Published:Updated:

விட்டுக் கடனை அடைக்க எஸ்.ஐ.பி முதலீடு!

நானும் எஸ்.ஐ.பியும்!

பிரீமியம் ஸ்டோரி

பெங்களூரைச் சேர்ந்தவர் வெங்கடேஷ் தயாளன். 40 வயதாகும் இவருக்கு மனைவி, மகன் (10 வயது) என்கிற சிறு குடும்பம். நாணயம் விகடன் இதழ் படித்துத்தான் மியூச்சுவல் ஃபண்டில் முதலீடு செய்து வருகிறார். அவர் மேற்கொண்டு வரும், மியூச்சுவல் ஃபண்ட் எஸ்.ஐ.பி முதலீட்டு அனுபவத்தை நம்முடன் விரிவாகப் பகிர்ந்துகொண்டார்.

விட்டுக் கடனை அடைக்க எஸ்.ஐ.பி முதலீடு!

“சேலம் மற்றும் கோயம்புத்தூர் நகரங்களில் நாணயம் விகடன் சார்பாக நடந்த மியூச்சுவல் ஃபண்ட் விழிப்புஉணர்வுக் கூட்டங் களில் கலந்துகொண்டேன். அப்போதுதான் பங்குச் சந்தை சார்ந்த மியூச்சுவல் ஃபண்டுகள் (ஈக்விட்டி ஃபண்டுகள்) நீண்ட காலத்தில் நல்ல வருமானம் கொடுக்கும் என்பதை நான் தெளிவாக அறிந்துகொண்டேன்.

வீட்டுக் கடன் இருக்கிறது. மாதந்தோறும் இ.எம்.ஐ கட்டி வருகிறேன். அதற்கான வட்டி 9% ஆக இருக்கிறது. ஆனால், ஈக்விட்டி மியூச்சுவல் ஃபண்ட் முதலீடு மூலம் நீண்ட காலத்தில் குறைந்தபட்சம் 12% வருமானம் எதிர்பார்க்கலாம் என்பதால், இ.எம்.ஐ தொகையை மட்டும் கட்டி வருகிறேன். கூடுதலான தொகையை ஈக்விட்டி மியூச்சுவல் ஃபண்டுகளில் முதலீடு செய்து வருகிறேன்.

தற்போது மாதம் 25,000 ரூபாய் எஸ்.ஐ.பி முறையில் மியூச்சுவல் ஃபண்டுகளில் முதலீடு செய்து வருகிறேன். இது 10, 15 ஆண்டுக் காலத்துக்கான முதலீடாகும். முதலீட்டு மீதான ரிஸ்க்கைக் குறைக்க லார்ஜ்கேப், மிட்கேப், ஸ்மால்கேப் ஃபண்டுகளில் பிரித்து முதலீடு செய்து வருகிறேன்.

விட்டுக் கடனை அடைக்க எஸ்.ஐ.பி முதலீடு!

நீண்ட காலத்தில் இந்த ஃபண்ட் முதலீடு மூலம் கிடைக்கும் தொகையைக் கொண்டு மகன் மேற்படிப்பு, கல்யாணம், எங்களின் ஓய்வுக்காலம் ஆகியவற்றை மேற்கொள்ள உள்ளோம். மேலும், பாக்கியிருக்கும் வீட்டுக் கடனையும் முழுமையாக அடைக்க உள்ளோம். மேலும், சம்பளம் அதிகரிக்க அதிகரிக்க அடுத்து வரும் ஆண்டுகளில் எஸ்.ஐ.பி முதலீட்டையும் அதிகரிக்க உள்ளேன்.

தற்போதைய நிலையில் பங்குச் சந்தை மிகவும் இறங்கியுள்ளது. இருந்தாலும், எஸ்.ஐ.பி முதலீடு களை நிறுத்தவில்லை. அதேநேரத்தில், ஃபிக்ஸட் டெபாசிட்டில் ரூ.1 லட்சம் முதலீடு செய்துள்ளேன். பங்குச் சந்தை ஓரளவுக்கு நிலைபெறத் தொடங்கியதும், அந்தத் தொகையை ஈக்விட்டி மியூச்சுவல் ஃபண்டுகளுக்கு மாற்றிவிடுவேன்” என்றார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

உங்களின் எஸ்.ஐ.பி முதலீட்டு அனுபவங்களை finplan@vikatan.com என்ற மெயிலுக்கு அனுப்பிவைக்கலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு