Published:Updated:

தங்கம்... விலை குறைய வாய்ப்புள்ளதா?

தங்கம்... விலை குறைய வாய்ப்புள்ளதா?
பிரீமியம் ஸ்டோரி
News
தங்கம்... விலை குறைய வாய்ப்புள்ளதா?

தங்கம்... விலை குறைய வாய்ப்புள்ளதா?

பரணத் தங்கத்தின் விலை கடந்த சில நாள்களாகக் கொஞ்சம் குறைந்து விற்பனை ஆகிறது. சென்னையில் ஒரு கிராம் ஆபரணத் தங்கத்தின் (22 கேரட்) விலை கடந்த பிப்ரவரி 20-ம் தேதியன்று  ரூ.3,226-ஆக இருந்தது. ஆனால், அடுத்து வந்த நாள்களில் தங்கம் விலை கொஞ்சம் கொஞ்சமாகக் குறைந்து மார்ச் 18 தேதியில்  ரூ.3.036-ஆக விற்பனை ஆனது. 

தங்கம்... விலை குறைய வாய்ப்புள்ளதா?

கடந்த ஒரு மாதத்தில் தங்கம் கிராம் ஒன்றுக்கு சுமார் 200 ரூபாய் வரை குறைய என்ன காரணம், இனி தங்கத்தின் விலைப்போக்கு எப்படி இருக்க லாம் என்கிற கேள்விகளுக்கான பதிலைப் பார்ப்போம்.

பங்குச் சந்தை Vs தங்கம் விலை

பங்குச் சந்தைக் குறியீடுகள் உச்சத்தைத் தொடுகிறவேளையில், தங்கத்தின் விலையும் அதிகரித்து வருகின்றன. பங்குச் சந்தைக்  குறியீடுகளான நிஃப்டியும் (11521), சென்செக்ஸும் (38386) கடந்த ஒன்பது மாதங்களில் இல்லாத அளவுக்கு அதிகரித்து வர்த்தகமாகின்றன. அதேபோல, தங்கம் விலையும் கடந்த 2013-ம் ஆண்டு ஆகஸ்ட் மாதத்திற்குப்பிறகு, கிராம் ஒன்றுக்கு ரூ.3000-த்தைத் தாண்டி வர்த்தகமாகி வருகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தங்கம்... விலை குறைய வாய்ப்புள்ளதா?



விலை குறைய என்ன காரணம்?

பொதுவாக, எந்தெந்த காரணிகள் எல்லாம் தங்கத்தை மேல்நோக்கி அல்லது கீழ்நோக்கி நகரச் செய்கின்றன என்று பார்த்தால், பணவீக்கம் அதிகரிப்பது, இந்திய ரூபாயின் மதிப்பு டாலருக்கு நிகராகச் சரிந்து காணப்படுவது, உலக அளவில் மத்திய வங்கிகள் தங்கத்தில் முதலீடு செய்வது, முக்கிய நாடுகளுக்கு எதிராக அமெரிக்க டாலரின் மதிப் பிறக்கத்தின் காரணமாகத் தங்கத்தின் சர்வதேச விலையேற்றம் போன்றவற்றைச் சொல்லலாம். தற்போதைய காலகட்டத்தில் மேற்சொன்ன வற்றில் எவையெல்லாம் காரணிகளாக இருக்கின்றன என்று பார்க்கலாம்.

பணவீக்கமும் டாலருக்கு நிகரான ரூபாய் மதிப்பும் 

2013-ம் ஆண்டு நம் நாட்டின் பணவீக்கம் இரட்டை இலக்கத் தில் இருந்தது. அப்போது ரூபாயின் மதிப்பு டாலருக்கு நிகராக ரூ.68 முதல் ரூ.69-ஆகச் சரிந்து காணப் பட்டது.

சர்வதேச சந்தையில் ஒரு அவுன்ஸ் தங்கத்தின் விலை 1300 - 1400 அமெரிக்க டாலராக வர்த்தகமானது. இந்தக் காரணங்களி னால் நம் நாட்டில் தங்கம் கிராம் ஒன்றுக்கு ரூ.3,000-க்குமேல் அதிகரித்து  வர்த்தகமானது. 

தங்கம்... விலை குறைய வாய்ப்புள்ளதா?

இன்றைய சூழலில், பணவீக்கமானது தற்போது ஒற்றை இலக்கத்தில் அதாவது, 5 சதவிகிதத்திற்குள்  இருந்தபோதிலும், சர்வதேச விலையானது 1300 டாலரையொட்டி வர்த்தகமாகி வந்தாலும்,  இந்திய ரூபாயின் மதிப்பு முந்தைய காலத்தைப் போலவே டாலருக்கு எதிராக ரூ.70-க்கு அருகில்  இருப்பது தங்கத்தின் விலையேற்றத்திற்குக் காரணமாக இருந்து வருகிறது.

சமீபகாலத்தில் இந்திய ரூபாயின் மதிப்பு டாலருக்கு எதிராக ரூ.74 வரை இறக்கம் அடைந்து, தற்போது ரூ.69-ஆக மதிப்பு ஏற்றம் பெற்றாலும், 2019-ல் தங்கம் விலை ஏற்றம் காண முக்கியக் காரணங்கள் இவைதான்.

1. அமெரிக்க ஃபெடரல் வங்கியின் நிதானப் போக்கு

அமெரிக்க ஃபெடரல் வங்கியானது 2018-ல் எடுத்த நடவடிக்கையைப்போல் இல்லாமல், 2019-ல் வட்டி விகிதங்களில் நிதானமான போக்கைக் கடைப்பிடிக்க இருப்பதாகக் கடந்த புதனன்று (20-ம் தேதி) அறிவித்திருப்பது, அமெரிக்கப் பொருளாதாரம் பற்றிய எதிர்காலக் கவலையைப் பிரதிபலிப்பதாக சந்தைகளால் பொருள் கொள்ளப்படுகின்றன. 

தங்கம்... விலை குறைய வாய்ப்புள்ளதா?

இந்த அறிவிப்புக்குப்பிறகு, டாலர் இண்டெக்ஸ் குறியீடு உடனடியாகச் சரிந்து வர்த்தக மானது. அமெரிக்க டாலரின் மதிப்பு மேலும் வலுவடையாமல் இருக்க வாய்ப்பிருப்பதாகப் பார்க்கப்படுகிறது. மேலும், இதன் தாக்கம் சர்வதேச சந்தையில் தங்கத்தின் விலை யிலும் உணரப்பட்டது. ஒரே நாளில் அவுன்ஸ் ஒன்றுக்கு 17 டாலர்கள் வரை அதிகரித்தது.

2. அச்சுறுத்தும் ஐ.எம்.எஃப் அறிக்கை

ஐ.எம்.எஃப்–ன் 2018 அக்டோபர் மாத அறிவிப் பின்படி, சர்வதேச அளவில் ஒட்டுமொத்தப்  பொருளாதார வளர்ச்சி விகிதம் 2019-ல் 3.5 சதவிகிதமாகவும், 2020-ல் 3.6 சதவிகிதமாகவும் இருக்க வாய்ப்பிருப்பதாகக் கணித்திருந்தது. ஆனால், தற்போது 2019 மற்றும் 2020-ம் ஆண்டு களில் 0.1% குறைவதற்குச் சாத்தியக்கூறுகள் உள்ளதாகக் கூறியுள்ளது.  

தங்கம்... விலை குறைய வாய்ப்புள்ளதா?

ஐரோப்பிய பிராந்தியத்தில் முன்னேறிய நாடுகளான ஜெர்மனியின் பொருளாதாரத்தில் நடப்பாண்டில் பின்னடைவு மற்றும் பிரிட்டனின் பிரெக்ஸிட் நிகழ்வுகளில் எந்த முன்னேற்றமும் இல்லாத நிலையானது உலகப் பொருளாதார வளர்ச்சிக்கு பெரும் சவால்களாக இருக்கலாம் என்றும் அறிவித்துள்ளது.

3. அதிகரிக்கும் இந்தியாவின் தங்க இறக்குமதி


இந்தியாவின் தங்க இறக்குமதி 2019-ம் ஆண்டின் முதல் இரண்டு மாதங்களில் தொடர்ச்சி யாக அதிகரித்துள்ளது. 2018-19-ம் நிதியாண்டில் ஏப்ரல் தொடங்கி, முடிவடைந்த பிப்ரவரி வரையில் 6.4 சதவிகிதமாகக் குறைந்து, 720 டன் களாகக் காணப்பட்டாலும். பண்டிகை காலத் தேவைகள் காரணமாக வர்த்தகர்கள் கையிருப்புக்காக வாங்கியுள்ளதாகச் செய்திகள் வெளியாகியுள்ளன.

தங்கம் விலை குறையுமா?

இன்றைய நிலையில், டாலருக்கு நிகரான ரூபாயின் மதிப்பு உயர்ந்து வருகிறது. அதாவது, அமெரிக்க டாலரின் மதிப்பு சரிவடைந்து வருகிறது. இதனால் சர்வதேச சந்தையில் தங்கம் விலை உயர்ந்து விட்டது. கடந்த மார்ச் 7-ம் தேதி ஒரு அவுன்ஸ் தங்கத்தின் விலை 1,283 டாலராக வர்த்தகமானது; ஆனால், அதுவே கடந்த 21-ம் தேதி அன்று காலை 1,318 டாலராக வர்த்தகமாகி வந்தது.

ஏற்ற இறக்கத்தில் தங்கம் விலை

மேற்சொன்ன இந்தக் காரணங்களை எல்லாம் வைத்துப் பார்க்கும்போது, ஆபரணத் தங்கத்தின் விலை அடுத்தசில மாதங்களுக்குக் கொஞ்சம் ஏற்ற இறக்கத்துடனேதான் இருக்கும் என்று நம்பலாம். தங்கத்தை தங்கள் தேவைக்கு வாங்குகிறவர்கள் விலையைப் பார்க்காமல், வாங்குவதில் எந்தத் தவறும் இல்லை. மிக நீண்ட காலத்துக்கு முதலீடு செய்ய நினைப்பவர்களும் இப்போதுள்ள விலையை அதிகம் கவனிக்க வேண்டியதில்லை என்பதுதான் முக்கியமான விஷயம்!

ஷியாம் சுந்தர், கமாடிட்டி ஆலோசகர்