Published:Updated:

தங்கம் வாங்க தங்கமான யோசனைகள்!

தங்கம் வாங்க தங்கமான யோசனைகள்!
பிரீமியம் ஸ்டோரி
தங்கம் வாங்க தங்கமான யோசனைகள்!

தங்கம் வாங்க தங்கமான யோசனைகள்!

தங்கம் வாங்க தங்கமான யோசனைகள்!

தங்கம் வாங்க தங்கமான யோசனைகள்!

Published:Updated:
தங்கம் வாங்க தங்கமான யோசனைகள்!
பிரீமியம் ஸ்டோரி
தங்கம் வாங்க தங்கமான யோசனைகள்!

மீபத்தில் அட்சய திருதியை நாளில் நகைக்கடைகளில் கூட்டம் அலைமோதியது. அன்று ஒருநாள் மட்டுமே 10,000 கிலோ தங்கம் விற்றதைப் பார்த்தால், அட்சய திருதியை அன்று தங்கம் வாங்குவதை நம் மக்கள் எந்த அளவுக்கு சென்டிமென்ட்டாகப் பார்க்கிறார்கள் என்பதைப் புரிந்துகொள்ள முடியும். 

தங்கம் வாங்க தங்கமான யோசனைகள்!

ஆனால், தங்கம் வாங்க வேண்டும் என்ற முடிவை எடுத்த பிறகு, சில விஷயங்களைத் தெரிந்துகொள்ள வேண்டியது மிக அவசியம். தங்கத்தின்மீது பிரியம் கொண்டவர்கள், தங்கம் வாங்கும்முன் எங்கே, எப்படி, எவ்வளவு வாங்க வேண்டும் என்பதை அறிந்துகொள்ள வேண்டும்.

தங்கத்தை நாம் பெரும்பாலும் ஆபரணமாகவோ அல்லது தங்க நாணயமாகவோ அல்லது தங்கக் கட்டிகளாகவோதான் வாங்குகிறோம். சிலர், வங்கிகளிலிருந்து தங்க நாணயங்களாக வாங்குகிறார்கள். வங்கிகளில் தங்கம் வாங்கலாமா என யாராவது என்னிடம் கேட்டால், வேண்டாம் என்றுதான் சொல்வேன்.

செலவு அதிகம்

வங்கிகளில் விற்கப்படும் தங்க நாணயத்தின் தரத்தில் ஒன்றும் குறையில்லை. ஆனால், வங்கிகளில் தங்கம் வாங்க நாம் செய்யும் செலவு, அதன் உண்மையான மார்க்கெட் மதிப்பைவிட அதிகமாக இருக்கும். அதாவது, வங்கிகள் தங்க நாணயங்களை விற்பதற்காக 99.99% தூய்மை, உத்தரவாதம் என விளம்பரம் செய்து, மார்க்கெட் விலையைவிட 8%-9% அதிக விலைக்கு தங்கத்தை உங்களிடம் விற்கின்றன. இப்படி அதிக விலை தந்து வாங்கும்போது, அதிக விலை வைத்து விற்றால் மட்டுமே லாபம் கிடைக்கும்.

வாங்குவது சுலபம்... விற்பது கடினம்


வங்கிகளில் தங்கம் வாங்கும்போது, நீங்கள் ரூ.50,000-க்கும் அதிகமாக வாங்குவதாக இருந்தால், பான் கார்டு அவசியம். நீங்கள் எந்த வங்கியிலிருந்து தங்க நாணயத்தை வாங்க விரும்புகிறீர் களோ, அந்த வங்கிக்குச் சென்று, அவர்கள் தரும் கே.ஒய்.சி படிவத்தை நிரப்பிக் கொடுத்து பணத்தைச் செலுத்தினால், உங்களுக்குத் தங்க நாணயம்  கிடைத்துவிடும். 

ஒட்டுமொத்த விகடனுக்கும் ஒரே ஷார்ட்கட்!

தங்கம் வாங்க தங்கமான யோசனைகள்!

வங்கிகளிலிருந்து இப்படி எளிதாக வாங்கும் தங்கம் எளிதாக அந்த வங்கியிலேயே விற்க முடியுமா என்றால், முடியாது என்பதுதான் அதிர்ச்சி அளிக்கும் பதில். அது தொடர்பான கசப்பான சில  உண்மைகளைச் சொல்கிறேன்.

1. வங்கிகள் உங்களிடம் தங்க நாணயங்களை விற்கும்போது, அதன் தூய்மை, உத்தரவாதம், சுவிட்சர்லாந்து  நாட்டிலிருந்து இறக்குமதி செய்யப் பட்டது என்றெல்லாம் சில காரணங்களைக் கூறி, உண்மையான விலையை விட அதிகமான விலைக்கு விற்கின்றன.

2. உங்களது அவசரத் தேவைக்குத் தங்க நாணயங்களை நீங்கள் மாற்ற முடியாது. அதை விற்பதற்காக நீங்கள் தங்க நகைக் கடைகளை அணுகினால், அந்த நாணயங்களைப் பலரும் வாங்குவதில்லை. அப்படியே வாங்கினாலும், மார்க்கெட் விலையைவிடக் குறைந்த அளவு  தொகையே உங்களுக்குக் கிடைக்கும்.

3. வங்கிகள் ஒருமுறை உங்களிடம் விற்ற தங்க நாணயங்களை அதே  வங்கியோ அல்லது வேறு வங்கிகளோ திரும்பி வாங்கிக்கொள்ள ரிசர்வ் வங்கி விதிமுறைகள் அனுமதிப்பதில்லை. அதனால், அவசரகாலத் தேவைகள் வருகின்றபோது இந்த நாணயங்களை நகைக் கடை அல்லது தங்க நகை வியாபாரி களிடம் விற்பதுதவிர வேறு வழியில்லை. 

அப்படி விற்கும்போது தங்க நாணயங்களுக்கு உண்டான செய்கூலி மற்றும் சேதாரம் ஆகியவற்றை நீங்கள்தான் செலுத்த வேண்டியிருக்கும். வங்கிகளிடமிருந்து அதிக விலைக்கு வாங்கி, நகைக் கடையில் மார்க்கெட் விலையை விட குறைவாகத் தரவேண்டிய கட்டாயத்தினால் உங்களுக்கு இரண்டு பக்கமும் நஷ்டம் ஏற்படும். 

தங்கம் வாங்க தங்கமான யோசனைகள்!

மாற்று தங்க முதலீட்டுத் திட்டங்கள்

நீங்கள் தங்கத்தை வாங்கி முதலீடு செய்வதாக இருந்தால், தங்க நாணயங்களை மட்டும்தான் வாங்க வேண்டும் என்பதில்லை. வேறு சில மாற்றுத் திட்டங்களும் உண்டு. அவை என்னென்ன என்று பார்க்கலாம்.

சாவரின் தங்கப் பத்திரம் (Sovereign Gold Bond)

சாவரின் தங்கப் பத்திரம் என்பது அரசாங்கத் தால் உலோக நிலையில் கிடைக்கும் தங்கத்திற்கு மாற்றாக, காகிதப் பத்திரங்களாக விற்கப்படும் ஒரு முதலீட்டுத் திட்டமாகும்.

சாவரின் தங்கப் பத்திரத்தை நீங்கள் ஒரு  கிராம் வீதம் பல பத்திரங்களாக அன்றைய தூய தங்கத்தின் விலையில் வாங்கலாம். ஆனால், ஒரு நபரால் ஆண்டுக்கு அதிகபட்சம் நான்கு கிலோ தங்கத்தை மட்டுமே பத்திரங்களாக வாங்க முடியும். 

இந்த சாவரின் தங்கப் பத்திர முதலீட்டில், உங்களுக்கு ஆண்டுக்கு 2.5% வட்டி கிடைப் பதுடன், முதலீடு முழுமை அடைந்தபிறகு அதாவது, 8 ஆண்டுகளுக்குப்பிறகு அல்லது உங்களது முதலீட்டை நீங்கள் திரும்பப் பெறும்போது அன்றிலிருந்து மூன்று வேலை நாள்களுக்குமுன் உள்ள தூய தங்கத்தின் விலையை நீங்கள் பெறலாம்.

உதாரணமாக, இன்று நீங்கள் 10 கிராம் தங்கத்தை ரூ.32,280 செலுத்தி வாங்கினால், தற்போது 1 கிராம் தங்கத்தின் விலை ரூ.3,228.

ஐந்து ஆண்டுகளுக்குப்பிறகு 1 கிராம் தங்கத்தின் விலை ரூ.3,700 என்று வைத்துக் கொண்டால், 10 கிராம் தங்கத்தின் மதிப்பு ரூ.37,000.

யாருக்கேற்றது?

நீங்கள் உங்கள் குழந்தையின் திருமணத்திற்காக முதலீடு செய்பவராக இருந்தால், இது ஒரு சிறந்த திட்டமாகும். மேலும், தங்கம் வீட்டில் இருந்தால் திருடு போய்விடும் வாய்ப்பு உண்டு; அல்லது வங்கியில் இருந்தால் அதற்குப் பணம் செலுத்த வேண்டியிருக்கும் என்பவர்கள் இந்தத் திட்டத்தைப் பயன்படுத்திக் கொள்ளலாம்.

சாவரின் தங்கப் பத்திரத்தில் நீங்கள் செய்யும் முதலீட்டுக்கு வரி எதுவும் நீங்கள் வரி எதுவும்  செலுத்த வேண்டியதில்லை. ஆனால், உங்கள் பத்திரத்தை மற்றவர் பெயருக்கு மாற்றும்போதும் நீங்கள் வரியைச் செலுத்த வேண்டியிருக்கும்.

சாவரின் தங்கப் பத்திரத்தை நீங்கள் வாங்குவதற்கு பான் கார்டு மற்றும் கே.ஒய்.சி அவசியமாகும்.

கோல்டு இ.டி.எஃப் (Gold ETF)

பங்குச் சந்தையில் கோல்டு இ.டி.எஃப்-ன் ஒரு யூனிட் மதிப்பானது, அன்றைய தூய தங்கத்தின் மார்க்கெட் விலையின் அடிப்படையில் வர்த்தகம் செய்யப்படுகிறது. ஆனால், கோல்டு இ.டி.எஃப்-ல் நேரடியாக முதலீடு செய்ய நீங்கள் டீமேட் கணக்கு (Demat Account) வைத்திருக்க வேண்டும்.

கோல்டு இ.டிஎஃப் (ETF) ஓப்பன் எண்டட்  மியூச்சுவல் ஃபண்டில் முதலீடு செய்ய உங்களுக்கு டீமேட் கணக்குத் தேவையில்லை. மேலும், சாவரின்  தங்க பத்திரங்களைப் போன்று கிராம் கணக்கில் வாங்கவேண்டிய அவசியம் இல்லை. மாறாக, நீங்கள் மியூச்சுவல் ஃபண்ட் எஸ்.ஐ.பி-யில் முதலீடு செய்வது போன்று ரூ.500 அல்லது ரூ.1,000 முதலீடு செய்யலாம் அல்லது மொத்தமாகவும் முதலீடு செய்யலாம். 

மற்ற முதலீடுகளைப் போல் இல்லாமல், கோல்டு இ.டி.எஃப் (ETF) ஓப்பன் எண்டட் மியூச்சுவல் ஃபண்டில் உங்களுக்குத் தேவைப்படும் போது, வர்த்தக நேரத்தில் பணத்தை எடுத்துக் கொள்ளலாம். ஆனால், அதற்கு மூன்று வேலை நாள்கள் ஆகும்.

தங்கம் வாங்க தங்கமான யோசனைகள்!

தங்கத்தைப் பத்திர வடிவில் வாங்கும்போது அதன் தூய்மை பாதுகாக்கப்படுவதுடன், அதை வாங்கும்போதோ அல்லது விற்கும்போதோ, அதற்கான செய்கூலி சேதாரம் எனப் பல வகைகளிலும் பணத்தை இழக்கவேண்டிய அவசியமில்லை.

தங்கம் வாங்கும்முன்...

உங்கள் குழந்தையின் திருமணத்திற்காகவோ அல்லது வேறு சில முதலீட்டு இலக்குகளுக்காகவோ  நீங்கள் தங்கம் வாங்குவதாக இருந்தால், உங்களுக்கு சாவரின் தங்கப் பத்திரம் (Sovereign Gold Bond/SGB) அல்லது கோல்டு இ.டி.எஃப் (Gold ETF) போன்ற முதலீட்டுத் திட்டங்கள் உள்ளன. அல்லது நீங்கள் தங்கத்தை தரமான மற்றும் தூய்மையான (99.95%) தங்கக் கட்டிகளாக முறையான உரிமம் பெற்ற நகை வியாபாரியிடம்  வாங்குவது நல்லது.

நீங்கள் நல்ல வருமானம் தரும் முதலீடாகக் கருதி தங்கம் வாங்குபர் எனில், தங்கம் வாங்குவதைவிட மியூச்சுவல் ஃபண்ட் மற்றும் பங்குச் சந்தை முதலீட்டுத் திட்டங்களில் முதலீடு செய்யலாம். இதன்மூலம் நீங்கள் விரும்பும் பலன் கிடைக்க வாய்ப்புண்டு.

உலகம் முழுவதும் பெருமை வாய்ந்த, அதே நேரம் உலகில் உள்ள அனைத்துவகை பணத்தாலும் வாங்கக்கூடிய ஒரே செல்வம் தங்கம் மட்டுமே ஆகும். இப்படிப்பட்ட பெருமை வாய்ந்த தங்கத்தை, அஸெட் அலோகேஷன் முறைப்படி கணக்கீடு செய்யும்போது உங்கள் போர்ட்ஃ போலியோவில் 5% முதல் 10% வரை வைத்திருப்பது நல்லது.

தங்கத்தை விரும்பி வாங்குகிறவர் என்றாலும், முதலீடாகக் கருதி வாங்குகிறவர் என்றாலும் இங்கே சொல்லப்பட்ட விஷயங்களை மனதில் வைத்துக்கொண்டால், தங்கத்தில் செய்யும் முதலீட்டிலும் நீங்கள் ஜொலிக்கலாம்! 

கே.ராமலிங்கம், முதன்மை நிதி ஆலோசகர், holisticinvestment.in