Published:Updated:

கடைசி நேர வரிச் சேமிப்பு... கடைப்பிடிக்க 20 டிப்ஸ்!

முதலீட்டில் ரிஸ்க் எடுப்பவர்களின் விருப்பத் தேர்வாக இ.எல்.எஸ்.எஸ் ஃபண்ட் இருக்கிறது!

பிரீமியம் ஸ்டோரி

டைசி நேரப் பரபரப்பில் வரிச் சேமிப்பு முதலீடுகள் குறித்து முடிவெடுப்பவர்கள் கவனிக்க வேண்டிய 20 அம்சங்களைப் பார்ப்போம்.

1. ஜன`வரி’, பிப்ர`வரி’

வருமான வரியை மிச்சப்படுவதற்கான முதலீட்டை மேற்கொள்ளும் எண்ணம் ஜனவரி, பிப்ரவரி பிறந்தால்தான் நமக்கு நினைவுக்கு வரும். இந்த மாதங்களில்தான் வரியை மிச்சப்படுத்தத் திட்டமிடுகிறார்கள். இதனால் மார்ச் மாதச் சம்பளமோ, வருமானத்தின் பெரும் பகுதியோ அல்லது முழுப் பகுதியோ வரிக்கு அல்லது வரிச் சேமிப்பு முதலீட்டுக்குச் சென்றுவிடும்.

கடைசி நேர வரிச் சேமிப்பு...  கடைப்பிடிக்க 20 டிப்ஸ்!

2. அவசர முதலீடு வேண்டாமே!

கடைசி நேரத்தில் செய்யப்படும் பல முதலீடுகள் தவறாகப் போய்விடும் அபாயமிருக்கிறது. பிராவிடென்ட் ஃபண்ட், பிள்ளைகளின் கல்விக் கட்டணம், ஆயுள் காப்பீடு பாலிசி, வீட்டு வாடகை போன்ற வரிச் சேமிப்புகள் பலருக்கும் இருக்கும். இந்த நிலையில், வருமான வரி கட்டுவதைத் தவிர்ப்பதற்காக அவசர அவசரமாக ஏதாவது ஒரு திட்டத்தில் முதலீடு செய்துவிட்டு, அடுத்து வரும் ஆண்டுகளில் பிரச்னைகளை எதிர்கொள்வார்கள்.

3. நிதி இலக்குகள் முக்கியம்!

உங்களின் வரிச் சேமிப்பு முதலீடு, உங்கள் நிதி இலக்குகளையொட்டி இருப்பது நல்லது. அப்போதுதான் `முதலீடு’, `வரிச் சலுகை’ ஆகிய இரட்டைப் பலன்களைப் பெற முடியும்.

4. எண்டோவ்மென்ட் பாலிசி... தவிர்க்கலாம்!

வருமான வரிச் சலுகை என்றவுடன் நமக்கு நினைவுக்கு வருவது எண்டோவ்மென்ட் பாலிசிகள் மட்டுமே. இவற்றில் கவரேஜும் முதலீட்டு மீதான வருமானமும் குறைவு.

5. வரியை மிச்சப்படுத்தக் கடன்... வேண்டாம்!

வருமான வரியை மிச்சப்படுத்தத் தேவையான முதலீட்டை மேற்கொள்ளப் பலரும் கிரெடிட் கார்டு கடன் அல்லது தனிநபர் கடனை வாங்குகிறார்கள். இவை இரண்டிலுமே வட்டியும் கட்டணமும் அதிகம்.

6. ஹெல்த் இன்ஷூரன்ஸ் பாலிசி நல்லது!

நீங்கள் வேலை பார்க்கும் அலுவலகத்தில் உங்களுக்கு ஹெல்த் இன்ஷூரன்ஸ் பாலிசி எடுத்திருந்தாலும், நீங்கள் தனியாக எடுக்க விரும்பினால் நிச்சயம் எடுக்கலாம்.

கடைசி நேர வரிச் சேமிப்பு...  கடைப்பிடிக்க 20 டிப்ஸ்!

7. `ஹெல்த் செக்கப்’ சிறந்த சாய்ஸ்!

நோய் பாதிப்பு வராமல் தடுக்க செய்யப்படும் ஹெல்த் செக்கப்களுக்கு நிதியாண்டில் ரூ.5,000 வரை வரிச் சலுகை பெற முடியும். இதைப் பயன்படுத்தி உங்கள் உடல்நலத்தைப் பரிசோதித்து, அதற்கேற்ப வாழ்க்கை முறையை மாற்றிக்கொள்ள முடியும்.

8. ஆயுள் காப்பீடு பாலிசி அதிகமாக்கலாம்!

தற்போது வாங்கும் ஆண்டுச் சம்பளத்தைப் போல் சுமார் 15 மடங்கு தொகைக்குக் குறைவாக நீங்கள் ஆயுள் காப்பீடு பாலிசி எடுத்திருந்தால் வித்தியாசப்படும் தொகைக்கு டேர்ம் பிளான் எடுத்துக்கொள்ளலாம்.

கடைசி நேர வரிச் சேமிப்பு...  கடைப்பிடிக்க 20 டிப்ஸ்!

9. இ.எல்.எஸ்.எஸ் முதலீடு நன்று!

பங்குச் சந்தை சார்ந்த சேமிப்புத் திட்டமான மியூச்சுவல் ஃபண்டில் முதலீடு செய்யலாம். ஓரளவுக்கு விவரமானவர்கள், முதலீட்டில் ரிஸ்க் எடுப்பவர்களின் விருப்பத் தேர்வாக இந்த இ.எல்.எஸ்.எஸ் ஃபண்ட் இருக்கிறது. இந்த ஃபண்டில் மார்ச் மாதத்தில்தான் அதிக முதலீடு செய்வது வழக்கமாக இருக்கிறது.

10. இ.எல்.எஸ்.எஸ் மறு முதலீடு முக்கியம்!

இ.எல்.எஸ்.எஸ் ஃபண்டில் ஏற்கெனவே முதலீடு செய்திருந்து அதன் மூன்றாண்டு ‘லாக் இன் பீரியட்’ முடிந்திருந்தால், அதன் யூனிட்களை விற்று கிடைக்கும் தொகையை மறு முதலீடு செய்வதன் மூலம் நடப்பு நிதியாண்டில் வரிச் சலுகை பெற முடியும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

11.. வரிச் சேமிப்பு ஃபிக்ஸட் டெபாசிட்... ரிஸ்க் இல்லை!

நீங்கள் வரிச் சேமிப்பு முதலீட்டில் ரிஸ்க் எடுக்க விரும்பாதவர் என்றால், வரிச் சேமிப்பு ஃபிக்ஸட் டெபாசிட்டில் பணத்தைப் போடலாம். இதில், அசலுக்கு இழப்பு எதுவும் இருக்காது. குறைவான வட்டி என்றாலும் நிலையான தொகை கிடைக்கும். ஆனால், வட்டிக்கு வரிச் செலுத்த வேண்டியிருக்கும்.

வரிச் சேமிப்பு
வரிச் சேமிப்பு

12. தேசிய சேமிப்புப் பத்திரம்... பாதுகாப்பு!

ரிஸ்க் எடுக்க விரும்பாதவர்களுக்கு அடுத்த சாய்ஸாக தேசிய சேமிப்புப் பத்திரம் (என்.எஸ்.சி) இருக்கிறது. இதற்கு தற்போதைய நிலையில் ஆண்டுக்கு 7.9% வட்டி வழங்கப்படுகிறது. லாக் இன் காலம் 5 ஆண்டுகள். குறைந்தபட்ச முதலீடு ரூ.100.

13. மறு முதலீட்டுக்கு என்.எஸ்.சி வட்டி

நீங்கள் ஏற்கெனவே என்.எஸ்.சி-யில் முதலீடு செய்திருந்தால், அதில் ஆண்டுதோறும் சேரும் வட்டி அதிலேயே சேர்ந்து ஐந்து ஆண்டு முதிர்வில் உங்களுக்குக் கிடைக்கும். அந்த வட்டியை `மறு முதலீடு’ என்ற கணக்கில் காட்டி வரிச் சலுகை பெற முடியும்.

14. மூத்த குடிமக்களுக்கு ஸ்பெஷல் சேமிப்பு!

நீங்கள் 60 வயதுக்கு மேற்பட்ட மூத்த குடிமகனாக இருக்கும்பட்சத்தில், உங்களுக்கு வருமான வரிச் சலுகை தேவைப்பட்டால் தபால் அலுவலகம் மற்றும் முன்னணி வங்கிகளில் செயல்படுத்தப்படும் மூத்த குடிமக்கள் சேமிப்பு திட்டத்தில் முதலீடு செய்து வரிச் சலுகை பெறலாம். இதற்கு தற்போதைய நிலையில் ஆண்டுக்கு 8.6% வட்டி தரப்படுகிறது. லாக் இன் காலம் 5 ஆண்டுகள்.

15. வரிச் சேமிப்புக்கு வி.பி.எஃப்!

வரிச் சேமிப்புக்கான முதலீடுகள் அனைத்தையும் பயன்படுத்திய பிறகு சில ஆயிரங்கள் மிச்சமிருக்கிறது: அடுத்துவரும் ஆண்டுகளுக்கும் மாதந்தோறும் இதே தொகையை முதலீடு செய்ய வேண்டியிருக்கும் என்ற நிலையில் விருப்ப பிராவிடென்ட் ஃபண்ட் (வி.பி.எஃப்) மூலம் முதலீடு செய்து வரியை மிச்சப்படுத்தலாம்.

முதலீட்டில் ரிஸ்க் எடுப்பவர்களின் விருப்பத் தேர்வாக இ.எல்.எஸ்.எஸ் ஃபண்ட் இருக்கிறது!

16. யூலிப் மறு முதலீடும் உதவும்!

சிலர் ஏற்கெனவே யூலிப் பாலிசி எடுத்திருப்பார்கள். அதில் பகுதித் தொகையை எடுக்கும் வசதி இருக்கிறது. அதை எடுத்து அதே பாலிசியில் மறு முதலீடு செய்தால், வரிச் சலுகை பெற முடியும்.

tax savings
tax savings

17. கடைசி நேர வரிச் சேமிப்புக்கு யூலிப் டாப்அப்!

ஏற்கெனவே யூலிப் பாலிசியில் முதலீடு செய்திருந்தால், அதில் டாப்அப் மூலம் கூடுதல் தொகையை முதலீடு செய்து நடப்பு நிதியாண்டில் வரிச் சலுகை பெறலாம். இந்த டாப்அப் தொகையை அடுத்த ஆண்டும் கட்டாயம் செய்ய வேண்டும் என்ற அவசியமில்லை என்பதால், கடைசி நேர வரிச் சேமிப்புக்கு இது ஏற்றதாக இருக்கும்.

18. என்.பி.எஸ்... சிறப்பு!

நேஷனல் பென்ஷன் திட்டத்தில் (என்.பி.எஸ்) ஆண்டுக்கு ரூ.50,000 முதலீடு செய்தால், 80சி பிரிவைத் தாண்டி 80CCD-யின் கீழ் வரிச் சலுகை கிடைக்கும். இதை அனைவரும் பயன்படுத்திக்கொள்ளலாம்.

19. துணை நிற்கும் நன்கொடை!

நீங்கள் சமுகத்துக்கு ஏதாவது நல்லது செய்ய நினைத்தால் அறக்கட்டளைகளுக்கு நன்கொடை கொடுங்கள். நன்கொடை கொடுத்த ரசீதைக் காட்டி, அந்தத் தொகைக்கு வரிச் சலுகை பெறலாம். நிபந்தனைக்கு உட்பட்டு நீங்கள் தரும் தொகையில் 10% முதல் 100% வரை வரிச் சலுகை கிடைக்கும்.

20. ஆலோசனை அவசியம்!

வரிச் சேமிப்புக்கான முதலீட்டை ஆண்டின் ஆரம்பத்தில் தொடங்கினாலும், ஆண்டின் இறுதியில் தொடங்கினாலும் உங்கள் நிதி ஆலோசகரிடம் கலந்து பேசி முடிவுசெய்வது சரியான திட்டங்களைத் தேர்வுசெய்ய உதவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு