Published:Updated:

பங்குகள்... வாங்கலாம்... விற்கலாம்!

பங்குகள்... வாங்கலாம்... விற்கலாம்!
பிரீமியம் ஸ்டோரி
பங்குகள்... வாங்கலாம்... விற்கலாம்!

பங்குகள்... வாங்கலாம்... விற்கலாம்!

பங்குகள்... வாங்கலாம்... விற்கலாம்!

பங்குகள்... வாங்கலாம்... விற்கலாம்!

Published:Updated:
பங்குகள்... வாங்கலாம்... விற்கலாம்!
பிரீமியம் ஸ்டோரி
பங்குகள்... வாங்கலாம்... விற்கலாம்!

இண்டெக்ஸ்

கடந்த வாரத்தில், “நிஃப்டியின் ஆதரவு நிலை உடைக்கப்படும்போது, டிரேடர்கள் அதிக விற்பனையில் ஈடுபட வாய்ப்பிருக்கிறது.  நிஃப்டி புள்ளிகள் 11100 மற்றும் 11200-க்கு இடையே வர்த்தகமாகக்கூடும்.  ஆனால், மே 23 வரைக்கும் நிஃப்டி புள்ளிகள் 11600-ஐ தாண்ட வாய்ப்பில்லை” எனச் சொல்லி யிருந்தோம்.

பங்குகள்... வாங்கலாம்... விற்கலாம்!

நாம் என்ன சொன்னோமோ, அதுதான் நடந்திருக்கிறது. கடந்த எட்டு வர்த்தக தினங்களாகவே சந்தையானது தினமும் வேகமாக இறங்கியது. முடிவடைந்த வாரத்தில், சந்தையானது ஒருநாள் விட்டு ஒருநாள் ஏற்ற இறக்கமான போக்கும், வர்த்தக நாளின் இடையே கணிசமான முன்னேற்றமும்  கண்டதை நாம் பார்த்தோம்.

இந்தியப் பங்குச் சந்தை எந்தப்போக்கில் செல்கிறது என்பதை டிரேடர்களால் பெருமளவில் கணிக்க முடியாமலேயே போனது. ஆனாலும், நிஃப்டி 11100 புள்ளிகளுக்கான எதிர்பார்ப்பைக் கொண்டிருந்ததால், சந்தையில் பெரும்பாலான டிரேடர்கள் இழப்பு ஏற்பட்டிருக்கலாம். ஆனால், முன்னரே எச்சரிக்கை செய்ததால், நாணயம் விகடன் வாசகர்கள் இழப்பிலிருந்து தப்பித்திருக்கக் கூடும். 

ஒட்டுமொத்த விகடனுக்கும் ஒரே ஷார்ட்கட்!

பங்குகள்... வாங்கலாம்... விற்கலாம்!

சந்தையானது தொடர்ந்து ஒரு வரம்புக்குள்ளேயே இருக்கும் என்பது போன்ற தோற்றம் நீடிக்கிறது. தற்போதைக்கு நாம் நீண்ட காலத்துக்கு காத்திருக்க வேண்டாம். அடுத்த வாரத்துக்கான வர்த்தகத்தைச் சந்தை தொடங்கும் போது, நாடாளுமன்ற தேர்தலுக்கான வாக்குப் பதிவுக்குப் பிந்தைய கருத்துக் கணிப்பு (Exit polls) முடிவு வெளிவந்து, டிரேடர்கள் அதற்கேற்ப  செயல்பட்டுக்கொண்டிருப்பார்கள்.

ஆனாலும், தேர்தல் முடிவு வியாழக்கிழமை அன்றுதான் வெளியாகும். அதுவரைக்கும் சந்தையில் ஏற்ற இறக்கம் தொடர்வதை நம்மால் காண முடியும். தற்போதுள்ள நிலைமையே நீடித்தால், தேர்தல் முடிவு என்.டி.ஏ கூட்டணிக்குச் சாதகமாக மாறலாம்; ஆனால், மெஜாரிட்டிக்குத் தேவையான சீட்டுகளின் எண்ணிக்கை குறைவாக இருக்கும். 

பங்குகள்... வாங்கலாம்... விற்கலாம்!

சந்தையின் சமீபத்திய வீழ்ச்சி, பங்குகளின் விலை மிகவும் குறையலாம் என்ற எதிர்பார்ப்பை ஏற்படுத்தியிருந்தாலும், அந்த அளவுக்குப் போகும்போது ஆச்சர்யங்கள் குறைவாகவே இருக்கலாம்.

நிஃப்டி மற்றும் பேங்க் நிஃப்டி ஆகிய இரண்டின் போக்கும், வழக்கமான விலை ஏற்ற இறக்கத்துடன் இதுவரை சாதகமாகவே இருக்கின்றன. இது, சந்தை இறக்கமடையும்போது பங்குகளைத் தொடர்ந்து வாங்கச் செய்யும். தற்போதைக்கு நமக்கு அப்படியான ஒரு வாங்கும் வாய்ப்புள்ளது.

ஆனாலும், வரவிருக்கும் அந்த நிகழ்வைக் கொண்டு, சந்தையின் இறங்கு நிலையைப் பயன்படுத்தி, பங்குகளை முதலீட்டாளர்கள் கொஞ்சம் கொஞ்சமாக வாங்கலாம். குறிப்பாக, தேர்தல் முடிவினால் எந்தவொரு பாதகமான செய்தி வந்தாலும், அதில் தாக்குப்பிடித்து நிற்கக் கூடிய பங்குகளை முதலீட்டாளர்கள் வாங்கலாம். 

மே 23-ம் தேதிக்குமுன் உள்ள நாள்களில், சந்தை இறங்கும்போது  எங்கே சாதகமான செய்தி உள்ளதோ, அங்கே தரமான பங்குகளை அதிக எண்ணிக்கையில் வாங்கும் அணுகுமுறையைப் பின்பற்றலாம். ஒருவேளை, அந்தப் பங்கின் விலை கடுமையாக சரிந்தாலும்கூட, அதில் சிக்கி விடாமல் இருப்பதை இந்த அணுகுமுறை உறுதி செய்யும். ஆனாலும், எந்தவொரு எதிர்பாராத முடிவுகள் வெளியானாலும் வெளியேறத் தயாராக இருங்கள். 

பங்குகள்... வாங்கலாம்... விற்கலாம்!

ஃபேர்செம் ஸ்பெஷாலிட்டி  (FAIRCHEM)

தற்போதைய விலை: ரூ.510.95

வாங்கலாம்


சர்வதேச முதலீட்டாளரான பிரேம் வட்சா, ஃபேர்செம் ஸ்பெஷாலிட்டி நிறுவனத்தில் பெரிய அளவில் முதலீடு செய்ததும் இந்த நிறுவனம் பிரபலமானது. எனினும், ரூ.595 அளவிலிருந்து ரூ.315 அளவுக்குப் பங்கின் விலையில் இரண்டு ஆண்டுகளாக ஏற்பட்ட தொடர் சரிவை, இந்த நிகழ்வு தடுக்கவில்லை.

2019, ஜனவரியில் கீழே இருந்த இந்தப் பங்கின்  விலை, புதிய முதலீடுகள் அதிகரித்ததன் காரணமாக மேல்நோக்கிப் பயணிக்கத் தொடங்கியது. தற்போதுள்ள சூழலில், இந்தப் பங்கின் விலை 62% ரீட்ரேஸ்மென்ட் பகுதியைக் கடந்துள்ளது. இது புதிய முதலீடுகளால்  உடனடியாக மேல்நோக்கி ஏறக்கூடும்.

இந்தப் பங்கின் தற்போதைய விலை இறங்கும் பட்சத்தில் ரூ.450  வரைக்கும் வாங்கலாம். பங்கின் விலை வரும் மாதங்களில் பழைய உச்சங்களைத் தாண்டிச் செல்லும் என எதிர்பார்க்கலாம்.

பங்குகள்... வாங்கலாம்... விற்கலாம்!

சீமெக் (SEAMECLTD)

தற்போதைய விலை: ரூ.479.00

வாங்கலாம்


கடந்த ஆண்டுகளில் இந்த நிறுவனத்தின் தலைமையில் பல மாற்றங்கள் நிகழ்ந்துள்ளன.  ஃபிரெஞ்சு ஜியான்ட் டெக்னிப் நிறுவனத்தின் இந்தியப் பிரிவாக செயல்படும் இந்த நிறுவனம், ஆயில் ஃபீல்டு இன்ஜினீயரிங், கட்டுமானம் மற்றும் சேவைகளில் ஈடுபட்டு வருகிறது. 2018-19-ம் நிதியாண்டில் இந்த நிறுவனம்  நல்ல நிதி நிலை முடிவுகளைப் பெற்றிருப்பதால், இந்தப் பங்கின் விலை மீண்டும் ஏற்றம் பெறுகிறது.

ஏற்கெனவே நல்லதொரு ஏற்றப் போக்கில் இருக்கும் சூழலில், இப்போது மேலும் உயரமான நிலைக்குச் செல்லக்கூடும் எனத் தெரிகிறது.

இந்தப் பங்கில் தற்போதைய விலையில் முதலீடு செய்யலாம். தொடர்ச்சியான ஏற்றம் காரணமாக ஓராண்டு காலத்தில் ரூ.625-க்கு உயரும் என எதிர்பார்க்கலாம்.

பங்குகள்... வாங்கலாம்... விற்கலாம்!

ஸ்பைஸ்ஜெட் (MODILUFT)

தற்போதைய விலை: ரூ.128.50

வாங்கலாம்


இந்திய விமானச் சேவையில் மொத்தம் உள்ள மூன்று நிறுவனங்களில் ஒன்று பாதிக்கப்பட்டுள்ளதால், மற்ற இரண்டு நிறுவனங்கள் மட்டுமே சந்தையைப் பங்கிட்டுக்கொள்கின்றன. ஸ்பைஸ்ஜெட் நிறுவனம், ஏற்கெனவே நல்ல நிலையில்தான் இயங்கிவந்தது. ஜெட் ஏர்வேஸ் நிறுவனம் சிக்கலுக்குள்ளானதும் ஸ்பைஸ்ஜெட் மற்றும் இண்டிகோ நிறுவனங்களின் பங்கு விலை நன்கு ஏறத் தொடங்கியது. வலுவான செயல்பாடு காரணமாக இதன் பங்கு விலை இதுவரை இல்லாத உச்சத்தையும் (ரூ.152) எட்டியது. அதிக வால்யூம் காரணமாக இதன் போக்கு நன்றாக உள்ளது.  பங்கு விலை விரைவில் புதிய உச்சத்தைத் தொடக்கூடும். தற்போதைய  விலையில் வாங்கலாம், சில மாதங்களில் ரூ. 170-க்கு உயரக்கூடும்.

தொகுப்பு: பா.முகிலன், தெ.சு.கவுதமன்

டாக்டர் சி.கே.நாராயண் நிர்வாக இயக்குநர், குரோத் அவென்யூஸ்  (GROWTH AVENUES), மும்பை. SEBI Registration (Research Analyst) INH000001964

டிஸ்க்ளெய்மர்: இங்கு பரிந்துரைக்கப்பட்ட பங்குகள் பரிந்துரை செய்த ஆசிரியர் வசம் இருக்கக்கூடும். முதலீட்டாளர்கள் பங்குச் சந்தையின் ரிஸ்க் அறிந்து நிபுணர்களின் ஆலோசனைப்படி முதலீட்டை மேற்கொள்ளவும்.