Published:Updated:

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

அமெரிக்க வட்டி விகித உயர்வு... இந்தியாவுக்கு என்ன பாதிப்பு?
பிரீமியம் ஸ்டோரி
அமெரிக்க வட்டி விகித உயர்வு... இந்தியாவுக்கு என்ன பாதிப்பு?

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

Published:Updated:
அமெரிக்க வட்டி விகித உயர்வு... இந்தியாவுக்கு என்ன பாதிப்பு?
பிரீமியம் ஸ்டோரி
அமெரிக்க வட்டி விகித உயர்வு... இந்தியாவுக்கு என்ன பாதிப்பு?

ரு  பொருளாதாரத்தில் தோன்றும் ஸ்திரத்தன்மையே அந்தப் பொருளாதாரத்தை ஸ்திரத்தன்மையற்ற நிலைக்குக் கொண்டு செல்கிறது என்பதை, சுமார் ஐம்பது ஆண்டுகளுக்குமுன்பே அமெரிக்கப் பொருளாதார வல்லுநர் ஹைமன் மின்ஸ்கி (Hyman Minsky) சொன்னார். கடந்த டிசம்பர் 21, 2018 அன்றுவரை அமெரிக்க ஃபெடரல் ரிசர்வ் வங்கி எடுத்த வட்டி அதிகரிப்பு நிலைப்பாடும் அதன்பின் டிசம்பர் 2018-ல் அமெரிக்க பங்குச் சந்தை கண்ட சரிவும் அவருடைய கருத்து மிக மிகச் சரியானது என்பதை நிரூபிப்பதாக இருக்கிறது. 

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

இதனைத் தொடர்ந்து உடனடியாகச் சுதாரித்துக்கொண்ட அமெரிக்க ஃபெடரல் ரிசர்வ், தன்னுடைய நிலைப்பாட்டை வட்டி அதிகரிப்பு என்ற நிலையிலிருந்து வட்டி அதிகரிப்பு இல்லை; பணப்புழக்கத்தைக் குறைத்தல் என்ற நிலையிலிருந்து பணப்புழக்கத்தைக் குறைப்பதில்லை என்பது போன்ற கோணத்திற்கு மாற்றிக்கொண்டுவிட்டது.

அமெரிக்கப் பத்திரிகை செய்திகளின் அடிப்படையில் பார்த்தால், ஃபெடரல் ரிசர்வ் தற்போது ஒரு புதிய வடிவத்துடன் கூடிய க்யூ.இ (Quantitative easing) எனும் குறைந்த வட்டியில் பணப் புழக்க அதிகரிப்பு) திட்டம் ஒன்றை அறிமுகம் செய்ய இருப்பதைப் போன்ற தோற்றமே இருக்கிறது.

இந்தப் புதிய திட்டத்தை அறிமுகப்படுத்துவது குறித்து சிந்திக்கையில், அமெரிக்காவில் தற்போது நிலவும் 20 வருட அளவீட்டிற்கும் குறைவான வேலைவாய்ப்பின்மை நிலை, பங்குச் சந்தையின் தாறுமாறான பி/இ வேல்யூவேஷன் மற்றும் வாடகைக்கு எந்தவிதத்திலும் சம்பந்தம் இல்லாத வீடுகளின் விலை (லேமென் பிரச்னைக்கு முந்தைய நிலையை விட இந்த இரண்டும் அதிகமாக உள்ளது) என்பன வற்றையெல்லாம் ஃபெடரல் ரிசர்வ் கணக்கில் கொள்ளவில்லை என்றே சொல்லவேண்டும்.

அமெரிக்காவின் தற்போதைய நிலை

பங்கு மற்றும் நிதிச் சந்தையை இந்த அளவுக்கு அனுசரித்துப் போகுதல் என்பது பணக்காரர்களை பெரும்பணக்காரர்களாக்கவும், சாமான்யர்கள் வாழ்க்கையைக் கடின மாக்கவுமே (கடுமையான வீட்டு விலைஉயர்வு மற்றும் விலைவாசி உயர்வு போன்றவற்றால்) செய்யும். 

ஒட்டுமொத்த விகடனுக்கும் ஒரே ஷார்ட்கட்!

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

இந்தமாதிரியான நடவடிக்கைகளின் தாக்கங்கள் குறித்துத் தெளிவான கருத்தைச் சொல்லியுள்ளது அனந்த நாகேஸ்வரன் மற்றும் குல்ஸார் நடராஜன் இணைந்து எழுதிய புத்தகம் (The Rise of Finance: Causes, Consequences and Cures  - V.Ananthanageswaran & Gulzar Natarajan). இந்தப் புத்தகத்தில்  அமெரிக்காவின் தற்போதைய நிலை குறித்து பின்வரும் விஷயங்கள் சொல்லப்பட்டு உள்ளன.

‘‘கடன் சந்தை மற்றும் பங்குச் சந்தை என்ற இரண்டின் மதிப்பு 1981-ம் ஆண்டில் ஜி.டி.பி-யின் மதிப்பில் 212 சதவிகிதமாகவும்    2014-ம் ஆண்டில் ஜி.டி.பி-யின் மதிப்பில் 514 சதவிகிதமாகவும் இருந்தது.

ஃபெடரல் ரிசர்வ் வங்கியின் பேலன்ஸ்ஷீட்டின் அளவு இதே காலகட்டத்தில் 200 பில்லியன் டாலர் என்ற அளவிலிருந்து 4.5 டிரில்லியன் டாலர் என்ற கிட்டத்தட்ட 23 மடங்கு அதிக அளவிலான உச்ச அளவைத் தொட்டுள்ளது. இதே காலகட்டத்தில், நிதிசாரா நிறுவனங்களின் பங்குச் சந்தை மதிப்பு என்பது 2.3 டிரில்லியன் டாலர் என்ற அளவீட்டிலிருந்து 23.6 டிரில்லியன் என்ற கிட்டத்தட்ட 10.3 மடங்கு வளர்ச்சியை எட்டியுள்ளது.

சாதாரண நடுத்தர வர்க்க குடும்பங்களின் வருமானம் இதே காலகட்டத்தில் 31,000 டாலர் என்ற அளவிலிருந்து 71,000 டாலர் என்ற அளவில் (கிட்டத்தட்ட 2.3 மடங்கு என்கிற அளவில் மட்டுமே) வளர்ந்துள்ளது.

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

சராசரி தினக்கூலி வேலைபார்ப்பவரின் சம்பளம் 1982-ல் வாராந்திர அளவில் 330 டாலர் களாக இருந்தது. தற்போது இது 340 டாலர் என்ற அளவிலேயே இருக்கிறது’’ என்று இந்தப் புத்தகத்தில் சொல்லப்பட்டிருக்கிறது.

மேற்கத்திய நாடுகளின் இந்தவித நிதிக் கொள்கைகள் இருப்பவர், இல்லாதவர் நடுவே இருக்கும் இடைவெளியை மிகவும் அதிகப்படுத்திக் கொண்டே போகின்றன. என்றைக்காவது ஒருநாள் சாமான்யர்கள் தரக்கூடிய அழுத்தத்தின் காரணமாக இந்தவித நிதிக் கொள்கைகள் கைவிடப்படலாம். அது எப்போது நிகழும் என்பதை யாராலும் சுலபமாகக் கணிக்க முடியாது. ஆனால், இப்படி ஒன்று நிகழும் என்பதை எதிர்பார்த்து நாம் கொஞ்சம் தயாராக இருப்பதில் தவறேதும் இல்லை. அது அத்தியாவசிய மானதும்கூட.

மோசமான சூழலில் என்னவாகும்?

இந்த நிதி சார்ந்த தாரளமய மாக்கல் (பணத்தின் அளவு மற்றும் வட்டி) கொள்கைகள் திரும்பப் பெறப்படும்போது உலக அளவில் மூலதனச் செலவு அதிகரிக்கும். இந்த லிங்க்கில் காட்டப்பட்டு உள்ளதைப்போல், கடந்த 40 ஆண்டு காலமாக வட்டி விகிதம் 15.4% (செப்டம்பர் 1981) என்ற அளவிலிருந்து 1.5% (ஆகஸ்டு 2016) வரை குறைந்தது.

இப்படி வட்டி குறைவே இந்தக் காலகட்டத்தில் பங்குச் சந்தையைச் சார்ந்த பணியாளர்களுக்கு நல்லதொரு வாழ்வாதாரத்தை ஏற்படுத்திக் கொடுத்தது. (See http://marcellus.in/blogs/have-we-hit-peak-finance/) இந்தவித வட்டிக் குறைப்பு தொடர்ந்து நடைபெற்றிருக்காவிட்டால், எமர்ஜிங் மார்க்கெட் பங்குச் சந்தைகள், பிரைவேட் ஈக்விட்டி, ரியல் எஸ்டேட் போன்ற எதுவுமே இன்றைக்கு இந்த அளவிலான மதிப்பீட்டில் இருந்திருக்க வாய்ப்பேயில்லை.

பங்குச் சந்தையைக் காப்பாற்றுவதை விட்டு விட்டு சாமான்யனைக் காப்பாற்ற வேண்டும் என்ற நெருக்கடி அமெரிக்க ஆட்சி யாளர்களுக்குத் தோன்றும்பட்சத்தில், ஆகஸ்டு 2016-ல் 1.5% என்ற அளவிலிருந்து உயர ஆரம்பித்த வட்டி விகிதம், ஏப்ரல் 2019-ல் 2.5% என்ற அளவில் இருக்கிறது.

எதிர்காலத்தை உற்றுநோக்கினால், அமெரிக்கப் பத்தாண்டுகால கடன் பத்திரங்களின் வட்டி என்பது 5% என்ற அளவு வரை (லேமென் பிரச்னைக்குமுன் இருந்த அளவு) உயர வாய்ப்புள்ளதைப்போல் தோன்றுகிறது.

ஒருவேளை, இந்த வட்டி விகித உயர்வு நடந்து விட்டால் இந்தியாவிலும் வட்டி விகிதம் (காஸ்ட் ஆஃப் கேப்பிட்ட லையும்) அதிகரிக்கவே செய்யும். அந்தச் சூழ்நிலையில் அமெரிக்காவில் அதிகரித்த வட்டி விகிதத்தைப் போன்றே இந்தியாவிலும் உயரும் பட்சத்தில், அரசாங்கக் கடன் பத்திரத்திற்கான வட்டி என்பது 9 - 10% அளவிற்குச் செல்ல (தற்போதிருக் கும் 7 - 8%  அளவிலிருந்து) வாய்ப்புள்ளது. இந்தவித நிகழ்வு நடந்தால் நாங்கள் மூன்றுவித பாதிப்பை எதிர்பார்க்கிறோம்.

1. வட்டிவிகிதம் உயரும்பட்சத்தில் வங்கிசாரா நிதி நிறுவனங்கள் வழங்கும் கடனளவு (சந்தைப் பங்களிப்பு) குறைந்து வங்கிகள் வழங்கும் கடனளவு அதிகரிக்க வாய்ப்புள்ளது. (குறிப்பாக, காசா (CASA) விகிதாசாரம் கூடுதலாக உள்ளவை) பிரைவேட் வங்கிகள், ஏற்கெனவே வங்கியல்லாத நிதி நிறுவனங்கள் துறையில் இருக்கும் பிரச்னை களினால் இந்தவித மாற்றம் நடந்துவருகிறது  என்பதையும் நாம் நினைவில் கொள்ளவேண்டும்.

அமெரிக்க வட்டி விகித உயர்வு... இந்தியாவுக்கு என்ன பாதிப்பு?

2. 2010-ம் நிதியாண்டில் 25 சதவிகிதமாக இருந்த இந்தியக் குடும்பங்களின் சேமிப்பு என்பது குறைந்து, 2017-ம் நிதியாண்டில் 17 சதவிகிதமாகக் குறைந்துள்ளது. மேலே சொன்ன நிகழ்வுகள் நடக்கும்பட்சத்தில், இடைக்காலப் பாதிப்பாக இந்திய குடும்பங்களின் சேமிப்பு அதிகரிக்கும். 

சேமிப்பு அதிகரிக்கவேண்டுமெனில்,  செலவினங்கள் குறையும் என்றுதானே அர்த்தம். செலவு குறைவு என்பது விருப்பத்துக்கேற்ப      (discretionary) செய்யப்படும் செலவுகளிலேயே இருக்கும் என்பதால், ஏற்கெனவே பிரச்னையில் இருக்கும் வீடு மற்றும் கார் சந்தையில் இன்னமும் சிக்கல்கள் அதிகரிக்க வாய்ப்புள்ளது. இந்த சிக்கல்கள் மேலும் எலெக்ட்ரிக்கல், கன்ஸ்யூமர் டியூரபிள் போன்ற டிஸ்க்ரீஷனர் செலவுக்குட்பட்ட துறைகளுக்கும் பரவலாம். சேமிப்பு அதிகரிப்பு என்பது வங்கிகளுக்கு ஒரு பாசிட்டிவ்வான விஷயமாகவும் மாறும் என்று எதிர்பார்க்கலாம்.

3. அமெரிக்க வட்டி விகித அதிகரிப்பு ஒருவேளை நிகழ்ந்துவிட்டால், நீண்ட நாள் அடிப்படையிலான பாதிப்பாக ரியல் எஸ்டேட் விலை குறைய வாய்ப்புள்ளது. இதுகுறித்த விரிவான விவரங்களை இந்த லிங்க்கில் பார்க்கலாம். (http://marcellus.in/blogs/marcellus-three-degrees-of-disruption-in-home-buying-in-india/) இந்த லிங்க்கின்படி, அதிகரிக்கும் சேமிப்பு தங்கத்தை நோக்கியும்கூட செல்ல வாய்ப்புள்ளது.

முதலீட்டில் இதனுடைய பாதிப்புகள்


ஸ்திரமான இரு இலக்க வருமான வளர்ச்சியைக் கொண்டு, நீண்ட கால அளவீட்டில் தொடர்ந்து மூலதனச் செலவினைவிட அதிக மூலதன வருமானத்தைத் தரும் நிறுவனங்களில் முதலீடு செய்தால் மட்டுமே இந்தப் பாதிப்புகளிலிருந்து ஓரளவு முதலீட்டாளர்கள் தங்களைப் பாதுகாத்துக்கொள்ள முடியும்.

குறிப்பு: இந்தக் கட்டுரை முதலீட்டுக்கான ஆராய்ச்சிக் கட்டுரையோ அல்லது முதலீட்டு ஆலோசனையோ அல்ல. மார்செல்லஸ் நிறுவனம் இந்தக் கட்டுரையை வெளியிடுவதன் மூலம் முதலீட்டாளர்களிடமிருந்து எந்தவிதமான கட்டணத்தையோ அல்லது வியாபாரத்துக்கான அழைப்பையோ விடுக்கவில்லை. மார்செல்லஸ் இன்வெஸ்ட்மென்ட் மேனேஜர்ஸ் ஒரு செக்யூரிட்டிஸ் அண்டு எக்சேஞ்ச் போர்ட் ஆஃப் இந்தியாவினால் கட்டுப்படுத்தப்படும் போர்ட் ஃபோலியோ மேனேஜ்மென்ட் சர்வீஸ் மற்றும் முதலீட்டு ஆலோசனைகளை வழங்கும் நிறுவனமாகும்!