நீங்கள் பரவலாக்க விரும்புவதால், மொத்தப் பணத்தையும் நிலத்தில் மட்டுமே முதலீடு செய்வதை நீங்கள் விரும்பமாட்டீர்கள். அதேபோல, 1 கோடி ரூபாய் முழுவதையும் தங்கத்திலோ அல்லது நிறுவனப் பங்குகளிலோ முதலீடு செய்யமாட்டீர்கள். ஆகவே, உங்கள் பணம் முழுவதுக்குமான மொத்த வருமானம், ஒரே ஒரு சொத்தில் முதலீடு செய்வதன் மூலம் கிடைக்காது என்பதைப் புரிந்துகொள்வது முக்கியமானது.

எது சிறந்த வருமானம்?

அப்படியானால், எது சிறந்த வருமானத்தைக் கொடுக்கும் என்கிற கேள்விக்கு என்ன பதில் என்று பார்ப்போம்.

சிறந்த வருமானம் என்பது ஒரே பரிவர்த்தனை யில் எதிர்பாராத வருமானம் பெறுவதில் இல்லை.  பல ஆண்டுகளுக்கு நீடித்த மற்றும் நிலையான வகையில் கிடைக்கும் வருமானமே செல்வத்தை உருவாக்குவதற்கான ரகசியமாகும். சிறந்த வருமானம் என்பது பணவீக்கத்தைத் தாண்டி நியாயமான வருமானம் தருவதாக இருக்கும்.

சிறந்த வருமானத்தைக் கணக்கிட மந்திர எண் ஏதும் இருக்கிறதா?

 (ரகசியம் தொடரும்)

தமிழில்: பா.முகிலன்

படங்கள்: ப.சரவணக்குமார்

தொடர் ஆசிரியர் பற்றி...

இந்தத் தொடரை எழுதும் லலிதா ஜெயபாலன் சான்றிதழ் பெற்ற நிதி ஆலோசகர். வருமான வரி, பங்குச் சந்தை, மியூச்சுவல் ஃபண்ட், ரியல் எஸ்டேட் முதலீடு குறித்து ஆலோசனை அளித்து வருகிறார்.  கட்டண அடிப்படையில் நிதி ஆலோசனை வழங்குகிறார். சிங்கப்பூர் இன்ஸ்டிடியூட் ஆஃப் மேனேஜ்மென்டின் பிசினஸ் அட்மினிஸ்ட்ரேஷன் படிப்பில் தங்கப் பதக்கம் பெற்றிருக்கிறார்.