Published:Updated:

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!
பிரீமியம் ஸ்டோரி
காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

Published:Updated:
காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!
பிரீமியம் ஸ்டோரி
காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

போட்டியைத் தவிர்ப்பதில் இருக்கும் அனுகூலம் (Competitive advantage) பெற்ற நிறுவனங்கள், அந்தத் துறையில் இருக்கும் ஏனைய நிறுவனங்களின் செயல்பாட்டை நன்கு பாதிக்கவே செய்கிறது. இந்தக் கண்ணோட்டத்தில் சந்தையை அளவீடு செய்து பார்த்தால், மும்பை பங்குச் சந்தையின் குறியீடான சென்செக்ஸை விட்டு வெளியேறும் பங்குகளைவிட பிஎஸ்இ-500 குறியீட்டை விட்டு வெளியேறும் பங்குகளே அதிகமாக இருப்பது எதனால் என்பதுதான். இந்திய பங்குச் சந்தையில் வேறெந்தக் குறியீட்டில் இருக்கும் பங்குகளைவிட பிஎஸ்இ-500 குறியீட்டிலிருந்து வெளியேறும் பங்குகளின் எண்ணிக்கை அதிகம்.

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

வெளியேறும் பங்குகளின் எண்ணிக்கை

கடந்த பத்து ஆண்டுகளில் சென்செக்ஸில் இருந்து வெளியேறிய பங்குகளின் எண்ணிக்கை ஏறக்குறைய 25 - 35 சதவிகிதமாக இருந்துவந்துள்ளது. அதாவது, கடந்த பத்து வருடங்களில் கிட்டத்தட்ட ஏழு முதல் ஒன்பது பங்குகள் சென்செக்ஸில் இருந்து வெளியேறி உள்ளன (அதே அளவிலான பங்குகள் சென்செக்ஸிற்கு உள்ளே வந்தன என்பதும் சரியே!). ஆனால், பிஎஸ்இ-500 குறியீட்டை ஆராய்ந்தால் கிட்டத்தட்ட 50 - 60% அளவிலான பங்குகள் வெளியேறியுள்ளன. அதாவது, 200 - 300 பங்குகள் வெளியேறியுள்ளன. சொல்லப் போனால், நிறைய பங்குகளை உள்ளடக்கிய குறியீட்டு எண்ணில்கூட இந்த அளவுக்குப் பங்குகள் வெளியேறியதில்லை. ஏன் இப்படி நடக்கிறது?

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

போட்டியைத் தவிர்ப்பதில் இருக்கும் அனுகூலம் நிறுவனங்கள் வளரவளர அவ்வப் போது அதிகரிக்கவும் குறையவும் செய்கிறது. தற்போது எனக்குத் திருப்தி அளிக்கும் வகையிலான காரணகாரியத்தை நான் கண்டறிந்துள்ளேன். இந்திய நிறுவனங்களின் செயல்பாட்டு அகழிகள் (Moat), வளர்ச்சியைச் சந்திக்கும்போது பல்வேறு மாறுதல்களைச் சந்திக் கின்றன. அதாவது, போட்டியைத் தவிர்ப்பதில் இருக்கும் அனுகூலங்கள் (அந்த நிறுவனமும் துறையும் வளர்ச்சியைச் சந்திக்கும் சூழ்நிலையில்) அவ்வப்போது அதிகரிக்கவும் குறையவும் செய்கிறது.

படிநிலை 1: ஆரம்பக் காலம்

தனித்துவமான (Niche) ஒரு தயாரிப்பிற்கான சந்தை உருவாகி அதில் அந்த நிறுவனம் கால்பதித்து வேகமான வளர்ச்சியைச் சந்திக்கிறது. ஏனைய நிறுவனங்களிடம் அதற்கு இணையான தயாரிப்புகள் இருப்பதில்லை அல்லது அவர் களால் இந்த நிறுவனத்தைப்போன்ற குறைந்த உற்பத்திச் செலவில் உற்பத்தி செய்ய முடியாது. அதனால் முதல் நிறுவனம் அந்தப் பொருளுக்கான சந்தையில் ஒரு சிறந்த நிறுவனமாகத் திகழ்கிறது (இருக்கும் இடத்தின் புவியியல்  காரணங்களினாலோ அல்லது தன்னுடைய தயாரிப்பில் இருக்கும் சிறப்புக் குணங்களினாலோ). அந்த நிறுவனத்தின் சிறப்பு நிலை வேகமாக விரிவடைகிறது. இதற்கு உதாரணம், கார்வேர் டெக்னிக்கல் ஃபைபர்  லிமிடெட் (Garware Technical Fibres Ltd) நிறுவனம் ஆகும்.

உற்பத்தி செய்யும் பொருளுக்கான சந்தையில் முன்னணி நிலைமையில் இருக்கும் நிறுவனத்திற்குச் செலவு என்பது ஆகக்குறைவாக இருக்க வாய்ப்புள்ளது. உதாரணமாக, புதிய பிளான்ட்டை நிறுவ ஆகும் செலவு (சட்டப்படியான விஷயங் களைச் செய்வதற்கான செலவுகள், உற்பத்தி செய்யும் பொருள்களின் எண்ணிக்கையை அதிகரித்தல், பேக்கேஜிங் மற்றும் பிராண்டிங்கிற் காகச் செலவழித்தல்) குறைவாக இருக்கும்.

படிநிலை 2: புதிய நிறுவனங்களின் வேகமான நுழைவு

இந்தத் தனித்துவப் பொருளுக்கான சந்தை வேகமான வளர்ச்சியைச் சந்திக்கும் வேளையில், குறைந்த உற்பத்திச்செலவில் பொருளைத் தயாரித்து, தலைவனாக இருக்கும் நிறுவனத்தின் உற்பத்திச் செலவு குறைவு என்பது குறைந்து குறைந்து, ஒரு பொருளை உற்பத்தி செய்ய ஆகும்  செலவு மிகக் குறைந்த செலவு என்கிற நிலைக்குச் சென்றுவிடுகிறது. அதேசமயம், உற்பத்தியை அதிகரிக்க விரிவாக்கங்கள் அவசியமாகிறது. 

இந்தப் புதிய விரிவாக்கங்களில் ஏற்படும் நிலையான செலவுகள் (Fixed cost) மொத்த உற்பத்தியில் பகிர்ந்தளிக்கப்படுவதால், லாபம் கொஞ்சம் குறைய ஆரம்பிக்கிறது. வேகமாக வளரும் சந்தையால் புதிய வாடிக்கையாளர்கள் உருவாகின்றனர். அந்தப் புதிய வாடிக்கையாளர்கள் புதிய நிறுவனங்களின் வாடிக்கையாளராக மாறுகின்றனர். ஏனென்றால், வாடிக்கையாளர்கள் என்பவர்கள் நிரந்தரமாக எந்த நிறுவனத்திற்கும் சொந்தமில்லை.

மேலும், சந்தையில் லீடராக இருக்கும் நிறுவனத்தின் வெற்றி புதிய போட்டியாளர் களையும் சந்தைக்கு அழைத்துவரும் வாய்ப்பு உள்ளது. இந்த இரண்டாவது படிநிலையில், தற்சமயம் இருக்கும் நிறுவனங்களிலிருந்து  நல்லதோர் உதாரணத்தைச் சொல்ல வேண்டும் என்றால், லா ஓபலா நிறுவனத்தைச்   (La Opala RG ltd) சொல்லலாம்.

உதாரணத்திற்கு, 100 கோடி இருக்கும் சந்தை (பொருள்) அளவு பத்து ஆண்டுகளில் 10x வேகத்தில் வளர்கிறது எனில், சந்தையின் அளவு 1,000 கோடியாக மாறுகிறது. இந்தச் சந்தை அளவில் லீடரின் பங்களிப்பு 50% என்றால் சாதாரண நிறுவனத்தின் அளவு 10 சதவிகித மாக  இருக்கும். அதேசமயம், சாதாரண நிறுவனத்தின் வருமானம் அதனுடைய நிலையான செலவுகளைவிட அதிகமாகவே இருக்கும். நிலையான செலவினைத் தாண்டி லாபம் வரும் சூழலைப் பார்த்த பின்னர் பல புதிய தொழில்முனை வோர்களும் இந்தத் துறையில் கால்பதிப்பார்கள். அவர்கள் அனைவருமே பெரிய அளவில் மார்க்கெட்டிங் மற்றும் விளம்பரங்கள் செய்ய முயற்சி செய்வார்கள்.  இத்தகைய மார்க்கெட்டிங் மற்றும் விளம்பரங்கள் செய்யும்போது லீடராக முன்னணியில் இருக்கும் நிறுவனமும் மார்க்கெட்டிங் மற்றும் விளம்பரங்கள் செய்ய வேண்டிய சூழலை உருவாக்கும். இது லீடரான நிறுவனத்திற்குக் கூடுதல் செலவை உருவாக்கும்.

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

படிநிலை 3 : கடுமையான போட்டி

இந்தப் படிநிலையில் எக்கச்சக்கமான நிறுவனங்கள் சந்தையில் (பொருள்) போட்டியிடுகிற நிலையில், லீடர் நிறுவனம் நல்லதொரு ஆபரேட்டிங் ஃபிராபிட்டுடன் இருக்கும்.  அதே சமயம், லாபகரமான பல பெரிய நிறுவனங்களும் கடுமையான போட்டியைத் தந்துகொண்டிருக்கும்.

இந்தச் சூழ்நிலையில் ஆபரேட்டிங் எஃபீசியன்சி என்பது மட்டுமே வெற்றிக்கு வழிவகை செய்வதாக இருக்கும். அதுவே அந்தத் துறையின் வளர்ச்சியில் ஏற்படும் மாற்றங்களுக்கு வழிவகை செய்யும். மொபைல் டெலிபோன் மற்றும் வாகனக் கடன் வழங்கும் துறை என்ற இரண்டும் இன்றைய சூழ்நிலையில் இதற்கான உதாரணங்களாகும்.

இந்த மூன்றாவது படிநிலையில், லீடர் நிலையில் இருக்கும் நிறுவனம் கடுமையான போட்டி அதிகரிக்கும் சூழலில் ஏற்படும் லாபக்குறைவைச் சரிக்கட்ட புதிய சந்தை களுக்குள்ளோ அல்லது புதிய தொழில் களுக்குள்ளோ கால்பதிக்க முயற்சி செய்யும். இதுமாதிரியான முயற்சிகள் லீடர் நிறுவனத்தினை ஏற்கெனவே இருக்கிற கடுமையான போட்டியில் சரியானதொரு பதிலடியைத் தரமுடியாத சூழலுக்குத் தள்ளிவிடும். குறைந்தபட்சம் போட்டிக்கு எதிராகச் செயல்படும் வேகத்தை யாவது குறைத்துவிடும்.

பார்தி ஏர்டெல் நிறுவனம் 2009-ம் ஆண்டில் ஆப்பிரிக்காவில் கால்பதித்ததை இதற்கு ஒரு  உதாரணமாகச் சொல்லலாம். இதனாலேயே உள்நாட்டுச் சந்தையில் போட்டி கடுமையாக ஆரம்பித்தபோது அந்த நிறுவனத்தினால் சரியான பதிலடியைக் கொடுக்க முடியாமல்போனது. மாறாக, இதேபோன்ற சூழல் வங்கி/வங்கியல்லாத நிதி நிறுவனத்துறையில் ஏற்பட்டபோது ஹெச்.டி.எஃப்.சி வங்கியும், க்ருஹ் ஃபைனான்ஸ் நிறுவனமும் கவனமாக தங்களுடைய முக்கியச் சந்தையில் விரிவாக்கங்களைச் சளைக்காமல் செய்துவந்தன. அதனாலேயே இந்த இரண்டு நிறுவனங்களும் தங்களுடைய லீடர்ஷிப்பினைத் தொடர்ந்து தக்கவைத்துக்கொண்டது. 

படிநிலை 4: லீடர் தன்னை வலிமையாகத் திடப்படுத்திக் கொள்ளுதல்

இது கடைசிப் படிநிலையாகும். இந்த நிலைக்கு ஒன்று அல்லது இரண்டு நிறுவனங்களே தாக்குப்பிடித்து வந்தடையும்.  இந்த நிறுவனங்கள் மாறாத வாடிக்கையாளர்கள், மிகவும் சீரிய உற்பத்திரீதியிலான இயங்குதிறன் (Efficiency), செலவைக் குறைக்க குறைந்த விலையில் மூலப் பொருள்களைக் கையகப்படுத்திக்கொள்ளும் திறன் போன்ற அனைத்தையும் ஒருங்கே பெற்றுவிடும். 

இதுபோன்ற நிறுவனங்கள் தங்களுடைய தயாரிப்புகளுக்கு ஒருபோதும் விலையை அதிகரிக்காது. செலவுகளைக் கட்டுப்படுத்துவ தினாலேயே லாபம் பார்க்கும். இந்த நிறுவனம் அதிகரிக்காத தால்,  ஏனைய போட்டியாளர் களும் விலையை ஏற்ற முடியாது. அதனாலேயே அவர்களுடைய நிறுவனம் நசிந்துபோய் போட்டி என்பது தானாகவே குறைந்து விடும்.  போட்டிகள் குறைந்தால் லாபம் என்பது லீடர் நிறுவனத்திற்கு அதிகரிக்கவே செய்யும் இல்லையா?

உதாரணத்திற்கு, டாக்டர் லால்பாத் லேப் நிறுவனத்தை எடுத்துக்கொள்வோம். கடந்த இரண்டு வருடங்களாக இந்த நிறுவனம் விலையேற்றம் எதையும் நடைமுறைப்படுத்த வில்லை. அதேபோல், ஏசியன் பெயின்ட் நிறுவனத்தின் கடந்த பத்து ஆண்டு கால விலை ஏற்றம் (சி.ஏ.ஜி.ஆர்) என்பது கிட்டத்தட்ட 2% என்கிற  அளவே இருந்து வந்துள்ளது.

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

முதலீடுகளில் இதன் தாக்கம் என்ன?

1. இந்தியப் பொருளாதாரம் சாலைகள், மலிவுக் கட்டண விமான பயணம் மற்றும் அனைவருக்கும் கிடைக்கும் வகையிலான பிராட்பேண்ட் சேவை போன்றவற்றுடன் திகழும் வேளையில் நிறைய தனித்துவமான (Niche) சேவைகள் மற்றும் தயாரிப்புகளுக்கான தேவைகள் (பிராந்திய மற்றும் தேசிய அளவில்) புதிதுபுதிதாகத் தோன்ற வாய்ப்புள்ளது.

இதற்கு முந்தைய காலத்தில் இவை அனைத்தும் பிராந்திய அளவிலேயே இருந்திருக்கும். ஏனென்றால், கிராமங்களும் சிறு நகரங்களும் நல்ல சாலை மற்றும் தொலைத்தொடர்பு இணைப்புகளை அந்தக் காலகட்டத்தில் பெற்றிருக்கவில்லை. இதுபோன்ற தனித்துவமான தேவைகள், படிநிலை-1 மற்றும் படிநிலை-2-ல் இருக்கும் நிறைய நிறுவனங்கள் உருவாகக் காரணமாக இருக்கும் என எதிர்பார்க்கலாம்.

லா ஓபலா இதுபோன்ற ஒரு தனித்துவ சந்தையை எதிர் நோக்கியே டேபிள்வேர்களை (ஒபல்வேர்) உற்பத்தி செய்தது. இந்தச் சந்தையை உள்ளடக்கி முதலில் இந்த நிறுவனம் கிழக்கு இந்தியாவிலும் பின்னர் அகில இந்திய ரீதியிலும் ஃபிரான் சைஸ்கள் மூலம் விரிவாக்கங் களைச் செய்தது. லா ஓபலாவின் இந்த வெற்றி தற்போது போரோசில் மற்றும் செல்லோ (விம்ப்ளாஸ்ட்) போன்ற நிறுவனங்களை ஓப்பலின் சந்தைக்கு எடுத்துச் செல்கிறது. 

2. போட்டியின் கடுமை யானது முதல் இரண்டு படிநிலைகளில் குறைவான தாகவும், மூன்றாவது படிநிலை யில் உச்சத்திலும், நான்காவது படிநிலையில் சற்று வீரியம் குறைந்ததாக மாறும் என்று எதிர்பார்க்கலாம்.

3. மூன்றாவது படிநிலை என்பது அந்த நிறுவனம்    பி.எஸ்.இ-500க்குள் வந்தபின்னர் தொடர்ந்து ஐந்து சிறப்பான வருடங்களைக் கொண்டு நகர்கிறது. இந்தக் காலகட்டத்தி லேயே ஒரு சராசரி இந்திய ஃபண்ட் மேனேஜரும் மற்றும் ஒரு சராசரி செல் சைட் அனலிஸ்டும் இந்த நிறுவனத்தைக் கண்டுபிடிக்கின்றனர்.

இந்த நான்கு படிநிலைகளில் மூன்றாவது படிநிலையே கடினமான ஒன்றாக இருக்கிற படியால், பி.எஸ்.இ-500க்குள் வந்தபின்னர் இந்த நிறுவனங்கள் தங்களுடைய வருமானத்தைத் தக்கவைத்துக்கொள்ள அரும்பாடுபடுகின்றன.  அதனாலேயே அவற்றின் வருமானமும் பங்கு களின் விலையும் உயருவது கடினமான ஒன்றாகிப்போகிறது.

4. படிநிலை-4-ல் இருக்கும் நிறுவனங்கள் தொடர்ந்து நிலையான கூடுதல் வருமானத்தை (Consistent Compounders) கொண்ட நிறுவனங்களாகத் திகழ்கின்றன.

உதாரணத்திற்கு, ரிலாக்ஸோ, டாக்டர் லால்பாத் லேப், ஏசியன் பெயின்ட்ஸ், ஹெச்.டி.எஃப்.சி பேங்க், க்ருஹ் ஃபைனான்ஸ், பிடிலைட், நெஸ்ட்லே போன்ற நிறுவனங்களைச் சொல்லலாம். இந்த நான்காவது படிநிலைக்குள் வந்த நிறுவனத்தைப் போட்டி நிறுவனங்கள் வெளியே துரத்துவது  எளிதான காரியம் இல்லை. இதனாலேயே சென்செக்ஸில் பி.எஸ்.இ-500 குறியீட்டைவிட குறைந்த அளவு பங்குகள் வெளியேற்றம் நடக்கிறது என்பது உங்களுக்குப் புரியும்.

காபி கேன் இன்வெஸ்ட்டிங் - 19 - போட்டியைத் தவிர்ப்பதில் இருக்கும் அனுகூலங்கள்!

5. முதலீட்டாளர்கள் படிநிலை 1 மற்றும் 4-ல் இருக்கும் நிறுவனங்களிலேயே அதிக லாபம் சம்பாதிக்க முடியும்.

படிநிலை-4-ல் உள்ள நிறுவனங்கள் மல்டி பில்லியன் டாலர் அளவிலான மார்க்கெட் கேப்பிட்டலைசேஷனுடனும், படிநிலை-1-ல் இருக்கும் நிறுவனங்கள் 0.5 பில்லியன் டாலருக்கும் குறைவான மார்க்கெட் கேப்பிட்டலைசேஷனைக் கொண்டும் இருப்பதாக இருக்கும்.

6. புத்திசாலித்தனமான முதலீட்டாளர்கள் படிநிலை-1 மற்றும் படிநிலை-4 என்ற இரண்டு படிநிலைகளில் இருக்கும் நிறுவனங்களிலேயே முதலீடுகளைச் செய்ய முயற்சி செய்வார்கள். 

சோம்பேறித்தனமாகச் செயல்படும் முதலீட்டாளர்கள் மூன்றாம் படிநிலையில் இருக்கும் பங்குகளைத் துரத்திச் செல்வார்கள். ஏனென்றால், முதலீட்டுப் பயணத்தின் ரியர்வியூ கண்ணாடியில் இந்த நிறுவனங்கள் சமீபத்தில் சம்பாதித்த லாபமே அவர்கள் கண்களில்  தெளிவாகத் தெரிவதற்கு அதிக வாய்ப்புள்ளது.

நீங்கள் தேர்வு செய்துள்ள பங்கு நிறுவனங்கள் மேற்சொன்ன படிநிலையில் எந்த இடத்தில் இருக்கிறது என்பதைப் பாருங்கள்!

(முதலீடு தொடரும்)

- செளரப் முகர்ஜி ,நிறுவனர்,  மார்செல்லஸ் இன்வெஸ்ட்மென்ட் மேனேஜர்ஸ் (Marcellus Investment Managers)