Published:Updated:

இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!
பிரீமியம் ஸ்டோரி
இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

வி.கோபாலகிருஷ்ணன், www.askgopal.com

இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

வி.கோபாலகிருஷ்ணன், www.askgopal.com

Published:Updated:
இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!
பிரீமியம் ஸ்டோரி
இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

ன்றைய சூழலில் பல முதலீட்டாளர் களுக்குப் பங்குச் சந்தையில் முதலீடு செய்யவேண்டும் என்ற ஆர்வம் இருந்தாலும், பங்குச் சந்தைகளில் காணப்படும் ஏற்ற இறக்கங்கள் அவர்களை  மிகவும் பயமுறுத்துவதாக இருக்கிறது. அதிலும் பலதரப்பட்ட அலுவலகப் பணிகளில் இருக்கும் சிறு முதலீட்டாளர் களுக்குப் பங்குச் சந்தையில் முதலீடு செய்து கூடுதல் வருமானம் பெறலாம் என்ற எண்ணம் இருந்தாலும், அதற்கான சரியான அணுகுமுறையை அறிந்திருக்க வாய்ப்பில்லை. அந்த வகையில், சிறு முதலீட்டாளர்கள், அதிலும் குறிப்பாக, மாதந்தோறும்  சேமிக்கும் பழக்கம் கொண்டவர்கள் பங்குச் சந்தைகளில் முதலீடு செய்ய சரியான வழியாக இருப்பது, மியூச்சுவல் ஃபண்ட் திட்டங் களில் ஒன்றான இ.எல்.எஸ்.எஸ் ஃபண்ட் ஆகும்.

இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

மியூச்சுவல் ஃபண்டுகளில் பங்குச் சந்தை சார்ந்த பலதரப்பட்ட ஃபண்டுகள் உள்ளன. லார்ஜ்கேப், மிட்கேப், மல்டிகேப் மற்றும் துறை சார்ந்த ஃபண்டுகள் என ஏரளாமான பிரிவுகள் இருந்தாலும், அவற்றையெல்லாம்விட கூடுதல் பலன்கொண்ட ஃபண்ட் வகைதான் இந்த இ.எல்.எஸ்.எஸ். ‘Equity Linked Savings Schemes’ என்பதன் சுருக்கம்தான் இ.எல்.எஸ்.எஸ். 

வருமான வரிப் பிரிவு 80சி மூலம் குறிப்பிட்ட சில முதலீட்டுத் திட்டங்களில் முதலீடு செய்து வருமான வரிச் சலுகை பெறலாம் என்பது  எல்லோரும் அறிந்த விஷயம். அந்த 80சி  பிரிவின் படி, இ.எல்.எஸ்.எஸ் திட்டங்களிலும் ரூ.1.5 லட்சம் முதலீடு செய்து வருமான வரிச் சலுகை பெறலாம்.

சரி, இந்த ஃபண்டில் புதிய சிறு முதலீட்டாளர் களுக்கு என்ன பயன் என்பதுதானே உங்கள் கேள்வி? அதற்கான பதிலைப் பார்ப்போம்.

ஒட்டுமொத்த விகடனுக்கும் ஒரே ஷார்ட்கட்!

இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

பொதுவாக, இதுபோன்ற ஃபண்டுகளில்  மொத்தத் தொகையாக முதலீடு செய்யலாம் என்றாலும், எஸ்.ஐ.பி என அழைக்கப்படும்  சிஸ்டமேட்டிக் இன்வெஸ்ட்மென்ட் பிளான் என்கிற வசதியும் இருப்பதால், மாதந்தோறும்  முதலீடு செய்ய விரும்புவோருக்கு இந்த ஃபண்ட் ஒரு வரப்பிரசாதம் என்றே சொல்லலாம். இந்த ஃபண்டுகளில் குறைந்தபட்ச முதலீடு  ரூ.500 முதல் தொடங்குகிறது.

மேலும், முதலீட்டாளர்கள் வருமான வரிச் சலுகை பெறும் முதலீட்டைவிட, அதாவது ரூ.1.5 லட்சத்தைவிடக் கூடுதலாகவும் முதலீடு செய்து பயன்பெறலாம். ஆனால், வரிச் சலுகை என்பது ரூ.1.5 லட்சத்திற்கு மட்டும்தான் என்பதைக் கவனத்தில் கொள்ளவேண்டும்.

அதுமட்டுமல்லாது, இந்த ஃபண்ட் மூன்று வருட லாக்இன் கொண்டதாக இருப்பதால், முதலீட்டாளர்கள் தங்களின் முதலீடுகளை மூன்று வருடங்களுக்கு வெளியே எடுக்க முடியாது என்பதை அவசியம் புரிந்துகொள்ள வேண்டும். 

பணத்தைத் திரும்ப எடுக்க முடியாதபடிக்கு லாக்இன் இருப்பதால், முதலீட்டாளர்களுக்கு என்ன நன்மை?

பொதுவாக, பங்குச் சந்தை முதலீட்டாளர்களின் மிகப் பெரிய கவலை சந்தைகளில் ஏற்படும் ஏற்ற இறக்கங்கள்தான். இதுபோன்ற ஏற்ற இறக்கங்கள் வரும்போது, அந்த முதலீடுகளிலிருந்து முன்கூட்டியே பணத்தை எடுத்துவிடும் போக்கினைப் பலரும் மேற்கொண்டு வருகிறார்கள். அதுபோல செய்யும்போது பங்குச் சந்தை முதலீட்டின் மூலம் கிடைக்கும் முழுப் பயனும் அவர்களுக்குக் கிடைக்காமலேயே போகலாம். ஆனால், பங்குச் சந்தையில் ஏற்ற இறக்கங்களைச் சமாளித்து,  நீண்ட காலம் பொறுமையாக முதலீடு செய்தால்தான் நல்ல வருமானம் பெறமுடியும். கடந்த கால இந்தியப் பங்கு சந்தை வரலாற்றை ஆராய்ந்தால், ஏற்ற இறக்கங்களையும் தாண்டி பங்குச் சந்தைகள் நல்ல வருமானத்தை முதலீட்டாளர்களுக்கு வழங்கியுள்ளன என்பது புரியும்.

இ.எல்.எஸ்.எஸ் ஃபண்ட்... பங்குச் சந்தை முதலீட்டுக்கு நுழைவு வாயில்!

அந்த அடிப்படையில் பங்குகளில் நேரடியாக முதலீடு செய்யாமல் இதுபோன்ற இ.எல்.எஸ்.எஸ்  ஃபண்டுகளில் முதலீடு செய்யும்போது, நமது முதலீட்டில் கட்டாயமான கட்டுப்பாடு வந்து விடுகிறது. ஏற்ற இறக்கங்கள் ஏற்பட்டாலும் நமது முதலீடுகளை அப்படியே வைத்திருக்கும் சூழல் ஏற்படுகிறது.

பங்குச் சந்தையில் வீழ்ச்சி ஏற்படும்போது கூடுதலாக முதலீடு செய்ய முடியும். அப்படிச் செய்யும்போது குறைவான விலையில் என்.ஏ.வி கிடைக்கும். மேலும், இந்த ஃபண்டுகளில் லாக்இன் மூன்று வருடங்களாக இருந்தாலும், முதலீட்டாளர் கள் விருப்பப்பட்டால் இந்த ஃபண்டிலேயே தொடர்ந்து இருக்கலாம்; அல்லது மூன்று வருடங்களுக்குப் பிறகு லாக்இன் காலம் முடிவதால், விருப்பப்பட்டால் பணத்தை எடுத்துக்கொள்ளலாம். இதுபோன்ற ஃபண்டுகளில்  அதிக காலம் இருப்பதுதான் முதலீட்டாளர்களுக்கு நன்மையை அளிக்கும்.

இந்த  ஃபண்டுகளின் லாக்இன் காரணமாக, திட்டத்தின் செயல்பாடுகளும், நிதி மேலாண்மையும் சீராக இருக்கும். அப்படிச் சீராக இருக்கும்பட்சத்தில், சந்தைகளில் ஏற்படும் ஏற்ற இறக்கங்கள் பெரிய அளவில் ஃபண்டில் பாதிப்புகளை ஏற்படுத்தாது. 

இ.எல்.எஸ்.எஸ் ஃபண்டுகள் டைவர்சிஃபைடு அதாவது, பரந்துபட்ட பல்வேறு துறை பங்கு முதலீடுகளை உள்ளடக்கியதாக இருப்பதால், இது போன்ற ஃபண்டுகள்தான் புதிய முதலீட்டாளர்களுக்கு ஏற்ற திட்டங்களாக இருக்கும். அதுமட்டுமல்லாது, வருமான வரிச் சலுகை பெற விரும்புவோருக்கு இந்தத் திட்டங்கள்   ஏற்றவையாகவும் இருக்கும்.