Published:Updated:

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

ஒட்டுமொத்த விகடனுக்கும் ஒரே ஷார்ட்கட்

Use App
காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!
காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

பிரீமியம் ஸ்டோரி

சுமார் 80 ஆண்டுகளுக்குமுன் பெஞ்சமின் கிரஹாம் மற்றும் டேவிட் டாட் என்ற முதலீட்டு அறிஞர்கள் எழுதிய ‘செக்யூரிட்டி அனாலிசிஸ்’ எனும் புத்தகத்தில் ’வேல்யூ இன்வெஸ்டிங்’ (தகுந்த மதிப்பீட்டின் அடிப்படையில் செய்யப்படும் முதலீடு) மற்றும் ‘மார்ஜின் ஆஃப் சேஃப்டி’ (முதலீட்டின் பாதுகாப்பான எல்லைக்கோடு) என்ற ஒரு நடைமுறையை உலகுக்கு அறிமுகப்படுத்தினார்கள். இந்த முதலீட்டின் அடிப்படை, பங்கினை வாங்கும் விலை அதன் உண்மை மதிப்பைவிடக் குறைவாக இருக்க வேண்டும் என்பதே! 

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

கிரஹாம் மற்றும் டாட் என்ற இருவரும் ஒரு நிறுவனத்தின் மதிப்பிற்கும் உதிரியாக இருக்கும் அதன் பங்குகளின் விலைக்கும் இடையே உள்ள முரண்பாடுகளை (மதிப்பு அதிகம் – விலைக் குறைவு என்ற முரண்பாடு) கண்டறிந்து, அந்த முரண்பாடுகளை வைத்தே மதிப்பைவிட விலை தாறுமாறாகக் குறைந்த காலகட்டத்தில் முதலீடுகளைச் செய்து நல்ல லாபத்தைத் தொடர்ந்து ஒரு போர்ட்ஃபோலியோவில் உருவாக்கிக் காட்டினார்கள்.

அந்தக் காலகட்டத்தில் சந்தையில் இருந்த முதலீட்டு நடைமுறை விதிகளான ஒரு பங்கு குறித்த அனைத்து விஷயங்களும் விலையில் உடனுக்குடன் பிரதிபலித்துவிடும் என்ற எண்ணம் (Efficient market theory), மாதங்களும் பங்குகளின் விலைகளும் என்ற அடிப்படையில் ஜனவரி மற்றும் ஜூலை விளைவுகளின் அடிப்படையிலான எண்ணம், கிழமைகளும் பங்குகளின் விலைகளும் என்ற அடிப்படையில் திங்கள் மற்றும் வியாழக்கிழமை விளைவுகளின் அடிப்படையிலான எண்ணம் போன்றவற்றைவிட, இந்த ‘வேல்யூ இன்வெஸ்டிங்’ முறை கணிசமான அதிக அளவிலான லாபத்தைத் தொடர்ந்து தந்துவந்தது. 

பங்கு விலை என்ன?


ஒரு தொழிலதிபர் ஒரு நிறுவனத்தை வாங்க நினைத்தால் எந்த விலையில் வாங்குவார்? அந்த நிறுவனத்தின் மதிப்பைவிட குறைவான விலைக்குத் தானே! அதே அடிப்படையில்தான் இந்த இருவரும் தங்களுடைய முதலீடுகளைச் செய்ய முற்பட்டனர். இந்த நடைமுறையைக் கடைப்பிடிக்கும்போது அவர்கள் பங்குகளுக்கும் சந்தைக் குறியீட்டிற்கும் இடையே உள்ள ஏற்ற/இறக்க உறவினைக் குறிப்பிடும் பீட்டா (beta), மூலதனச் சொத்தின் விலை உருப்படிவம் (Capital Asset prising model), பங்குகளுக்கு இடையே இருக்கும் உடன் மாறுபட்டெண் (Co-veriance) போன்ற அந்தக் காலத்திலேயே பிரசித்தி பெற்றிருந்த பல கோட்பாடுகளை எல்லாம் இவர்கள் தவிர்த்துவிட்டு, ‘விலை’ மற்றும் ‘மதிப்பு’ என்ற இரண்டினை மட்டுமே கருத்தில்கொண்டு முதலீடுகளைச் செய்யவேண்டும் என்பதில் தெளிவாகச் செயல்பட்டனர்.

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

இந்தியாவில்கூட வேல்யூ இன்வெஸ்டிங் முறையில் பெரும்பான்மையான பங்குகளில் முதலீடுகளைச் செய்யலாம் (உதாரணமாக, குறைந்த பி/இ விகிதம் இருக்கும்போது பங்குகளை வாங்குவது போன்ற வகையில்) என்ற வாதத்தைப் பலரும் செய்து வருகின்றனர். அது சரியானதும்கூட என்று நாம் சொல்லலாம்.

முதலீடு என்பதைப் பற்றி முழுமையான ஒரு தெளிவு நமக்கு வேண்டுமென்று நினைத்து ஆராய்ந்தால், இந்தியாவின் பங்குச் சந்தையில் பட்டியலிடப்பட்டு வியாபாரம் செய்யப்பட்டுவரும்  பங்குகளை நாம் மூன்று வகைகளாகப் பிரித்து வரிசைப்படுத்தலாம்.

‘ஏ’ பிரிவு பங்குகள்


இந்த வகை பங்குகளே இந்தியப் பங்குச் சந்தையில் இருக்கும் பங்குகளில் 80 - 90%  வரையிலானவையாக இருக்கின்றன. இந்த வகை நிறுவனங்களால் தங்களுடைய முதலீட்டிற்கான செலவைவிட (Cost of Capital) அதிக  வருமானத்தை  (Return on Capital) ஈட்ட முடிவதில்லை. ஏனென்றால், அவற்றிற்கென்று ஒரு போட்டியாளர்களிடம் இருந்து தங்களைத் தொடர்ச்சியாக நீண்ட காலத்திற்கு வேறுபடுத்திக்கொள்ளும் (Competitive Advantage) தனித்துவம் எதுவும் கிடையாது. அதனால் இந்த வகை நிறுவனங்களால் தங்களுடைய முதலீட்டிற்கான செலவைவிட அதிகமான வருமானத்தை ஈட்ட முடிவதில்லை. 

இந்த இரண்டிற்கும் இருக்கும் வித்தியாசத்தில் உருவாவதே ஃப்ரீ கேஷ் ஃப்ளோ (அதாவது, ஒரு நிறுவனம்  தன் இஷ்டப்படி பயன்படுத்திக்கொள்ளும் உரிமையுடன்  கிடைக்கும் ரொக்கம்).

இந்த ஃப்ரீ கேஷ் ஃப்ளோவே நிறுவனங்கள் தங்களை விரிவு படுத்திக்கொள்ள உதவுகிறது.  இந்தவித ஃப்ரீ கேஷ் ஃப்ளோவைக் கொண்டிராத நிறுவனங்கள் வளர்ச்சியடைய ததிகினத்தோம் போடவேண்டி யிருக்கும்.

உதாரணமாக, இந்தியத் தொலைதொடர்பு துறையில் செயல்படும் நிறுவனங்கள் மற்றும் விமான சேவையை வழங்கும் நிறுவனங்கள் போன்றவற்றை காண்பிக்கலாம்.

இந்த வகை நிறுவனங்களுக்கு வளர்ச்சிக்கான வாய்ப்புகளுக்கு பஞ்சம் இருக்காது. ஆனால், தன்னைப் போட்டியாளர் களிடமிருந்து வேறுபடுத்திக் காட்டிக்கொள்ளும் காம்ப்பட்டேட்டிவ் அட்வான்டேஜ் எதுவும் தங்களிடம் இல்லாதபடியால் அதிக வருமானம் ஈட்ட முடியாது போகும்.

ஒரு நிறுவனத்தை முதலீடுசெய்து லாபம் பார்க்க இரண்டு வகை விஷயங்கள் அந்த நிறுவனத்தில் நடக்கவேண்டும். ஒன்று, அந்த நிறுவனத்தின் பி/இ மதிப்பு உயரவேண்டும். அல்லது அந்த நிறுவனம் ஈட்டும் லாபம் அதிகரிக்க வேண்டும். ‘ஏ’ பிரிவு பங்குகளில் லாபம் பார்க்க வேண்டும் என்றால், அது பி/இ விகிதம் உயர்வதால் மட்டுமே சாத்தியம் ஆகும். ஏனென்றால், லாப அதிகரிப்பு என்பது இந்த வகை நிறுவனங்களுக்குச் சாத்தியம் இல்லாத ஒன்றாகும். 

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

ஒரு முதலீட்டு நிர்வாகி ‘ஏ’ பிரிவுப் பங்குகளில் பி/இ பத்து ஆண்டு காலத்தில் இரட்டிப்பாகும் அளவிற்கு முதலீடு செய்தார் எனில்,  உங்களுக்குச் சராசரி யாக 7% லாபம் கிடைக்கும். அதே சமயம், அந்த முதலீட்டு நிர்வாகி முதலீட்டினை சந்தை உச்சத்தில் இருக்கும்போது செய்து விட்டால் (டைமிங்: பி/இ உச்சத்தில் இருக்கும்போது முதலீடுசெய்து, அதில் பாதி பி/இ இருக்கும்போது அந்த முதலீட்டை விட்டு வெளியேறி னால்) அந்த முதலீடு 7% நஷ்டத்தைச் சந்திக்க வேண்டியிருக்கும். 

‘பி’ பிரிவு பங்குகள்

 இந்த வகைப் பங்குகள் இந்திய பங்குச் சந்தையில் 5 - 10% அளவில் இருப்பவையாகும். உதாரணமாக, மாருதி சுஸூகி, ஹிந்துஸ்தான் யூனிலீவர் போன்றவற்றைச் சொல்லலாம். 

இந்த வகை நிறுவனங் களுக்குச் சொல்லிக்கொள்ளும் படியான காம்ப்பட்டேட்டிவ் அட்வான்ட்டேஜ் இருக்கிறது.  ஃப்ரீ கேஷ் ஃப்ளோவினை விரிவாக்கத்திற்குப் பயன்படுத்து வதன்மூலம் இந்த நிறுவனங்கள் 12% சராசரி வளர்ச்சியை அடையும். அதாவது, பொருளாதார வளர்ச்சி ஏற்ற/இறக்க சைக்கிள்களைக் கடந்து அதிகரிக்கும் ஜி.டி.பி-யின் (நாமினல் அளவீட்டில்) வளர்ச்சியை ஒட்டிய  வளர்ச்சியை இந்த வகை நிறுவனங்கள் பெறும் என எதிர்பார்க்கலாம்.

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

இந்த வகை நிறுவனங்களிலும் ‘வேல்யூ இன்வெஸ்டிங்’ என்ற நடைமுறை வொர்க் அவுட் ஆகும். மாருதி நிறுவனம் பத்து ஆண்டுகளில் 13 பி/இ இருக்கும்போது ஒரு முதலீட்டு நிர்வாகி, முதலீடு செய்து 26 பி/இ இருக்கும்போது வெளியேறினால், அவருடைய முதலீடு 19 சதவிகித ரிட்டர்னைத் தருவதாக இருக்கும். (12% வருமான ஈட்டுதலினால் வரும் வளர்ச்சி மற்றும் 7% பி/இ இரட்டிப்பிலிருந்து கிடைக்கும் வளர்ச்சி என்ற அளவில்).

இதிலும் ஒரு முதலீட்டு நிர்வாகி டைமிங்கைச் சரியாகச் செய்யாமல் பி/இ உச்சத்தில் நுழைந்து, அதில் பாதி பி/இ-யில் வெளியேறினார் எனில், ஒருவருடைய ரிட்டர்ன் ஐந்து சதவிகிதமாக இருக்கும். (12% முதல் -7% பி/இ-க்கான வளர்ச்சி கிடைக்காது).

‘பி’ பிரிவுப் பங்குகளில் வாரன் பஃபெட் போன்ற தீர்க்கமான வேல்யூ இன்வெஸ்டார்களால் நிச்சயமாக அதிக லாபம் பார்க்க முடியும். ஏனென்றால், அந்த வகை முதலீட்டாளர்களால் மட்டுமே ‘பி’ பிரிவு பங்கினைக் கொக்குபோல் காத்திருந்து சரியான சமயத்தில் கொத்திச் செல்லமுடியும்.

‘சி’ பிரிவு பங்குகள்

நீங்களும் நானும் இந்தியாவைத் தவிர, உலக நாடுகளில் இருக்கும் ஏனைய பெரிய பொருளாதாரங்களில் வாழ்ந்துவந்தோம் எனில்,  நமக்கு முதலீடு செய்ய இந்த ‘ஏ’ பிரிவு மற்றும் ‘பி’ பிரிவு பங்குகள் தவிர, வேறு எந்த வகைப் பங்குகளும் இருக்காது. ஆனால், இந்தியாவில் ஒரு சுவாரஸ்யமான மற்றொரு பிரிவு இருக்கிறது. அதுதான் ‘சி’ பிரிவு பங்குகள். 

காபி கேன் இன்வெஸ்ட்டிங் - 29 - வேல்யூ இன்வெஸ்டிங்குக்கு சவால்விடும் இந்தியப் பங்குகள்!

இந்தியப் பங்குச் சந்தையில்தான் இந்த ‘சி’ பிரிவு என்ற சிறப்புப் பிரிவு பங்குகள் இருக்கிறது. எங்கள் நிறுவனத்தின் நியூஸ்லெட்டரில் ஏற்கெனவே குறிப்பிட்டிருந்தபடி (http://marcellus.in/wp-content/uploads/2019/02/Marcellus_CCP_Newsletter_Feb_2019-1.pdf) இந்தியாவைப் போன்ற பெரியதொரு பொருளாதாரத்தில் இங்கு மட்டுமே சில தொழில் துறைகளில் ஒன்றிரண்டு நிறுவனங்களே மிகவும் பிரசித்தி பெற்றதாக இருக்கின்றன.  இந்த நிறுவனங்களின் ஆர்.ஓ.சி.இ (ரிட்டர்ன் ஆன் கேப்பிட்டல் எம்ப்ளாயிட் – பேலன்ஷீட்டில் உள்ள ஒவ்வொரு ரூபாய் முதலீட்டுக்கும் கிடைக்கும் ரிட்டர்ன்) என்பது காஸ்ட் ஆஃப் ஈக்விட்டியைவிட மிக  அதிகமாக இருக்கிறது.

உலக அளவில் இதுபோன்ற தங்கள் துறையில் இருக்கும் ஜாம்பவானாக இருக்கும் நிறுவனங்களை கண்டுபிடிப்பதொன்றும் பெரிய காரியமில்லை. அமெரிக்க பலசரக்கு விற்பனையில் வால்மார்ட் நிறுவனம், பிரான்ஸில்  பல சரக்கு விற்பனையில் கேரி ஃபோர்,  ஜப்பானில் மத்திம அளவு கார்கள் விற்பனையில் டொயோட்டா, ஐரோப்பாவில் உள்ளாடைகள் விற்பனையில் ஹேன்ஸ் என பல உதாரணங்கள் இந்த வகையில் இருக்கிறது.

ஆனாலும், இந்த நிறுவனங்கள் எதுவும் தங்களுடைய காஸ்ட் ஆஃப் கேப்பிட்டலைவிட அபரிமிதமான அதிக அளவில் ரிட்டர்ன் ஆன் ஈக்விட்டியைக் கொண்டிருப்பதில்லை. மாறாக, இந்தியாவில் சில துறைகளில் ஒன்றிரண்டு நிறுவனங்களே மேலே சொன்னவகையிலான முக்கிய நிறுவனங்களாகவும் இருந்து கொண்டு அபரிமித அளவிலான ஆர்.ஓ.இ-யையும் (காஸ் ஆஃப் கேப்பிட்டலைவிட மிக அதிகமாக) கொண்டிருக்கின்றன.

இந்த வகை நிறுவனங்கள் உருவாக்கும் ஃப்ரீ கேஷ் ஃப்ளோ என்பது பல தசாப்தங்களாக தொடர்ந்து நடைபெற்றுவருவது என்பதால், இவை தாராளமான டிவிடெண்டை வழங்கி வருகின்றன. டிவிடெண்ட் வழங்குதல் என்பதுடன்  நின்றுவிடாமல் சூப்பர் லாபம் தரும் தொழில்களில்  மறுமுதலீடுகளையும் இந்த வகை நிறுவனங்கள் தொடர்ந்து செய்துவருகின்றன. இந்த வகை நிறுவனங்களின் வருமானத்திற்கான வளர்ச்சி (Earning Growth) கிட்டத்தட்ட 25% அளவில் இருக்கிறது.

இந்த வகை ‘சி’ டைப் நிறுவனங்களில் முதலீடு செய்யும் ஒரு முதலீட்டு நிர்வாகி சரியான சமயத்தில் (டைமிங்) வாங்கி சரியான சமயத்தில் விற்று வெளியேறினால், அவர் பெறும் லாபம் 34% அளவில் இருக்கும் (25% வருமான வளர்ச்சிக்கு + 7% பி/இ இரட்டிப்பு + 2% டிவிடெண்ட் வகையில்). ஆனாலும், இன்றைக்கு இதுபோன்ற நிறுவனங்கள் கன்னாபின்னாவென்ற பி/இ அளவில் வியாபாரமாகின்றன என்பதால், அடுத்த பத்து ஆண்டுகளில் இவற்றின் பி/இ பாதியாகும் என்று வைத்துக்கொண்டால், இந்த வகை  (‘சி’ பிரிவு) நிறுவனங்கள் ‘பி’ பிரிவு நிறுவனங்களுக்கு ஒப்பான ரிட்டர்னை தருவதற்கு வாய்ப்புள்ளது (20 சதவிகிதத்துக்கு 19% என்ற ஒப்பீட்டில்).

முதலீட்டில் இவற்றின் பாதிப்பு

இந்தியாவின் பங்குச் சந்தையில் இருக்கும் பங்குகளில் 99% பங்குகள் வேல்யூ இன்வெஸ்டிங் முறையில் முதலீடு செய்தால், 14-16%  லாபத்தையே பெற முடியும். ‘சி’ பிரிவு பங்குகளோ கிரஹாமும்,  டாட்-டும் சொன்ன வேல்யூ இன்வெஸ்டிங் நடைமுறைக்கே சவால்விடுபவையாக இருப்பவை.

ஒரு நிறுவனத்தின் மதிப்பு என்பது எதிர்காலத்தில் அது பெறக்கூடிய கேஷ் ஃப்ளோ [(வருமானத்தில் இருந்து உருவாவது – தேவையான அளவு நிகழ்காலத்திற்காக சமன்படுத்திக்கொள்ள வேண்டியது (டிஸ்கவுன்ட்)] தாண்டிய ஒன்றாக இருக்காது. எதிர்காலத்தில் உருவாகும் இந்த கேஷ் ஃப்ளோ என்பது ரிட்டர்ன் ஆன் கேப்பிட்டலுக்கும் காஸ்ட் ஆஃப் கேப்பிட்டலுக்கும் இடையே உள்ள வித்தியாசம் ஆகும். இந்த இடைவெளியே அருகே இல்லை என்றால் (பெரிதாக இருந்தால்), அந்த நிறுவனத்தின் மதிப்பு மிக அதிகமாக இருக்கும். அந்த வகை நிறுவனங்கள் அதிக அளவிலான பி/இ-யுடன் சந்தையில் இருக்கும்.

இந்திய பங்குச் சந்தையில் இருக்கும் பங்குகளில் ஒரு சதவிகிதத்திற்கும் குறைவான பங்குகளே இந்தப் பிரிவின்கீழ் வருகிறது என்பதுதான் கொஞ்சம் வருத்தமான விஷயமே (எண்ணிக்கை அதிகமாக இருக்கவேண்டும் என்று நினைப்பது கொஞ்சம் பேராசையும்தான்). இந்த ‘சி’ பிரிவு நிறுவனங்கள் தவிர்த்து, ஏனைய நிறுவனங்களுக்கு கிரஹாம் மற்றும் டாட் சொன்ன முதலீட்டு முறை மிக மிகப் பொருத்தமானதாக இருக்கும்.
(பார்க்க:  அட்டவணை)

குறிப்பு:
மேலே குறிப்பிட்டுள்ளவை ஒரு முதலீட்டுக்கான ஆராய்ச்சி கட்டுரையோ அல்லது முதலீட்டு ஆலோசனையோ அல்ல.மார்செல்லஸ் நிறுவனம் இந்தக் கட்டுரையை வெளியிடுவதன்மூலம் முதலீட்டாளர்களிடம் இருந்து எந்த விதமான கட்டணத்தையோ அல்லது வியாபாரத்திற்கான அழைப்பையோ விடுக்கவில்லை. மார்செல்லஸ் இன்வெஸ்ட் மென்ட் மேனேஜர்ஸ் ஒரு செக்யூரிட்டிஸ் அண்டு எக்சேஞ்ச் போர்ட் ஆஃப் இந்தியாவினால் கட்டுப்படுத்தப்படும் போர்ட் ஃபோலியோ மேனேஜ்மென்ட் சர்வீஸ் மற்றும் முதலீட்டு ஆலோசனைகளை வழங்கும் நிறுவனமாகும்.

செளரப் முகர்ஜி நிறுவனர்,  மார்செல்லஸ் இன்வெஸ்ட்மென்ட் மேனேஜர்ஸ் (Marcellus Investment Managers) 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு