Published:Updated:

திவாலான ஆல்டிகோ கேப்பிட்டல்... ஃபண்ட் முதலீட்டில் என்ன பாதிப்பு?

Altico capital
பிரீமியம் ஸ்டோரி
News
Altico capital

சிக்கல்

ல்டிகோ கேப்பிட்டல் நிறுவனத்தில் ஏற்பட்டுள்ள நிதிச் சிக்கல் மியூச்சுவல் ஃபண்ட் முதலீட்டாளர்களைப் பாதித்துள்ளது. இந்த நிறுவனத்துக்கு என்ன சிக்கல் ஏற்பட்டுள்ளது என்பதைப் பார்ப்போம்.

நிறுவனத்தின் பின்னணி

ஆல்டிகோ கேப்பிட்டல் நிறுவனம், வெளிநாட்டுப் பங்குதாரர் களிடம் நிதி திரட்டி, அவர்களின் கட்டுப்பாட்டில் இயங்கிவரும் வங்கிசாரா நிதி நிறுவனமாகும். இந்த நிறுவனம் மும்பை, என்.சி.ஆர், சென்னை, பெங்களூரு, புனே மற்றும் ஹைதராபாத் உள்ளிட்ட இந்தியாவின் டயர்-1 நகரங்களில் குடியிருப்புக் கட்டுமானத் திட்டங்கள் மற்றும் ரியல் எஸ்டேட் துறை சார்ந்த திட்டங்களுக்குக் கடன் வழங்கி வருகிறது. வெளிநாட்டைச் சேர்ந்த சில நிறுவனங்களும் இந்த நிறுவனத்தின் முக்கியமான பங்குதாரர்களாக இருந்துவருகிறார்கள்.

திவாலான ஆல்டிகோ கேப்பிட்டல்...  ஃபண்ட் முதலீட்டில் என்ன பாதிப்பு?

கடன் பிரச்னை

இந்த நிறுவனம் துபாயைச் சேர்ந்த மஷ்ரெக் பேங்கிடம் வாங்கிய 660 கோடி கடனுக்கான வட்டித்தொகை 19.97 கோடி ரூபாயை கட்டத் தவறியதுதான், திவாலானதற்கு மிக முக்கியமான காரணம். தவிர, வேறு சில நிறுவனங்களிடமிருந்து வாங்கிய கடன் பணத்தையும் திரும்பத் தரவில்லை. இதனால் இந்த நிறுவனத்திற்குப் பல்வேறு தரச்சான்று நிறுவனங்கள் தரக்குறியீடுகளைக் குறைத்துள்ளன. குறிப்பாக, கேர் தரச்சான்று நிறுவனமும் இந்தியா ரேட்டிங் அண்டு ரிசர்ச் நிறுவனமும் இந்த நிறுவனத்தின் தரக்குறியீட்டை ‘AA’ தரத்திலிருந்து ‘B’ நிலைக்குக் குறைத்திருக்கிறது.

மேலும், இந்த நிறுவனத்தில் மொத்தக் கடன் அளவு, கடந்த செப்டம்பர் 12-ம் தேதி நிலவரப்படி, சுமார் ரூ.4,361.55 கோடியாக இருக்கிறது. இந்தியாவில் ஹெச்.டி.எஃப்.சி வங்கியில் சுமார் ரூ.500 கோடி, யெஸ் பேங்கில் ரூ.450 கோடி, எஸ்.பி.ஐ வங்கியில் ரூ.400 கோடி எனப் பல்வேறு வங்கி மற்றும் நிதி நிறுவனங்களிலிருந்து கடன்களை இந்த நிறுவனம் வாங்கியிருக்கிறது. “பணப்புழக்க நெருக்கடியைச் சரிசெய்யும் நடவடிக்கைகளில் ஈடுபட்டிருக்கிறோம். மேலும், இந்தச் சிக்கல் தொடர்பாகப் பங்குதாரர்களுடன் பேசி வருகிறோம்” என ஆல்டிகோ கேப்பிட்டல் நிறுவனத் தரப்பில் தெரிவிக்கப்பட்டுள்ளது.

சிக்கலில் மியூச்சுவல் ஃபண்டுகள்

ஆல்டிகோ கேப்பிட்டல் நிறுவனத்தில் யூ.டி.ஐ மற்றும் ரிலையன்ஸ் மியூச்சுவல் ஃபண்ட் நிறுவனங்கள், அவற்றின் ஃபண்டுகளுக்காகப் பெருமளவுத் தொகையை முதலீடு செய்திருக் கின்றன. யூ.டி.ஐ கிரெடிட் ரிஸ்க் ஃபண்ட் நிர்வகித்துவரும் ரூ.3,536 கோடியில் சுமார் 5.85% அதாவது, ரூ.201 கோடியை ஆல்டிகோ கேப்பிட்டல் நிறுவனத்தின் கடன் பத்திரங்களில் முதலீடு செய்திருக்கிறது. இதேபோல, ரிலையன்ஸ் அல்ட்ரா ஷார்ட் டியூரேஷன் ஃபண்ட் நிர்வகித்து வரும் ரூ.3,258 கோடியில் சுமார் 4.61% அதாவது, ரூ.150 கோடியை இந்த நிறுவனத்தின் கடன் பத்திரங்களில் முதலீடு செய்திருக்கிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

பாதிப்புக்குள்ளான முதலீட்டாளர்கள்

யூ.டி.ஐ கிரெடிட் ரிஸ்க் ஃபண்ட் மற்றும் ரிலையன்ஸ் அல்ட்ரா ஷார்ட் டியூரேசன் ஃபண்டுகளில் முதலீடு செய்திருக்கும் முதலீட்டாளர்கள், தற்போதைய சூழ்நிலையை எப்படிச் சமாளிப்பது எனத் தெரியாமல் கவலையில் ஆழ்ந்திருக்கிறார்கள். காரணம், யூ.டி.ஐ கிரெடிட் ரிஸ்க் ஃபண்டின் ஓராண்டு வருமானம் -3.8 சதவிகிதமாகவும் மூன்றாண்டு வருமானம் 2.98 சதவிகிதமாகவும் இருக்கிறது. அதேபோல, ரிலையன்ஸ் அல்ட்ரா ஷார்ட் டியூரேசன் ஃபண்ட் வருமானம் ஓராண்டு மற்றும் மூன்றாண்டுகள் முறையே 1.82% மற்றும் 4.70 சதவிகிதமாகக் காணப்படுகிறது.

திவாலான ஆல்டிகோ கேப்பிட்டல்...  ஃபண்ட் முதலீட்டில் என்ன பாதிப்பு?

இந்தப் பிரச்னை குறித்து யூ.டி.ஐ மியூச்சுவல் ஃபண்டு நிறுவன வட்டாரத்தில் பேசினோம். “ஆல்டிகோ கேப்பிட்டல் நிறுவனத்திடமிருந்து முதலீட்டுப் பணத்தைத் திரும்பப் பெறும்வரை, தற்காலிகமாக யூ.டி.ஐ. கிரெடிட் ரிஸ்க் ஃபண்டில் ஆல்டிகோ கேப்பிட்டல் கடன் பத்திர முதலீடு, தனி போர்ட்ஃபோலியோவாகப் பராமரிக்கப்படும். முதலீட்டாளர்களுக்கு, பிரதான போர்ட்ஃபோலியோவின் என்.ஏ.வி மதிப்புக்கேற்ப பணம் வழங்கப்படும். ஆனால், இந்த ஃபண்டில் இப்போதைக்குப் புதிய முதலீட்டை மேற்கொள்ள முடியாது” என்றனர்.

இதேபோல, ரிலையன்ஸ் மியூச்சுவல் ஃபண்ட் முதலீடுகளும் பாதிக்கப்பட்டுள்ளதால், அந்த நிறுவனமும் போர்ட்ஃபோலியோவை மாற்றி அமைப்பதற்கான நடவடிக்கைகளை மேற் கொண்டுவருகிறது. இந்த ஃபண்டில் முதலீடு செய்துள்ள முதலீட்டாளர்கள் உடனடியாக நடவடிக்கை எடுப்பது நல்லது!