Published:Updated:

காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!
பிரீமியம் ஸ்டோரி
News
காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

ழு சதவிகித பொருளாதார வளர்ச்சி என்கிற அளவில் வளர்ச்சியடையும் போதும்கூட, இந்திய நிறுவனங்களின் இ.பி.எஸ் வளர்ச்சி என்பது பெரிய அளவில் வளர்ச்சி அடையாமல் இருப்பது குறித்த தேவையற்ற கவலை ஒன்று சந்தையில் நிலவுகிறது. இதுபோன்ற சூழல் இந்தியப் பொருளாதாரத்திற்கு நல்லதே. எப்படி?

பொருளாதாரம் வளர்கிறது. வாடிக்கையாளர்கள் பொருள்களை வாங்குகிறார்கள். ஆனால், நிறுவனங்களின் லாபம் அதிகரிக்கவில்லை என்பதையே இது காட்டுகிறது. விற்பனை அதிகரித்து லாபம் அதிகரிக்கவில்லை என்றால் என்ன அர்த்தம்? வாடிக்கையாளர்களுக்கு நல்லதொரு விலையில் பொருள்கள் கிடைக்கிறது என்றுதானே அர்த்தம்? இந்த நிலை தொடர்ந்தால் நிறுவனங்கள் தங்களுடைய செயல்திறனை அதிகரிக்கவும், செலவினங்களைக் குறைக்கவும் ஆரம்பிக்கும்.

   ஜி.டி.பி வளர்ந்தும் இ.பி.எஸ் அதிகரிக்காத நிலை

கடந்த நவம்பர் 12-ம் தேதியிட்ட பிசினஸ் ஸ்டாண்டர்டு நாளிதழில் கடந்த பத்து ஆண்டுகளில் பங்குச் சந்தையில் பட்டியலிடப்பட்ட நிறுவனங்களின் இ.பி.எஸ்-ன் வளர்ச்சி 4.1 சதவிகிதமாகவும், அதேசமயம், நாட்டின் ஜி.டி.பி வளர்ச்சி கிட்டத்தட்ட 12.9 சதவிகிதமாகவும் இருந்தது என்று ஒரு செய்தி வந்திருந்தது. இந்தச் செய்தி வந்த அதே சமயத்தில் இதுகுறித்து வெளியான ஒரு அயல்நாட்டுப் பங்குத் தரகு நிறுவனத்தின் ஆராய்ச்சி அறிக்கையும் வந்து, “என்னதான் ஆயிற்று இந்தியாவிற்கு...” என்று  கேட்க வைத்தது.

காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

   போட்டியைத் தவிர்ப்பதில் இருக்கும் அனுகூலம்

போட்டி நிறைந்த ஒரு பொருளாதாரத்தில் இரண்டு வகையான நிறுவனங்களே நல்ல லாபம் பார்க்க முடியும் (முதலீட்டுக்கான செலவைவிட அதிக அளவிலான ஆர்.ஓ.சி.இ-யை பெறுவதையே இங்கே குறிப்பிடுகிறேன்)

போட்டியாளர்களுக்கிடையே நல்லதொரு அனுகூலத்தைக்கொண்டிருக்கும் நிறுவனங்கள் என்பவை இரண்டு வகைப்படும். ஒன்று, தரமான தயாரிப்புகள், அதிக வசதிகள் மற்றும் போட்டி யாளர்களிடமிருந்து பெருமளவில் மாறுபாடு களைக் கொண்டிருக்கும் தயாரிப்புகளைக் (வாடிக்கையாளர்கள் வேறு நிறுவனத்தின் பொருள்களை வாங்கப் பிரியமில்லாமலும் அல்லது மாறுவதற்கு அதிக செலவாகும் என்பதாலும்) கொண்டிருத்தல் என்பதால், வாடிக்கையாளருடைய தேவைகள் அதிகமாக இருந்து அதனால் லாபம் சம்பாதிக்கும் நிறுவனங்கள். மற்றொன்று, உற்பத்தி செய்வதில் குறைந்த செலவினங்களைக் கொண்டு ஏனைய போட்டியாளர்களைவிட குறைந்த செலவில் பொருள்களை உற்பத்தி செய்ய முடிகிற நிறுவனங்கள்.

இந்தவித உற்பத்திச் செலவு குறைவு என்பது நிறுவனங்கள் தாங்களே சொந்தமாகக் கண்டுபிடித்து வைத்திருக்கும் உற்பத்தி முறை (புரப்ரைட்டரி டெக்னாலஜி) அல்லது மூலப் பொருள்களைப் பெறுவதில் இருக்கும் தனிப்பட்ட உரிமை அல்லது நீண்ட அனுபவம் மற்றும் இவை மூன்று விஷயங்களில் ஏதாவது ஒன்றை ஒருங்கே இணைத்துச் செயல்படுத்த முடிந்த நிறுவனங்களும் நல்ல லாபம் பார்க்க வாய்ப்புள்ளது. இதுபோன்று போட்டியாளர்களைவிடத் திறமையாகத் தொடர்ந்து செயல்படக்கூடிய அனுகூலம் என்பது இந்தியாவைப் பொறுத்தவரை, எஃப்.எம்.சி.ஜி, வங்கிகள், பார்மா மற்றும் எலெக்ட்ரிக்கல் (லைட்) மேனுஃபேக்சரிங் துறைகளிலேயே காணமுடிகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

போட்டிகளுக்கு இடையேயான அனுகூலங்கள் எதுவும் இல்லாத நிறுவனங்கள், அதே சமயத்தில் நீண்ட நாள்களாக கடும் முயற்சிசெய்து உற்பத்திச் செலவை மிகக் கடுமையாகக் குறைத்து செயல்படும் நிறுவனங்கள். இந்த வகை நிலைமையில் செயல்படும் நிறுவனங்களை இந்தியாவின் சிமென்ட் மற்றும் ஸ்டீல் துறைகளில் (உற்பத்தி செய்யும் பொருளில் பெரிய அளவில் வித்தியாசம் காண்பிக்க முடியாத நிறுவனங்கள் இவை) காணமுடியும்.

இந்த இரண்டு பெரும்பிரிவுகளின் கீழே வராத நிறுவனங்களே பெரும்பாலும் சிக்கல்களில் சிக்கி காணாமல் போகின்றன. உதாரணத்திற்கு, டெலி கம்யூனிகேஷன் துறையில் ஐடியா, ஏர்லைன்ஸ் துறையில் ஜெட் ஏர்வேஸ், பல்வேறு வங்கிசாரா நிதி நிறுவனங்கள், பல தனியார் வங்கிகள் (காசா  வாய்ப்புகள் பெரிய அளவில் இல்லாதவை), எக்கச்சக்கமான கட்டுமான நிறுவனங்கள், நிறைய சிமென்ட் தயாரிக்கும் நிறுவனங்கள் போன்றவை.

பத்து ஆண்டுகளுக்குமுன்பு வரை இந்த வகை நிறுவனங்கள் வெற்றி முழக்கமிடக் காரணம்,

(1) பொதுத்துறை வங்கிகளிடம் இருந்து குறைந்த வட்டியில் கடன் கிடைத்தது

(2) துறையில் செயல்படும் நிறுவனங்களுக்கு இடையேயான குறைந்தபட்ச விலையை நிர்ணயம் செய்வதற்கான ஜென்டில்மேன் ஒப்பந்தங்கள் போன்றவையே.  இந்த வகையான நலிவடைந்த நிறுவனங்கள் இதுபோன்ற விஷயங் களால் பலனடைந்து வந்தபோதிலும், இந்திய வாடிக்கையாளர்களும், வரி செலுத்துபவர்களும் அதிக விலையையும், வரியையும் தொடர்ந்து செலுத்தியே இந்த வகை நிறுவனங்கள் பிழைக்க வழிவகை செய்துகொண்டிருந்தனர்.

கடந்த பத்து வருடங்களில் திடீரென முளைத்த போட்டிச்சூழல் காரணமாக இந்தவகை நிறுவனங்கள் மூடப்படவோ அல்லது விற்கப் படவோ செய்யப்பட்டன. ஏன் இந்தச் சூழல் வந்தது என்பதை இன்னமுமே முழுமையாக நம்மால் புரிந்துகொள்ள முடியவில்லை என்பது வேறு விஷயம். கடந்த பத்து வருடங்களில் நாம் கண்டறிவது என்னவென்றால், நிஃப்டியில் இருக்கும் நிறுவனங்களின் வரிக்கு முந்தைய ஆர்.ஓ.சி.இ என்பது (10 ஆண்டுகளில் 20.5 சதவிகிதத்திலிருந்து தற்போது 15.5 சதவிகிதமாகக் குறைந்துள்ளது) கணிசமான அளவில் குறைந்து வந்துள்ளது என்பதைத்தான்.

காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

இதே காலகட்டத்தில், வாடிக்கையாளர் களுக்குத் தரமுயர்ந்த பொருள்கள் நல்லதொரு விலையில் கிடைக்க ஆரம்பித்து அவர்கள் அதனை அதிக அளவில் வாங்க ஆரம்பித்தார்கள் என்பதும், அதனால் நிர்மாணிக்கப்பட்ட உற்பத்தித் திறனை நிறுவனங்கள் (லாபம் பார்க் கிறார்களோ, இல்லையோ) கணிசமாக அதிகரித்தது என்பதும் கூடுதல் தகவல். இந்தச் சூழ்நிலையைப் புரிந்துகொள்ள கீழே சொல்லி இருக்கும் உதாரணத்தைப் பாருங்கள்.

உள்நாட்டு விமானங்களில் எப்போதும் சீட்டுகள் காலியாக இல்லை; ஏர்போர்ட்களும் பிஸியாகவே இருக்கின்றன. ஆனால், ஏர்லைன் நிறுவனங்கள் லாபம் பார்ப்பதில்லை.

டாக்சிகளுக்கான சந்தையில் எக்கச்சக்கமான டாக்சிகள் (வாடகைக்கார்கள்) சாலை எங்கும் ஓடுகின்றன. ஊபர் மற்றும் ஓலா நிறுவனங்களின் வாடிக்கையாளர்கள் சூப்பரான டீல்களை பெறுகிறார்கள். ஆனால், ஊபர் நிறுவனமோ, ஓலா நிறுவனமோ லாபம் பார்ப்பதில்லை.

இத்தகைய போட்டிக்கு நாம் நிச்சயமாக நன்றி சொல்லியே ஆகவேண்டும். ஏனென்றால், இந்த வகையில் அதிகரித்த போட்டியே இதுபோன்ற சிறு நிறுவனங்களின் கையிலிருந்து லாபத்தை வாடிக்கையாளரின் சட்டைப்பைக்கு மாற்றி விட்டது.

   வேறு யாருக்கு லாபம்?

இதுபோன்ற கடுமையான போட்டி அதிகரித்த பொருளாதாரத்தில் இ.பி.எஸ் வளர்ச்சியைத் தக்கவைத்துக்கொள்வது மிகவும் அதிக செயல்திறன்கொண்ட நிறுவனங்களினாலும், போட்டியாளர்களுக்கும் தங்களுக்கும் இடையே எக்கச்சக்க இடைவெளியை கொண்ட நிறுவனங் களினாலும் மட்டுமே முடிந்த ஒரு காரியமாக இருந்தது. விற்றுவரவில் இரண்டு இலக்க வளர்ச்சியைத் தொடர்ந்துகொண்டிருக்கும் இதுபோன்ற நிறுவனங்களினால் மட்டுமே தொடர்ந்து முதலீட்டுக்கான செலவைவிட அதிக அளவிலான ஆர்.ஓ.சி.இ என்ற நிலையைத் தக்கவைத்துக்கொள்ள முடியும் என்று நாங்கள் நினைக்கிறோம். அதனால், இந்த வகை நிறுவனங்களையே முதலீட்டாளர்கள் வாங்கவும், வைத்திருக்கவும் செய்யலாம்.

போட்டியாளர்களுக்கும், தங்களுக்கும் இடையே மிகப்பெரிய இடைவெளியை வைத்திருக்கும் டாக்டர் லால்பாத் லேப் மற்றும் ஏசியன் பெயின்ட்ஸ் போன்ற நிறுவனங்கள், தாங்கள் விலையை அதிகரிப்பதன் மூலம் தங்களுடைய லாபமும் அதிகரிக்கும் என்பதைத் தெரிந்துவைத்திருந்தாலும் அதைச் செய்யத் தயங்கவே செய்யும். ஏனென்றால், இந்த நிறுவனங்கள் விலையை அதிகரித்தால், அதனைத் தொடர்ந்து போட்டி நிறுவனங்களும் விலையை அதிகரித்து லாபம் பார்க்கும். அவற்றின் வாழ்க்கை சுலபமாகிவிடும்.

இதே நிலைதான் வங்கித் துறையிலும். பெரிய தனியார் வங்கிகள் இந்த வருடத்திலேயே மூன்று மாதத்திற்கான பணச்சந்தை கடன்கள் 200 பேசிஸ் புள்ளிகள் அதிகரித்தபோதும் தாங்கள் கடன் வழங்கும் வட்டிவிகிதத்தை அதிகரித்துக் கொள்ளவே இல்லை. ஏனென்றால், இதன்மூலம் சிறிய வங்கிகளை கசக்கிப் பிழிந்துவிட முடியும் என்பதை அவை தெரிந்துவைத்துள்ளன. இந்த விலை உயர்த்தா நிலை அகில இந்திய ரீதியாக இருப்பதால், மத்திய ரிசர்வ் வங்கியால் கன்ஸ்யூமர் பிரைஸ் இண்டெக்ஸ் ரீதியிலான பணவீக்கத்தை கட்டுக்குள் வைப்பது என்பது சுலபமாகிறது. அதனாலேயே வங்கிகள் தரும் வைப்புநிதிக்கான வட்டி உண்மையான (பணவீக்கத்தைத் தாண்டிய) வட்டியைத் தருவதற்கும் வாய்ப்பு உருவாகியுள்ளது.

பொருளாதார வளர்ச்சி என்பது நிறுவனங் களின் லாபத்தின் வளர்ச்சியைவிட வேகமாக (அதிகமாக) இருக்கும்போது தொழில் விரிவாக்கங்களுக்குத் தேவையான நிதி வங்கிகளி லிருந்து கடனாகவும், பிரைவேட் ஈக்விட்டியாகவும், பங்குச் சந்தையில் நிதி திரட்டுதல் வாயிலாகவும் வரவேண்டியிருக்கும் (அதாவது, பெரும்பாலான நிறுவனங்கள் தங்களுடைய லாபத்தில் பங்குதாரர்களுக்கு டிவிடெண்ட் கொடுத்ததுபோக இருக்கும் மீதித்தொகையை வைத்துக்கொண்டு விரிவாக்கங் கள் செய்ய முடியாத நிலை/நிதிப் பற்றாக்குறை ஏற்படும்). இந்த நிலை இந்தியப் பங்கு மற்றும் பட்டியலிடப்பட்ட கடன் சந்தையைப் பெரிதாக்க வாய்ப்புள்ளது.

வலுவில்லாத லாபம் பார்க்க முடியாத நிறுவனங்கள் என்.சி.எல்.டி-க்குப் போகும் நிலையும், நல்ல ஸ்திரமான நிறுவனங்கள் தங்களுடைய விரிவாக்கங்களைக் குறைந்த விலையில் போட்டி நிறுவனங் களைக் கையகப்படுத்துவதன் மூலம் பெறும் நிலையையும் இந்தச் சூழல் உருவாக்கும். இந்த நிலை வாடிக்கையாளர்களுக்கு உகந்ததல்ல – விலையை ஏற்றி இடைஞ்சலைத் தரலாம் என்ற கருத்து நிலவுகிறபோதிலும் அதற்கான நிரூபணங்கள் எதுவும் தற்போதைக்கு இல்லை.

காபி கேன் இன்வெஸ்ட்டிங் - 14 - பங்குச் சந்தை... பலவீனமான இ.பி.எஸ் வளர்ச்சி கெட்ட செய்தி அல்ல!

   மூன்று எதிர்மறையான விஷயங்கள்

இதுவரை நாம் பார்த்ததை தவிர, மூன்று எதிர்மறை விஷயங்களும் இந்த சூழ்நிலையால் உருவாகும்.

நிறுவனங்கள் உற்பத்தித் திறனைப் பெருக்க நினைக்கும்போது மனிதர்களுக்குப் பதிலாக இயந்திரங்களை உற்பத்தியில் அறிமுகப்படுத்தும். உதாரணத்திற்கு, மாருதி நிறுவனத்தின் இ.பி.எஸ் வளர்ச்சி கடந்த பத்தாண்டுகளில் 15 சதவிகிதமாக இருந்தது. அதே காலகட்டத்தில் பணியாளர்களின் எண்ணிக்கை 10% அளவுக்கு அதிகரித்தது. ஹெச்.டி.எஃப்.சி வங்கியின் இ.பி.எஸ் வளர்ச்சி 23% இருந்தபோது, பணியாளர்களின் எண்ணிக்கை அதிகரிப்பு ஒன்பது சதவிகித அளவே அதிகரித்தது. இந்தியாவில் இருக்கும் பணியாளர்களுக்கு இது இடைஞ்சலையே உருவாக்கும்.

சிறிய நிறுவனங்கள் பலவும் (பெரும்பாலானவை எஸ்.எம்.இ-கள்) இதுபோன்ற சூழலில் கசக்கிப் பிழியப்பட வாய்ப்புள்ளது. அதனால் அவை தொழிலைவிட்டு வெளியேறவோ அல்லது பெரிய நிறுவனங்களுக்கு தங்கள் தொழிலை விற்றுவிடவோ செய்யும். அவ்வாறு இந்தத் தொழிலை வாங்கும் நிறுவனங் கள் பணியாளர்களைக் குறைத்து லாபத்தை நிலை நிறுத்திக்கொள்ளப் பார்க்கும்.

கடந்த பத்து ஆண்டுகளில் இந்தியப் பங்குச் சந்தையில் பட்டியலிடப்பட்ட நிறுவனங் கள் நல்லதொரு மறு மதிப்பீட்டுக்கு உள்ளானது. இந்தக் காலகட்டத்தில் மார்க்கெட் கேப்பிட்டலை சேஷன் 15% அளவு வளர்ச்சி யையும் (கூட்டு முறை) அதே சமயம், இ.பி.எஸ் வெறும் 4% வளர்ச்சியையும் மட்டுமே சந்தித்தது. இந்த சமயத்தில், நிதிக்கான செலவினம் (காஸ்ட் ஆப் கேப்பிட்டல்) உலகளாவிய அளவில் பெருமளவு குறைந்தது. தற்போது அமெரிக்க கடன் பத்திரங்களின் வட்டி 1.6 சதவிகிதத்தில் (செப்டம்பர்    2016 – ஐம்பது ஆண்டில் குறைவான வட்டி) இருந்து இரட்டிப்பாகியுள்ளது. இந்த சூழ்நிலைகளை வைத்துக்கொண்டு சிந்திக்கும்போதுதான் இப்போதிருக்கும் பி/இ விகிதங்கள் தொடர்ந்து தாக்குப்பிடிக்க முடியுமா என்பது சந்தேகமாகவே இருக்கிறது.

(அலசுவோம்)

- செளரப் முகர்ஜி ,நிறுவனர்,  மார்செல்லஸ் இன்வெஸ்ட்மென்ட் மேனேஜர்ஸ் (Marcellus Investment Managers)