Published:Updated:

ஏற்றுமதியை அதிகரித்து, இறக்குமதியைக் குறைப்போம்!

ஏற்றுமதியை அதிகரித்து, இறக்குமதியைக் குறைப்போம்!
பிரீமியம் ஸ்டோரி
ஏற்றுமதியை அதிகரித்து, இறக்குமதியைக் குறைப்போம்!

ஏற்றுமதியை அதிகரித்து, இறக்குமதியைக் குறைப்போம்!

ஏற்றுமதியை அதிகரித்து, இறக்குமதியைக் குறைப்போம்!

ஏற்றுமதியை அதிகரித்து, இறக்குமதியைக் குறைப்போம்!

Published:Updated:
ஏற்றுமதியை அதிகரித்து, இறக்குமதியைக் குறைப்போம்!
பிரீமியம் ஸ்டோரி
ஏற்றுமதியை அதிகரித்து, இறக்குமதியைக் குறைப்போம்!

ஹலோ வாசகர்களே..!

ஏற்றுமதியை அதிகரித்து, இறக்குமதியைக் குறைப்போம்!



ஏற்றுமதி வர்த்தகத்தில் மீண்டும் நாம் நன்கு செயல்பட ஆரம்பித்திருக்கிறோம் என்கிற செய்தி நம்மை உற்சாகப்படுத்துவதாக இருக்கிறது. 2018 அக்டோபரில் நமது ஏற்றுமதி 17.86% அதிரித்து  26.98 பில்லியனாக உள்ளது. இதன்மூலம் நடப்பு நிதி ஆண்டுக்கான நமது 350 பில்லியன் டாலர் என்கிற ஏற்றுமதி இலக்கினை நாம் எட்டும் நிலை உருவாகியிருக்கிறது.

அதேசமயம், நம்முடைய இறக்குமதியும் அதிகமாகியிருக்கிறது. கடந்த ஏப்ரல் - அக்டோபர் மாதங்களில் நமது இறக்குமதி 16.37% அதிகரித்து, 302.47 பில்லியன் டாலர் என்கிற அளவுக்கு உயர்ந்துள்ளது. இதனால் நமது வர்த்தகப் பற்றாக்குறை கடந்த ஆண்டில் இருந்த 91.28 பில்லியன் டாலரிலிருந்து தற்போது 111.46 பில்லியன் டாலராக உயர்ந்துள்ளது. 

இந்தப் புள்ளிவிவரங்களை பார்க்கும்போது, இனி நாம் என்ன செய்ய வேண்டும் என்பது தெளிவாகத் தெரிகிறது. இறக்குமதியை முடிந்த வரை குறைத்து, ஏற்றுமதியை அதிகரிக்கும் நடவடிக்கைகளை எடுக்க வேண்டும். 

இன்றைய தேதியில் நமது இந்தியாவிலிருந்து ஏற்றுமதியாகும் பொருள்களில் ஆயத்த ஆடைகள், தங்க ஆபரணங்கள், மசாலாப் பொருள்கள், எலெக்ட்ரானிக்ஸ் மற்றும் தோல் பொருள்கள் போன்றவை முக்கியமானவை. விவசாய விளைபொருள்களை ஏற்றுமதி செய்வதிலும் இரட்டிப்பு வளர்ச்சி கண்டிருக்கிறோம். ஆனால், நம்மால் இவ்வளவுதான் ஏற்றுமதி செய்ய முடியுமா என்றால், இல்லை; இதற்கு மேலும் ஏற்றுமதி செய்ய முடியும் என்பதே பதில். இயந்திரங்களையும், விவசாய விளைபொருள்களையும் உள்ளூரில் விற்க நினைக்கிற அதே நேரத்தில், வெளிநாட்டிலும் கொண்டு சென்று விற்கவேண்டும் என்கிற எண்ணம் முதலில் நம்மவர்களுக்கு வர வேண்டும். உள்ளூர்த் தேவையை நிறைவேற்றும் அதேசமயத்தில், உலகத் தேவையையும் நிறைவேற்றியதன் விளைவுதான், இன்றைக்கு உலக வர்த்தகத்தில் கொடிகட்டிப் பறக்கிறது சீனா.  சீனாவை நமது வழிகாட்டியாக எடுத்துக்கொண்டு, ஏற்றுமதியில் நாமும் சிறந்து விளங்கத் தேவையான நடவடிக்கைகளை எடுப்பது அவசியம்.

அதேசமயத்தில், வெளிநாடுகளிலிருந்து இறக்குமதியாகும் பொருள்களின் எண்ணிக்கையை எப்படிக் குறைப்பது என்பது பற்றியும் தீவிரமாக யோசிக்க வேண்டும். உதாரணமாக, அதிநவீன செல்போன்களை வெளிநாடுகளிலிருந்து இறக்குமதி செய்யும் நிலையே இன்னமும் உள்ளது. தாய்லாந்து, இந்தோ னேஷியா போன்ற சிறிய நாடுகளில் உருவாகும் அதிநவீன செல்போன்களை நம் நாட்டிலேயே நம்மால் நிச்சயமாகத் தயாரிக்க முடியுமே! ஸ்டார்ட்அப் இந்தியா, மேக் இன் இந்தியா என்று பேசிக்கொண்டிருப்பதற்குப் பதில்,  எல்லாப் பொருள்களையும் நம்மூரிலேயே நாம் தயாரிப்பது எப்போது?

திட்டமிட்டுச் செயல்பட்டால், நம்மால் முடியாத விஷயம் என்று எதுவுமில்லை. இறக்குமதியைக் குறைத்து, ஏற்றுமதியை அதிகரிக்க  அரசாங்கம் மட்டுமல்ல, நமது மக்களும் மனது வைத்துச் செயல்பட்டால் மட்டுமே இந்த விஷயத்தில் நாம் ஜெயிக்க முடியும்!

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism