Published:Updated:

ஷேர்லக்: வங்கிப் பங்குகளின் ஏற்றம் தொடருமா?

ஷேர்லக்: வங்கிப் பங்குகளின் ஏற்றம் தொடருமா?
பிரீமியம் ஸ்டோரி
News
ஷேர்லக்: வங்கிப் பங்குகளின் ஏற்றம் தொடருமா?

ஓவியம்: அரஸ்

ரியாக மாலை 4 மணிக்கு நம் கேபினுக்குள் நுழைந்தார் ஷேர்லக். “ஆறு மணிக்கு அவசர மீட்டிங்; சீக்கிரமாகக் கேளுங்கள்” எனப் பரபரக்க, நாம் கேள்விகளைக் கேட்க ஆரம்பித்தோம்.  

ஷேர்லக்: வங்கிப் பங்குகளின் ஏற்றம் தொடருமா?

தனியார் வங்கிகளின் கடன் வளர்ச்சி விகிதம் அதிகரித்துள்ளதே?

“தனியார் வங்கிகளின் கடன் வளர்ச்சி விகிதம் நடப்பு நிதியாண்டின் மூன்றாவது காலாண்டில் 22% அதிகரித்துள்ளது. கூடவே கடன் வளர்ச்சி விகிதம், தொடர்ந்து ஐந்தாவது காலாண்டாக 20%-க்கும்மேல் உள்ளது. அதேசமயம் பொதுத்துறை வங்கி களின் கடன் வளர்ச்சி விகிதம் 8.4 சதவிகித மாக உள்ளது.  இந்த நிலையில், 2018 - 19 மற்றும் 2019 - 20 ஆகிய நிதியாண்டுகளுக்கு இடையேயான வங்கிக் கடன் வளர்ச்சி விகிதம், 2017-18-ம் நிதியாண்டில் காணப்பட்ட 8% வளர்ச்சியைக் காட்டிலும் கணிசமான வேகத்துடன் 13-14% என்ற அளவில் இருக்கும் என எதிர்பார்க்கப்படுகிறது.”

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஷேர்லக்: வங்கிப் பங்குகளின் ஏற்றம் தொடருமா?



வங்கிக் குறியீடுகள் 52 வார உச்சத்தை எட்டியுள்ளதற்கு என்ன காரணம்?

 “பி.எஸ்.இ மற்றும் என்.எஸ்.இ-யில் மார்ச் 19-ம் தேதியன்று வர்த்தக நாளின் இடையே வங்கிக் குறியீடுகள் 52 வார உச்சத்தை எட்டின. அன்றைய தினம் வர்த்தக முடிவின் போது பி.எஸ்.இ பேங்க்எக்ஸ் 33402 புள்ளி களுடனும், நிஃப்டி பேங்க் இண்டெக்ஸ் 29832 புள்ளிகளுடனும் நிலைகொண்டன. நடப்பாண்டில் மார்ச் 19 வரை நிஃப்டி பேங்க் இண்டெக்ஸ் 10%,  நிஃப்டி பிரைவேட் பேங்க் இண்டெக்ஸ் 11.08% அதிகரித்துள்ள நிலையில், நிஃப்டி 6% அதிகரித்துள்ளது. தனியார் வங்கிகளின் வாராக் கடன் குறைந்து, லாப விகிதம் அதிகரித்துள்ளது.   கூடவே, சில்லறை கடன் வளர்ச்சியும் அதிகரித்ததுள்ளது.”

வங்கிப் பங்குகளின் விலை ஏற்றம் காணத் தொடங்கியிருக்கிறதே... அது தொடருமா?

“இந்திய பங்குச் சந்தையில், தேர்தலுக்கு முந்தைய ஏற்றத்தில் வங்கிப் பங்குகள் முன்னணி நிலையில் உள்ளன. கடந்த வாரத்தில், பேங்க் நிஃப்டி, ஏறக்குறைய 6% அல்லது 1600 புள்ளிகள் ஏற்றமடைந்து, கடந்த இரண்டு வருடங்களில் இல்லாத புதிய உச்சத்தை எட்டின.  அந்நிய முதலீட்டு வரத்து மீண்டும் புதிதாக வரத் தொடங்கி யிருப்பதால், வங்கிப் பங்குகள் முக்கியமாக ஆக்ஸிஸ் பேங்க் மற்றும் ஐ.சி.ஐ.சி.ஐ பேங்க் நல்ல லாபம் தரும் என்ற எதிர்பார்ப்பில் அந்தப் பங்குகளை அவர்கள் அதிக அளவில் வாங்கி வருகின்றனர். நிஃப்டி உயர்வில் 37.18% பங்களிப்பை நிதிச் சேவைகள் துறை அளித்துள்ளது. கடந்த வாரத்தில் நிஃப்டி 3.5% ஏற்றமடைந்துள்ளது. இந்த நிலையில், வங்கிப் பங்குகளின் அதிக ஏற்றத்துக்குப் பின்னர், லாப நோக்கில் அந்தப் பங்குகளை விற்கும் போக்கு ஏற்பட வாய்ப்பு இருப்பதை மறுப்பதற்கில்லை என பகுப்பாய்வாளர்கள் கூறுகின்றனர். ஆனாலும், இந்த இறங்கு நிலையை, வங்கிப் பங்குகளை வாங்கு வதற்கான வாய்ப்பாகப் பயன்படுத்திக் கொள்ள வேண்டும்.”

டி.ஹெச்.எஃப்.எல் கடன் பத்திரங்களை வாங்குவதில் சர்வதேச நிதி நிறுவனங்கள் ஆர்வம் காட்டுகின்றனவே?

“டி.ஹெச்.எஃப்,எல் (திவான் ஹவுஸிங் பைனான்ஸ் லிமிடெட்) என்ற வீட்டுக் கடன் வழங்கும் வங்கிசாரா நிதி நிறுவனத்தின் கடன் பத்திரங்களைத்  தள்ளுபடி விலையில் வாங்குவதில் சர்வதேச நிதி நிறுவனங்கள் ஆர்வம் காட்டி வருகின்றன. இது தொடர்பாக, கே.கே.ஆர் & கோ, பேரிங் பிரைவேட் ஈக்விட்டி (ஏசியா), எஸ்.எஸ்.ஜி கேப்பிட்டல் மற்றும் அமெரிக்காவின் பெரெக்ரைன் போன்ற சர்வதேச நிதி நிறுவனங்கள்ஆர்வம் காட்டி வருகின்றன.  இந்தப் பத்திரங்களை வைத்திருக்கும் முதலீட்டாளர்கள் 10-12% தள்ளுபடியில் விற்கத் தயாராக இருப்பதாகத் தகவல் தெரிவிக்கின்றன.”

ஐ.சி.ஐ.சி.ஐ புரூ. ஸ்மால்கேப் ஃபண்டில் மீண்டும் மொத்த முதலீடு பெறப்படுகிறதே?

“ஐ.சி.ஐ.சி.ஐ புரூடென்ஷியல் மியூச்சுவல் ஃபண்ட் நிறுவனம், ஸ்மால் கேப் ஃபண்டில் மொத்த முதலீடுகளை  மீண்டும் ஏற்கத் தொடங்கியுள்ளது. ஃபண்ட் முதலீட்டில் அதிக லாபம் ஈட்ட விரும்புபவர்களும், ரிஸ்க் எடுக்கத் தயாராக உள்ளவர்களும் இந்த ஃபண்டில் முதலீடு செய்யலாம்.”

வளரும் நாடுகளின் கரன்சிகளில் இந்திய ரூபாயின் மதிப்பு அதிகரிக்க என்ன காரணம்?


“வளரும் நாடுகளின் கரன்சிகளில், கடந்த ஒரு மாத காலமாக இந்திய ரூபாயின் மதிப்பு சிறப்பாகக் காணப் படுகிறது. வரவிருக்கும் நாடாளுமன்றத் தேர்தலில், தற்போதைய ஆளும் கூட்டணியே வெல்லும் என்ற எதிர்பார்ப்பில், இந்திய பங்குச் சந்தை களுக்கு வெளிநாட்டு முதலீடுகள் அதிக அளவில் வந்துள்ளன. இதன் காரணமாகவே இந்திய ரூபாய் மதிப்பு ஏற்றமடைந்துள்ளது.”

வோடபோன் ஐடியா உரிமைப் பங்குகளை வெளியிட உள்ளதே?

“வோடபோன் ஐடியா, உரிமைப் பங்கு வெளியீட்டின் மூலம் ரூ. 25,000 கோடி திரட்டுகிறது.  இதற்கான பங்கு வெளியீடு ஏப்ரல் 10 தொடங்கி 24-ல் முடிவடைகிறது. பங்கு ஒன்றின் விலை     ரூ.12.5 ஆக நிர்ணயிக்கப்பட்டுள்ளது.”

நிஃப்டி 12500 புள்ளிகளைத் தொடும் என கோல்ட்மேன் சாக்ஸ் தெரிவித்திருக்கிறதே!

“இன்னும்  ஓராண்டில் நிஃப்டி  8% அதிகரித்து 12500-ஆக உயரக்கூடும் என கோல்ட்மேன் சாக்ஸ் தெரிவித்திருக்கிறது. 1996-ம் ஆண்டிலிருந்து நடைபெற்ற ஆறு தேர்தல்களில், ஐந்து தேர்தல் முடிவுகள் அறிவிப்பதற்கு முந்தைய மாதங்களில், நிஃப்டியின் போக்கு ஏற்றத்தில் காணப்பட்டதாக  கோல்ட்மேன் சாக்ஸ் தெரிவித்திருக்கிறது. தேர்தல் முடிவுகளுக்கு மூன்று மாதங்களுக்கு முன்பாக சராசரியாக 13% ஏற்றத்திலும், ஒரு மாதத்துக்கு முன்பாக சராசரியாக 5% ஏற்றத்திலும் இருந்தி ருக்கிறது. அதனடிப்படையில், கடந்த ஜனவரி மற்றும் பிப்ரவரி மாதங்களில் சந்தையின் நிலையான போக்கு, நிஃப்டி நிறுவனங்களின் வருமான உயர்வு, வெளிநாட்டு முதலீடுகள்  மீண்டும் வருகை, நிலையான அரசு அமையும் என்கிற எதிர்பார்ப்பு போன்ற பல காரணங்களால் இந்திய பங்குச் சந்தையில்  எடுக்கப்படும் ரிஸ்க்க்கு ஏற்ப வருமானம் கிடைக்கும் என கோல்ட்மேன் சாக்ஸ் கணித்திருக்கிறது. மேலும், நிஃப்டி நிறுவனங்களின் வருமானம் 16% அதிகரிக்கும் என்கிற எதிர்பார்ப்பும் நிலவிவருகிறது.”

மிட்கேப் பங்குகள் விலை 30% உயரும் என ஐ.சி.ஐ.சி.ஐ டைரக்ட் சொல்லியிருக்கிறதே!


“கடந்த பிப்ரவரியில் 12% உயர்வுக்குப் பிறகு, மிட்கேப் இண்டெக்ஸ் இன்னும் 30% அதிகரிக்கும் என ஐ.சி.ஐ.சி.ஐ டைரக்ட் தெரிவித்துள்ளது. கடந்த 14 மாதங்களில் ஏற்பட்ட மிகப்பெரிய மூன்று கரெக்‌ஷனுக்குப் பிறகு, வருகிற ஆண்டில் என்.எஸ்.இ மிட்கேப் இண்டெக்ஸ் குறைந்தபட்சம் 40% வரை உயரும் எனவும் ஐ.சி.ஐ.சி.ஐ டைரக்ட் தெரிவித்திருக்கிறது. நிலையான அரசாங்கம் அமையும் என்கிற எதிர்பார்ப்பு நிலவி வருவது, மிட்கேப் இண்டெக்ஸ் உயர்வதற்கு மிக முக்கியமான காரணமாக அமைந்திருக்கிறது. வருகிற காலங்களில் மிட்கேப் பங்குகளில் மேற்கொள்ளப்படும் முதலீடுகளின் எண்ணிக்கை அதிகரிக்கும் எனவும் கணிக்கப்பட்டுள்ளது.மேலும், ஐ.பி.சி.ஏ, லெபாரட்ரீஸ், கன்சாய் நெரோலக், என்.பி.சி.சி, பேங்க் ஆஃப் இந்தியா, லக்ஸ் இண்டஸ்ட்ரீஸ் என்கிற ஆறு மிட்கேப் பங்குகள் அடுத்த ஆறு மாதங்களில் சிறப்பாகச் செயல்படக்கூடும் என அது தெரிவித்துள்ளது.”

ஆர்.இ.சி கடன்கள் மூலம்  ரூ.90,000 கோடி திரட்ட முடிவு செய்திருக்கிறதே?


“2019-20-ம் நிதியாண்டில் பல்வேறு வகையான கடன்கள் மூலம் ரூ.90,000 கோடி திரட்ட ரூரல் எலெக்ட்ரிஃபிகேஷன் கார்ப்பரேஷன் (ஆர்.இ.சி.) முடிவு செய்திருக்கிறது. கடன் பத்திரங்கள், வெளிநாட்டு வர்த்தக கடன்கள் (இ.சி.பி) மற்றும் மூலதன ஆதாய வரி விலக்குப் பத்திரங்கள் ஆகியவற்றின் மூலம் ரூ.78,000 கோடி திரட்ட நிறுவனத்தின் இயக்குநர்கள் குழு அனுமதி வழங்கியிருக்கிறது. 12,000 கோடி ரூபாயைக் குறுகிய காலக் கடனாக வங்கி, வங்கிசாரா நிதி நிறுவனங்கள் வாயிலாகத் திரட்டிக்கொள்கிறது” என்ற ஷேர்லக், “நேரமாகிவிட்டது, அடுத்த வாரம் பார்ப்போம்” எனச் சொல்லிவிட்டுக் கிளம்பினார்.

ஷேர்லக்

ஷேர்லக்: வங்கிப் பங்குகளின் ஏற்றம் தொடருமா?

நாணயம் விகடன் ஸ்லாக்-ல் வந்தாச்சு!

பங்குச் சந்தை, மியூச்சுவல் ஃபண்ட், பொருளாதாரம், இன்ஷூரன்ஸ், தங்கம், ரியல் எஸ்டேட் தொடர்பாக நாணயம் விகடனில் வெளியாகும் செய்திகளை உடனுக்குடன் தெரிந்துகொள்ள வேண்டுமா?

உங்கள் செல்போனில் ஸ்லாக் (slack) ஆப்பை டவுன்லோட் செய்துகொள்ளுங்கள். bit.ly/2UBYnJx என்கிற லிங்கில் சென்று, உங்கள் மெயில் ஐடி-யை தந்து பெயரைப் பதிவு செய்துகொள்ளுங்கள்!