Published:Updated:

ஃபிக்ஸட் மெச்சூரிட்டி பிளான்... ரிஸ்க் எடுக்கத் தயங்குபவர்களுக்கு ஏற்ற ஃபண்ட்!

ஃபிக்ஸட் மெச்சூரிட்டி பிளான்... ரிஸ்க் எடுக்கத் தயங்குபவர்களுக்கு ஏற்ற ஃபண்ட்!
பிரீமியம் ஸ்டோரி
News
ஃபிக்ஸட் மெச்சூரிட்டி பிளான்... ரிஸ்க் எடுக்கத் தயங்குபவர்களுக்கு ஏற்ற ஃபண்ட்!

மியூச்சுவல் ஃபண்ட்

டந்த இரண்டு மாதங்களாக இந்தியப் பங்குச் சந்தை மற்றும் கடன் சந்தைகளில் கொந்தளிப்பு தொடர்கிறது. இந்தச் சூழலில் முதலீட்டாளர்கள் எதில் முதலீடு செய்தால், குறைவான ஏற்ற இறக்கத்தில் ஓரளவுக்குச் சராசரியான லாபம் கிடைக்கும் என யோசிக்கத் தொடங்கியிருக்கிறார்கள்.இதுபோன்றவர்களுக்கு மியூச்சுவல் ஃபண்ட் கடன் திட்டங்களில் ஒன்றான ஃபிக்ஸட் மெச்சூரிட்டி பிளான் (FMP - Fixed maturity plan) இருக்கிறது.

ஃபிக்ஸட் மெச்சூரிட்டி பிளான்... ரிஸ்க் எடுக்கத் தயங்குபவர்களுக்கு ஏற்ற ஃபண்ட்!

குறிப்பிட்ட காலத்திட்டம்

 எஃப்.எம்.பி ஒரு குளோஸ் எண்டட் ஃபண்ட் ஆகும். அனைத்துக் கடன் திட்டங்களையும் பாதிக்கும் ரிஸ்க் காரணிகளாக கிரெடிட் ரிஸ்க்,  வட்டி விகித ரிஸ்க் மற்றும் லிக்விடிட்டி ரிஸ்க் உள்ளன. எஃப்.எம்.பி-யில் வட்டி விகித ரிஸ்க் மற்றும் லிக்விடிட்டி ரிஸ்க்  குறைவாக இருக்கும். காரணம்,  குறிப்பிட்ட காலத் திட்டம் என்பதால், முதலீட்டாளர்களிமிருந்து திரட்டப் படும் நிதி, கடன் பத்திரங்களில் முதலீடு செய்யும்போது இந்தக் குறிப் பிட்ட காலத்திற்கேற்றவாறு பணம் திரும்பக் கிடைக்குமாறு முதலீடு செய்யப்படுகிறது.  இதனால் இடைப் பட்ட காலத்தில் மாறும் வட்டிவிகித  ஏற்ற இறக்கங்கள் இந்தத் திட்டங்களின் வருமானத்தைப் பாதிப்பதில்லை. இதனால் இதன் என்.ஏ.வி மதிப்பும் அதிகம் ஏற்ற இறக்கத்துக்கு உள்ளாவ தில்லை. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஃபிக்ஸட் மெச்சூரிட்டி பிளான்... ரிஸ்க் எடுக்கத் தயங்குபவர்களுக்கு ஏற்ற ஃபண்ட்!

இந்த ஃபண்டில் கிரெடிட் ரிஸ்க்  இருப்பதால், எஃப்.எம்.பி-யில் முதலீடு செய்யும்போது AAA தரக்குறியீடு பெற்ற கடன் திட்டங்களில் முதலீடு செய்யப்படுகிறதா என்பதைக் கவனிப்பது அவசியம். சமீபத்திய விதிவிலக்கு, ஐ.எல்.எஃப்.எஸ் இருந்தாலும் AAA தரக்குறியீடுகளை நம்பித்தான் ஆகவேண்டும். எல்லா AAA நிறுவனங்களும் பாதிப்புக்குள்ளாகும் எனச் சொல்ல முடியாது.

உத்தேச லாபத்தை அறியும் வழி

 வரிச் சலுகையைப் பெறுவதற்காக எஃப்.எம்.பி-களின் முதிர்வுக் காலம் மூன்று வருடங்களாக இருக்கிறது. மூன்று வருட முடிவில் எவ்வளவு லாபம் கிடைக்கும் என்பதை முதலீட்டு ஆலோசகர்களோ, நிறுவனமோ தெரிவிக்கக் கூடாது என்பது செபியின் கட்டளை. பொதுவாக, மூன்று வருட AAA தரக் குறியீடு பெற்ற கடன் பத்திரங்கள் 9% லாபம் தருகிறது எனில், நிர்வாகச் செலவு 0.5% கழித்து, மூன்று வருட முடிவில் முதலீட்டாளர்களுக்கு 8.5% லாபம் கிடைக்க வாய்ப்பு அதிகம். முதலீடு செய்திருக்கும் ஃபண்டில் இரண்டு, மூன்று வகையான கடன் பத்திரங்களில் முதலீடு செய்து இருக்கும்போது அதன்மூலம் கிடைக்கும் லாபம் மாறும். (பார்க்க, மேலே உள்ள அட்டவணை). தற்போது நடப்பிலுள்ள அல்லது நவம்பர் மாதத்தில் வரவிருக்கிற எஃப்.எம்.பி-கள் விவரத்தை மேலே உள்ள அட்டவணையில் பார்க்கவும்.

ஃபிக்ஸட் மெச்சூரிட்டி பிளான்... ரிஸ்க் எடுக்கத் தயங்குபவர்களுக்கு ஏற்ற ஃபண்ட்!

எஃப்.எம்.பி-ல் கிடைக்கும் லாபத்திற்குப் பணவீக்க சரிகட்டலுக்குப்பின் (இண்டக்சேஷன்) வரி செலுத்துவதால், வரி குறைந்து வருமானம் கூடுகிறது!

- மீ.கண்ணன் நிதி ஆலோசகர், radhaconsultancy.blogspot.in