Published:Updated:

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)
பிரீமியம் ஸ்டோரி
News
கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

ந்த வாரம் டிராக்கிங் செய்ய எடுத்துக் கொண்டுள்ள நிறுவனம் ஃபினோலெக்ஸ் இண்டஸ்ட்ரீஸ் லிமிடெட். இந்த நிறுவனம் பி.வி.சி  பைப்புகள் மற்றும் ஃபிட்டிங்குகளை உற்பத்தி செய்வதில் இந்தியாவின் மிகப் பெரிய நிறுவனமாகவும், பி.வி.சி ரெசினை உற்பத்தி செய்வதில் இந்திய அளவில் இரண்டாவது பெரிய நிறுவனமாகவும் திகழ்கிறது. 

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

நிறுவனத்தின் கட்டமைப்பு

இந்த நிறுவனம் மஹாராஸ்டிராவில் உள்ள புனே நகரில் தலைமையகம் மற்றும் பிரதான உற்பத்தி வசதியையும், ரத்னகிரி (மகாராஷ்ட்ரா), மசார் (குஜராத்) ஆகிய  இரு இடங்களில் கூடுதல் உற்பத்தி மையத்தையும்  கொண்டு திகழ்கிறது. இந்த நிறுவனம் தனது சொந்த டிஸ்ட்ரிப்யூஷன் நெட்வொர்க்கை சின்ச்வாட், கட்டாக், டில்லி மற்றும் இந்தூர் போன்ற நகரங்களில் கொண்டிருக்கின்றது.

உற்பத்தி மையங்கள்

1981-ம் ஆண்டு ஃபினோலெக்ஸ் இந்த  நிறுவனம், பாலிவினைல் குளோரைடினால் ஆன கெட்டியான பைப்புகளை உற்பத்தி செய்யும் ஒரு மத்திம அளவிலான நிறுவனமாக மகாராஷ்ட்ரா மாநிலத்தில் உள்ள புனேயில் நிறுவப்பட்டது. 1985-ம் ஆண்டில் இந்த நிறுவனம் ரிங் ஃபிட் பைப்புகள் என்ற வகை பைப்புகளை உற்பத்தி செய்வதில் முனைப்புடன் கூடிய முன்னோடி நிறுவனமாக வெற்றி பெற்றது. 1994-ம் ஆண்டில் இந்த நிறுவனம், ஒரு அதி நவீன பி.வி.சி ரெசின் தயாரிக்கும் உற்பத்தி மையத்தை மகாராஷ்ட்ராவின் மேற்கு கடற்கரைப் பகுதியில் உள்ள ரத்தினகிரி என்னும் இடத்தில் நிறுவியது. இந்த உற்பத்தி வசதியானது ஜெர்மனி நிறுவனம் ஒன்றின் (Uhde GMBH) கூட்டணியுடன் தொடங்கப் பெற்று ஆண்டொன்றுக்கு 1,30,000 மெட்ரிக் டன் அளவிலான பி.வி.சி ரெசினை உற்பத்தி செய்யும்  திறனைக் கொண்டிருந்தது. இதற்கான தொழில் நுட்பம் ஹெஸ்ட் ஜி.எம்.பி.ஹெச் எனும் ஜெர்மனி நிறுவனத்திடமிருந்து பெறப்பட்டது. இந்த நிறுவனம் சஸ்பென்ஷன் பி.வி.சி மற்றும் எமல்ஷன்/பேஸ்ட் பி.வி.சி என்ற இரண்டு வகை பி.வி.சி ரெசின்களைத் தயாரித்தது. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

1996-ம் ஆண்டில் இந்தியாவிலேயே முதன் முறையாக பி.வி.சி பைப் மற்றும் ஃபிட்டிங்குகள் உற்பத்தி செய்யும் நிறுவனங்களின் மத்தியில் ஐ.எஸ்.ஓ 9001:2000 தரச் சான்றிதழை இந்த நிறுவனம் பெற்றது. 1999-ம் ஆண்டில் விற்பனைக் கான வாய்ப்புகள் அதிகமாக இருந்ததால்,  ரத்னகிரி தொழிற்சாலையிலும் பி.வி.சி பைப்புகளை உற்பத்தி செய்ய ஆரம்பித்தது இந்த நிறுவனம். அதே வருடத்தில், ஏ.எஸ்.டி.எம் (அமெரிக்கன் சொசைட்டி ஃபார் டெஸ்டிங் மெட்டீரியல்ஸ்) தர பைப்புகளை பிளம்பிங் செய்வதற்கு வசதியாக அறிமுகப்படுத்தியது இந்த நிறுவனம். 2002-ம் ஆண்டில் இந்த நிறுவனத்தின் பி.வி.சி ரெசின் உற்பத்தி செய்யும் ரத்னகிரி உற்பத்தி மைய சுற்றுச் சூழல் மேலாண்மைக் கான ஐ.எஸ்.ஓ 14001 என்ற தரச்சான்று பெற்றது முக்கிய விஷயம் ஆகும்.

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)



இந்த நிறுவனம் ஆரம்பிக்கப்பட்டு 25-வது வருடத்தில் (2006-ம் ஆண்டில்) தனது வெற்றி கரமான செயல்பாட்டின் காரணமாக பி.வி.சி ரெசின் உற்பத்தி மையத்தின் நிர்மாணிக்கப்பட்ட அளவினை 1,30,000 மெட்ரிக் டன் என்ற அளவிலிருந்து 2,60,000 மெட்ரிக் டன் என்ற அளவிற்கு உயர்த்திக்கொண்டது. மேலும், தன்னுடைய தயாரிப்புகளிலும் விரிவாக்கம் செய்யும்பொருட்டு ஏ.எஸ்.டி.எம் ரக ஃபிட்டிங்கு களையும் உற்பத்தி செய்ய ஆரம்பித்தது. 2007-ம் ஆண்டில் வடிகால் வசதிகளில் உபயோகிக்கப்படும் பைப்புகளை (IS:15328-2003) அறிமுகப்படுத்தியது.

தொடர்ந்து டெக்னாலஜியை அறிமுகப்படுத்தி வந்த இந்த நிறுவனம், 2008-ம் ஆண்டில் ஈயம் இல்லாத ஏ.எஸ்.டி.எம் தரம்கொண்ட பிளம்பிங்கிற் கான பைப்புகளை அறிமுகப்படுத்தியது. 2009-ம் ஆண்டில் விவசாயத்திற்குப் பயன்படுத்தப்படும் பைப்புகள் மற்றும் கேஸிங் பைப்புகளுக்கான ஆண்டொன்றுக்கு 28,000 மெட்ரிக் டன் அளவிலான உற்பத்தி வசதியை புனேவின் அருகே நிறுவியது இந்த நிறுவனம்.

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

பின்னர் 2012-ம் ஆண்டு குஜராத்தில் உள்ள வதேதராவின் அருகில் இருக்கும் மசார் எனும் இடத்தில் புதிய உற்பத்தி வசதியை நிர்மாணித்தது. 2014-ம் ஆண்டில் ஒடிஸாவில் இருக்கும் கட்டாக் நகரில் தனது வேர்ஹவுஸ் ஒன்றினை நிறுவிய இந்த நிறுவனம், 2017-ம் ஆண்டில் லூப்ரிசால் எனும் நிறுவனத்துடன் இணைந்து ப்ளோகார்டு எனும் பிராண்டில் சி.பி.வி.சி பைப்புகள் மற்றும் ஃபிட்டிங்குகளைச் சந்தைப்படுத்த ஆரம்பித்தது.

தொழில் பிரிவுகள்

இந்த நிறுவனம் செயல்படும் தொழில் பிரிவுகள் என்று பார்த்தால், விவசாயத்தில் பயன்படுத்தப் படும் பைப்புகள் மற்றும் ஃபிட்டிங்குகள்,  குடிநீர் மற்றும் கழிவு நீர் அகற்றுவதற்கு உபயோகப் படும் பைப்புகள் மற்றும் ஃபிட்டிங்குகள், ஏ.எஸ்.டி.எம் பைப்புகள் மற்றும் ஃபிட்டிங்குகள், ப்ளோகார்டு சி.பி.வி.சி பைப்புகள் மற்றும் ஃபிட்டிங்குகள், சால்வென்ட் சிமென்ட், எஸ்.டபிள்யூ.ஆர் பைப்புகள் மற்றும் ஃபிட்டிங்குகள், கழிவுநீர் வெளியேற்றுதல்/வடிகால்களுக்கான பைப்புகள் மற்றும் ஃபிட்டிங்குகள் போன்றவற்றை உற்பத்தி செய்கிறது இந்த நிறுவனம்.

வியாபாரத்திற்கான வாய்ப்புகள்


இந்த நிறுவனம் விவசாயம் மற்றும் வீடு/அலுவலகத்திற்குத் தேவையான பி.வி.சி/ஏ.எஸ்.டி.எம் பைப்புகளை உற்பத்தி செய்துவருகிறது.  விவசாயம் மற்றும் அனைவருக்கும் வீடு என்ற இரண்டுமே அரசாங்கத்தின் பிரதான செயல் பாட்டுக்கான கருத்தில் இருப்பதால், வியாபாரத்திற் கான வாய்ப்புகள் இருக்கவே செய்யும்.  

கம்பெனி டிராக்கிங்: ஃபினோலெக்ஸ் இண்டஸ்ட்ரீஸ்! (NSE SYMBOL: FINPIPE)

தண்ணீர் விநியோகத்திற்கான நீண்ட காலத் திட்டங்கள், விவசாய விளைபொருள்களைச் சந்தைப்படுத்துவதற்கான திட்டங்கள், பாசன வசதியை அதிகரிப்பதற்கான திட்டங்கள், விளைபொருள்களுக்கான குறைந்தபட்ச விலை,  பயிர்க் காப்பீடுகளை வழங்குவதில் முனைப்பு போன்ற அனைத்துமே விவசாயம் சார்ந்த தொழில்களுக்கு நன்மை செய்யும்  வாய்ப்புகளை அமைத்துத் தரும் என்று எதிர்பார்க்கலாம்.

அனைவருக்கும் வீடு,  ஸ்மார்ட் சிட்டி திட்டம், ஐநூறு நகரங்களுக்குத் தண்ணீர் விநியோகத்திற்கான சிறப்புத் திட்டம் எனப் பல்வேறு திட்டங்களும், கிராமின் என்ற வடிகால் வசதிகளைச் செய்துதரும் திட்டம் போன்றவையும் இந்தத் துறையில் இருக்கும் நிறுவனங்களுக்கான வியாபார வாய்ப்புகளை ஓரளவு அதிகரிக்கலாம்.

ரிஸ்க்குகள் ஏதும் உண்டா?

விவசாயத் துறையானது தட்பவெப்பம், பருவமழை மற்றும் ஏனைய விஷயங்கள் சாதகமாக இருந்தால் மட்டுமே செழித்துவளரும் ஒரு துறையாகும். எனவே, இவற்றில் ஏதாவது ஒரு குறைபாடு வந்தால் அதற்குண்டான பாதிப்பு இந்த நிறுவனத்தின் விற்பனை மற்றும் செயல்பாடு களிலும் பாதிப்பை ஏற்படுத்தலாம்.

இரண்டாவதாக, வீடு கட்டுதல் என்பது பொருளாதார வளர்ச்சியைச் சார்ந்திருக்கும் ஒரு துறையாகும். ஏதாவது ஒரு காரணத்தினால் பொருளாதாரத்தில் சுணக்கமோ அல்லது எதிர்பார்த்த அளவிலான வளர்ச்சியோ இல்லாது போனால் அதுவும் இந்த நிறுவனத்தின் வியாபாரத்தைப் பாதிக்கவே செய்யும்.

ரிஸ்க்குகள் பல இருக்கிறபோதிலும், தொழில் ரீதியான முன்னோடியாகவும், நீண்ட அனுபவமும், வாடிக்கையாளர் மத்தியில் நன்மதிப்பையும் கொண்டிருக்கும் இந்த நிறுவனத்தின் பங்குகளை வாசகர்கள் சந்தை ஏதாவது ஒரு காரணத்தினால் சந்திக்கக்கூடிய கடுமையான வீழ்ச்சியின்போது இந்த நிறுவனத்தின் பங்கு விலையில் வரும் நல்லதொரு விலை இறக்கத்தின்போது மட்டும் மிகவும் குறைந்த எண்ணிக்கையில் வாங்கி, மூன்று ஆண்டு காலத்திற்கு மேற்பட்ட காலகட்டத்திற்கான போர்ட்ஃபோலியோவில் சேர்த்துக் கொள்வதற்காகக் கொஞ்சம் அதிக அளவிலான ரிஸ்க் எடுக்கக்கூடிய திறன் கொண்ட வாசகர்கள் மட்டும் தொடர்ந்து டிராக் செய்துவரலாம்.

சமீபத்தில் சந்தை கண்டுள்ள கணிசமான ஏற்றத்தில் இந்தப் பங்கின் விலையும் நன்கு அதிகரித்துள்ளபடியால் வாசகர்கள் நல்லதொரு இறக்கம் வரும்வரை கட்டாயம் காத்திருந்து டிராக் செய்துவர வேண்டும். ஏற்கெனவே இதே துறையில் செயல்படும் பங்குகளைக் கொண்டிருக்கும் போர்ட்ஃபோலியோவை தங்கள் வசம் வைத்திருக்கும் வாசகர்களும், பங்கை வாங்கிய பின்னர் தாங்களாகவே இந்த நிறுவனம் மற்றும் துறையின் செயல்பாட்டை டிராக் செய்துகொள்ள முடியாத வாசகர்களும் இந்த நிறுவனத்தின் பங்கை வாங்குவதைத் தவிர்ப்பதே நல்லது.

டாக்டர் எஸ்.கார்த்திகேயன்

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (FINPIPE)/name of company/time duration)