Published:Updated:

ஐ.பி.ஓ வரும் ஐ.ஆர்.சி.டி.சி நிறுவனம்... முதலீடு செய்யலாமா?

ஐ.பி.ஓ
பிரீமியம் ஸ்டோரி
News
ஐ.பி.ஓ

ஐ.பி.ஓ

.ஆர்.சி.டி.சி. எனச் சுருக்கமாக அழைக்கப்படும், ‘இந்தியன் ரயில்வே கேட்டரிங் அண்டு டூரிஸ்ட் கார்ப்பரேஷன்’ (IRCTC) நிறுவனம் வருகிற செப்டம்பர் 30-ம் தேதியன்று ஐ.பி.ஓ வெளியிடுகிறது. இந்த நிறுவனத்தில் முதலீடு செய்யலாமா, வேண்டாமா என்கிற கேள்விக்கான பதிலைப் பார்ப்போம்.

ஐ.பி.ஓ வரும் ஐ.ஆர்.சி.டி.சி நிறுவனம்... முதலீடு செய்யலாமா?

பொதுத்துறை நிறுவனம்

ஐ.ஆர்.சி.டி.சி நிறுவனம் ஒரு பொதுத்துறை நிறுவனம் என்பதையும் தாண்டி, அனைவருக்கும் மிகவும் பரிச்சயமான நிறுவனம். இந்த நிறுவனம் ஆன்லைன் டிக்கெட் முன்பதிவு, கேட்டரிங், ‘ரயில் நீர்’ என்கிற பிராண்டின் கீழ் குடிநீர் விநியோகம், டிராவல் அண்டு டூரிஸம் என்கிற நான்கு பிரிவுகளின்கீழ் தனது வணிகத்தை மேற்கொண்டுவருகிறது. இதுதவிர, தனது வாடிக்கையாளர்களின் நலனுக்காக இ-கேட்டரிங், ஹோட்டல் புக்கிங் போன்ற சேவைகளையும் வழங்கிவருகிறது. இதன் irctc.co.in என்கிற வலைதளத்தில் மட்டும் கடந்த ஏப்ரல் முதல் ஆகஸ்ட் வரையில் மாதம் ஒன்றுக்குத் தோராயமாக 2.5 - 2.8 கோடி என்கிற எண்ணிக்கையில் பணப்பரிமாற்ற நடவடிக்கைகள் மேற்கொள்ளப்பட்டுள்ளன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

அதிகரிக்கும் வருமானம்

கடந்த மார்ச் 31-ம் தேதி நிலவரப்படி, இந்த நிறுவனத்தின் மொத்த வருமானம் 27% அதிகரித்து, ரூ.1,867.88 கோடியாக இருக்கிறது. இது இதற்கு முந்தைய ஆண்டின் இதே காலகட்டத்தில் ரூ.1,470.46 கோடியாக இருந்தது. எபிட்டா வருமானம் 2017-ல் ரூ.330 கோடியாக இருந்தது, 2018-ல் ரூ.319.07 கோடியாகக் குறைத்தது. தற்போது மீண்டும் 398.98 கோடி ரூபாயாக இருக்கிறது. கடந்த மார்ச் 31-ம் தேதி நிலவரப்படி, இந்த நிறுவனத்தின் வரிக்கு முந்தைய வருமானம் மற்றும் வரிக்குப் பிந்தைய வருமானம் முறையே 429.96 கோடி ரூபாய் மற்றும் 272.60 கோடி ரூபாய் ஆகும்.

ஐ.பி.ஓ வெளியீடு

ஐ.ஆர்.சி.டி.சி, நிறுவனம் இந்தப் புதிய பங்கு வெளியீட்டின்மூலம் தோராயமாக 645 கோடி ரூபாய் வரை திரட்டத் திட்டமிட்டிருப்பதாகத் தெரிகிறது. மேலும், இந்தப் பங்கு வெளியீட்டின் போது, 10 ரூபாய் முகமதிப்புள்ள சுமார் 2 கோடி பங்குகளை, மத்திய அரசு விற்பனை செய்ய இருக்கிறது.

இந்த நிறுவனத்தின் 100 சதவிகித பங்குகள் மத்திய அரசின் வசமுள்ள நிலையில், தற்போது, 12.5% பங்குகளை மத்திய அரசாங்கம் முதலீட்டாளர்களுக்கு விற்கவிருக்கிறது. பங்கு விலைப்பட்டை 315 ரூபாய் முதல் 320 வரை நிர்ணயித்திருக்கிறது. இந்த ஐ.பி.ஓ வெளியீடு வருகிற 30-ம் தேதி ஆரம்பமாகி, அக்டோபர் 3-ம் தேதி முடிவடைகிறது.

ஐ.பி.ஓ வரும் ஐ.ஆர்.சி.டி.சி நிறுவனம்... முதலீடு செய்யலாமா?

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

முதலீடு செய்யலாமா?

இந்த நிறுவனத்தின் வருமான வளர்ச்சி விகிதத்தை வைத்துப் பார்க்கும்போது, இந்த நிறுவனம் லாபகரமான பாதையில்தான் பயணித்துக்கொண்டிருக்கிறது. மேலும், இந்தப் பங்கு வெளியீட்டு விலையானது கவர்ச்சிகரமான தாக அமைக்கப்பட்டிருக்கிறது. ஒரு பிரிவில் மட்டுமல்லாமல், நான்கு பிரிவுகள் என இதன் வணிகம் இருப்பதால், இந்த நிறுவனத்தின் வளர்ச்சி இன்னும் அதிகரிக்கும் என்றே எதிர் பார்க்கப்படுகிறது. எனவே, நீண்ட கால நோக்கில் இந்த ஐ.பி.ஓ-வில் முதலீடு செய்யலாம்.