Published:Updated:

கால் நூற்றாண்டைக் கடந்த ஃப்ராங்க்ளின் டெம்பிள்டன்!

கால் நூற்றாண்டைக் கடந்த ஃப்ராங்க்ளின் டெம்பிள்டன்!
பிரீமியம் ஸ்டோரி
News
கால் நூற்றாண்டைக் கடந்த ஃப்ராங்க்ளின் டெம்பிள்டன்!

கால் நூற்றாண்டைக் கடந்த ஃப்ராங்க்ளின் டெம்பிள்டன்!

மியூச்சுவல் ஃபண்ட் முதலீடு என்பது இந்தியாவில் 11% மக்களைச் சென்றடைந்திருக்கிறது. இந்த முக்கியமான இலக்கை எட்டுவதற்குக் காரணமாக அமைந்த முக்கியமான நிறுவனம் என்றால் அது ஃப்ராங்க்ளின் டெம்பிள்டன்தான். இந்தியாவில் தொடங்கப்பட்ட முதல் தனியார் நிறுவனமான இது,  நமது சென்னையைச் சேர்ந்தது என்பதில் நாம் நிச்சயம் பெருமைப்படலாம். இதன் ஃப்ராங்க்ளின் இந்தியா புளூசிப் ஃபண்ட் மற்றும் ஃப்ராங்க்ளின் இந்தியா பிரைமா ஃபண்ட் ஆகிய இரு ஃபண்டுகள் கடந்த டிசம்பர் 1-ம் தேதியுடன் 25 ஆண்டுகளை நிறைவு செய்தி ருக்கிறது. இந்த 25 ஆண்டுகளில் இந்த நிறுவனம் அடைந்த வளர்ச்சியானது வியப்பானது. அந்த வரலாற்றைச் சுருக்கமாகப் பார்ப்போம்.

1991-ம் ஆண்டு பட்ஜெட்டில்தான் இந்தியாவில் தனியார் நிறுவனங்கள் மியூச்சுவல் ஃபண்ட் தொடங்குவதற்கு அனுமதி வழங்கப்பட்டது. இதற்குமுன், மியூச்சுவல் ஃபண்ட் துறையில் யூ.டி.ஐ முக்கியமான நிறுவனமாக இருந்தது. இந்த அனுமதி தரப்படுவதற்கு சில ஆண்டுகளுக்குமுன், எஸ்.பி.ஐ நிறுவனத்தின் மியூச்சுவல் ஃபண்ட் பிரிவு தொடங்கப்பட்டது.

கால் நூற்றாண்டைக் கடந்த ஃப்ராங்க்ளின் டெம்பிள்டன்!

* அமெரிக்காவில் மியூச்சுவல் ஃபண்டுகளுக்கு நீண்ட வரலாறு உள்ளது. அமெரிக்காவில் படித்த விவேக் ரெட்டி சென்னை திரும்பினார். தன்னுடைய பள்ளிகால நண்பரான ஷியாம் கோதாரியுடன் இணைந்து, மியூச்சுவல் ஃபண்ட் தொடங்குவது குறித்து விவாதித்தார். தொழிலதிபரான ஷியாம் கோதாரியும், மியூச்சுவல் ஃபண்ட் ஐடியாவுக்கு ஒப்புதல் கொடுத்தார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அதேசமயம், அமெரிக்காவைச் சேர்ந்த தனியார் நிறுவனமான பயோனீர் (Pioneer) நிறுவனமும்  இந்தியாவில் மியூச்சுவல் ஃபண்ட் தொடங்குவது குறித்து திட்டமிட்டு வந்தது. இந்தியாவில் சரியான பங்குதாரரையும் தேடியது. பயோனீர் நிறுவனத்தின் தலைமைச் செயல் அதிகாரி, விவேக் ரெட்டி மற்றும் ஷியாம் கோதாரியுடன் இணைந்து, கோதாரி பயோனீர் மியூச்சுவல் ஃபண்ட் என்னும் நிறுவனத்தை 1993-ம் ஆண்டு தொடங்கினார்கள். அப்போது உருவான இரு ஃபண்டுகள்தான் கோதாரி பயோனீர் புளூசிப் ஃபண்ட் மற்றும் கோதாரி பயோனீர் பிரைமா ஃபண்ட் என்னும் மியூச்சுவல் ஃபண்டுகள். இந்தியாவின் முதல் தனியார் ஃபண்டுகள் இவைதான்.

இந்த நிறுவனம் மியூச்சுவல் ஃபண்ட் முதலீட்டில் பல மாற்றங் களைச் செய்தது. அதற்கு முன்பு, மியூச்சுவல் ஃபண்டுகள் மாதத்துக்கு ஒருமுறை மட்டுமே என்.ஏ.வி-யை வெளியிட்டு வந்தன. ஆனால், கோதாரி பயோனீர் மியூச்சுவல் ஃபண்ட் நிறுவனம் தினசரி           என்.ஏ.வி-யை வெளியிடும் புதிய நடைமுறையை அறிமுகப்படுத்தியது.

1996-ம் ஆண்டு ஃப்ராங்க்ளின் டெம்பிள்டன் நிறுவனம் இந்தியாவில் தன் செயல்பாட்டைத் தொடங்கியது. 2002-ம் ஆண்டு கோதாரி பயோனீர் மியூச்சுவல் ஃபண்ட் நிறுவனத்தைத் தன்னுடன் இணைத்துக்கொண்டது, ஃப்ராங்க்ளின் டெம்பிள்டன் நிறுவனம்.

கால் நூற்றாண்டைக் கடந்த ஃப்ராங்க்ளின் டெம்பிள்டன்!

நிறுவனத்தை மட்டும் வாங்காமல், அதிலுள்ள முக்கியப் பணியாளர்களான கே.என்.சிவசுப்ரமணியன் மற்றும் ராஜா ஆகிய இரு பணியாளர்களையும் சேர்த்தே வாங்கியது.  இந்தியாவின் முக்கியமான ஃபண்ட் மேனேஜர் களில் ஒருவரான கே.என்.சிவசுப்ரமணியன்,  ஆரம்பத்தில் ஐ.டி.பி.ஐ நிறுவனத்தில் பணியாற்றினார். ஆரம்ப காலத்தில் பல நல்ல நிறுவனங்களைக் கண்டறிந்து முதலீடு செய்தது சிவாவின் திறமை.

உதாரணமாக, இன்ஃபோசிஸ் நிறுவனம், ஆரம்பித்த சில ஆண்டுகளிலேயே அதில் முதலீடு செய்தார் சிவா. அதில் முதலீடு செய்வதற்குமுன் அந்த நிறுவனத்தின் உயரதிகாரி களுடன் பலமுறை உரையாடினார். 1997-ம் ஆண்டு பிரைமா பிளஸ் ஃபண்டில் முதலீடு செய்யப்பட்டிருந்த பணத்தின் பெரும்பகுதியை இன்ஃபோசிஸ் நிறுவனத்தில் முதலீடு செய்தார்.  அதேபோல, ஹெச்.டி.எஃப்.சி வங்கிப் பங்கையும் ஆரம்ப காலத்திலே  கண்டறிந்து முதலீடு செய்திருக்கிறார்.

ஐ.டி பங்குகளை முன்கூட்டியே கணித்திருந்தாலும், அதே வேகத்தில் இல்லையென்றாலும் தனியார் வங்கி பங்குகள் நீண்ட காலத்துக்கு ஏற்றவை என்பதையும் சிவா கணித்திருந்தார். பொதுத்துறை வங்கிகள் அனைத்து வகையான சேவைகளையும் வழங்கமுடியவில்லை.

அதேபோல, வெளிநாட்டு வங்கிகளும் நகரங்களில் மட்டுமே செயல்பட்டு வந்தன. அதனால் தனியார் வங்கிகள்தான் வங்கிச் சேவையில் முக்கியப் பங்கு வகிக்க முடியும் என்பதை முன்கூட்டியே கணித்தார்.
வங்கிப் பங்குகளில் ஹெச்.டி.எஃப்.சி வங்கிப் பங்கை முன்கூட்டியே கணித்தார். 2002-ம் ஆண்டிலே இந்த பங்கில் முதலீடு செய்யத் தொடங்கவிட்டார். 2002-ம் ஆண்டு இந்த வங்கி யின் மொத்த டெபாசிட் ரூ.17,650 கோடி மட்டுமே. ஆனால், கடந்த நிதியாண்டு முடிவில் ரூ.7.7 லட்சம் கோடிக்கு மேல் டெபாசிட் வளர்ந்திருக்கிறது என்பதே இந்த வங்கியின் வளர்ச்சிக்கு ஒரு சான்று.

ஹெச்.டி.எஃப்.சி வங்கி சிறப்பாகச் செயல்பட்டு வந்தாலும், அதிக தொகையை ஒரே வங்கிப் பங்கில் மட்டும் முதலீடு செய்யாமல் இதர வங்கி பங்குகளிலும் முதலீடு செய்தார். அதேபோல, ஒரு பெரிய வங்கி யானாலும் ஒரு கட்டத்துக்கு மேல் வளர்ச்சியடைய முடியாது என நினைத்தேன். ஆனால், அதனையும் ஹெச்.டி.எஃப்.சி வங்கி மாற்றிவிட்டது என குறிப்பிட்டிருக்கிறார்.

கே.என்.சிவசுப்ரமணி யனிடம் சந்தை வல்லுநராக பணியாற்றிய ஆனந்த் ராதா கிருஷ்ணன் தற்போது, ஃப்ராங்க்ளின் டெம்பிள்டன் மியூச்சுவல் ஃபண்ட் நிறுவனத்தின் முதன்மை முதலீட்டு அதிகாரியாகப் பணியாற்றி வருகிறார். 2008-ம் ஆண்டு முதல் ஃபண்ட் மேனேஜராக இருக்கும் இவர், நான்கு ஆண்டுகளுக்குமுன் முதன்மை முதலீட்டு அதிகாரியாகப் பொறுப்பேற்றார்.

கால் நூற்றாண்டைக் கடந்த ஃப்ராங்க்ளின் டெம்பிள்டன்!

   வருமானம் எவ்வளவு?

25 ஆண்டு கால ஃபண்ட் என்பது மிகவும் முக்கியமான மைல் கல். பங்குகள் தேர்வில் கவனமாக இருந்தாலும் வருமானமும் முக்கியம். இந்தக் காலத்தில் எவ்வளவு வருமானம் கிடைத்தி ருக்கிறது என்பதைப் பார்க்கலாம்.

ஃப்ராங்க்ளின் இந்தியா புளூசிப் ஃபண்டில்  1993-ம் ஆண்டுக்கு ஒரு லட்சம் ரூபாய் முதலீடு செய்திருந்தால் 25 ஆண்டுகளுக்குப் பிறகு ரூ.19.48 லட்சம் கிடைத்திருக்கும். அதாவது. ஆண்டுக்கு 20.45% வருமானம். இந்தக் காலத்தில் நிஃப்டி 11% வருமானம் மட்டுமே கொடுத்திருக்கிறது.

அதேபோல, ஃப்ராங்க்ளின் இந்தியா பிரைமா ஃபண்டில்  1993-ம் ஆண்டு ஒரு லட்சம் ரூபாய் முதலீடு செய்திருந்தால்,  ஆண்டுக்கு 19.67 சதவிகித வருமானம் கிடைத்திருக்கும்.

கால் நூற்றாண்டைக் கடந்த ஃப்ராங்க்ளின் டெம்பிள்டன்!

   சந்தையில் மாற்றம்

தனியார் நிறுவனங்களுக்கு அனுமதி வழங்கப்பட்டதில் இருந்து, இந்தத் துறையில் பல மாறுதல்கள் செய்யப்பட்டிருக் கின்றன. புதிய ஃபண்டுகள் வெளியிடுவதற்கான வெளியீட்டுச் செலவு செய்ய செபி கடந்த 2008-ல் தடை விதித்தது. 2009-ம் ஆண்டு வெளியேறும் கட்டணத்தை (2.25%) ரத்து செய்தது. சமீபத்தில் கூட செலவு விகிதங்களுக்கு புதிய கட்டணங்களைப் பரிந்துரை செய்துள்ளது.

இந்தத் தடைகளையெல்லாம் தாண்ட முடியாத பல வெளிநாட்டு மியூச்சுவல் ஃபண்டுகள் இந்திய சந்தை யிலிருந்து வெளியேறி விட்டன. ஆனால், எல்லாத் தடைகளை யும் தாண்டி, இந்திய மியூச்சுவல் ஃபண்ட் சந்தையில் இன்னும் சிறப்பாகச் செயல்பட்டு வருகிறது ஃப்ராங்க்ளின் டெம்பிள்டன் மியூச்சுவல் ஃபண்ட் நிறுவனம். இந்த நிறுவனம் இந்த ஆண்டு மாற்று முதலீட்டு ஃபண்டுகளை (Alternative         Investment Funds) வெளியிட்டுள்ளது குறிப்பிடத்தக்கது. 

- வாசு கார்த்தி