Published:Updated:

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்
பிரீமியம் ஸ்டோரி
முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

Published:Updated:
முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்
பிரீமியம் ஸ்டோரி
முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

நிதித் துறையில் 18 ஆண்டுகள் அனுபவம் கொண்டவரும் கனரா ராபிகோ மியூச்சுவல் ஃபண்ட் நிறுவனத்தின் தலைவருமான (ஈக்விட்டி) நிமேஷ் சந்தன் அண்மையில் சென்னை வந்திருந்தார். அவர் நாணயம் விகடனுக்கு அளித்த சிறப்புப் பேட்டி...

இந்தியப் பங்குச் சந்தை தற்போதைய நிலையில் அதிக ஏற்ற இறக்கத்துடன் காணப்படுகிறது. இந்த நிலையைப் பங்குச் சந்தை முதலீட்டாளர்கள் மற்றும் பங்கு சார்ந்த மியூச்சுவல் ஃபண்ட் முதலீட்டாளர்கள் எப்படிச் சமாளிப்பது?

“நீண்ட காலத்தில் சிஸ்டமேட்டிக் இன்வெஸ்ட்மென்ட் பிளான் (எஸ்.ஐ.பி) முறையில் தொடர்ந்து முதலீடு செய்துவந்தால், இந்த ஏற்ற இறக்கங்களைத் தாண்டி நல்ல லாபத்தை, குறிப்பாக, செல்வத்தை உருவாக்க முடியும்.”

இந்தியப் பங்குச் சந்தையின் செயல்பாடு, குறுகிய காலம், நடுத்தரக் காலம் மற்றும் நீண்ட காலத்தில் எப்படி இருக்கும்?

“குறுகியக் காலத்தைப் பொறுத்தவரை, இந்திய பங்குச் சந்தை இரண்டு முக்கிய நிகழ்வுகளைச் சார்ந்து இருக்கிறது. ஒன்று, மத்திய பட்ஜெட் சார்ந்த விஷயங்கள். இரண்டு, விரைவில் நடைபெறவுள்ள பொதுத் தேர்தலும் அதன் முடிவும். அந்த வகையில் அடுத்த சில மாதங்களுக்கு இந்தியப் பங்குச் சந்தை அதிக ஏற்ற இறக்கத்துடன் காணப்படும்.  நடுத்தரம் முதல் நீண்ட காலத்தில் இந்த நிகழ்வுகளின் பாதிப்புக் குறைந்து, பொருளாதாரம் வளர்ச்சிப் பாதைக்குத் திரும்பும். கச்சா எண்ணெய் விலைக் குறைவால் நாட்டின் பணவீக்க விகிதம் குறைந்துவரும் சூழ்நிலை உருவாகும். இதனைத் தொடர்ந்து வட்டி குறைக்கப்படும் போது, வங்கிகள் கடன் வழங்குவது அதிகரித்து நாட்டின் உள்கட்டமைப்பு வசதிகள் மற்றும் பொருளாதாரம் மேம்படும். மேலும், அமெரிக்காவில் வட்டி விகிதம் இப்போதைக்கு அதிகரிக்கும் சூழ்நிலை இல்லை என்பதால், அது இந்தியப் பங்குச் சந்தைக்கு சாதகமாக இருக்கும்.”

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

அடுத்த மூன்று முதல் ஐந்து ஆண்டுகளில் எந்தத் துறைகள் அதிக வளர்ச்சி காணும்?

“இந்தியப் பொருளாதாரம் நிலையாக வளர்ச்சி காணத் தொடங்கிவிட்டது. குறிப்பாக, நுகர்வோர் துறை, உள்கட்டமைப்புத் துறை அதிக வளர்ச்சி காண வாய்ப்புள்ளது.’’
 
இப்போது புதிதாக ஸ்மால்கேப் ஃபண்ட் வெளியிட என்ன அவசியம்?

“செபி அமைப்பின் அண்மைக் கால வரை யறைக்குப் பிறகு ஸ்மால்கேப் நிறுவனங்கள் எண்ணிக்கை அதிகரித்திருக்கிறது. இதில் 750 நிறுவனங்களின் மார்க்கெட் கேபிட்டலைசேஷன் ரூ.5,000 கோடிக்குமேல் இருக்கிறது. குறிப்பிட்ட துறைகளைச் சார்ந்த நிறுவனப் பங்குகள் அதிக விலை இறங்கிக் காணப்படுகிறது.

நீண்ட கால முதலீட்டு நோக்கில் இந்தப் பங்குகளை, இது சார்ந்த ஃபண்டுகளை இப்போது வாங்குவது லாபகரமாக இருக்கும். கடந்த 2018-ம் ஆண்டில் மட்டும் பல பங்குகளின் விலை 30 சதவிகிதத்திற்குமேல் இறக்கம் கண்டிருக்கிறது. இந்த நிலையில், ஸ்மால்கேப்  ஃபண்டுகளில் முதலீடு செய்வதன்மூலம் நீண்ட காலத்தில் அதிக லாபம் பெற முடியும்.

 பொதுவாக, ஓர் ஆண்டு ஸ்மால்கேப் நிறுவனங்களின் பங்கு விலை வீழ்ச்சி கண்டிருந்தால், அடுத்த ஆண்டு அந்தப் பங்குகளின் விலை கணிசமாக உயர்ந்திருப்பதை வரலாறு நமக்கு உணர்த்துகிறது கடந்த 2008, 2013 ஆண்டுகளில் ஸ்மால்கேப் ஃபண்டு கள் அதிக இறக்கம் கண்டன. அடுத்து வந்த ஆண்டுகளில் அவை நல்ல வருமானம் கொடுத்தன.

இதேபோல், 2018-ம் ஆண்டில் இறக்கம்கண்ட பங்குகள், நடப்பு     2019-ம் ஆண்டில் விலை ஏற்றம் காணும் என எதிர்பார்க்கிறோம். பல ஸ்மால்கேப்  நிறுவனங்கள், இப்போது வளர்ச்சி காண ஆரம்பித்துவிட்டன. எங்களின் ஸ்மால்கேப் ஃபண்டில் பிப்ரவரி 8-ம் தேதி வரை முதலீடு செய்ய முடியும்.”

ஸ்மால்கேப் ஃபண்டுகளில் இப்போது மொத்தமாக முதலீடு செய்வது லாபகரமாக இருக்குமா?

“தற்போதைய சூழ்நிலையைப் பயன்படுத்திக் கொண்டு, முதலீட்டாளர்கள் ஸ்மால்கேப் ஃபண்டுகளில் மொத்தமாக முதலீடு செய்யலாம். எஸ்.ஐ.பி முறை அனைத்துக் காலத்திற்கும் ஏற்றது. அந்த முறையிலும் முதலீட்டைத் தொடர்ந்து வரலாம். எது எப்படியிருந்தாலும் முதலீட்டைக் குறைந்தது ஐந்து ஆண்டுகளுக்குத் தொடர்வது அவசியம்.”

உங்களின் ஸ்மால்கேப் ஃபண்டின் சிறப்பு பற்றி சொல்லவும்?

“நாங்கள் முதலீட்டுக்குத் தேர்ந்தெடுக்கும் பங்குகள், பல்வேறு துறைகளைச் சார்ந்ததாக இருக்கும். நல்ல வளர்ச்சி, நல்ல நிர்வாகம், நல்ல லாபம் தரக்கூடிய நிறுவனப் பங்குகளைத்தான்  முதலீட்டுக்குத் தேர்வு செய்கிறோம். அதுவும் பங்குகளின் விலை நியாயமான விலையில் கிடைத்தால்தான்  முதலீடு செய்யத் திட்டமிட்டு உள்ளோம்.”

ஒட்டுமொத்த விகடனுக்கும் ஒரே ஷார்ட்கட்!

முதலீடு வளர்வதற்கு கால அவகாசம் கொடுங்கள்! - ‘கனரா ராபிகோ மியூச்சுவல் ஃபண்ட்’ நிமேஷ் சந்தன்

தற்போதைய சூழ்நிலையில், பங்குச் சந்தை சார்ந்த ஃபண்டுகளில் முதலீடு செய்யும் சிறுமுதலீட்டாளர்களுக்கு உங்களின் ஆலோசனை என்ன?

“சந்தையில் நடக்கும் ஏற்றம் இறக்கம் கண்டு கலங்கவேண்டாம். நீங்கள் திட்ட மிட்டபடி, உங்கள் அஸெட் அலோகேஷன் படி முதலீட்டைத் தொடருங்கள். அதிலிருந்து சிறிதும் மாற வேண்டாம். முதலீடு செய்துவிட்டு அது வளர்வதற்குக் காலஅவகாசம் கொடுத்துக் காத்திருங்கள்.

சந்தையில் நேரம் காலம் பார்த்து  முதலீடு செய்ய முயற்சி செய்ய வேண்டாம். பங்குச் சந்தையை யாராலும் மிகச் சரியாக கணிக்க முடியாது. நீங்கள் வகுத்த முதலீட்டுப் பாதையில் விலகாமல் சென்றால்தான் லாபம் சம்பாதிக்க முடியும்” என்றபடி தனது பேட்டியை முடித்தார்.

சி.சரவணன், படங்கள் : சொ.பாலசுப்ரமணியன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism