கம்பெனி டிராக்கிங்: சுப்ரஜித் இன்ஜினீயரிங் லிமிெடட்! (NSE SYMBOL: SUPRAJIT)

மெ க்கானிக்கல் கன்ட்ரோல் கேபிள்கள் உற்பத்தியில் முதலிடத்தைத் தக்கவைத்துக்கொண்டிருக்கும் நிறுவனம் சுப்ரஜித் இன்ஜினீயரிங் லிமிெடட். 1985-ம் ஆண்டு ஆரம்பிக்கப்பட்ட சுப்ரஜித் குழுமத்தைச் சார்ந்த நிறுவனம் இது. இந்தக் குழுமத்தின்கீழ் சுப்ரஜித் ஆட்டோமேட்டிவ் லிமிடெட் நிறுவனமும் செயல்பட்டு வருகின்றன. உலக அளவில் வாகனங் களுக்கான ஹாலோஜன் பல்புகள் உற்பத்தி செய்வதில் முதலிடத்தில் இருக்கிறது சுப்ரஜித் நிறுவனம்.

நிறுவனத்தின் தொழில் சுப்ரஜித் நிறுவனம் 1987-ம் ஆண்டில் வாகனங்களுக்குத் தேவையான உயர்தரம் வாய்ந்த லைனர் கேபிள்களை ஜப்பானிய நிறுவனங்கள் நிர்ணயிக்கும் தரத்தில் உற்பத்தி செய்ய ஆரம்பித்தது. இன்று வாகனங்களுக் கான மற்றும் வாகனங்களுக்கு அல்லாத கேபிள்கள் உற்பத்தியில் கால்பதித்து வெற்றிகரமாக இயங்கிவருகிறது. உலக அளவில் இருக்கும் மெக்கானிக்கல் கேபிள் உற்பத்தி நிறுவனங்களில் முக்கிய ஐந்து நிறுவனங்களில் ஒன்றாக சுப்ரஜித் நிறுவனம் செயல்பட்டு வருகிறது.

. நிறுவனத்தின் வரலாறு

1985-ம் ஆண்டில் ஆரம்பிக்கப்பட்ட இந்த நிறுவனம், அடுத்த பத்து ஆண்டுகளிலேயே பெங்களூருவில் இரண்டு புதிய கேபிள் உற்பத்தி தொழிற்சாலைகளை நிறுவியது. 1996-2005 உள்ளிட்ட பத்து ஆண்டுகளில் பங்குச் சந்தையில் பட்டியலிடப்படுதல், இந்தியாவின் மிகப்பெரிய கேபிள் உற்பத்தியாளராகத் திகழ்தல், பெங்களூரு, மனேசர் மற்றும் சகன் போன்ற இடங்களில் உற்பத்தி மையங்களை நிர்மாணித்தல் மற்றும் ஷா கான்கேப்ஸ் நிறுவனத்தினைக் கையகப்படுத்துதல் போன்ற பணிகளைச் சிறப்பாக செய்து முடித்தது.

கடந்த 2006-2010 ஆண்டு வரையிலான காலகட்டத்தில் பண்ட்நகர் மற்றும் ஹரித்வாரில் புதிய உற்பத்தி வசதிகளை உருவாக்கியது. நூறு சதவிகித ஏற்றுமதிக்கான உற்பத்தி வசதி ஒன்றை பெங்களூருவில் நிறுவியது, சி.டி.பி கில் கேபிள்ஸ் நிறுவனத்தினை வாங்கியது போன்ற விஷயங் களைச் செய்த இந்த நிறுவனம், 2011-2018 வரையிலான காலகட்டத்தில் ஸ்பீடோகேபிள் நிறுவனத்தை வாங்கியது, ஃபோனிக்ஸ் லேம்ப்ஸ் நிறுவனத்தினைக் கையகப்படுத்தியது மற்றும் அமெரிக்க நிறுவனமான வெஸ்கான் கன்ட் ரோல்ஸ் நிறுவனத்தை வாங்கியது போன்ற வற்றைச் செய்துமுடித்தது.

. நிறுவனம் செயல்படும் தொழில் பிரிவுகள்

இந்த நிறுவனம் செயல்படும் தொழில் பிரிவுகள் என்று பார்த்தால், வாகன இயக்கக் கட்டுப்பாட்டிற்காக உதவும் பொருள்கள் மற்றும் வாகனங்களுக்கான விளக்குகள் என்ற இரண்டு பெரும் பிரிவுகளில் இந்த நிறுவனம் செயல்பட்டு வருகிறது.

வாகன இயக்கக் கட்டுப்பாட்டிற்கான பொருள்கள் என்ற தொழிற்பிரிவில் பார்க்கிங் பிரேக் கேபிள்கள், கிளட்ச் கேபிள்கள், ஸ்டார்ட்டர் கேபிள்கள், த்ராட்டில் கேபிள்கள், டோர் லாட்ச் கேபிள்கள், புஷ்-புல் கேபிள்கள், மிரர் கேபிள்கள், டெயில் கேட் கேபிள்கள், கியர் ஷிப்டர் கேபிள்கள், டயர் லிப்டிங் கேபிள்கள், ப்யூயல் பில்லர் கேபிள்கள், ஹீட் லாக் மற்றும் ரில்ஸ் கேபிள்கள், விண்டோ ரெகுலேட்டர் கேபிள்கள், சீட்பெல்ட்டுக்கான கேபிள்கள், சீட்பெல் மற்றும் ரிக்ளைனர் கேபிள்கள், ஸ்பீடோ மீட்டர் மாற்றும் டேக்கோ மீட்டர் கேபிள்கள், சீட் லாக் கேபிள்கள், இன்ஜினை நிறுத்துவதற்கான கேபிள்கள், ஐடில் கேபிள் அசெம்ப்ளிகள், ஃப்ளெக்சிபிள் டிரைவ் அசெம்ப்ளிகள் போன்ற பல்வேறு வாகனங்களில் உபயோகப்படுத்தப்படும் கேபிள்களை உற்பத்தி செய்துவருகிறது.

இந்த நிறுவனம் சுப்ரஜித் யூரோப், சுப்ரஜித் ஆட்டோமோட்டிவ், சுப்ரஜித் யு.எஸ்.ஏ இன்க் போன்ற நிறுவனங்களில் முதலீடுகளைச் செய்துள்ளது. இதில் சுப்ரஜித் யு.எஸ்.ஏ நிறுவனத்தின்கீழ் 100% துணை நிறுவனமாக வெஸ்கான் கன்ட்ரோல்ஸ் எல்.எல்.சி என்ற நிறுவனம், இரண்டு உற்பத்தி வசதிகளுடன் செயல்பட்டு வருகிறது. சமீபத்தில் சுப்ரஜித் இன்ஜினீயரிங் நிறுவனத்துடன் போனிக்ஸ் லேம்ப்ஸ் லிமிடெட் நிறுவனம் (மூன்று உற்பத்தி மையங்களைக் கொண்டிருப்பது) இணைக்கப் பட்டது. போனிக்ஸ் லேம்ப்ஸ் நிறுவனத்தின்கீழ் நூறு சதவிகித துணை நிறுவனங்களாக லக்ஸ்லைட், லக்ஸம்பர்க் மற்றும் ட்ரைபா, ஜெர்மனி என்ற நிறுவனங்கள் இயங்கி வருகின்றன.

. நிறுவனத்தின் பெருமை

கேபிள்கள் உற்பத்தியில் மூன்றாவது பெரிய நிறுவன மாகவும், ஹாலோஜன் பல்புகள் உற்பத்தியில் ஐந்தாவது பெரிய நிறுவனமாகவும் இந்த நிறுவனம் செயல்பட்டு வருகிறது. இந்திய ஆட்டோ மொபைல் துறையில் செயல்படும் பல்வேறு நிறுவனங் களுக்கும் தன்னுடைய தயாரிப்புகளை வழங்கிவரும் இந்த நிறுவனம், வாகன உற்பத்தி யாளர்கள் விரும்பி தங்களுடைய சப்ளையராக வைத்துக் கொள்ளும் நிறுவனமாகத் திகழ்ந்து வருகிறது.

உற்பத்தியாளர்களைத் தவிர்த்து நாள்பட தேய்மானத்தின் அடிப்படையில் மாற்றுவதற்காக வாகன உரிமை யாளர்கள் வாங்கும் இரண்டாம் கட்டத்தேவைக்கும் இந்த நிறுவனத்தின் தயாரிப்புகளே விரும்பி வாங்கப்படுகிறது. ஏற்றுமதி வர்த்தகத்தில் ஐம்பதிற்கும் மேற்பட்ட நாடுகளுக்கு இந்த நிறுவனம் தன் உற்பத்திப் பொருள்களை ஏற்றுமதி செய்துவருகிறது. வாகனங்கள் அல்லாத உபயோகத்திற்கான கேபிள்கள் விற்பனையில் அமெரிக்க சந்தையில் கணிசமான பங்களிப்பைக் கொண்டிருக்கிறது இந்த நிறுவனம். சுப்ரஜித், வெஸ்கான் மற்றும் பீனிக்ஸ் என்ற மூன்று பிராண்டுகளில் இந்த நிறுவனத் தயாரிப்புகள் விற்பனை செய்யப்பட்டு வருகின்றன.

. நிறுவனத்தின் வாடிக்கையாளர்கள்

நான்கு சக்கர வாகனங்கள் உற்பத்தி செய்யும் நிறுவனங் களில் பி.எம்.டபிள்யூ, வோல்ஸ்வேகன், ரெனால்ட், நிசான், ஜெனரல் மோட்டார்ஸ், மாருதி சுஸூகி, சுஸூகி, போர்டு, ஸ்கோடா, சுவராஜ் மஸ்டா, ஹூண்டாய், லூமெக்ஸ், பாஸ்ச், ஹெல்லா, மின்டா, அசோக் லேலாண்ட், டாடா, டொயோட்டா போன்ற பல முன்னணி நிறுவனங்களும் அடங்கும். அதேபோல, இருசக்கர வாகனங்கள் உற்பத்தி செய்யும் நிறுவனங்களில் டி.வி.எஸ், ஹீரோ, பஜாஜ், ஹோண்டா, யமஹா, ஹார்லி டேவிட்சன், பியாஜியோ, மஹிந்திரா, ராயல் என்ஃபீல்டு, கே.டி.எம் போன்ற பல முன்னணி நிறுவனங்கள்.

வாகனங்கள் அல்லாத வகையில் ஜான் டீர், எம்டிடி, ஹோண்டா பவர் எக்யூப்மென்ட், நியூ ஹாலண்ட், டாஃபே, பியாஜியோ, விர்ல்பூல் ஹோம் அப்ளையன்சஸ் போன்ற பல முக்கிய நிறுவனங்கள் இந்த நிறுவனத்தின் தயாரிப்புகளை வாங்கி, தாங்கள் உற்பத்தி செய்யும் உபகரணங்களிள் பொருத்துகின்றன.

ரிஸ்க்குகள் ஏதும் உண்டா?

இந்த நிறுவனம் இயங்கிவரும் துறையான ஆட்டோமொபைல் துறை, பொருளாதார ஏற்ற இறக்கத்தை சார்ந்தே இயங்கும் துறையாகும். எனவே, ஏதாவது ஒரு காரணத்தினால் பொருளாதாரம் எதிர்பார்த்த அளவுக்கு வளராது போனாலோ, வீழ்ச்சியடைந்தாலோ அதனுடைய பாதிப்பு இந்த நிறுவனத்தின் செயல்பாட்டிலும் பிரதிபலிக்க வாய்ப்புள்ளது. ஏற்றுமதி வர்த்தகம் மற்றும் அயல்நாட்டில் தொழில் என்ற இரண்டை யும் செய்துவருவதால், அந்நிய செலாவணி மதிப்பு மாறுதலும் இந்த நிறுவனத்திற்கான ரிஸ்க்காகவே கருதப்பட வேண்டும். மேலும், மூலப்பொருள்கள் விலை மாறுதல், சம்பளம் கூடுதல் போன்றவையும் இந்தத் துறையில் செயல் படும் நிறுவனங்களுக்கேயான ரிஸ்க்குகளாகும்.

ரிஸ்க்குகள் பல இருக்கிறபோதிலும் நீண்ட தொழில் அனுபவத்தினையும், வாடிக்கையாளர்கள் மத்தியில் அசைக்க முடியாத நம்பிக்கையையும் கொண்டிருக்கும் இந்த நிறுவனத்தின் பங்குகளை அதிக ரிஸ்க் எடுக்கக்கூடிய திறன்கொண்ட வாசகர்கள் மட்டும் சந்தை ஏதாவது ஒரு காரணத்தினால் கடுமையானதொரு வீழ்ச்சியைச் சந்திக்கும்போது வரக்கூடிய நல்லதொரு விலை இறக்கத்தில் மிகவும் குறைந்த எண்ணிக்கையில் வாங்கி தங்களுடைய மூன்று ஆண்களுக்கும் மேலான போர்ட்ஃபோலியோவில் சேர்த்துக் கொள்வதற்காகத் தொடர்ந்து ட்ராக் செய்து வரலாம்.

இந்தப் பங்கினை வாங்கியபின்னால் நிறுவனம் மற்றும் இந்தத் துறையின் செயல் பாடுகளைத் தாங்களாவே ட்ராக் செய்துகொள்ள முடியாத வாசகர்களும், ஏற்கெனவே ஆட்டோமொபைல் துறையில் செயல்படும் நிறுவனங்களின் பங்குகளை அதிகம் கொண்டிருக்கும் போர்ட் ஃபோலியோவை வைத்திருக்கும் வாசகர்களும் இந்தப் பங்கினைத் தவிர்ப்பதே நல்லது.

. - டாக்டர் எஸ்.கார்த்திகேயன்

. This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs,

objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (SUPRAJIT)/name of company/time duration)