Published:Updated:

முதலீட்டில் மாற்றங்கள்.... அலிபாபாவின் புதிய பாதை!

முதலீட்டில் மாற்றங்கள்.... அலிபாபாவின் புதிய பாதை!
பிரீமியம் ஸ்டோரி
முதலீட்டில் மாற்றங்கள்.... அலிபாபாவின் புதிய பாதை!

வாசு கார்த்தி

முதலீட்டில் மாற்றங்கள்.... அலிபாபாவின் புதிய பாதை!

வாசு கார்த்தி

Published:Updated:
முதலீட்டில் மாற்றங்கள்.... அலிபாபாவின் புதிய பாதை!
பிரீமியம் ஸ்டோரி
முதலீட்டில் மாற்றங்கள்.... அலிபாபாவின் புதிய பாதை!

பில்லியன் டாலர் மதிப்பு என்பது ஸ்டார்ட்அப் உலகில் மிக முக்கியமான ஸ்டேட்டஸ். ஃபிளிப்கார்ட், ஓலா, ஓயோ, பைஜுஸ், ஸ்விக்கி, ஜொமோட்டோ, பே டிஎம், ஃபிரஷ் வொர்க்ஸ் எனப் பல நிறுவனங்கள் இந்த பட்டியலில் உள்ளன. புதிதாக பிக்பாஸ்கெட், டிரீம் 11 ஆகிய நிறுவனங்கள் மிகச் சமீபத்தில் இணைந்திருக்கின்றன. நய்கா நிறுவனம் விரைவில் இந்தப் பட்டியலில் இணைய இருக்கிறது.

முதலீட்டில் மாற்றங்கள்.... அலிபாபாவின் புதிய பாதை!

இந்தப் பட்டியலில் உள்ள சில நிறுவனங் களில் அலிபாபா முதலீடு செய்திருக்கிறது. கடந்த சில ஆண்டுகளாகப் பெரும் தொகையை இந்த நிறுவனங்களில் முதலீடு செய்த அலிபாபா, தற்போது தங்களுடைய முதலீட்டு உத்தியை மாற்றத் திட்டமிட்டு வருவதாகச் சொல்லப்படுகிறது.

அலிபாபா இந்தியாவில் முதலீடு செய்ய 1,000 கோடி டாலரை (இந்திய ரூபாய் மதிப்பில் சுமார் ரூ.70,000 கோடி) ஒதுக்கி யிருக்கிறது. இதுவரை ஓரளவுக்கு வளர்ந்த நிறுவனங்களில் அதிகத் தொகையை முதலீடு செய்து, கணிசமான பங்குகளை கைப்பற்றி வந்த அலிபாபா, தற்போது தனது பிசினஸ் உத்தியை மாற்ற யோசித்து வருகிறது.  அதாவது, பெரிய நிறுவனங்களில் அதிக தொகையை முதலீடு செய்வதைவிட, சிறிய நிறுவனங்களில் கணிசமான தொகையை முதலீடு செய்யத் திட்டமிட்டு வருவதாகச் சொல்கிறார்கள். அலிபாபா இப்படி யோசிக்க என்ன காரணம்?

சீனாவில் செயல்பட்டுவரும் முக்கியமான இ-காமர்ஸ் நிறுவனம் அலிபாபா என்பதால், இதுவரை இ-காமர்ஸ் மற்றும் அதுசார்ந்த துறைகளிலேயே அதிக கவனம் செலுத்தி வந்தது. ஆனால், இந்தியாவில் செய்துள்ள இ-காமர்ஸ் முதலீடுகள்மூலம் பெரிய அளவுக்குச் சந்தையைக் கைப்பற்ற முடியவில்லை.

உதாரணத்துக்கு, பே டிஎம் மால் மற்றும் ஸ்நாப்டீல் ஆகிய நிறுவனங்களில் பெரும் தொகையை அலிபாபா முதலீடு செய்தது. ஆனால், அமேசான் மற்றும் ஃபிளிப் கார்ட் நிறுவனங்களுக்குமுன் இந்த நிறுவனங்களால் பெரிய வளர்ச்சியைப் பெற முடியவில்லை.

நம் நாட்டில் பெரும்பாலான இ-காமர்ஸ் நிறுவ னங்கள் நஷ்டத்தில்தான் இயங்குகின்றன. ஆனால், பே டிஎம் மால் நிறுவனத்தின் ஆண்டு நஷ்டம் ரூ.1,787 கோடி. அதிகளவுக்குத் தள்ளுபடி தருவதால் மட்டுமே இங்கு விற்பனை நடக்கிறது. தள்ளுபடியை நீக்கினால், விற்பனை குறையுமோ என்கிற சந்தேகம் அலிபாபாவுக்கு வந்துள்ளது.

மேலும், ஸ்நாப்டீல் இணைப்புப் பேச்சு வார்த்தை தொடங்கப்பட்டு பிறகு கைவிடப் பட்டுவிட்டது. இந்த அனுபவங்களால் தன்னுடைய உத்தியை மாற்ற முடிவெடுத்திருக்கிறது அலிபாபா.

சீனா மட்டுமல்லாமல், முதலீடு செய்யும் ஒவ்வொரு நாட்டிலும் இ-காமர்ஸ், பேமென்ட், லாஜிஸ்டிக்ஸ் ஆகிய மூன்று துறைகளில் அலிபாபா கவனம் செலுத்தும். தற்போது இ-காமர்ஸ் துறையில் சுணக்கம் ஏற்பட்டிருப்பதால், மற்ற இரு பிரிவுகளில் கவனம் செலுத்த அலிபாபா திட்டமிட்டி ருக்கிறது. 

‘பிஆஷ் கேப்பிட்டல்’ (BAce Capital)என்னும் புதிய நிறுவனத்தை அலிபாபா உருவாக்கியிருக்கிறது. 10 கோடி டாலர் அளவுக்கு இந்த நிறுவனத்துக்கு ஒதுக்கப் பட்டிருக்கிறது. புதிய நிறுவனங்களைக் கண்டறிவது மற்றும் முதலீடுசெய்வது ஆகியவை விரைவாக நடக்க வேண்டும் என்பதற்காக பிரத்யேகக் குழு அமைக்கப் பட்டிருக்கிறது.

ஸ்டார்ட்அப்களில் 2.5 லட்சம் டாலர் முதல் 1.5 கோடி டாலர் என்ற எல்லைக்குள் இருக்கும் நிறுவனங்களில் மட்டுமே ‘பிஆஷ் கேப்பிட்டல்’ முதலீடு செய்யும். ஸ்டார்ட்அப் உலகில் இதனை `சீரியஸ் ஏ’ முதலீடு என்று சொல்வார்கள். இதன்படி, ஹீலோஃபை (Healofy) என்னும் நிறுவனத்தில் முதல்முறையாக முதலீடு செய்யப்பட்டுள்ளது. கர்ப்பம் மற்றும் குழந்தை வளர்ப்பு தொடர்பான அப்ளிக்கேஷன் தயாரிப்பு நிறுவனமான இதில் 80 லட்சம் டாலர் முதலீடு செய்யப்பட்டிருக்கிறது.

இந்தியா மட்டுமல்லாமல், சர்வதேச அளவிலும் தன்னுடைய பிசினஸில் பல மாற்றங்களை அலிபாபா செய்துவருகிறது. சில ஆண்டுகளுக்குமுன் இருந்ததைப்போல, பெரும் முதலீடுகளை இனி பார்க்க முடியுமா என்னும் கேள்வி எழுந்திருக்கிறது. இருந்தாலும், அடுத்த பில்லியன் டாலர் ஐடியாவில் அலிபாபா போன்ற முதலீட்டு நிறுவனங்கள் கவனம் செலுத்தத் தொடங்கியிருப்பது வரவேற்கத்தக்கது! 

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism