Published:Updated:

பழைய வீடு வாங்கும்போது கட்டுமானத் தரத்தை எப்படிக் கணிப்பது?

பழைய வீடு வாங்கும்போது கட்டுமானத் தரத்தை எப்படிக் கணிப்பது?
பிரீமியம் ஸ்டோரி
பழைய வீடு வாங்கும்போது கட்டுமானத் தரத்தை எப்படிக் கணிப்பது?

கேள்வி - பதில்

பழைய வீடு வாங்கும்போது கட்டுமானத் தரத்தை எப்படிக் கணிப்பது?

கேள்வி - பதில்

Published:Updated:
பழைய வீடு வாங்கும்போது கட்டுமானத் தரத்தை எப்படிக் கணிப்பது?
பிரீமியம் ஸ்டோரி
பழைய வீடு வாங்கும்போது கட்டுமானத் தரத்தை எப்படிக் கணிப்பது?

சென்னையின் முக்கியப் பகுதியில், 15 ஆண்டு பழைய அப்பார்ட்மென்ட் வீடு  விலைக்கு வருகிறது. அந்த வீட்டின் கட்டுமானத் தரத்தை எப்படிக் கணிப்பது?

கார்த்திக், சென்னை

ஆர்.குமார், இயக்குநர், நவீன்ஸ் ஹவுஸிங் 

பழைய வீடு வாங்கும்போது கட்டுமானத் தரத்தை எப்படிக் கணிப்பது?

“15 ஆண்டுகள் என்பது அப்பார்ட்மென்ட் வீட்டைப் பொறுத்தவரை, குறைவான காலம்தான். அதனால் அந்த வீட்டை நமது பார்வையாலேயே ஓரளவுக்குக் கணித்து விடலாம். கட்டடத்தின் சுவர்கள், தரை, மேற்கூரை ஆகியவை உடைப்புகள், கீறல்கள் இல்லாதிருக்க வேண்டும். கழிவுநீர்க் குழாய்கள், கழிவறை போன்றவை நல்ல முறையில் பராமரிக்கப்பட்டிருக்க வேண்டும். மின் இணைப்புகள் பாதுகாப்பான முறையில் இருக்கின்றனவா எனப் பார்க்க வேண்டும். கதவுகள், ஜன்னல்கள், ஜன்னல் கம்பிகள் அனைத்தும் நன்றாக இருக்கவேண்டும். இவை அனைத்தையும் நம்மால் எளிதில் சோதித்தறிய முடியும்.

அடுத்ததாக, அந்தக் கட்டடத்தின் பில்டர் யார் எனத் தெரிந்துகொள்ள வேண்டும். அவர் இதற்குமுன் கட்டிய கட்டடங்களின் தரம் குறித்துத் தெரிந்துகொண்டால் இதையும் கணித்துவிடலாம். இறுதியாக, சிவில் இன்ஜினீயரிங் படித்த கட்டட மதிப்பீட்டாளரைக்கொண்டு கட்டடத்தின் அடித்தளம், நிலத்தின் தன்மை, கட்டடத்தின் உறுதித்தன்மை போன்றவற்றை அறிந்து கொண்டபிறகு அந்த வீட்டை வாங்கலாமா, கூடாதா என்று முடிவெடுக்கலாம்.”

என் வயது 35. என் குழந்தைகளின் மேற்படிப்புக்காக அடுத்த 16 ஆண்டுகளில் ரூ.2 கோடி தேவை. ஐ.சி.ஐ.சி.ஐ புரூடென்ஷியல் புளூசிப் மற்றும் எஸ்.பி.ஐ புளூசிப் ஃபண்டுகளில் தலா ரூ.1.5 லட்சம் ரூபாயும் ஹெச்.டி.எஃப்.சி ஸ்மால்கேப் ஃபண்டில் 2 லட்சம் ரூபாயும் கடந்த ஜனவரியில் முதலீடு செய்துள்ளேன். அடுத்த இரண்டு மாதங்களில் மேலும் ரூ.10 லட்சத்தை முதலீடு செய்யவுள்ளேன். எனது முதலீட்டை மேலும் அதிகரிக்க வேண்டுமா அல்லது புதிய ஃபண்டுகளில் முதலீடு செய்ய வேண்டுமா?

கார்வேந்தன், காஞ்சிபுரம்


த.முத்துகிருஷ்ணன், நிதி ஆலோசகர்


“ஏற்கெனவே ரூ.5 லட்சம் முதலீடு செய்துள்ள நீங்கள், கூடுதலாக ரூ.10 லட்சத்தை முதலீடு செய்ய நினைக்கிறீர்கள். உங்களுடைய திட்டத்தில் இரண்டு லார்ஜ்கேப் ஃபண்டுகள் உள்ளன. இவற்றுக்குப் பதிலாக, மல்டிகேப் ஃபண்டுகளில் முதலீடு செய்யலாம். ஹெச்.டி.எஃப்.சி ஸ்மால்கேப் ஃபண்டை அப்படியே தொடரலாம். மொத்த முதலீடான ரூ.15 லட்சத்தை மூன்றாகப் பிரித்து ஐ.சி.ஐ.சி.ஐ புரூடென்ஷியல் மல்டிகேப், எஸ்.பி.ஐ மேக்னம் மல்டிகேப் மற்றும் ஹெச்.டி.எஃப்.சி ஸ்மால்கேப் ஃபண்டுகளில் தலா ரூ.5 லட்சம் முதலீடு செய்யவும். அடுத்த 16 ஆண்டுகளுக்கு  ஆண்டு சராசரியாக 15% வருமானம் எதிர்பார்த்தால், உங்களுடைய முதலீட்டுக்கு, தோராயமாக 1.4 கோடி வருமானம் கிடைக்கக் கூடும். உங்களுக்கு ரூ.2 கோடி தேவைப்படுவதால், உங்களுடைய முதலீட்டை ரூ.22 லட்சமாக உயர்த்த வேண்டும். இதே ஃபண்டுகளில் மேலும் 7 லட்சம் ரூபாயைப் பிரித்து முதலீடு செய்யுங்கள்.’’

ஜி.எஸ்.டி வரி செலுத்தி வாங்கிய ஒரு பொருளை ஏற்றுமதி செய்யும்போது, அதற்கான விலையில்    ஜி.எஸ்.டி வரியை மீண்டும் சேர்க்க வேண்டுமா?

ரவீந்திரன், விழுப்புரம்

கே.எஸ்.கமாலுதீன், இயக்குநர், புளூபாரத் எக்ஸிம் 


“ஜி.எஸ்.டி வரி செலுத்தி நீங்கள் வாங்கி யிருந் தாலும் ஏற்றுமதி செய்யும்போது   ஜி.எஸ்.டி-யைச் சேர்க்காமல்தான் விலை நிர்ணயிக்க வேண்டும். ஏற்றுமதிக்குப்பிறகு, அந்தப் பொருளுக்கு உண்டான ஜி.எஸ்.டி தொகை, அதற்குண்டான விதிமுறைகளின்படி திரும்பக் கிடைக்கும். இதற்கு ஜி.எஸ்.டி வரிக் கணக்கை சரியான முறையில் ஃபைல் செய்திருக்க வேண்டும்.”

பில்டர் மற்றும் மனை உரிமையாளர் இணைந்து கட்டிய வீட்டில் மனை உரிமையாளருக்கு உரிய  வீட்டை விலைக்கு வாங்கவுள்ளேன்.  பொதுவானவை தவிர கூடுதல் ஆவணங்களைச் சரிபார்க்க வேண்டுமா?

இளஞ்செழியன், சென்னை

கே.அழகுராமன், வழக்குரைஞர், உயர் நீதிமன்றம்


“ஆம், கூடுதலாக இரண்டு ஆவணங்களை நீங்கள் கட்டாயமாகச் சரிபார்க்க வேண்டும். இந்தச் சொத்தை அபிவிருத்தி செய்வதற்கான உடன்படிக்கை எனப்படும் ஜாயின்ட் டெவெலப்மென்ட் அக்ரிமென்ட் உரிமை யாளருக்கும் பில்டருக்கும் இடையே போடப் பட்டிருக்கும். அதில் இருவருக்கும் அந்த வீட்டில் இருக்கும் உரிமை குறித்து பதிவு செய்யப் பட்டிருக்கும். அதனைச் சரிபார்க்க வேண்டும்.

அடுத்ததாக, ‘பொஸஷன் ஹேண்டிங் ஓவர் லெட்டர் (possession handing over letter)’ என்ற டாக்குமென்ட்டில் அந்த அப்பார்ட்மென்ட் கட்டப்பட்டு, உரிமையாளருக்கு குறிப்பிட்ட வீட்டை ஒப்படைத்தது குறித்து தெரிவிக்கப் பட்டிருக்கும். இதையும் சரிபார்க்க வேண்டும்.”

ஒட்டுமொத்த விகடனுக்கும் ஒரே ஷார்ட்கட்!

பழைய வீடு வாங்கும்போது கட்டுமானத் தரத்தை எப்படிக் கணிப்பது?

பொதுத்துறை கட்டுமானப் பணிகளில் ஈடுபடும் தொழிலாளர்களுக்கு என பிரத்யேக இன்ஷூரன்ஸ் வசதிகள் உண்டா? 
 
சிவக்குமார், காரைக்குடி

எஸ்.ஸ்ரீதரன், வெல்த்லேடர், இன்ஷூரன்ஸ் ஆலோசகர்


“அப்படி எதுவும் கிடையாது. பொதுவாக, கட்டுமான நிறுவனங்கள் தங்களது நிரந்தரப் பணியாளர்களுக்கு பர்சனல் ஆக்ஸிடென்ட் பாலிசி எடுப்பதுண்டு. தற்காலிகப் பணியாளர் களுக்குப் பெரும்பாலும் இன்ஷூரன்ஸ் எடுப்பதில்லை.”

நானும் என் மனைவியும் போஸ்ட் ஆபீஸ் மாதாந்தர வருமானத் திட்டம், எண்டோவ்மென்ட் பாலிசி  உள்ளிட்டவற்றில் ரூ.20 லட்சம் முதலீடு செய்துள்ளோம். மேலும், 10-வது படிக்கும் மகனின் படிப்புச் செலவுக்காக வங்கிச் சேமிப்புக் கணக்கில் ரூ.10 லட்சம்  இருக்கிறது. மத்திய அரசுப் பணியில் இருக்கும் நான், தற்போது பணிஓய்வு பெறவுள்ளேன். அதன்பிறகு கிடைக்கவுள்ள 40 லட்சம் ரூபாயை முதலீடு செய்ய நல்லதொரு மாத வருமானம் கிடைக்கும்படியான பாதுகாப்பான திட்டத்தை பரிந்துரைக்கவும்.

மகேந்திரன், விருதுநகர்

பி.ஆர்.டி.கோவர்தனன் பாபு, நிதி ஆலோசகர்


“நீங்கள் ஏற்கெனவே முதலீடு செய்துள்ள போஸ்ட் ஆபீஸ் மாதாந்தர வருமானத் திட்டம், எண்டோவ்மென்ட் பாலிசி உள்ளிட்டவற்றில் உறுதியான மற்றும் பாதுகாப்பான வருமானத்தை எதிர்பார்க்கலாம். வங்கிச் சேமிப்புக்கணக்கில் உள்ள பணத்தை, வைப்புநிதிக்கு மாற்றினால் வருமானம் சற்று கூடுதலாகக் கிடைக்கும்.

ஓய்வூதியப் பணத்திலிருந்து ரூ.15 லட்சத்தை, மத்திய அரசின் சீனியர் சிட்டிசன்ஸ் சேவிங்ஸ் திட்டத்தில் முதலீடு செய்யலாம். இதற்கு, காலாண்டுக் கணக்கில் வட்டி கணக்கிட்டு வருடம் (8.7%) ஒருமுறை தருவார்கள். வங்கி மூலமாக இதில் முதலீடு செய்யலாம்.

அடுத்து, பிரதான் மந்திரி வய வந்தன யோஜனா திட்டத்தில் ரூ.15 லட்சத்தை முதலீடு செய்யலாம். இதற்கு ஆண்டு வட்டி 8.3%.

பழைய வீடு வாங்கும்போது கட்டுமானத் தரத்தை எப்படிக் கணிப்பது?

இன்ஷூரன்ஸ் மூலமாகவும் நீங்கள் முதலீடு செய்யலாம். உங்கள் மனைவிக்கு 60 வயதாகும் போது, அவர் பெயரில் ரூ.10 லட்சத்தை முதலீடு செய்யலாம். அதுவரை, வங்கி ஃபிக்ஸட் டெபாசிட்டில் வைத்திருக்கவும். மீதியுள்ள ரூபாயை குறுகியகாலக் கடன் சார்ந்த மியூச்சுவல் ஃபண்ட் திட்டங்களில் முதலீடு செய்யலாம்.”

மருத்துவச் சிகிச்சை பலனளிக்காமல் நோயாளி உயிரிழக்கும் சூழலில், சிகிச்சைக்கான செலவை மெடிக்ளெய்ம் பாலிசியில் க்ளெய்ம் செய்ய முடியுமா?

வேல்ராஜ், மன்னார்குடி

பி.மனோகரன், இன்ஷூரன்ஸ் ஆலோசகர்


“மருத்துவக் காப்பீட்டின் கவரேஜில் வரக்கூடிய சிகிச்சையெனில், சிகிச்சை பலனளிக்காமல்  பாலிசிதாரர்  உயிரிழந்தாலும்கூட, சிகிச்சைக்கான செலவை அவரது வாரிசுதாரர் க்ளெய்ம் செய்ய முடியும்.”

தொகுப்பு:  தெ.சு.கவுதமன்

பழைய வீடு வாங்கும்போது கட்டுமானத் தரத்தை எப்படிக் கணிப்பது?

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.