Published:Updated:

முதலீட்டுக்குமுன் கட்டாயம் செய்யவேண்டிய 5 விஷயங்கள்!

முதலீட்டுக்குமுன் கட்டாயம் செய்யவேண்டிய 5 விஷயங்கள்!
பிரீமியம் ஸ்டோரி
News
முதலீட்டுக்குமுன் கட்டாயம் செய்யவேண்டிய 5 விஷயங்கள்!

முதலீட்டுக்குமுன் கட்டாயம் செய்யவேண்டிய 5 விஷயங்கள்!

தாகம் எடுத்ததும் தண்ணீர் குடிப்பதுபோல, எல்லோராலும் நினைத்ததும் முதலீடு செய்துவிட முடியாது. முதலீடுகளை மேற்கொள் வதற்குமுன், பணம் தொடர்பான பல விஷயங்களை முறைப்படுத்தி வைத்துக் கொள்வது அவசியம். 

முதலீட்டுக்குமுன் கட்டாயம் செய்யவேண்டிய 5 விஷயங்கள்!

இன்றைய நிலையில், பெரும்பாலான வர்கள் வரவு எவ்வளவு, செலவு எவ்வளவு என்பதுகூடத் தெரியாமல் வாழ்க்கையை நடத்துகிறார்கள். இப்படி இருந்தால், மாதக் கடைசியில் பணத் தேவைக்காகத் திண்டாடவேண்டிய நிலைதான் எப்போதும் இருக்கும். முதலீடு செய்யத் தொடங்கும்முன் ஒருவர் செய்யவேண்டிய விஷயங்கள் என்னென்ன...?

பட்ஜெட் போடப் பழகுங்கள்


மாதச் சம்பளத்துக்கு வேலை பார்ப்பவராக இருந்தாலும் சரி, சொந்தமாகத் தொழில் செய்பவராக இருந்தாலும் சரி, மாதத் தொடக்கத்தில் குடும்ப உறுப்பினர்களுடன் ஒன்றாக அமர்ந்து குடும்ப பட்ஜெட் போடுவது அவசியம். குடும்பத்தின் மொத்த வருமானம் (சம்பளம், வட்டி வருமானம், வீட்டு வாடகை வருமானம் போன்றவை) எவ்வளவு, மளிகைப் பொருள்கள், மருத்துவச் செலவுகள், போக்கு வரத்துச் செலவுகள் போன்ற மாதாந்தரத் தேவை களுக்காக ஒதுக்கவேண்டிய தொகை, சேமிப்புக்கு இருக்கும் தொகை என அனைத்தையும் ஆலோசித்துப் பட்டியலிடுங்கள். அப்போதுதான் வரவு எவ்வளவு, செலவு எவ்வளவு என்பதில்  தெளிவு கிடைக்கும். 

இந்தப் பழக்கவழக்கம் குறைந்தது மூன்று மாதம் வரை தொடர்ந்தால், எந்தச் செலவுகளைக் குறைக்க வேண்டும் என்பது தெரியும். அல்லது வருமானத்தை அதிகப்படுத்த வேண்டுமா என்கிற கேள்விக்கும் பதில் கிடைக்கும். குழந்தைகளின் படிப்பு மற்றும் திருமணம், வீடு மற்றும் கார் வாங்குவதற்கான சேமிப்பு என எதிர்காலத் தேவைகளுக்காக ஒதுக்கக்கூடிய தொகை போதுமானது தானா என்பதில் சரியாக முடிவெடுக்க முடியும். செலவுக்குப் போகத்தான் சேமிப்புக்கு என்றில்லாமல், சேமிப்புக்குப் போகத் தான் செலவுக்கு என்கிற வாழ்க்கைமுறைதான் முன்னேற்றத்துக்கு வழிவகுக்கும். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
முதலீட்டுக்குமுன் கட்டாயம் செய்யவேண்டிய 5 விஷயங்கள்!

``ஒருவரின் குடும்ப பட்ஜெட் 30:30:30:10 என்கிற விகிதத்தில் இருக்க வேண்டும். அதாவது, குடும்பத்தின் மொத்த வருமானத்தில் மாதாந்திர செலவு 30%, முதலீடு 30%, கடன் தவணை 30% மற்றும் இதர தேவைகளுக்கு (மருத்துவம் மற்றும் போக்குவரத்து போன்றவை) 10% என்று இருப்பது நல்லது.

உதாரணத்துக்கு, ஒரு குடும்பத்தின் மொத்த மாத வருமானம் ரூ.1 லட்சம் எனில், மாதத் தேவைக்காக அதிகபட்சம் ரூ.30,000  வரை செலவு செய்யலாம். முதலீட்டுக்காகக் குறைந்தபட்சம் 30,000 ரூபாயை ஒதுக்கியே ஆகவேண்டும். இ.எம்.ஐ கட்ட வேண்டும் என்கிறபட்சத்தில், அதற்காக 30,000 ரூபாயை ஒதுக்கலாம். கடன் எதுவும் இல்லையெனில், அந்தப் பணத்தையும் சேமிப்புக்காக ஒதுக்குவது புத்திசாலித்தனம். அப்போதுதான் எதிர்காலத் தேவையை எளிதில் அடைய முடியும். 

இதர தேவைகளுக்காக 10,000 ரூபாயை ஒதுக்கினால் போதும். இப்படி, குடும்பத்தின் பண நிர்வாகம் முறையாக இருந்தால்தான், ஒருவர் முழுமையான வாழ்க்கையை வாழமுடியும்” என்கிறார் நிதி ஆலோசகர் யூ.என்.சுபாஷ்.

இன்ஷூரன்ஸ்

திடீரென ஏற்படும் மருத்துவச் செலவுகளால், நம்மைச் சார்ந்திருப்பவர்களின் எதிர்காலத் தேவைக்கான முதலீடுகள் முடங்கிப்போவதை அதிகம் பார்த்திருப்போம். இதற்குக் காரணம், இன்ஷூரன்ஸ் விஷயங்களில் கவனக்குறைவாக நடந்துகொள்வதுதான். 

முதலீட்டுக்குமுன் கட்டாயம் செய்யவேண்டிய 5 விஷயங்கள்!

ஒருவர் முதலீட்டை ஆரம்பிக்கும் முன், எதைச் செய்கிறாரோ இல்லையோ, கட்டாயமாகக் குடும்ப உறுப்பினர்கள் அனைவருக்கும் சேர்த்து ஃபேமிலி ஃப்ளோட்டர் ஹெல்த் பாலிசியோ அல்லது தனித்தனியாக தனிநபர் பாலிசியோ எடுப்பது அவசியம். அப்போதுதான் அவசர மருத்துவச் செலவுகளைச் சமாளிக்க முடியும். மேற்கொண்டு வரும் முதலீடுகளும் பாதிக்காமல் இருக்கும்.

தனிநபர் ஒருவர், குறைந்தபட்சம் ரூ.3 லட்சம் வரை, ஹெல்த் இன்ஷூரன்ஸ் பாலிசியை எடுத்துக்கொள்ளலாம். ஃபேமிலி ஃபப்ளோட்டராக  இருந்தால், மூன்றுபேர்கொண்ட குடும்பத்துக்குக் குறைந்தபட்சம் ரூ.5 லட்சம் வரை பாலிசி எடுத்துக்கொள்ளலாம்.

மருத்துவ பாலிசி எப்படி முக்கியமோ, அதே போல டேர்ம் இன்ஷூரன்ஸ் பாலிசியும் முக்கியம். வருமானம் ஈட்டும் ஒருவரின் இறப்பு, அந்தக் குடும்பத் தேவைகளைப் பாதிக்காமல் இருப்பதற்காக டேர்ம் இன்ஷூரன்ஸ் எடுப்பது அவசியம். ஒருவர் தனது ஆண்டு வருமானத்தைப் போல 15 மடங்கு தொகை அளவில் டேர்ம் இன்ஷூரன்ஸ் எடுத்துக்கொள்ள வேண்டும். அதாவது, ஒருவரின் ஆண்டு வருமானம் ரூ.5 லட்சம் எனில், ரூ.75 லட்சத்துக்கு டேர்ம் இன்ஷூரன்ஸ் எடுக்கலாம்.

கடனில்லா நிலை

நடுத்தர வர்க்கத்தினர் பெரும்பாலானவர்கள் இ.எம்.ஐ மூலம்தான், வீட்டுக்குத் தேவை யான ஏசி, வாஷிங் மெஷின், டிவி, ஃப்ரிட்ஜ் என அனைத்தையும் வாங்குகிறார்கள். இ.எம்.ஐ மூலம் பொருள்கள் வாங்குவதால், கடன் சுமை அதிகமாகி, மாதந்தோறும்  வருமானத்திலிருந்து இதற்காகக் குறிப்பிட்ட தொகையை ஒதுக்கவேண்டிய சூழ்நிலை உருவாகிறது. முதலீடு செய்வதற்கு முட்டுக்கட்டை போடும் விஷயங்களில் முதன்மையானது இந்த இ.எம்.ஐ-கள்தான். ஏனெனில், வாங்கிய பொருள் களுக்கான இ.எம்.ஐ மாதந்தோறும் கட்ட வேண்டும் என்பதற்காக, மேற்கொள்ளும் முதலீடுகளைத் தள்ளிப் போடவேண்டிய சூழ்நிலை உருவாகும்.

கடனுக்கு அதிக முக்கியத்துவம் தராதீர்கள்.   குறிப்பாக, அதிக வட்டிகொண்ட கிரெடிட் கார்டு கடன்களை முற்றிலுமாகத் தவிருங்கள்.

அவசரக்காலத் தேவைக்கான பணம்

வேலையிழப்பால் சம்பளம் தடைபட்டாலோ அல்லது தொழிலில் சந்திக்கும் நஷ்டத்தால் குடும்ப நிதிநிலை பாதிக்கப்பட்டாலோ, அதிலிருந்து மீளும்வரை குடும்பத் தேவைகளை நிவர்த்திசெய்ய போதுமான பணம் எப்போதும் கையிருப்பில் இருக்க வேண்டும்.

ஒருவர் அவசரக்காலத் தேவைக்கான பணத்தைச் சேமிக்காமல், முதலீட்டை ஆரம்பிப்பது நிதி ஆலோசகர்களால் பரிந்துரைக்கப்படுவதில்லை. குறைந்தபட்சம் மூன்று மாதம், அதிகபட்சம் ஆறு மாத சம்பளப் பணத்தை, வங்கிச் சேமிப்புக் கணக்கில் அவசரக் கால நிதியாகச் சேமித்து வைத்திருப்பது நல்லது.

வேலையிழப்பு சமயங்களில் இந்த நிதியிலிருந்து எடுத்து குடும்பத் தேவைக்கும் முதலீட்டுத் தேவைக்கும் பயன்படுத்திக்கொள்ளலாம். ஆனால், நம்மில் பெரும்பாலானவர்கள், அவசர காலத் தொகையைச் சேமிக்காமல், வேலை இழப்பின்போது நிதிச் சிக்கலில் சிக்கிக்கொள் கிறார்கள் என்பது வருத்தமான விஷயம்.

முதலீடு செய்வதற்குமுன் திட்டமிடுங்கள்

முதலீடு குறித்த ஆலோசனை என்பது, நிதி ஆலோசனையின் ஒரு பகுதிதான் என்பதைப் புரிந்துகொள்ளாமல், ஒருசிலர் நிதி ஆலோசனை யும் முதலீட்டு ஆலோசனையும் வேறுவேறாக நினைத்துக் குழப்பிக்கொள்கிறார்கள். முதலீடுகளைத் தொடங்கும்முன் எதிர்காலத் தேவை என்ன, எந்தத் தேவைக்கு எவ்வளவு பணம் தேவைப்படுகிறது, மியூச்சுவல் ஃபண்டில் முதலீடு செய்யலாமா அல்லது பங்குச் சந்தையில் நேரடியாக முதலீட்டை ஆரம்பிக்கலாமா, தங்கத்தின் மீதான தேவை மற்றும் ரியல் எஸ்டேட் தேவை நமக்கு இருக்கிறதா என்றெல்லாம் திட்டமிடுவது அவசியம்.

உதாரணமாக, குழந்தைகளின் எதிர்காலப் படிப்புக்கு முதலீடு செய்வதாக இருந்தால், எத்தனை ஆண்டுகள் முதலீட்டைத் தொடர வேண்டும், மொத்த முதலீட்டுத் தொகையை ஒரே ஃபண்டில் போடுவதா அல்லது பிரித்து முதலீடு செய்வதா என்பதையெல்லாம் அட்டவணைப் படுத்திக்கொள்வது அவசியம். அப்போதுதான் அந்த முதலீடு ஆட்டோமேட்டிக் இயந்திரம்போல தடையில்லாமல் இயங்கிக்கொண்டிருக்கும். 

இந்த விஷயங்களை எல்லாம் கவனித்து இனி முதலீடு செய்யத் தொடங்குங்கள்!

செ.கார்த்திகேயன்