Published:Updated:

நீண்டகால முதலீடு... லாபம் பார்க்கும் சூட்சுமங்கள்! - வழிகாட்டும் ஆலோசனைகள்..!

முதலீடு
பிரீமியம் ஸ்டோரி
முதலீடு

நீண்டகாலத்தில் ஒரு நிறுவனத்தில் நிகர லாப அதிகரிப்பும், ஒரு பங்கு வருமான அதிகரிப்பும் கிட்டத்தட்ட ஒன்றுபோலத்தான் இருக்கும்.

நீண்டகால முதலீடு... லாபம் பார்க்கும் சூட்சுமங்கள்! - வழிகாட்டும் ஆலோசனைகள்..!

நீண்டகாலத்தில் ஒரு நிறுவனத்தில் நிகர லாப அதிகரிப்பும், ஒரு பங்கு வருமான அதிகரிப்பும் கிட்டத்தட்ட ஒன்றுபோலத்தான் இருக்கும்.

Published:Updated:
முதலீடு
பிரீமியம் ஸ்டோரி
முதலீடு
ங்குச் சந்தையின் போக்கு எப்படியிருக்கும் என்பது பலராலும் பதில் சொல்ல முடியாத கேள்வி. ஆனால், பங்குச் சந்தை பற்றி நாம் சரியாகத் தெரிந்துகொள்வதைவிட தப்பும் தவறுமாகத் தெரிந்துவைத்திருப்பதே அதிகம். பங்குச் சந்தை குறித்த சரியான புரிந்துகொள்ளலை நம்மிடையே உருவாக்குவதாக இருந்தது நாணயம் விகடன் சமீபத்தில் நடத்திய நிகழ்ச்சி.

இந்த நிகழ்ச்சியில் யூனிஃபை கேப்பிட்டல் நிறுவனத்தின் செயல் இயக்குநர் ஜி.மாறன் பேசினார். இவர் பங்குச் சந்தை முதலீட்டில் சுமார் முப்பது ஆண்டுகளுக்கு மேலான அனுபவம்கொண்டவர். முதலீட்டு குருவான வாரன் பஃபெட்டை நேரில் சந்தித்துப் பேசிய அனுபவம் இவருக்கு உண்டு. வாரன் பஃபெட்டின் உரைகளைத் தொகுத்து ஒரு புத்தகமாகவும் வெளியிட்டிருக்கிறார். நாணயம் விகடன் நடத்திய இந்த நிகழ்ச்சியில் ‘பங்குச் சந்தை சுழற்சிகளும் வாய்ப்புகளும்’ என்ற தலைப்பில் அவர் பேசினார். இனி அவர் பேசியதிலிருந்து...

முதலீடு
முதலீடு

பதில் தெரியாத கேள்விகள்..!

`பொருளாதாரத்துக்கும் பங்குச் சந்தைக்கும் தொடர்பிருக்கிறதா’, `சந்தை ஏறினாலும் நாம் வாங்கிய பங்கு பழைய விலைக்கு வரவில்லையே’, `பங்குச் சந்தை இப்போது உயர்ந்துவிட்டது... இனி என்ன செய்யவேண்டும்’, `இன்னும் இறங்கினால் முதலீடு செய்யலாமா?’ - இவைதான் பல முதலீட்டாளர்களின் மனதில் இருக்கும் விடை தெரியாத கேள்விகள்.

இந்த மூன்று கேள்விகளுக்கும் ஒரே பதில்தான். அது, பங்குச் சந்தைச் சுழற்சியை (Cycle) கவனித்து முதலீடு செய்ய வேண்டும் என்பது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அனைத்து முதலீடுகளிலும் இந்தச் சுழற்சி இருக்கும்!

பங்குச் சந்தை மட்டுமல்ல, எல்லா முதலீடுகளுக்கும் சுழற்சி என்பது நிச்சயமான ஒன்று. ரியல் எஸ்டேட்டை எடுத்துக் கொண்டால், அதுவும் சுழற்சியின் அடிப்படையில் இயங்கக்கூடியதே. அதில், குறிப்பிட்ட காலத்துக்கு தொடர் ஏற்றம் இருக்கும். அதைத் தொடர்ந்து, குறிப்பிட்ட காலத்துக்கு இறக்கம் இருக்கும்.

முதலீடு
முதலீடு

தங்கம் விலை மாற்றமும் ஒரு சுழற்சிதான். 2002-லிருந்து 2012 வரை தங்கம் விலை பிரமாதமாக ஏறியது. 2013 முதல் 2017 வரை தங்கம் கிட்டத்தட்ட ஒரே விலையில்தான் வர்த்தகமானது. கடந்த சில ஆண்டுகளாக, தங்கத்தின் விலை ஏறிக்கொண்டிருக்கிறது. ஒவ்வொரு சொத்துப் பிரிவின் விலை மாற்றமும் ஒரு சைக்கிள்தான். அதைப் புரிந்துகொண்டால், எதில் எப்போது முதலீடு செய்ய வேண்டும், எதில் எப்போது முதலீட்டை அதிகரிக்க வேண்டும் அல்லது குறைக்க வேண்டும், எந்த நேரத்தில் எதில் முதலீடு செய்யவே கூடாது என்பதை நம்மால் முடிவு செய்ய முடியும்.

பங்கு வருமானமும் நிறுவனத்தின் வருவாயும்!

ஒரு நபர் ஒரு நிறுவனத்தில் பங்கு முதலீட்டை மேற்கொள்கிறாரென்றால், அவர் அந்த நிறுவனத்தின் பங்குதாரர்களில் ஒருவராக மாறுகிறார். அப்போது அந்த நிறுவனத்தின் பங்கு வருமானத்தை (Earnings Per Share-EPS) நிச்சயமாக கவனிக்க வேண்டும்.

கடந்த 10, 20, 30 வருடங்களில் ஒரு நிறுவனத்தின் இ.பி.எஸ் வளர்ச்சியும், நிறுவனத்தின் வருவாய் வளர்ச்சியும் கிட்டத்தட்ட ஒன்றுபோல்தான் ஏறியிருக்கும். நிறுவனத்தில் லாபம் குறைந்துகொண்டே வந்தால், பங்கின் விலையும் குறைந்துகொண்டே வரும். இதற்கும் ஒட்டுமொத்த பங்குச் சந்தையின் செயல்பாட்டுக்கும் எந்தத் தொடர்பும் கிடையாது.

அதேபோல, ஒரு நிறுவனத்தின் லாபம் ஏறிக்கொண்டே சென்றால், பங்குச் சந்தை இறங்கினாலும் அந்த நிறுவனத்தின் பங்கு விலையும் ஏறிக்கொண்டேயிருக்கும். அதாவது, சந்தை இறக்கத்தில் இருந்தாலும் இந்தப் பங்கின் விலை உயர்ந்துகொண்டே செல்லும். ஆக, ஒட்டுமொத்த சந்தையின் செயல்பாட்டைப் பிரதிபலிக்கும் சென்செக்ஸ், நிஃப்டி குறியீட்டின் செயல்பாட்டுக்கும் குறிப்பிட்ட ஒரு நிறுவனத்தின் பங்கு விலை உயர்வுக்கும் அல்லது இறக்கத்துக்கும் தொடர்பு கிடையாது.

நீண்டகால முதலீடு... லாபம் பார்க்கும் சூட்சுமங்கள்! - வழிகாட்டும் ஆலோசனைகள்..!

நீண்டகாலத்தில் ஒரு நிறுவனத்தில் நிகர லாப அதிகரிப்பும், ஒரு பங்கு வருமான அதிகரிப்பும் கிட்டத்தட்ட ஒன்றுபோலத்தான் இருக்கும். ஒரு பங்கின் விலை தினசரி மாறும். ஆனால், நிறுவனம் சம்பாதிக்கும் லாபம் தினசரி மாறுவதில்லை.

வருமானம் உயர்ந்தால், பி.இ உயரும்!

ஒரு நிறுவனத்தின் வருமானம் அதிகரிக்கும் போது, அதன் பி.இ (PE) விகிதம் உயரும். அதே நிறுவனத்தின் வருமானம் குறையும்போது பி.இ விகிதம் குறையும். இதற்குப் பல காரணங்கள் இருக்கின்றன. குறுகியகாலத்தில் வருமானம் கூடியிருக்கும்; ஆனால், பி.இ விகிதம் குறைந்திருக்கும். வெளிநாட்டு நிதி நிறுவன முதலீட்டாளர்கள் (எஃப்.ஐ.ஐ-க்கள்), இந்திய மியூச்சுவல் ஃபண்ட், இன்ஷூரன்ஸ் நிறுவனங்கள் (டி.ஐ.ஐ-க்கள்) பங்குகளை விற்றதால் ஏற்பட்ட விளைவாக இருக்கலாம்.

நீண்டகால முதலீடு... லாபம் பார்க்கும் சூட்சுமங்கள்! - வழிகாட்டும் ஆலோசனைகள்..!

`பி.இ விகிதம்’ என்பது மார்க்கெட் சைக்கிள்; `வருமானம்’ என்பது பிசினஸ் சைக்கிள். சந்தை எதிர்பார்ப்பதைவிட நிறுவனத்தின் வருமானம் அதிகமாக ஏறியிருந்தால் பங்கு விலை ஏறும்.

நிறுவனத்தின் பின்னணி!

நல்ல நிறுவனத்தில், நீண்டகாலத்தில் பி.இ விகிதம் மற்றும் வருமான அதிகரிப்பு ஒன்றுபோல் இருக்கும் என்று ஏற்கெனவே பார்த்தோம். ஒரு பங்கை முதலீட்டுக்குத் தேர்வு செய்வதற்கு முன்னர் அந்த நிறுவனத்தை யார் நடத்துகிறார்கள், அதன் எதிர்காலம் எப்படியிருக்கும் என்பதை கவனித்துத்தான் முதலீட்டை மேற்கொள்ள வேண்டும். பி.இ விகிதம் குறைவாக இருக்கிறது என்பதற்காக முதலீடு செய்யக் கூடாது.

வர்த்தகம் - முதலீடு என்ன வித்தியாசம்?

`பங்குச் சந்தை ஏறும்போது பி.இ விகிதம் ஏறும்’ என்ற எண்ணத்தில் வாங்கினால், அது ஊக வணிகம் (Speculation). நாம் அதிக விலை கொடுத்து வாங்குவதால், நம்மிடமிருந்து இன்னொருவர் அதிக விலை கொடுத்து வாங்குவார் என்று எதிர்பார்க்க முடியாது. `அடுத்த வாரம் பங்கு விலை ஏறும்’ என்று நினைத்து பங்கு வாங்குவது வர்த்தகம் (Trading). `ஒரு நிறுவனத்தின் வருவாய், லாபம் அடுத்தடுத்த வருடங்களில் உயரும்’ என்று நினைத்து பங்குகளை வாங்குவது முதலீடு (Investing). வெற்றிகரமான முதலீட்டாளர்களான வாரன் பஃபெட், ராகேஷ் ஜுன்ஜுன்வாலா ஆகியோரின் மொத்த போர்ட்ஃபோலியோவில் முதலீட்டின் மூலம் கிடைத்த லாபம் 90-95 சதவிகிதமாக இருக்கிறது. அதிலும் அவர்களின் போர்ட்ஃபோலியோவில் பல நிறுவனப் பங்குகள் இருந்தாலும். 5-10 கம்பெனிகள் மூலம் கிடைத்த லாபம்தான் 70-90 சதவிகிதத்துக்குமேல் இருக்கிறது.

முதலீடு
முதலீடு

நமக்கு தைரியமில்லை!

சுந்தரம் ஃபைனான்ஸ் நிறுவனப் பங்கு 2008-2014 வரை 300 சதவிகிதத்துக்கு மேல் வருமானம் தந்திருக்கிறது. இந்த நிறுவனத்தில் எஃப்.டி போட நமக்கு நம்பிக்கை இருக்கிறது. ஆனால், அதன் பங்குகளில் முதலீடு செய்ய நமக்கு நம்பிக்கை இல்லை. முன்னணி முதலீட்டாளர் தமானி, அவரின் முதலீட்டுக் காலம் `குறைந்தபட்சம் 15 ஆண்டுகள்’ என்பார். வாரன் பஃபெட் `சுமார் 30 ஆண்டுகள்’ என்பார். ஒரு பிசினஸ் முழு சுழற்சி நடந்து முடிக்க 10, 15 ஆண்டுகள் ஆகும் . ஒரு நிறுவனத்தின் ஒரு காலாண்டின் நிதிநிலை முடிவைப் பார்த்து முதலீட்டு முடிவை எடுக்கக் கூடாது. ஒரு நிறுவனத்தின் வருமானம் ஏறினால், அதைத் தொடர்ந்து பங்கின் விலை ஏறும். நீண்டகாலத்தில் ஒரு நிறுவனத்தின் வருவாய் அளவு ஏறினால், பங்கு விலை தானே ஏறும்.

ஒரு நிறுவனத்தின் பங்கின் விலை தொடர்ந்து ஏறினாலும் அந்த நிறுவனத்தின் வணிகம் என்ன, அதன் நிறுவனர் யார், அவர் என்ன செய்கிறார் என்பது வெளிப்படையாகத் தெரியவில்லை யென்றால் அந்த நிறுவனத்தின் பங்கை வாங்காமல் இருப்பது நல்லது.

ஜி.டி.பி-யும் பங்கு விலையும்!

பொதுவாக, பொருளாதாரம் நன்றாகச் செயல்பட்டால் ஜி.டி.பி உயரும். இந்த ஜி.டி.பி ஏறினாலும் இறங்கினாலும் ஒரு சில நிறுவனப் பங்கு விலை உயரக்கூடும். இந்திய ஜி.டி.பி-யில் ரியல் எஸ்டேட் பங்களிப்பு 15 சதவிகிதமாக இருக்கிறது. இதுவே நிஃப்டியில் ரியல் எஸ்டேட் பங்களிப்பு வெறும் 2 சதவிகிதம்தான். இந்த 2% பங்கு விலை உயர்ந்தாலும் சந்தை உயரும் என்று சொல்ல முடியாது.

பங்கு முதலீடு என்பது குறுகியகால வாக்குப் பதிவு இயந்திரம் போன்றது. அது காலையில் ஒரு டிரெண்டைக் காட்டும், மாலையில் வேறொரு டிரெண்டைக் காட்டும். ஆனால், ஜி.டி.பி என்பது நீண்டகாலத்தில் ஒரு எடை மெஷினைப் போன்றது. அது ஒரே எடையைத்தான் எப்போதும் காட்டும்.

நீண்டகால முதலீடு... லாபம் பார்க்கும் சூட்சுமங்கள்! - வழிகாட்டும் ஆலோசனைகள்..!

நிறுவனர்களின் பங்கு அதிகம்

இந்தியப் பங்குச் சந்தையை எடுத்துக்கொண்டால், அதில் நிறுவனர்கள் 55%, வெளிநாட்டு நிதி நிறுவனங்கள் 20%, உள்நாட்டு நிதி நிறுவனங்கள் (மியூச்சுவல் ஃபண்ட், இன்ஷூரன்ஸ் நிறுவனங்கள்) 13%, சிறு முதலீட்டாளர்கள் 12% எனக் கலந்து இருக்கிறார்கள். அமெரிக்காவை எடுத்துக் கொண்டால், பட்டியலிடப்பட்ட நிறுவனங்களில் நிறுவனர்களின் பங்கு மூலதனம் சுமார் 5 சதவிகிதம்தான் இருக்கும். இந்தியாவில் இதில் மிக அதிகமாக (55%) இருக்கிறது. ரிலையன்ஸ் நிறுவனத்தில் நிறுவனர்களின் பங்கு மூலதனம் 48%, டி.சி.எஸ் நிறுவனத்தில் 75% என இருக்கிறது. பொருளாதார வளர்ச்சி என்பது வேறு; பங்குச் சந்தை வளர்ச்சி என்பது வேறு.

சந்தை உச்சத்தில் முதலீடு!

பங்குச் சந்தை உச்சத்தில் இருக்கும்போது, நிறுவனப் பங்குகளின் கடந்தகாலச் செயல்பாடுகள் சிறப்பாக இருக்கும். அப்போது முதலீடு செய்தால், அடுத்த இரண்டு ஆண்டுகளுக்குக் குறைவான வருமானம்தான் கிடைக்கக்கூடும். அதே நேரத்தில், சந்தை இறங்கியிருக்கும் நேரத்தில் வாங்கினால், அடுத்த இரண்டு ஆண்டுகளில் நல்ல லாபம் கிடைக்கக்கூடும்.

அந்நிய நிதி நிறுவன முதலீட்டாளர்கள், இந்திய மியூச்சுவல் ஃபண்ட் நிறுவனங்கள், இன்ஷூரன்ஸ் நிறுவனங்கள் எப்போது பங்குகளை வாங்குகின்றன, எப்போது விற்கின்றன என்பதை நாம் கவனிக்கிறோம். அதே நேரத்தில் ஒரு நிறுவனத்தின் நிறுவனர்கள் என்ன செய்கிறார்கள் என்பதையும் கவனிக்க வேண்டும். கடந்த 2014, 2015, 2016-ம் ஆண்டுகளில் பங்குச் சந்தை ஏறியபோது நிறுவனர்கள் அவர்களின் பங்கு மூலதனத்தைக் கணிசமாகக் குறைத்து வெளியேறி யிருக்கிறார்கள். அதாவது அதிக விலையில் பங்குகளை விற்று லாபம் பார்த்திருக்கிறார்கள்.

நிறுவனர்கள், பங்குகளை வாங்கும்போது, அதைக் கவனித்து முதலீட்டாளர்களும் வாங்கினால், நீண்டகாலத்தில் நல்ல லாபம் பார்க்க முடியும்!

நீண்டகால முதலீடு... லாபம் பார்க்கும் சூட்சுமங்கள்! - வழிகாட்டும் ஆலோசனைகள்..!

ஐ.பி.ஓ – உஷார்!

பொதுவாக, பங்குச் சந்தை உச்சத்தில் இருக்கும்போதுதான் புதிய பங்கு வெளியீடுகள் (ஐ.பி.ஓ) வரும். காரணம், அதிக நிதி திரட்ட வேண்டும் என்பது நிறுவனங்களின் முக்கியக் குறிக்கோளாக இருப்பதுதான். இதில் முதலீட்டாளர்கள் மாட்டிக்கொள்ளக் கூடாது. மேலும், நிறுவனத்தின் கடந்தகாலச் செயல்பாடு எப்படி இருந்தது என்பதை கவனிக்க, போதிய புள்ளிவிவரங்கள் பொதுவெளியில் கிடைப்பது கடினம்!