Published:Updated:

டிவிடெண்ட் ஆப்ஷன் சிறந்த தேர்வா? - ஃபண்ட் முதலீட்டு டிப்ஸ்

ஃபண்ட் கிளினிக்
பிரீமியம் ஸ்டோரி
ஃபண்ட் கிளினிக்

ஃபண்ட் கிளினிக்

டிவிடெண்ட் ஆப்ஷன் சிறந்த தேர்வா? - ஃபண்ட் முதலீட்டு டிப்ஸ்

ஃபண்ட் கிளினிக்

Published:Updated:
ஃபண்ட் கிளினிக்
பிரீமியம் ஸ்டோரி
ஃபண்ட் கிளினிக்

வயது 68. பின்வரும் ஃபண்டுகளில் 2016, 2017-ம் ஆண்டுகளில் எட்டு ஆண்டு இலக்குவைத்து முதலீடு செய்திருக்கிறேன். 13 மற்றும் 12 வயதாகும் பேரக் குழந்தைகளின் எதிர்காலத் தேவைகளுக்காக முதலீடு செய்திருக்கிறேன். தற்போது ஆறு ஃபண்டுகள் முதலீட்டுத் தொகையைவிட 1% முதல் 23% வரை குறைந்துவிட்டன. என் போர்ட்ஃபோலியோவில் என்னென்ன மாற்றங்கள் செய்ய வேண்டும்..? என் முதலீடுகள் பின்வருமாறு...

ஃப்ராங்க்ளின் இந்தியா ஸ்மாலர் கம்பெனீஸ் - ரூ.50,000, மிரே அஸெட் எமெர்ஜிங் புளூசிப் - ரூ.50,000, ஹெச்.டி.எஃப்.சி மிட்கேப் ஆப்பர்ச்சூனிட்டீஸ் - ரூ.50,000, ஹெச்.டி.எஃப்.சி ஸ்மால்கேப் - ரூ.1,00,000, சுந்தரம் ரூரல் இந்தியா கன்சம்ஷன் - ரூ.50,000, சுந்தரம் மிட்கேப் - ரூ.50,000, எல் & டி எமெர்ஜிங் பிசினஸஸ் ஃபண்ட் ரூ.1,00,000, எல் & டி இன்ஃப்ரா ஃபண்ட் - ரூ.50,000, ஐ.டி.எஃப்.சி இன்ஃப்ரா ஃபண்ட் - ரூ.1,00,000, டாடா இந்தியா கன்ஸ்யூமர் ஃபண்ட்- ரூ.50,000, நிப்பான் இந்தியா ஸ்மால்கேப்- ரூ.2,50,000, டி.எஸ்.பி ஸ்மால்கேப் - ரூ.60,000, இன்வெஸ்கோ இந்தியா கான்ட்ரா ஃபண்ட்- ரூ.1,00,000, இன்வெஸ்கோ இந்தியா குரோத் ஆப்பர்ச்சூனிட்டீஸ் - ரூ.1,00,000, ஆக்ஸிஸ் புளூசிப் - ரூ.1,00,000, ஆக்ஸிஸ் ஃபோகஸ்டு 25 ஃபண்ட்- ரூ.1,00,000, யூ.டி.ஐ ஈக்விட்டி ஃபண்ட் - ரூ.1,00,000, ஹெச்.டி.எஃப்.சி பேல்ன்ஸ்டு அட்வான்டேஜ் - ரூ.7,00,000 (இது மட்டும் மாத டிவிடெண்ட் ஃபண்ட். எனது தேவைக்காக).

- தசரதன், இராஜபாளையம்.

“முதலீட்டாளர்கள் 0.5-0.8% செலவைக் குறைப்பதற்காக டைரக்ட் ஃபண்ட் தேர்வு முறையில் முதலீட்டைச் செய்கிறார்கள். ஆனால், அவர்கள் எவ்வளவு ரிஸ்க் எடுக்கலாம், மார்க்கெட் நிலவரம் எப்படி உள்ளது, லார்ஜ்கேப், மிட்கேப், ஸ்மால்கேப் இவற்றில் எதில் முதலீடு செய்ய வேண்டும், எந்த விகிதாசாரத்தில் முதலீடு செய்தால் மூன்று அல்லது ஐந்து ஆண்டுகளில் எவ்வளவு வருமானம் கிடைக்கும் என்பதையெல்லாம் ஆராய்வதில்லை. இதற்குச் சரியான உதாரணம் உங்கள் போர்ட்ஃபோலியோ. 2017-ம் ஆண்டில் ஸ்மால்கேப் அதிக வருமானம் கொடுத்தது. அதன் அடிப்படையில் உங்கள் முதலீட்டில் 43% ஸ்மால்ேப்பில் முதலீடு செய்துள்ளீர்கள். அதன் விளைவு, 23% வரை உங்கள் முதலீடு அதிகபட்சமாகக் குறைந்திருக்கிறது. இனி முதலீடு செய்யும்போது காலத்தை நிர்ணயித்து, அதற்கேற்ப அஸெட் அலொகேஷன் செய்துகொள்வது சிறந்தது.

டிவிடெண்ட் ஆப்ஷன் சிறந்த தேர்வா? - ஃபண்ட் முதலீட்டு டிப்ஸ்

ஒட்டுமொத்த விகடனுக்கும் ஒரே ஷார்ட்கட்!

உங்கள் போர்ட்ஃபோலியோ இலக்குகளைப் பொறுத்து 20% லார்ஜ்கேப், 30% மல்டிகேப், 35% மிட் அண்ட் ஸ்மால்கேப், 15% ஹைபிரிட் ஃபண்ட் என மாற்றி அமைக்கப்பட்டுள்ளது (பார்க்க அட்டவணை). ஓய்வு பெற்றவர்களுக்கு மாதாந்தரக் குடும்பச் செலவுகள் இருக்கும் என்பதால், டிவிடெண்ட் ஆப்ஷனைத் தேர்வு செய்கிறார்கள். இது முற்றிலும் தவறு. உங்கள் மாதாந்தரச் செலவுகளைச் மேற்கொள்ள ‘சிஸ்டமேட்டிக் வித்ட்ராயல் பிளான்’ (SWP) எடுத்துக்கொள்வதே சரியானது. டிவிடெண்ட் ஆப்ஷனைவிட இது சிறந்தது. இப்படிச் செய்வதால், டிவிடெண்ட் டிஸ்ட்ரிபியூஷன் டாக்ஸைத் தவிர்க்கலாம்; நீண்டகாலத்தில் அதிக வருமானம் கிடைக்கவும் வாய்ப்புள்ளது. எஸ்.டபிள்யூ.பி முறையில் ஆண்டுக்கு 8 சதவிகிதத்துக்கு மேல் தொகையை எடுக்காமல் இருப்பது நல்லது.”

டிவிடெண்ட் ஆப்ஷன் சிறந்த தேர்வா? - ஃபண்ட் முதலீட்டு டிப்ஸ்

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer
Fund Clinic
Fund Clinic

தனியார் ஊழியரான எனக்கு வயது 36. மாத வருமானம் ரூ.30,000. என் மகளுக்கு வயது 5. ஆதித்ய பிர்லா சன் லைஃப் ஈக்விட்டி - ரூ.2,000, ஃப்ராங்க்ளின் டெம்பிள்டன் பில்ட் இந்தியா டைரக்ட்-ரூ.1,000, ஹெச்.டி.எஃப்.சி ஸ்மால்கேப் ஃபண்ட் டைரக்ட் - ரூ.1,000, ஐ.சி.ஐ.சி.ஐ புரூ. ஈக்விட்டி & டெப்ட் ஃபண்ட் - ரூ.3,000, கோட்டக் டாக்ஸ் சேவர் ஃபண்ட் டைரக்ட் - ரூ.3,000, மிரே அஸெட் எமெர்ஜிங் புளூசிப் டைரக்ட் -ரூ.3,000, எஸ்.பி.ஐ புளூசிப் டைரக்ட் - ரூ.2,000 என மாதந்தோறும் எஸ்.ஐ.பி முறையிலும், மிரே அஸெட் ஹைபிரிட் ஈக்விட்டி டைரக்ட் ஃபண்டில் ரூ.50,000 மொத்த முதலீடாகவும் செய்திருக்கிறேன். என் ஓய்வுக்காலத்துக்காகவும், என் மகளின் மேற்படிப்புக்காகவும், முதலீடு செய்து வருகிறேன். என் முதலீட்டில் மாற்றம் செய்ய வேண்டுமா?

- ஜெயராமன் பெருமாள், சென்னை-22.

“சிறு முதலீட்டார்கள் செக்டார் ஃபண்ட் தீம் ஃபண்டுகளைத் தவிர்ப்பது நல்லது. ஏனென்றால், சிறு முதலீட்டாளர்கள் சந்தை அதிக வருமானம் கொடுக்கும்போது பிராஃபிட் புக் செய்வதில்லை. எனவே, நீண்டகாலத்தில் இவர்கள் எடுக்கும் ரிஸ்க்குக்கேற்ற வருமானம் கிடைக்காமல் போய்விடுகிறது. நீங்கள் ஃப்ராங்க்ளின் பில்ட் இந்தியா ஃபண்டுக்கு பதிலாக மோதிலால் மிட்கேப் 30 ஃபண்டில் முதலீட்டை மாற்றிக்கொள்ளவும். ஹெச்.டி.எஃப்.சி ஸ்மால்கேப் ஃபண்டுக்குப் பதிலாக ஐ.சி.ஐ.சி.ஐ ஸ்மால்கேப் ஃபண்டுக்கு முதலீட்டை மாற்றவும். மற்ற ஃபண்டுகளில் முதலீட்டைத் தொடரவும்.”

ஃபண்ட் கிளினிக்
ஃபண்ட் கிளினிக்

ரிட்டயர்மென்ட் ஆன எனக்கு இப்போது வயது 63. கடந்த 2017-ம் ஆண்டு ரூ.15,000 எல் அண்ட் டி மிட்கேப் டைரக்ட் டிவிடெண்ட் ஃபண்டில் முதலீடு செய்தேன். டிவிடெண்ட் தவிர்த்து, தன் தற்போதைய மதிப்பு ரூ.11,472. எஸ்.ஐ.பி முறையில் 2017, ஜூலை முதல் மாதம் ரூ.5,000 மொத்தம் ரூ.65,000 எல் அண்ட் டி எமெர்ஜிங் பிசினஸ் டைரக்ட் டிவிடெண்ட் ஃபண்டில் முதலீடு செய்தேன். டிவிடெண்ட் தவிர்த்து ,தற்போதைய மதிப்பு ரூ.47,087. மேற்கண்ட திட்டங்களின் செலவு விகிதம் அடிக்கடி மாற்றப்பட்டுவருகிறது. முதலீட்டு மதிப்பும் அன்றாடம் குறைந்துகொண்டே வருகிறது. இந்த நிலையில் நான் வேறு எந்த ஃபண்ட் திட்டத்துக்கு மாறலாம்?

- இரா.சேது, மெயில் மூலமாக

“முதலீடு செய்த பிறகு எப்போதுமே லாபம் மட்டுமே கிடைக்கும் என்று நினைப்பது தவறு. பங்குச் சந்தை என்பது ஏற்ற இறக்கத்துக்கு உட்பட்டது. எஸ்.ஐ.பி-யில் முதலீடு செய்ய உகந்த நேரம் சந்தை இறங்குமுகமாக இருக்கும் நேரம்தான். சந்தை இறங்குமுகமாக இருந்தால் அதிக யூனிட்டுகள் கிடைக்கும். சந்தை ஏற்றத்தில் உங்கள் சராசரி என்.ஏ.வி நன்றாக இருக்கும். உங்களுக்கு வருமானம் அதிகமாகக் கிடைக்கவும் வாய்ப்பிருக்கிறது.

டிவிடெண்ட் ஆப்ஷன் சிறந்த தேர்வா? - ஃபண்ட் முதலீட்டு டிப்ஸ்

கடந்த இரண்டு ஆண்டுகளாக மிட்கேப், ஸ்மால்கேப் ஆகியவை ஏறுமுகத்தில் இல்லை. அத்துடன் நீங்கள் இந்தக் காலகட்டத்தில் டிவிடெண்ட் ஆப்ஷனைத் தேர்வு செய்ததும் தவறு. பொதுவாக, தினசரி என்.ஏ.வி ஏறி இறங்குவதைப் பார்த்து அச்சப்படுபவர்களுக்குப் பங்கு சார்ந்த முதலீடுகள் பொருத்தமாக இருக்காது. செலவு விகிதம் அன்றாடம் ஏறி இறங்குவதைப் பற்றியும் நீங்கள் கவலைப்பட வேண்டியதில்லை. நீங்கள் முதலீடு செய்திருக்கும் மிட்கேப் அண்ட் ஸ்மால்கேப் ஃபண்டுகளில் தொடர்ந்து முதலீடு செய்து வரவும். இன்னும் ஓரிரு ஆண்டுகளில் இந்த வகை ஃபண்டுகள் நல்ல வருமானம் கொடுக்க வாய்ப்பிருக்கிறது.’’

உங்கள் மாதாந்தரச் செலவுகளைச் மேற்கொள்ள ‘சிஸ்டமேட்டிக் வித்ட்ராயல் பிளான்’ (SWP) எடுப்பதே சரியானது.
ஃபண்ட் கிளினிக்
ஃபண்ட் கிளினிக்

தொகுப்பு: கா.முத்துசூரியா

உங்கள் ஃபண்ட் போர்ட்ஃபோலியோவை மாற்றியமைக்க வேண்டுமா? finplan@vikatan.com என்ற மெயில் முகவரிக்கு நீங்கள் முதலீடு செய்யும் ஃபண்டுகள் குறித்த விவரங்களை அனுப்பவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism