Published:Updated:

நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?

நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?
பிரீமியம் ஸ்டோரி
News
நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?

வைபவ் அகர்வால், தலைவர் (ஆராய்ச்சி), ஏஞ்சல் புரோக்கிங்

நீண்ட கால அடிப்படையில் முதலீடு செய்ய விரும்புவர்களுக்கு இப்போது பங்குச் சந்தை சார்ந்த முதலீடே சிறந்த தேர்வாக இருக்கிறது. நீண்ட கால அடிப்படையில் பலவிதமான ரிஸ்க்குகளைத் தாண்டி, நல்ல வருவாயைத் தருவது பங்கு சார்ந்த முதலீடுகள்தான் என மதிப்பிடப் பட்டுள்ளது.   

நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?

நீண்ட கால முதலீடு என்பது 8 முதல் 10 ஆண்டுகள் வரையிலான கால கட்டத்தைக் குறிப்பதால், ஒரு நல்ல தரமான பங்கு சார்ந்த போர்ட்ஃபோலியோவை நீங்கள் உருவாக்கியிருந்தால், பங்குகளின் விலை இறக்க அபாயம் ஏறக்குறையத் தவிர்க்கப்பட்டுவிடும் என்பது முதலீட்டு மேதைகள் கண்டுபிடித்த உண்மை. இந்தியாவில் இது எந்த அளவுக்கு உண்மை என சென்செக்ஸ் குறியீடுகளிலிருந்து எடுக்கப்பட்ட ஆதாரங்கள் மூலம் பார்க்கலாம்.

சென்செக்ஸ் 40 ஆண்டு வரலாறு

பி.எஸ்.இ-யின் சென்செக்ஸ் 1979-ம் ஆண்டு ஆரம்பிக்கப்பட்டபோது அதன் புள்ளிகள் 100 என்ற அளவிலேயே இருந்தது. கடந்த 39 ஆண்டுகளில் சென்செக்ஸ் 38000 புள்ளிகளுக்கு உயர்ந்துள்ளது. இதன் அர்த்தம், ஒருவர் 1979-ம் ஆண்டு சென்செக்ஸில் 100 ரூபாய் முதலீடு செய்து, பின்னர் அதை மறந்து போயிருந்தால், இன்று அதன் மதிப்பு ரூ.38000. அதாவது, ஆண்டுக்கு 16.45% என்கிற அளவுக்கு ஆண்டுக் கூட்டு வட்டி விகித வளர்ச்சியை (சி.ஏ.ஜி.ஆர்) அது தந்துள்ளது. (சென்செக்ஸ் குறியீட்டில் இடம்பெற்றுள்ள நிறுவனங்கள் கொடுத்த டிவிடெண்ட்  வருமானத்தை நாம் சேர்க்கவில்லை. டிவிடெண்ட் வருமானம் சராசரியாக 1.50% என எடுத்துக்கொண்டால், சென்செக்ஸ் மீதான ஒட்டுமொத்த சி.ஏ.ஜி.ஆர் வருவாய், ஆண்டுக்கு 18.95 சதவிகிதமாக இருக்கும்.) 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?



நீண்ட கால அடிப்படையில் இந்தியாவில் மற்ற வகை சொத்துகளைக் காட்டிலும் சென்செக்ஸ் அதிக வருவாயைக் கொடுத்துள்ளது.  வங்கி எப்ஃடி, கடன் சார்ந்த மியூச்சுவல் ஃபண்ட் மற்றும் பங்கு சார்ந்த ஃபண்ட் முதலீடுகளில் செய்யப்பட்ட முதலீடுகளுக்கான வருமானம் எவ்வளவு என்பதையும் ஒப்பிட்டுப் பார்த்து அறியலாம் (பார்க்க   வரைபடம் -1) 

இங்கே பங்கு சார்ந்த ஃபண்டுகள், பங்குகளுக்குப் பதிலாகப் பயன்படுத்தப்பட்டுள்ளது. ஏனெனில், பலதரப்பட்ட  நிறுவனப் பங்குகளைக் கொண்ட ஒரு போர்ட்ஃபோலியோவில்,  பங்கு சார்ந்த ஃபண்டுகளை சிறு  முதலீட்டாளர்கள் எளிதில் அணுகக் கூடியதாக உள்ளது. கடந்த 20 ஆண்டுகளில் பங்கு சார்ந்த முதலீடு மட்டுமே, பணவீக்கத்தை முறியடித்து வருவாய் தரக்கூடிய ஒரே நிதித் திட்டமாக இருக்கிறது என்பதைத் தெரிந்துகொள்ளலாம். 

நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?

இதுதான் இந்தியாவின் சூழ்நிலையாக இருக்கிறது. இதே வாதம் சர்வதேசச் சூழலுக்கும் பொருந்துமா, உலகளவிலான அனுபவம் என்னவாக இருக்கிறது?

நீண்ட காலத்துக்கான தகவல்கள் நம்மிடையே இருப்பதால், இது குறித்த ஓர் ஆழமான கண்ணோட்டத்தைப் பெற, கடந்த 200 ஆண்டுகளில் சர்வதேச அளவிலான நிதித் திட்டங்கள் கொடுத்த வருவாயை நாம் பார்க்கலாம்.

அமெரிக்க சந்தைகளில் செய்யப்பட்ட முதலீட்டு வகைகளின்  சர்வதேச விளக்கப்படத்தைப் (பார்க்க வரைபடம் 2) நீங்கள் பார்த்தால்கூட, கடந்த 200 ஆண்டுகளில் சிறந்த வருவாய் கொடுத்தது பங்கு சார்ந்த முதலீடுகள்தான் என்பது தெளிவாகத் தெரிய வரும்.

உண்மையில் சொல்லப்போனால், அதே 200 ஆண்டுகளில் கடன் சார்ந்த திட்டங்கள் மீதான முதலீடுகள் கொடுத்த ஆண்டு வருவாயின் அடிப்படையில் பார்க்கும்போது, பங்கு சார்ந்த முதலீடுகளின் வருமானம் ஏறக்குறைய இரண்டு மடங்காக உள்ளது. 

சுருக்கமாகச் சொல்வதானால், பங்கு சார்ந்த முதலீடுகள் வேறு எந்தவகையான முதலீடுகளைக் காட்டிலும் அதிக  வருவாயை உருவாக்கி உள்ளன.  இந்தியாவில் மட்டுமல்லாது உலக அளவிலும்கூட இதுதான் உண்மை. 

நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?

இண்டெக்ஸில் மட்டுமே முதலீடு செய்துவிட்டு, பின்னர் அதை மறந்துவிடுவதைப் பற்றி தற்போது நாம் பேசி வருகிறோம். ஒருவேளை, இண்டெக்ஸைத் தாண்டி வருவாய் தரக்கூடிய அளவுக்குக் குறிப்பிட்ட பங்குகளைத் தேர்வு செய்து நிர்வகிக்கக் கூடிய புத்திசாலித்தனமான பங்குத் தேர்வாளர்களையும் நிதி மேலாளர் களையும் நீங்கள் சேர்த்தால், வருவாயைக் குவிப்பதில் பங்கு சார்ந்த  முதலீடுகள் என்பது இன்னும் அதிக ஈர்ப்புடையதாகத் தோன்றும்.

ஆகவே, நீண்ட கால அடிப்படையில் பங்கு சார்ந்த முதலீடுகளுக்கு எது அதிக வருவாயைக் கொடுக்கிறது என்று பார்த்தால், அதற்கு சில காரணங்கள் உள்ளன.

ஏன் சிறப்பு?


முதலீடுகளில் பங்கு சார்ந்த முதலீடு ஏன் சிறப்பாகச் செயல்படுகிறது என்பதற்கான  காரணங்களைப் பார்ப்போம்.

* பங்குகள், ஒரு  நிறுவனத்தின் உரிமைக்கான பங்கை பிரதி நிதித்துவம் செய்கிறது என்பதால், வளர்ச்சியிலும் அது பங்கு கொள்கிறது.

* ஒரு பங்குதாரராக, நீங்கள் நிறுவனத்தின் மிகச் சிறிய உரிமை யாளராகி விடுகிறீர்கள். பங்குகளில் நேரடியாக முதலீடு செய்வதில் அதிக ஆபத்து இருக்கும். அதேசமயம், இந்தியா போன்ற வளரும் பொருளாதார நாட்டுக்கு இது மிகவும் முக்கியமானது.

மற்ற வகையான முதலீடுகளுடன் ஒப்பிடுகையில், சந்தையின் ஏற்றம் நீண்ட காலத்தில் தொடரும் என்கிற நிலையில், பங்குச் சந்தை சார்ந்த முதலீடுகளில் இன்னும் அதிக அளவில் பங்கெடுக்க முடியும்.

*  முதலீட்டாளர்கள் தொடர்ந்து பங்கு சார்ந்த முதலீடுகளில் முதலீடு செய்யும்போது, கூட்டு வளர்ச்சியின் சக்தி முதலீட்டாளருக்குச் சாதகமாகச் செயல்படும்.

* நீங்கள் நீண்ட காலத்துக்குத் தொடர்ந்து பங்கு சார்ந்த முதலீடுகளில் முதலீடு செய்து வரும்போது, அவ்வப்போது அதிலிருந்து கிடைக்கிற வருவாயும் கூட மீண்டும் முதலீடு செய்யப் படுகிறது.

* சந்தையின் ஏற்ற இறக்கத்தை வைத்து முன்கூட்டியே எதையும் சொல்வது மிகவும் கடினம் என்பதால், அதைப் பார்த்துக் கொண்டிருப்பதினால் எந்தப் பயனும் ஏற்படப்போவதில்லை.

* பங்கு சார்ந்த முதலீடுகள் என்று வரும்போது, நீங்கள் சந்தை உச்சத்தில் இருக்கும்போது  முதலீடு செய்கிறீர்களா அல்லது இறக்கத்தில் இருக்கும்போது முதலீடு செய்கிறீர்களா என்பது ஒரு பொருட்டே அல்ல. 

நீண்ட கால முதலீட்டுக்கு பங்கு சார்ந்த முதலீடு ஏன் சிறந்தது?

தரமான பங்கு சார்ந்த முதலீடுகளில், ஒழுங்கு முறையில் தொடர்ந்து நீங்கள் நீண்ட காலத்துக்கு முதலீடு செய்வதற்கு ஏற்ற வருவாயை அவற்றின் மூலம் பெறலாம்.

அடிப்படையில், ஆண்டு கூட்டு வளர்ச்சியின் சக்தியை, சந்தையின் ஏற்ற இறக்கத்தில் அதிக யூனிட்கள் கிடைப்பது (ருபி காஸ்ட் ஆவரேஜ்) மூலம் கூடுதல் லாபம் பெறுகிறீர்கள்.

மேக்ரோ காரணிகளில் ஏற்படும் மாற்றங்கள், தொழிற்துறை காரணிகளினால் ஏற்படும் மாற்றங்கள், சர்வதேசப் போக்கு களில் ஏற்படும் மாற்றங்கள் போன்ற  பல்வேறு காரணிகளினால் பங்கு சார்ந்த முதலீடுகள் பயனடைகின்றன.

* நீண்ட கால அடிப்படையில் பார்க்கும்போது, காரணிகளின் சாதகமான தாக்கம், எதிர்மறையான தாக்கத்தைவிட அதிகமாக இருக்கும்.  அதிக ஜி.டி.பி வளர்ச்சி, பணவீக்கத்தைக் கட்டுப்படுத்தும் அரசின் நடவடிக்கை போன்ற வற்றால், பங்கு சார்ந்த முதலீட்டாளர்களுக்குக் கிடைக்கும் லாபம் இன்னும் அதிகமாக இருக்கும். 

* கோட்பாட்டளவில் பங்கு சார்ந்த முதலீடுகள், கடன் சார்ந்த முதலீடுகளைக் காட்டிலும் அதிக  ரிஸ்க்  கொண்டவை என்றாலும், அதில் இருக்கும் நல்ல விஷயம், அந்த ரிஸ்க்கினைச் சாதுரியமாகச் சமாளிப்பது சாத்தியமானது. 

* கடன் அல்லது நிதிச் சந்தைகளில் உள்ள ரிஸ்க்கினைச் சமாளிப்பது பல வழிகளில் கடினமானது. அவை பெரும்பாலும் உங்கள் கட்டுப்பாட்டில் இருக்காது. கரன்சி முதலீடுகளிலும் கூட அதே கதைதான்.

மறுபுறம், பங்கு சார்ந்த முதலீடுகளின்  ரிஸ்க்கினைப் பல வழிகளில் சமாளிக்க முடியும். பல பங்குகள், துறைகள் மற்றும் தீம்களில் பிரித்து முதலீடு செய்யப்படுவதால், பங்கு சார்ந்த முதலீடுகளில் இருக்கும் ரிஸ்க்கினை முதலீட்டாளர்களால் குறைக்க முடியும்.

* முதலீட்டாளர்கள், தாங்கள் முதலீடு செய்திருக்கும் பங்குகள், ஈக்விட்டி ஃபண்டுகள் போன்றவற்றைத் தொடர்ந்து செய்யும் ஆய்வு மற்றும் மதிப்பீடுகளின்மூலம் அவற்றின்  மீதான ரிஸ்க்கைக் குறைக்க முடியும்.

பங்குகளின் போக்கை அன்றாடம் பின்பற்றித் தெரிந்து கொள்ள இயலாத அல்லது அதற்கு நேரம் இல்லாத முதலீட்டாளர் களுக்கு ஈக்விட்டி மியூச்சுவல் ஃபண்டுகளில் முதலீடு செய்வது ஏற்றதாக இருக்கும்.

தமிழில்: பா.முகிலன்