Published:Updated:

மியூச்சுவல் ஃபண்டில் முதலீடு அதிகரிக்க வேண்டும்!

மியூச்சுவல் ஃபண்டில் முதலீடு அதிகரிக்க வேண்டும்!
பிரீமியம் ஸ்டோரி
மியூச்சுவல் ஃபண்டில் முதலீடு அதிகரிக்க வேண்டும்!

மியூச்சுவல் ஃபண்டில் முதலீடு அதிகரிக்க வேண்டும்!

மியூச்சுவல் ஃபண்டில் முதலீடு அதிகரிக்க வேண்டும்!

மியூச்சுவல் ஃபண்டில் முதலீடு அதிகரிக்க வேண்டும்!

Published:Updated:
மியூச்சுவல் ஃபண்டில் முதலீடு அதிகரிக்க வேண்டும்!
பிரீமியம் ஸ்டோரி
மியூச்சுவல் ஃபண்டில் முதலீடு அதிகரிக்க வேண்டும்!

ஹலோ வாசகர்களே..!

டந்த சில ஆண்டுகளாக மியூச்சுவல் ஃபண்டில் தொடர்ந்து அதிகரித்துவந்த முதலீடு, கடந்த ஏப்ரலில் குறைந்திருப்பது அதிர்ச்சி அளிக்கக்கூடிய விஷயமாக இருக்கிறது. குறிப்பாக, பங்குச் சந்தை சார்ந்த ஃபண்டுகளில் செய்யப்படும் முதலீடு ஏப்ரல் மாத புள்ளிவிவரங்களின்படி, கணிசமாகக் குறைந்திருப்பது ஆரோக்கியமான போக்காகக் கருத முடியாது. 

மியூச்சுவல் ஃபண்டில் முதலீடு அதிகரிக்க வேண்டும்!



பங்கு சார்ந்த ஃபண்டுகளில் கடந்த மார்ச்சில் முதலீடான தொகை ரூ.11,576 கோடி. இது, ஏப்ரலில் சுமார் 60% குறைந்து, ரூ.4,609-ஆக இருக்கிறது. வரிச் சலுகை தரும் ஃபண்டுகளில் முதலீடான தொகை ரூ.2,742 கோடியிலிருந்து ரூ.458 கோடியாகக் குறைந்திருக்கிறது. மியூச்சுவல் ஃபண்டில் முதலீடாகியுள்ள தொகை ரூ.8.40 லட்சம் கோடியிலிருந்து ரூ.7.37 லட்சம் கோடியாகக்  குறைந்துள்ளது. எனினும், கடன் சார்ந்த ஃபண்டுகளில் முதலீடு குறையாமல், அதிகரித்திருப்பது வரவேற்கக்கூடிய விஷயமே!

பங்கு சார்ந்த ஃபண்டுகளில் தற்போது முதலீடு குறையப் பல காரணங்களைச் சொல்கிறார்கள். பொதுத் தேர்தல் முடிந்து, எந்த ஆட்சி அமையும் என்று தெரிந்தபின், முதலீடு செய்யலாம் என்று சில முதலீட்டாளர்கள் நினைத்திருக்க லாம். ஐ.எல்&எஃப்எஸ் போன்ற சில நிறுவனங்களின் நிதி நிலைமை சிக்கலுக்குள்ளானதால், இந்த நிறுவனங்களுக்கான கிரெடிட் ரேட்டிங் குறைக்கப்பட்டுள்ளது. இதனால் சில ஃபண்டுகளில்  நஷ்டம் ஏற்படும் நிலை உருவாகியுள்ளது. இதனைப் பார்த்த சில முதலீட்டாளர்கள், இப்போதைக்கு ஃபண்டுகளில் பணம் போடவேண்டாம் என்று நினைக்கத் தொடங்கியிருக்கின்றனர். மேலும், பங்குச் சந்தையானது உச்சத்தைத் தொட்டதாலும் விரைவில் சரிவதற்கு வாய்ப்புள்ளதாக சில முதலீட்டாளர்கள் நினைத்ததால், புதிதாக முதலீடுகள் செய்வதை நிறுத்தியிருக்கலாம்.

ஃபண்டுகளில் முதலீடு குறைய இப்படிப் பல காரணங்கள் இருந்தாலும், இந்தக் காரணங்கள் எல்லாம் தற்காலிகமானவையே. சந்தை இறங்கும்பட்சத்தில் ஃபண்டுகளில் நாம் கூடுதலான முதலீட்டினை செய்ய வேண்டுமே தவிர, முதலீட்டினைக் குறைக்கவோ, நிறுத்தவோ கூடாது. சந்தை இறக்கத்தை நமக்குக் கிடைத்த வரப்பிரசாதமாகப் பார்க்கவேண்டும். காரணம், எந்தக் கட்சி ஆட்சிக்கு வந்தாலும், நமது பொருளாதாரம் உலகின் எந்த நாட்டை விடவும் வேகமான முன்னேற்றத்தைக் கண்டுவருவதை யாரும் மறுக்க முடியாது!

மக்களின் பணத்தைக் கொள்ளையடிப்பதையே நோக்கமாகக் கொண்டு செயல்படும் பொன்ஸி நிறுவனங்களைப் போலல்லாமல், அரசின் கண்காணிப்புக்குட்பட்டு, சரியாகச் செயல்படும் முதலீட்டு அமைப்புகளில் முதலிடத்தில் நிற்கிறது மியூச்சுவல் ஃபண்ட் முதலீடு. இதில் இன்னும் அதிகமான மக்கள் தங்கள் முதலீட்டினை மேற்கொள்ளத் தகுந்த சூழ்நிலையை மத்திய அரசாங்கம் நிச்சயமாக உருவாக்க வேண்டும். பங்குச் சந்தையிலும் பங்கு சார்ந்த ஃபண்டுகளிலும் செய்யப்படும் முதலீடு அதிகரிப்பதன்மூலம்  நம் நாட்டின் பொருளாதாரம் வளர்வதுடன், மக்களுக்கும் நீண்ட காலத்தில் பணவீக்கத்தைத் தாண்டிய வருமானம் கிடைக்கவும் வாய்ப்புள்ளது. 

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!