Published:Updated:

“தொழில் லாபத்தில் ஒரு பகுதியை எஸ்.ஐ.பி-யில் முதலீடு செய்கிறேன்!”

SIP
பிரீமியம் ஸ்டோரி
News
SIP

நானும் எஸ்.ஐ.பியும்!

பொதுவாக, தொழிலில் இருப்பவர்கள் லாபம் முழுவதையும் தொழிலில் மட்டுமே போடுவார்கள். இதில் கிடைக்கும் லாபம் முழுவதையும் தொழிலில் முதலீடு செய்வது பல நேரங்களில் நிதிச் சிக்கலை உருவாக்கிவிடும். அதாவது, தொழிலில் ஏதாவது மந்தநிலை ஏற்பட்டால் இதர தேவைகளை, இலக்குகளை நிறைவேற்றுவதில் சிக்கல் ஏற்படும். அப்படி ஏற்படக்கூடாது என்பதற்காகத் தொழில்மூலம் பெறும் லாபத்தின் ஒரு பகுதியை மியூச்சுவல் ஃபண்டுகளில் முதலீடு செய்துவருகிறேன் என்கிறார் சென்னையை அடுத்த பம்மலைச் சேர்ந்த உமாபதி என்பவர்.

45 வயதாகும் இவர் அந்தப் பகுதியில் மளிகைக் கடை வைத்திருக்கிறார். இவர் தன் தொழில் மூலம் கிடைக்கும் லாபத்தில் ஒரு பகுதியை ஒதுக்கி, தொடர்ச்சியாக மியூச்சுவல் ஃபண்டில் முதலீடு செய்து வருகிறார்.

SIP
SIP

“கடந்த எட்டு வருடங்களுக்குமுன், மியூச்சுவல் ஃபண்டில் சிஸ்டமேட்டிக் இன்வெஸ்ட்மென்ட் பிளான் (எஸ்.ஐ.பி) முறையில் முதலீடு செய்ய ஆரம்பித்தேன். ஆரம்பத்தில் மாதம் ரூ.1,000 முதலீடு செய்தேன். இப்போது மாதம் ரூ.13,000 முதலீடு செய்து வருகிறேன். இந்த முதலீடுகளை எங்கள் இரண்டு மகள்களின் மேற்படிப்பு மற்றும் கல்யாணச் செலவுகளுக்காக மேற்கொண்டு வருகிறோம்.

மூத்த மகள் இந்துமதி கல்லூரிப் படிப்பை முடித்துவிட்டு, தற்போது எம்.பி.ஏ படித்துக்கொண்டிருக்கிறார். இளைய மகள் காயத்ரி பிளஸ் டூ படித்து வருகிறார்.

பங்குச் சந்தை இறக்கத்தால், ஈக்விட்டி மியூச்சுவல் ஃபண்டுகளின் என்.ஏ.வி மதிப்புக் குறைந் தால் கவலைப்படுவதில்லை. காரணம், இதுகுறித்த விஷயங்களை, நான் முதலீடு செய்யும் முன்னரே என் நிதி ஆலோசகர் ஜெயசங்கர் விளக்கிச் சொல்லியிருந்தார்.

தற்போது பங்குச் சந்தை இறக்கத்தால் பல நல்ல ஃபண்டுகளில் என்.ஏ.வி நன்றாகவே இறங்கியுள்ளது. ஆனால், இதர செலவு களுக்குப் பணம் தேவைப் படுவதால் இப்போது கூடுதலாக முதலீடு செய்ய முடியவில்லை. எஸ்.ஐ.பி முதலீட்டை நிறுத்தாமல் மேற்கொண்டு வருகிறேன்.

இதற்குமுன் ஆர்.டி, எஃப்.டி, தங்கம் போன்ற வற்றிலும் முதலீடு செய்தேன். இப்போது அவற்றை நிறுத்தி விட்டேன். காரணம், வரிக்குப் பிந்தைய நிலையில் இந்த முதலீடுகள் அதிக லாபகரமாக இல்லை. தங்க நகையாக வாங்கும்போது, செய்கூலி, சேதாரம், ஜி.எஸ்.டி என நிறைய செலவாகி விடுகிறது. இதனால், தங்கம் வாங்கும் தொகையையும் இப்போது மியூச்சுவல் ஃபண்டில் முதலீடு செய்து வருகிறேன்” என்றார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

உங்களின் எஸ்.ஐ.பி முதலீட்டு அனுபவங்களை finplan@vikatan.com என்ற மெயிலுக்கு அனுப்பிவைக்கலாம்.