Published:Updated:

ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!
பிரீமியம் ஸ்டோரி
News
ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

டந்த வாரம் கன்சர்வேட்டிவ் ஹைபிரீட் டெட் ஃபண்டுகளைப் பற்றிப் பார்த்தோம். இந்த வாரம் ஃபோக்கஸ்டு ஃபண்டுகளைப் பற்றிப் பார்ப்போம். 

ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

பொதுவாக, பரவலாக முதலீடு செய்வது ரிஸ்க்கினைக் குறைக்கும்; அதேசமயம், ரிட்டர்ன்ஸையும் குறைக்கும். குறைவான எண்ணிக்கையிலான பங்குகளில் முதலீடு செய்யும்போது, ரிஸ்க் மற்றும் ரிவார்டு ஆகிய இரண்டுமே அதிகமாக இருக்கும்.

ஃபோக்கஸ்டு ஃபண்டுகள் குறைவான எண்ணிக்கை யிலேயே பங்குகளில் முதலீடு செய்கின்றன. செபி வரைமுறையின்படி, அதிகபட்சமாக முப்பது பங்குகளில்தான் இந்த ஃபண்டுகள் முதலீடு செய்யவேண்டும். மேலும், 65 சதவிகிதத்திற்கும்மேலாக இந்த வகை ஃபண்டுகள், பங்கு மற்றும் பங்கு சார்ந்த முதலீடுகளில் தங்களது போர்ட் ஃபோலியோவை வைத்திருக்க வேண்டும். அதுமட்டும்  அல்லாமல், எந்தத் துறை சார்ந்த பங்குகளில் ஃபோக்கஸ் செய்யப் போகிறோம் என்பதையும் தெரிவிக்க வேண்டும் – உதாரணத்திற்கு, மிட்கேப், ஸ்மால்கேப், லார்ஜ்கேப் அல்லது மல்டிகேப்.  

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

பல சமயங்களில் ஃபண்ட் மேனேஜருக்கு ஒருசில பங்குகளின்மேல் நம்பிக்கை மிக  அதிகமாக இருக்கும். இருந்தபோதும் அதிக சதவிகிதத்தில் அந்த ஒருசில பங்குகளை வாங்க முடியாது. காரணம், அது போர்ட்ஃபோலியோவின் ரிஸ்க்கினை அதிகப்படுத்தும். அதையே ஃபண்ட் மேனேஜர் ஃபோக்கஸ்டு ஃபண்டுகளில் செய்ய முடியும். இந்தவித ஃபண்டுகளின் அடிப்படையே, மிகவும் நம்பிக்கை தரக்கூடிய பங்குகளில் அதிக வெயிட்டேஜில் முதலீடு செய்து, யூனிட் ஹோல்டர்களுக்கு அதிக வருவாயை ஈட்டித் தருவதுதான்!

ஒரு வகையில் பார்த்தால், மல்டிகேப் ஃபண்டு களைப்போல் இவையும் செயல்படும்– வெயிட்டேஜைத் தவிர! மல்டிகேப் ஃபண்டுகளை விட, ஃபோக்கஸ்டு ஃபண்டுகள் சற்றுக் கூடுதல் ரிஸ்க் உடையவை. இந்த வகை ஃபண்டுகளின் பெயர்களில் ‘ஃபோக்கஸ்’ அல்லது ‘ஃபோக்கஸ்டு’ என்ற வார்த்தை பொதுவாக இருக்கும். தற்போது பத்துக்கும் மேற்பட்ட மியூச்சுவல் ஃபண்ட் நிறுவனங்கள் இந்த வகை ஃபண்டுகளை முதலீட்டாளர்களுக்கு வழங்குகின்றன.

மல்டிகேப் ஃபண்டுகளில் சற்று அதிக ரிஸ்க் எடுக்க விரும்புபவர்களுக்கும் மற்றும் கான்சென்ட்ரேட்டட் முதலீட்டை விரும்புபவர் களுக்கும் இந்த வகை ஃபண்டுகள் பொருத்தமாக இருக்கும்.

அந்தவகையில், முதலீட்டிற்கு உகந்த சில ஃபண்டுகளையும், அவற்றைப் பற்றிய சிறு குறிப்பையும் கீழே கொடுத்துள்ளோம்.

ஆக்ஸிஸ் ஃபோக்கஸ்டு 25 ஃபண்ட்

ஜூன் 2012-ல் ஆரம்பித்த இந்த ஃபண்டை தற்போது நிர்வகித்து வருபவர் ஜினேஷ் கோபானி ஆவார். இவரே இந்த மியூச்சுவல் ஃபண்ட் நிறுவனத்தின் பங்கு சார்ந்த முதலீட்டுப் பிரிவின் தலைவராவார். இ.எல்.எஸ்.எஸ் திட்டங்களிலேயே மிகவும் அதிகமான சொத்தை (ரூ.17,000 கோடி) கொண்ட் ஆக்ஸிஸ் லாங்க் டேர்ம் ஈக்விட்டி ஃபண்டை இவரே நிர்வகித்து வருகிறார். 

ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

மார்ச் 25 நிலவரப்படி

தனது போர்ட்ஃபோலியோவில் கிட்டத்தட்ட 80% லார்ஜ்கேப்பிலும், மீதியை ஸ்மால் அண்டு மிட்கேப் பங்குகளிலும் வைத்துள்ளது. டி.சி.எஸ், பஜாஜ் ஃபைனான்ஸ், கோட்டக் பேங்க்,          ஹெச்.டி.எஃப்.சி பேங்க், மாருதி சுஸூகி போன்ற பங்குகள் டாப் ஹோல்டிங்ஸாக உள்ளன. 42 சதவிகிதத்திற்கும் அதிகமாக ஃபைனான்ஸ் துறையில் வெயிட்டேஜ் வைத்துள்ளது.

தனது போர்ட்ஃபோலியோவில் கிட்டத்தட்ட 97 சதவிகிதத்தைப் பங்கு சார்ந்த முதலீட்டில் வைத்துள்ளது. எஞ்சியது கேஷ் முதலீட்டில் உள்ளது. இதில் மினிமம் ஒருமுறை முதலீடு ரூ.5,000 மற்றும் எஸ்.ஐ.பி முதலீடு ரூ.1,000 ஆகும்.

ஃபிராங்க்ளின் இந்தியா ஃபோக்கஸ்டு ஈக்விட்டி ஃபண்ட்

இந்த ஃபண்ட், முன்பு ஃபிராங்க்ளின் இந்தியா ஹை குரோத் கம்பெனீஸ் ஃபண்ட் என அழைக்கப் பட்டது. இதன் ஃபண்ட் மேனேஜர்கள் ரோஷி ஜெயின் மற்றும் ஆனந்த் ராதாகிருஷ்ணன் ஆவார்கள். 

ஃபண்ட் வகைகள்... ஒரு பார்வை, சில பரிந்துரை! - 18 - அதிக ரிஸ்க், அதிக ரிவார்டு... ஃபோக்கஸ்டு ஃபண்டுகள்!

இந்த ஃபண்ட், தனது போர்ட் ஃபோலியோவில், கிட்டத்தட்ட 69% லார்ஜ்கேப் பங்குகளை வைத்துள்ளது. எஞ்சியதை ஸ்மால் & மிட்கேப் பங்குகளில் வைத்துள்ளது. ஹெச்.டி.எஃப்.சி பேங்க், ஐ.சி.ஐ.சி.ஐ பேங்க், எஸ்.பி.ஐ, ஆக்ஸிஸ் பேங்க், இந்தியன் ஆயில் போன்ற பங்குகளை டாப் ஹோல்டிங்ஸாகவும், ஓரியன்ட் சிமென்ட், ஸொமானி செராமிக்ஸ், உஜ்ஜிவன் ஃபைனான்ஷியல் சர்வீசஸ், ஸ்பைஸ் ஜெட் போன்ற மிட் அண்டு ஸ்மால்கேப் பங்குகளையும் தனது போர்ட்ஃபோலியோவில் வைத்துள்ளது. இதில் மினிமம் ஒருமுறை முதலீடு ரூ.5,000 மற்றும் எஸ்.ஐ.பி முதலீடு ரூ.500 ஆகும்.

எஸ்.பி.ஐ ஃபோக்கஸ்டு ஈக்விட்டி ஃபண்ட்


முன்பு இந்த ஃபண்ட் எஸ்.பி.ஐ எமர்ஜிங் பிசினஸ் ஃபண்ட் என அழைக்கப்பட்டது. இந்த ஃபண்டை ஆர். ஸ்ரீனிவாசன் நிர்வகித்து  வருகிறார். இவரே இந்த ஃபண்ட் நிறுவனத்தின் பங்கு சார்ந்த முதலீட்டுப் பிரிவின் தலைவரும் ஆவார். ஃபைனான்ஸ், எஃப்.எம்.சி.ஜி மற்றும் இன்ஜினீயரிங் இதன் டாப் துறைசார்ந்த முதலீடு களாக உள்ளது.

இந்த ஃபண்டில் மேலே கண்ட இரண்டு ஃபண்டுகளைவிட மிட் அண்டு ஸ்மால்கேப் பங்குகளின் இருப்பு அதிகம்; கிட்டத்தட்ட 45% மிட் அண்டு ஸ்மால்கேப்பில் உள்ளது. இதில் மினிமம் ஒருமுறை முதலீடு ரூ.5,000 மற்றும் எஸ்.ஐ.பி முதலீடு ரூ.500 ஆகும்.

(நிறைவு பெற்றது)

சொக்கலிங்கம் பழனியப்பன்,  டைரக்டர், ப்ரகலா வெல்த் மேனேஜ்மென்ட்  (www.prakala.com)