Published:Updated:

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)
பிரீமியம் ஸ்டோரி
News
கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

ப்பானிய டென்ஸோ நிறுவனம் (13%), சுஸூகி மோட்டார் கார்ப்போரேஷன் (13%) மற்றும் இந்திய சூரி குடும்பத்தினருடன் (40%) இணைந்து 1985-ம் ஆண்டில் ஆட்டோமொபைல் பாகங்கள் (பிரதானமாக, கார்களுக்கான குளிர்சாதன இயந்திரங்கள்) தயாரிப்பதற்காக ஆரம்பித்த நிறுவனம் சுப்ரோஸ் லிமிடெட்.

நிறுவனத்தின் தயாரிப்புகள்

இந்த நிறுவனத்தின் தொழில்நுட்பக் கூட்டாளி ஜப்பானிய நிறுவனமான டென்ஸோ கார்ப்பரேஷன் ஆகும். 1985-ம் ஆண்டு 15,000 ஏசி யூனிட்டுகள் தயாரிக்கும் வசதியுடன் ஆரம்பிக்கப்பட்ட சுப்ரோஸ் நிறுவனம், இன்றைக்கு இந்தியாவிலேயே கம்ப்ரஸர்கள், கன்டென்ஸர்கள், ஹீட் எக்ஸ்சேஞ்சர்கள் மற்றும் ஏனைய இணைக்கும் உதிரிப்பாகங்களையும் சேர்த்து ஏர் கண்டிஷனிங் சிஸ்டத்தை உற்பத்தி செய்யும் ஒருங்கிணைந்த வசதியைக் கொண்ட மிகப் பெரிய நிறுவனமாக உருவெடுத்துள்ளது.

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இந்த நிறுவனம் கார்கள், பஸ்கள், ட்ரக்குகள், குளிர் சாதன வசதியுடன் கூடிய பொருள்களைக் கொண்டு செல்லும் வாகனங்கள், சாலைகளில்லாத இடங்களிலும் பயணிக்கும் வாகனங்கள், ரயில்வே போன்றவற்றிற்கான உபகரணங்களை உற்பத்தி செய்கிறது. இந்த நிறுவனம் இதற்கான உற்பத்தி மையத்தை நொய்டா (இரண்டு மையங்கள்) மனேசர், பூனே, சென்னை மற்றும் சனாந்த் என்ற இடங்களில் கொண்டுள்ளது.

இந்த நிறுவனம் இந்த இடங்களில் இருக்கும் உற்பத்தி வசதிகளைக்கொண்டு 1.5 மில்லியன் எண்ணிக்கையிலான ஏசி கிட்களை உற்பத்திசெய்யும் வசதியைக்  கொண்டுள்ளது. தன்னுடைய தயாரிப்புகளை  தொழில் நுட்பரீதியாகச் செம்மைப்படுத்திக்கொள்வதற்காக நொய்டாவில் ஓர் ஆராய்ச்சி மையத்தையும், டூல் ரூமையும் கொண்டு இயங்கி வருகிறது.

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

இந்த நிறுவனத்தின் தயாரிப்புகள் என்று பார்த்தால்,  வாகனங்களில் உபயோகப்படுத்தப்படும் சுற்றுச்சூழலுக்கு நண்பனாக இருக்கும் வகை குளிர்பதனத்திற்கு உதவும் வாயுக்களை உபயோகிக்கும் ரெசிப்ரோக்கேட்டிங் கம்ப்ரஸர்களை உற்பத்தி செய்கிறது. இந்த வகை கம்ப்ரஸர்கள் உற்பத்தியில் பல்வேறு வகையான இன்ஜின்களின் திறனுக்கு ஏற்றாற்போல் வடிவமைக்கப் பட்ட கம்ப்ரஸர்களை உற்பத்தி செய்துவருகிறது.

தனிச் சிறப்புகள்

இந்த நிறுவனம் சமீபத்தில் அறிமுகப்படுத்தியிருக்கும் மல்டிஃப்ளோ மற்றும் மல்டிஃப்ளோ இன்டக்ரேட்டட் ரிசிவர் ட்ரையர் கண்டென்ஸர்கள் ஹீட் எக்ஸ்சேஞ்ச் தொழில்நுட்பத்தில் ஒரு புதிய சகாப்த மாகும். இந்தவகை கண்டென்ஸர்கள் மிகவும் செயல்திறன் மிக்கவையாகவும், குறைந்த எடை கொண்டவையாகவும் இருப்பது தனிச் சிறப்பாகும்.

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

ஹெச்.வி.ஏ.சி எனப்படும் ஹீட்டிங், வெண்டிலேஷன் மற்றும் ஏர் கண்டிஷனிங் சிஸ்டத்தையும் இந்த நிறுவனம் உற்பத்தி செய்கிறது. வாகனங்களில் ஹீட்டிங் எனும் வெப்பமடையச்செய்தல் வாகனத்திற்குள் இருக்கும் வெப்பநிலையை இன்ஜினிலிருந்து கிடைக்கும் வெப்பத்தை உபயோகித்து அதிகரித்தலாகும்.

இந்த நிறுவனத்தின் தயாரிப்புகள் பல்வேறு வகை வாகனங்களுக்கும் பொருத்தமானவையாகவும் இருப்பது குறிப்பிடத்தக்கது. வாகனங்களின் இன்ஜின்  ரூமுக்குள் இவை பொருத்தப்படுவ தால் எடையும், பருமனும் குறைவாக இருக்கவேண்டும் என்பதை மனதில் கொண்டே இவை தயாரிக்கப்படுகிறது என்பது ஒரு தனிச் சிறப்பு.

இந்த இயந்திரங்களை இணைக்கும் ட்யூப்கள் மற்றும் ஹோஸ்களையும் இந்த நிறுவனம் தயாரிக்கிறது. இவை ஸ்பெஷல் கிரேடு அலுமினியத்தைக் கொண்டு தயாரிக்கப் படுவதால், இவற்றை வளைக் கும்போது சுருக்கங்கள் விழுவதில்லை. ஹோஸ்கள் ஸ்பெஷல் கிரேடு ரப்பர் மெட்டீரியலைக் கொண்டு தயாரிக்கப்படுவதால், இவை வாகனங்களின் உள்ளே இருக்கும் தட்பவெப்ப நிலையைச் சீராக வைத்துக் கொள்ள உதவும்.

பேருந்துகளுக்கான குளிர் சாதன வசதியையும் இந்த நிறுவனம் உற்பத்தி செய்கிறது. இவை 7.5 கிலோ வாட் முதல் 36 கிலோவாட் வரையிலான சக்திகொண்ட குளிர்சாதனவசதிகளாகும்.  குறைந்த எரிபொருள் செலவில் அதிக அளவிலான குளிரூட்டுதலைச் செய்யும் வண்ணம் வடிவமைக்கப் பட்ட இந்த ஏசிக்கள் மிக அதிக செயல்திறன் கொண்ட கண்டென்ஸர் மற்றும் எவாப்ரேட்டர்களைக் கொண்டு வடிவமைக்கப்பட்டவையாகும். இதுதவிர, ரயில் இன்ஜிகளில் இருக்கும் கேபின் களுக்கான ஏசிக்களையும் இந்த நிறுவனம் தயாரித்து விற்பனை செய்கிறது.

குறைந்த காலத்தில் கெட்டுப்போகக்கூடிய மற்றும் அழுகிப்போகக்கூடிய மீன், பால், தயிர், காய்கறி போன்றவற்றை ஓரிடத்திலிருந்து  மற்றொரு இடத்திற்குக் கொண்டுசெல்ல சிறப்பு குளிர்விக்கப்பட்ட வாகனங்கள் உபயோகிக்கப் படுகிறது. இந்த வகை வாகனங்களுக்கான ஏசிக் களையும் இந்த நிறுவனம் தயாரித்து வருகிறது.

50 கியூபிக் மீட்டர் வரையிலான அளவிற்கு குளீரூட்டுதல் மற்றும் ஐஸ் கட்டிகளை உருகாமல் காத்தல் (சில்லிங் மற்றும் ப்ரீசிங்) என்ற இரண்டு வேலைகளுக்கும் தேவையான இயந்திரங்களை இந்த நிறுவனம் தயாரித்து விற்பனை செய்கிறது.

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

நவீன கால தேவைகளுக்கு ஏற்ப ட்ரக்குகளில் இருக்கும் ஓட்டுநர்களின் கேபின் களுக்கு குளிர்சாதன வசதியை வழங்குவதற்கான ஏசி மெஷின்களையும் சுப்ரோஸ் தயாரித்து வழங்குகிறது. கேபின்களில் இருக்கும் இரைச்சலைக் குறைக்கும் அதே நேரத்தில், சுற்றுச்சூழலுக்கான பாதுகாப்பையும் குறைந்த அளவிலான எரிபொருள் செலவையும் கொண்டதாக இந்த நிறுவனத்தின் தயாரிப்புகள் இருக்கின்றன.

பல்வேறு ஓ.இ.எம் தயாரிப்பு நிறுவனங்களின் தேவைக்கிணங்க வடிவமைக்கப்பட்டுள்ளன இந்த நிறுவன ஏசி அசெம்ப்ளிகள். டாடா மோட்டார்ஸ்,  மஹிந்திரா & மஹிந்திரா, அசோக் லேலாண்ட் மற்றும் நிசான் போன்ற நிறுவனங்கள் இந்தப் பிரிவில் சுப்ரோஸ் நிறுவனத்தின் வாடிக்கை யாளர்களாக இருக்கின்றன.

ஆஃப் ரோடர்கள் என்னும் சாலைகள் மற்றும் காடுமேடு என்ன எல்லா இடங்களிலும் பயணிக்கும் வாகனங்களுக்கான ஏசி மெஷின் களையும் இந்த நிறுவனம் தயாரித்து வருகிறது. இந்தத் தொழில் பிரிவில் மஹிந்திரா அண்டு மஹிந்திரா நிறுவனம் இந்த நிறுவனத்தின் வாடிக்கையாளராக இருக்கிறது.

டென்சோ கார்ப்பரேஷனுடன் தொழில்நுட்ப ரீதியாக இணைந்து செயல்படும் இந்த நிறுவனம்  நொய்டாவில் ஒரு டெக்னிக்கல் சென்டரை கொண்டுள்ளது. இங்கே  டிசைன், டெவலப்மென்ட் மற்றும் வேலிடேஷன் என்ற மூன்று பணிகளும் செய்யப்படுகிறது.

கம்பெனி டிராக்கிங்: சுப்ரோஸ் லிமிடெட்! (NSE SYMBOL: SUBROS)

ரிஸ்க் ஏதும் உண்டா?

ஆட்டோமொபைல் துறையின் வளர்ச்சியை முழுமையாகச் சார்ந்தே இந்த நிறுவனத்தின் வளர்ச்சியும் இருக்கிறது. ஆட்டோமொபைல் துறையின் வளர்ச்சி முழுக்க முழுக்கப் பொருளாதார வளர்ச்சியைச் சார்ந்தே இருப்ப தாகும். எனவே, ஏதாவது ஒரு காரணத்தினால்  பொருளாதார வளர்ச்சி எதிர்பார்த்த அளவு இல்லாதுபோனாலோ அல்லது மந்தநிலையை சந்தித்தாலோ இந்த நிறுவனத்தின் வியாபாரமும் தேக்கநிலையைச் சந்திக்க வாய்ப்புள்ளது என்பதை வாசகர்கள் நினைவில் கொள்ள வேண்டும். மேலும், மூலப்பொருள்களின் விலை மற்றும் அந்நியச் செலாவணி மதிப்பு மாறுதல் போன்ற வையும் இந்த நிறுவனத்துக்கான ரிஸ்க்காகவே கருதலாம்.

ரிஸ்க்குகள் பல இருக்கிறபோதிலும் நீண்ட தொழில் அனுபவத்தையும்,  வாடிக்கையாளர்களின் திடமான நம்பிக்கையையும் பெற்றிருக்கும் இந்த நிறுவனத்தின் பங்குகளை ஏதாவது ஒரு காரணத் தினால் சந்தை நல்லதொரு வீழ்ச்சியைச் சந்திக்கும் போது வரும் விலை வீழ்ச்சியின்போது, மிகவும் சிறிய எண்ணிக்கையில் வாங்கி மூன்றாண்டு கால போர்ட்ஃபோலியோவில் சேர்த்துக்கொள்ள வாசகர்கள் தொடர்ந்து ட்ராக் செய்துவரலாம்.

ஏற்கெனவே ஆட்டோமொபைல் மற்றும் ஆட்டோமொபைல் உதிரிப்பாகங்கள் தயாரிக்கும் நிறுவனங்களின் பங்குகளை அதிக அளவில் கொண்ட போர்ட்ஃபோலியோவை வைத்திருக்கும் வாசகர்கள் இந்தப் பங்கைத் தவிர்ப்பதே நல்லது.

- டாக்டர் எஸ்.கார்த்திகேயன்

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (HGINFRA)/name of company/time duration)