Published:Updated:

என்.சி.டி Vs எஃப்.டி எது பெஸ்ட்?

என்.சி.டி Vs எஃப்.டி எது பெஸ்ட்?
பிரீமியம் ஸ்டோரி
என்.சி.டி Vs எஃப்.டி எது பெஸ்ட்?

என்.சி.டி Vs எஃப்.டி எது பெஸ்ட்?

என்.சி.டி Vs எஃப்.டி எது பெஸ்ட்?

என்.சி.டி Vs எஃப்.டி எது பெஸ்ட்?

Published:Updated:
என்.சி.டி Vs எஃப்.டி எது பெஸ்ட்?
பிரீமியம் ஸ்டோரி
என்.சி.டி Vs எஃப்.டி எது பெஸ்ட்?

நிலையான வருமானத்தைத் தேடும் முதலீட்டாளர்கள் பங்குகளாக மாற்ற முடியாத கடன் பத்திரங்களில் (Non- Convertible Debentures) செய்யும் முதலீட்டினை அவ்வளவு எளிதாகப் புறக்கணித்துவிட  முடியாது. இந்த வகையான கடன் பத்திரங்கள், நிலையான வங்கி வைப்பு நிதியைவிட (Bank Fixed Deposits) லாபகரமானவை. கடன் சந்தையில் பல்வேறு நிறுவனங்களின் வெவ்வேறு வகையான என்.சி.டி-கள், எஃப்.டி-யைவிட கவர்ச்சிகரமான வட்டியை வழங்குகின்றன. இந்தப் பத்திரங்களில் முதலீடு செய்யும்முன் கவனிக்க வேண்டிய அம்சங்கள் மற்றும் அதன் சாதக, பாதகங்களைப் பார்ப்போம்.

என்.சி.டி Vs எஃப்.டி எது பெஸ்ட்?

என்.சி.டி-கள் என்பது என்ன?

அடிப்படையில், கடன் பத்திரங்கள் என்பது கடன் வாங்கியதற்கான ஓர் ஒப்புகை (Acknowledgment) சீட்டாகும். வேறு வகையில் கூறினால், ஒரு தனிப்பட்ட முதலீட்டாளர், ஒரு குறிப்பிட்ட நிறுவனத்திற்குக் கடன் கொடுப்பதாகும். இவ்வாறு பெறப்படும் கடன் தொகைக்கு, நிறுவனம் நிலையான வட்டியைக் குறித்த காலக்கெடுவில் வழங்கும். இந்த வகைக் கடன் பத்திரங்கள்மூலம் பெறப்படும் பணமானது நிறுவனத்தின் வணிக வளர்ச்சி, விரிவாக்கம், வேறு நிறுவனங்களை வாங்குவது போன்ற நடவடிக்கை களுக்குப் பயன்படுத்தப்படுகிறது. இந்த வகைக் கடன் பத்திரங்களை ஒருபோதும் நிறுவனத்தின்  பங்குகளாக (Equity Shares) மாற்ற இயலாது.

பங்குகளாக மாறக்கூடிய பத்திரங்கள்

பங்குகளாக மாறக்கூடிய பத்திரங்கள் பல்வேறு வகைப்படும். பொதுவாக, பாதுகாப்பான (Secured) மற்றும் பாதுகாப்பற்ற (Unsecured) என்ற வகையில் கடன் பத்திரங்கள் வெளியிடப்படும். பாதுகாப்பான கடன் பத்திரங்களுக்கு நிறுவனத்தின் ஒரு குறிப்பிட்ட சொத்தானது பிணையாக (Collateral) வழங்கப்படும். தவிர்க்க முடியாத காரணங்களால் அல்லது  துரதிர்ஷ்டவசமாக நிறுவனம் திவாலாகும்பட்சத்தில், பிணையாகத் தரப்பட்ட சொத்துகள் விற்கப்பட்டு வரும் தொகையிலிருந்து, பாதுகாப்பான கடன் பத்திரங்களில் முதலீடு செய்தவர்களுக்கு முதலீட்டுத் தொகை கொடுக்கப்படும். 

ஒட்டுமொத்த விகடனுக்கும் ஒரே ஷார்ட்கட்!

என்.சி.டி Vs எஃப்.டி எது பெஸ்ட்?

பாதுகாப்பற்ற கடன் பத்திர முதலீட்டாளர்களுக்கு  நிறுவனத்தின் எந்தவொரு குறிப்பிட்ட சொத்தும் பிணையாக வழங்கப்படாது. நிறுவனம் திவாலாகும் பட்சத்தில், பாதுகாப்பான கடன் பத்திர முதலீட்டாளர் களுக்கு அவர்களது முதலீட்டுத் தொகையைக் கொடுத்தபின்னர் உபரி இருந்தால் மட்டுமே பாதுகாப்பற்ற முதலீட்டாளர்களின் பணம் திரும்பக் கிடைக்கும். எனவே, இத்தகைய பாதுகாப்பற்ற கடன் பத்திரங்களுக்கு வட்டி விகிதம் சிறிது அதிகமாக இருக்கும். இவ்வாறான பாதுகாப்பற்ற கடன் பத்திரங்களில் முதலீடு செய்வது உகந்ததல்ல.

பத்திர மதிப்பீடு தரவரிசை

பங்குகளாக மாறாத கடன் பத்திரங்களை வெளியிடும் நிறுவனமானது, தங்களது கடன் பத்திரங்களைச் சந்தைப்படுத்தும்முன் குறைந்தபட்சம் இருவேறு கடன் மதிப்பீட்டு நிறுவனங்களிலிருந்து (Credit Rating Agencies) தங்களது கடன் பத்திர மதிப்பீடு தரவரிசை பெறுவது சட்டப்படி அவசியம். முன்னணிக் கடன் மதிப்பீட்டு நிறுவனங்களான க்ரிசில், இக்ரா, ஃபிட்ச் மற்றும் கேர்  போன்றவை பங்குகளாக மாறாத பத்திரங்கள் வெளியிடும் நிறுவனத்தை ஆராய்ந்து அவற்றின் கடனைத் திரும்பச் செலுத்தும் திறன், நிலையற்ற தன்மை, செயல் இடர்பாடுகள் மற்றும் பிற காரணிகளின் அடிப்படையில் கடன் தரவரிசை (Rating) வழங்குகிறது. 

என்.சி.டி Vs எஃப்.டி எது பெஸ்ட்?

மேலும், இந்தக் கடன் மதிப்பீட்டு நிறுவனங்கள், தொடர்ச்சியாக தாங்கள் கடன் தரவரிசை ஒதுக்கிய நிறுவனங்களைக் கண்காணித்து வரும். ஏதாவது காரணங்களினால் நிறுவனத்தின்  வட்டி செலுத்தும் திறன் குறைந்தாலோ, கடன் பத்திர முதலீட்டாளர்களின் முதலீட்டிற்கு ஆபத்து வரும் என்று அறிந்தாலோ உடனடியாக தான் வழங்கிய கடன் தரவரிசை ரேட்டிங்கைக் (Downgrade) குறைத்துவிடும்.

வட்டி மற்றும் வருமான வரி

பொதுவாக, வங்கி எஃப்டி, கம்பெனி எஃப்.டி, அரசுக் கடன் பத்திரங்களுக்கு அதிகபட்சம் 8% வட்டி வருமானம் கிடைக்கக்கூடும். ஆனால், என்.சி.டி-களுக்கு 10-12% வட்டி கிடைக்கக்கூடும்.

பங்குகளாக மாறாத பத்திரங்களுக்கு வழங்கப்படும் வட்டியானது பல்வேறு கால இடைவெளிகளில்  (காலாண்டு, அரையாண்டு மற்றும் ஆண்டுக்கு ஒருமுறை) வழங்கப் படுகிறது. சில நேரங்களில், பல நிறுவனங்கள் கூட்டு வட்டி முறையிலும், குறிப்பிட்ட இடைவெளியில் வட்டி வழங்கு கின்றன. இப்படி வட்டி வழங்கும் காலம் மற்றும் முறையானது, முதலீட்டாளர்களுக்கு முன்னரே தெரியப் படுத்த வேண்டும்.

இதுபோன்ற எந்த விவரங்களையும் தெரிவிக்கவில்லை என்றால், வட்டியானது ஆண்டுக்கு இரு முறை (Semi- annual) கொடுக்கப்படும். இந்த வகைக் கடன் பத்திரங்களை டீமேட்மூலம் வாங்கும்போது, வட்டி மற்றும் கூட்டு வட்டிக்கு வங்கி வைப்புநிதிக்குப் பிடிக்கப்படுவதுபோல மூலத்தில் வரி பிடிக்கப்படமாட்டாது (TDS). 

என்.சி.டி Vs எஃப்.டி எது பெஸ்ட்?

வட்டி வருமானத்துக்கு எஃப்.டி மற்றும் என்.சி.டி-க்கு ஒருவரின் அடிப்படை வருமான வரம்புக்கேற்ப 5% - 20% அல்லது 30% வரி விதிக்கப்படும். டீமேட் மூலம் என்.சி.டி-யில் முதலீடு செய்து, அது பங்குச் சந்தையில் பட்டியல் இடப்பட்டுள்ள நிலையில், ஓராண்டுக்குமுன் விற்றால் குறுகிய கால மூலதன ஆதாயவரி கட்ட வேண்டும். இது ஒருவரின் அடிப்படை வரி வரம்புக்கேற்ப இருக்கும். இதுவே ஓராண்டுக்கு மேல் அதாவது, முதிர்வுக்கு முன் விற்றால் நீண்ட கால மூலதன ஆதாய (Capital gain) வரி பணவீக்க விகித சரிக்கட்டல் எதுவும் இல்லாமல் 10% கட்ட வேண்டும்.

என்.சி.டி முதலீட்டில் இடையிடையே வருமானம் முதலீட்டாளருக்கு அளிக்கப் பட்டுவிடுவதால், முதிர்வில் அவருக்கு அசல்தான் திரும்பக் கிடைக்கும். அப்போது வரி எதுவும் கட்ட வேண்டியிருக்காது.

இறுதியாக, முதலீட்டாளர்களின் போர்ட்ஃபோலியோ என்பது சரியான இடர்பாடு மேலாண்மை  எளிதில் பணமாக்கக்கூடிய மற்றும் வெற்றியடைவதற்கான செயல் திட்டம் கொண்டதாக இருக்க வேண்டும். எனவே, பங்குகளாக மாறாத கடன் பத்திரங்கள் என்பது வங்கிகளின் நிரந்தர வைப்புக்கு மாற்றாகும்.

முக்கியமாக, இந்தக் கடன் பத்திரங்களை இரண்டாம் நிலை சந்தை எனப்படும் பங்குச் சந்தையில் விற்று உடனடியாகப் பணமாக்கி கொள்ளலாம், ஆனால், வங்கி வைப்புநிதியை அவ்வாறு செய்ய இயலாது. அதே நேரத்தில், இந்தக் கடன் பத்திரங்கள், அதிகக் கடன் தர வரிசை பெற்ற நிறுவனங்களின் வெளியீடாக இருப்பது சிறந்தது.

எஃப்.டி-யைவிட சில சதவிகிதம் கூடுதல் வருமானம் கிடைக்கும் என்பதால், என்.சி.டி முதலீட்டைத் தேர்வு செய்யலாம். குறைந்த அடிப்படை வரம்பில் அதாவது 5%, 20% வரம்பில் வருபவர்களுக்கே என்.சி.டி முதலீடு லாபகரமாக இருக்கும்.

ப.சரவணன், பேராசிரியர், இந்திய மேலாண்மை நிறுவனம், திருச்சி 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism