Published:Updated:

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!
பிரீமியம் ஸ்டோரி
பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

Published:Updated:
பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!
பிரீமியம் ஸ்டோரி
பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

டந்த ஓராண்டாக நமது பங்குச் சந்தை ஏற்ற இறக்கத்தில்தான் உள்ளது. இதற்குக் காரணம், கடந்த சில ஆண்டுகளாக ஏற்றத்தின் போக்கிலேயே இருந்த நமது பொருளாதாரம், இப்போது லேசாகப் பின்தங்க ஆரம்பித்திருக்கிறது. சமீபத்தில் வெளியான நமது ஜி.டி.பி குறித்த புள்ளிவிவரங்கள் நம் பொருளாதாரத்தின் வளர்ச்சி வேகம் குறைந்து வருவதையே தெளிவாகக் காட்டுகிறது.  

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

பொருளாதாரத்தின் வளர்ச்சி தான் பங்குச் சந்தைக்கு  அடிப்படை என்கிறபோது, பங்குச் சந்தையும் ஏற்ற இறக்கமாக இருப்பதில் ஆச்சர்யமில்லை. கடந்த சில ஆண்டுகளில் பங்குகள் மற்றும் பங்கு சார்ந்த மியூச்சுவல் ஃபண்டுகளில் முதலீடு செய்யத் தொடங்கிய பெரும்பாலானவர் களின் போர்ட்ஃபோலியோ தற்போது சிறிது நஷ்டத்திலோ அல்லது குறைந்த லாபத்திலோ இருக்கும். இப்போது உருவாகி யிருக்கும் மோசமான பொருளாதாரச் சூழல் இன்னும் சில மாதங்களில் மாறும் பட்சத்தில், நமது சந்தையும் நல்ல நிலைக்கு வந்துவிடும். அப்போது நம்முடைய முதலீடும் நல்ல லாபம் தரும் என்று எதிர்பார்க்கலாம்.

இன்றுள்ள சூழ்நிலையில், அதிக வருமானம் பெற வேண்டுமெனில், பங்குச் சந்தை முதலீடு என்ற ஒன்றை மட்டுமே நம்பிக்கொண்டிருக்காமல், பல வகையான முதலீடுகளில் அஸெட் அலோகேஷன் முறைப்படி முதலீடு செய்ய வேண்டும்.   

ஒட்டுமொத்த விகடனுக்கும் ஒரே ஷார்ட்கட்!

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

அஸெட் அலோகேஷன்படி  நீங்கள் முதலீடு செய்யும்போது, அதீதமான வருமானத்தை உங்களால் எதிர்பார்க்க முடியாது என்றாலும், அதிக ரிஸ்க்கினைச் சந்திக்க வாய்ப்பு இல்லை என்பது முக்கியம். 

ஓரளவுக்கு நிலையான  லாபம் பெற ஏழு வகையான முதலீடுகளை இந்தக் கட்டுரையில் சொல்லி யிருக்கிறோம். இந்த வழிமுறை களில் ஏதேனும் ஒன்றில் எல்லாப் பணத்தையும் போடாமல், உங்கள் அஸெட் அலோகேஷனுக்கேற்ப உங்கள் முதலீடுகளைப் பிரித்து முதலீடு செய்யுங்கள். இனி, அந்த ஏழு முதலீடுகள் என்னென்ன என்பதைப் பார்ப்போம்.     
         
அஞ்சலக திட்டங்கள்/ பிரதம மந்திரி திட்டங்கள்/ ஆனுட்டி
   
இந்தியா முழுவதும் பல்லாயிரக்கணக்கான அஞ்சலகங்கள் உள்ளன. இங்கு ரெக்கரிங் டெபாசிட் கணக்குகள், டைம் டெபாசிட்டுகள், சீனியர் சிட்டிசன், மன்த்லி இன்கம் பிளான் எனப் பல நிரந்தர வருமானம் தரக்கூடிய திட்டங்கள் உள்ளன. 

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

அஞ்சலக முதலீடுகள் அனைத்திற்கும் 100% அரசாங்க உத்திரவாதம் உள்ளது. ரிட்டையர் ஆனவர்களுக்கு, அஞ்சலகம் வழங்கும் சீனியர் சிட்டிசன் சேவிங்ஸ் ஸ்கீம் மிகவும் கவர்ச்சிகரமான ஆப்ஷன் ஆகும். இந்தத் திட்டங்கள் தற்போது வழங்கும் வட்டி விகிதங்களை அட்டவணை 1-ல் தந்துள்ளோம். 

நிதி ஆண்டு 2019-20-லிருந்து அஞ்சலக டெபாசிட்டுகளுக்கு கிடைக்கும் வட்டித் தொகை (ஆண்டிற்கு) ரூ.40,000 வரைக்கும் மற்றும் சீனியர் சிட்டிசன் களுக்கு ரூ.50,000 வரைக்கும் டி.டி.எஸ் (TDS – Tax Deduction at Source) கிடையாது. ஆனால், வட்டி வருமானத்திற்கு உரித்தான வரியைக் கட்ட வேண்டியது, டெபாசிட் ஹோல்டரின் கடமையாகும். 

எல்.ஐ.சி மூலமாக பிரதம மந்திரி திட்டங்கள் சீனியர் சிட்டிசன்களுக்கு வழங்கப்படு கின்றன. இதில் பிரதம மந்திரி வய வந்தன யோஜனாவில் 8% வட்டி கிடைக்கிறது. இது தவிர, பல இன்ஷூரன்ஸ் நிறுவனங் களும் ஆனுட்டி திட்டங்களை வழங்குகின்றன.

இந்தத் திட்டங்களில்  எல்லாம் நிரந்தரமாக நீண்ட காலத்திற்கு உறுதியான வருமானம் கிடைக்கும் என்றாலும், பங்குச் சந்தையை விட வருமானம்  குறைவாகத் தான் இருக்கும் என்பதை நாம் புரிந்துகொள்ளத் தவறக்கூடாது.

வங்கி டெபாசிட்டுகள்

சில வங்கிகள் டெபாசிட் களுக்கு சற்று அதிகமான வட்டி  வழங்குகின்றன. மக்களிடையே மிகவும் பாப்புலரான முதலீடு வங்கி டெபாசிட்டுகளாகும். காரணம், வீட்டிற்கு அருகில் இருக்கும் கிளைகளிலேயே டெபாசிட் செய்வது பலருக்கும் வசதியான முதலீடாக இருக்கின்றன. வங்கி டெபாசிட்டுகள். தவிர, பணத்துக்குப் பாதுகாப்பு, ஓரளவுக்கு நியாயமான வட்டி என்பது வங்கி டெபாசிட்டுகளை நோக்கிச் செல்ல முக்கியக் காரணங்களாக உள்ளன. வங்கி டெபாசிட் தரும் வட்டி விகித விவரங்களை அட்டவணை 2-ல் தந்துள்ளோம்.  

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

ஆக்ஸிஸ் பேங்க் மற்றும் ஐ.சி.ஐ.சி.ஐ பேங்க் சீனியர் சிட்டிசன்களுக்கு நல்ல வட்டி விகிதத்தை வழங்கி வருகின்றன. வங்கி டெபாசிட்டுகளுக்கு ரூ.1 லட்சம் வரை இன்ஷூரன்ஸ் உள்ளது என்பது குறிப்பிடத் தக்கது.

நிதி ஆண்டு 2019-20-லிருந்து வங்கி டெபாசிட்டுகளிலிருந்து கிடைக்கும் வட்டித் தொகை (ஆண்டிற்கு) ரூ.40,000 வரைக்கும் மற்றும்  சீனியர்  சிட்டிசன்களுக்கு ரூ.50,000 வரைக்கும் டி.டி.எஸ் கிடையாது. ஆனால், வட்டி வருமானத்திற்கு உரித்தான வரியைக் கட்ட வேண்டும் என்பது முக்கியமான விஷயம்.

ஸ்மால் ஃபைனான்ஸ் பேங்க் டெபாசிட்டுகள்

சில வருடங்களுக்குமுன், நமது ரிசர்வ் வங்கி ஸ்மால் ஃபைனான்ஸ் பேங்குகள் என்ற ஒரு தனி கேட்டகிரியை  அறிமுகப்படுத்தியது. மைக்ரோ ஃபைனான்ஸ் (பெண்கள் சுய உதவிக் குழுக்கள்) தொழிலில் இருந்த பல நிறுவனங்களுக்கு இந்த உரிமம் வழங்கப்பட்டது. இந்த நிறுவனங்கள் இப்போதுதான் தொழிலில் கால்பதித்து வருகின்றன.

அரசு பொதுத்துறை மற்றும் தனியார் வங்கிகளைவிட ஸ்மால் ஃபைனான்ஸ் பேங்குகளின் ரிஸ்க் லெவல் அதிகமாகும். எனவே, இந்த வகை வங்கிகள் சற்று கவர்ச்சிகரமான வட்டி விகிதத்தை வழங்குகின்றன.  அட்டவணை-  3-ல் சில வங்கிகளின் வட்டி விகிதம் தரப்பட்டுள்ளது.  

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

உங்கள் ரிஸ்க் எடுக்கும் திறனுக்கேற்ப ஒருபகுதியை இந்த வங்கிகளில் டெபாசிட்டாக வைத்துக்கொள்ள யோசிக்கலாம். வங்கி டெபாசிட்டுகளுக்கு ரூ.1 லட்சம் வரை இன்ஷூரன்ஸ் உள்ளது குறிப்பிடத்தக்கது. நிதி ஆண்டு 2019-20-லிருந்து வங்கி டெபாசிட்டு களிலிருந்து கிடைக்கும் வட்டித் தொகை (ஆண்டிற்கு) ரூ.40,000 வரைக்கும் மற்றும் சீனியர் சிட்டிசன் களுக்கு ரூ.50,000 வரைக்கும் டி.டி.எஸ்  கிடையாது. ஆனால், வட்டி வருமானத்திற்கு உரித்தான வரியைக் கட்டவேண்டியது டெபாசிட் செய்தவரின் கடமையாகும். 
     
கம்பெனி டெபாசிட்டுகள் 

கம்பெனிகள் டெபாசிட்டு களையும், என்.சி.டி-க்களையும் முதலீட்டாளர்களுக்கு வழங்கு கின்றன. என்.சி.டி வெளியீடுகள் அவ்வப்போதுதான் இருக்கும். சென்றமாதம் மஹிந்திரா ஃபைனான்ஸ் நிறுவனம் தனது என்.சி.டி-யை வெளியிட்டது. தற்போது எல் அண்டு டி ஃபைனான்ஸ் நிறுவனம்         என்.சி.டி-க்களை வெளியிட்டுள்ளது. நிறுவனங்கள் வழங்கும் டெபாசிட்டுகளுக்கான வட்டி விகிதத்தை அட்டவணை-4-ல் தந்துள்ளோம்.

வங்கி வட்டியைவிட சற்றுக் கூடுதலான வருவாயை எதிர்பார்ப்பவர்கள் நல்ல தரமான கம்பெனி டெபாசிட்டு களில் முதலீடு செய்யலாம். முதலீடு செய்த ஆறு மாதங்களுக்குப்பிறகு, அவசரத் தேவைகளுக்கு வேண்டுமென்றால், முன்கூட்டிப் பணத்தை எடுத்துக்கொள்ளும் வசதியும் உள்ளது. ஆனால், அவ்வாறு பணத்தை எடுக்கும்போது வட்டி விகிதம் குறையும் என்பதை நினைவில் கொள்வது அவசியம்!

கம்பெனி டெபாசிட்டுகளுக்கு வட்டி வருமானம் ரூ.5,000-க்கு மேல் இருக்கும்போது டி.டி.எஸ் உரித்தாகும். வருமான வரி வரம்பிற்குள் வராதவர்கள் 15ஜி அல்லது 15ஹெச் படிவத்தைச் சமர்ப்பித்து டி.டி.எஸ் இல்லாமல் பார்த்துக்கொள்ளலாம். 

கடன் ஃபண்டுகள்

கடன் சார்ந்த மியூச்சுவல் ஃபண்ட் திட்டங்களில், பங்கு சார்ந்த மியூச்சுவல் ஃபண்ட் திட்டங்களைப் போல் அல்லாது, சற்று நிரந்தரமான வருவாயை எதிர்பார்க்கலாம். ஃபண்டுகளைப் பொறுத்து, வேண்டியபோது பணத்தை ஒரு பகுதியாகவோ அல்லது முழுவதுமாகவோ திரும்ப எடுத்துக்கொள்ளலாம். மூலத்தில் வரிப் பிடித்தம் இல்லை. மூன்று ஆண்டுகளுக்கு மேல் முதலீட்டை வைத்திருக் கையில், வரும் லாபத்திற்கு (நீண்டகால மூலதன ஆதாய வரி அடிப்படையில்) குறைவான வரியைக் கட்ட வேண்டிவரும். மேலும், எஸ்.டபிள்யூ.பி போன்ற ஆப்ஷன்கள் மூலம் மாதாந்திர வருவாய்க்கும் எளிதாக வழிவகை செய்துகொள்ள முடியும். முதலீட்டிற்கு உகந்த சில ஃபண்டுகளையும் அவற்றின் கடந்த கால வருவாயையும் அட்டவணை-5-ல் தந்துள்ளோம்.  

பின்தங்கும் பொருளாதாரம்... கூடுதல் லாபம் பார்க்கும் எளிய வழிகள்!

அதேசமயம், பங்குச் சந்தை தற்போது ஏற்ற இறக்கமாக இருந்தாலும், அதில் செய்துவரும் எஸ்.ஐ.பி முதலீட்டை நிறுத்தாமல் தொடர்வது அவசியம். காரணம், சந்தை இறக்கம் கண்டிருக்கும் இந்தச் சமயத்தில் முதலீடு செய்யும்போது, அதிக யூனிட்டுகள் கிடைக்கும். சந்தை மீண்டும் மேலே வரும்போது இப்போது நாம் செய்யும் முதலீடுகள் மூலம் நல்ல லாபம் கிடைக்க வாய்ப்புள்ளது.  

இடம் / வீட்டு வாடகை 

கடந்த பல்லாண்டுகளாக நமக்கு மிகவும் பிடித்தமான முதலீடு மண்ணும் பொன்னும் ஆகும். வீடுகளில் அல்லது இடங்களில் முதலீடு செய்து அவற்றை வாடகைக்கு விட்டு, அதிலிருந்து ஒரு நிரந்தர வருவாயை பலர் ஈட்டிக் கொண்டிருக் கிறார்கள். இந்த மாதாந்திர வருமானம் போக, நீண்ட காலத்தில் முதலீட்டு ஆதாயமும் கிடைக்கும். இவ்வாறு கிடைக்கும் மாதாந்திர வருமானத்தின் அளவு மிகவும் குறைவாக இருக்கும் என்றாலும், மிகவும் கன்சர்வேட்டிவ் முதலீட்டாளர்களுக்கு இது பொருந்தும். இதுபோன்ற தருணங்களில் ரியல் எஸ்டேட் மந்தமாக உள்ளது கூடுதல் போனஸ் ஆகும்.

தங்கம் / வெள்ளி    

தங்கம் என்பது நமது மக்களின் கலாசாரத்தில் ஊறிப்போன ஒன்று. நமது பெண்கள் தங்கத்தின் மேல்வைத்துள்ள காதலுக்கு அளவே இல்லை.  தங்கம் மற்றும் வெள்ளியை முதலீட்டிற்குப் பரிசீலிக்கும்போதும், தங்கம்தான் எப்போதும் முதலில் நிற்கும். தங்கம் இனிவரும் காலத்தில் ஓரளவு நல்ல வருவாயைத் தர வாய்ப்புள்ளது. ஆகவே, மிகவும் கன்சர்வேட்டிவ் முதலீட்டாளர்கள் தங்கள் வசதி மற்றும் தேவைக்கு ஏற்ப ஆபரணங்கள், பிஸ்கெட், சாவரின் கோல்டு பாண்டுகள், கோல்டு இ.டி.எஃப், கோல்டு ஃபண்ட் போன்றவற்றில் முதலீட்டை மேற்கொள்ளலாம். 
   
கூடுதல் வருமானம் பெற வேண்டுமெனில் குறிப்பிட்ட காலத்துக்கு ஒருமுறை நமது முதலீட்டு உத்திகளை மாற்றிக்கொள்வது அவசியம். தற்போதுள்ள நிலையில், நாம் சொன்ன இந்த ஏழு முதலீடுகளில் பிரித்து முதலீடு செய்தால், கூடுதல் லாபம் பார்க்க வாய்ப்புள்ளது.

சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் (www.prakala.com) 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism