Published:Updated:

ஃபண்ட் கிளினிக் : கைகொடுக்கும் அஸெட் அலொகேஷன்!

ஃபண்ட் கிளினிக்
பிரீமியம் ஸ்டோரி
ஃபண்ட் கிளினிக்

சரியான முதலீட்டு வழிமுறை

ஃபண்ட் கிளினிக் : கைகொடுக்கும் அஸெட் அலொகேஷன்!

சரியான முதலீட்டு வழிமுறை

Published:Updated:
ஃபண்ட் கிளினிக்
பிரீமியம் ஸ்டோரி
ஃபண்ட் கிளினிக்

னக்கு வயது 38 ஆகிறது. எனக்கு ஏழு வயது மற்றும் மூன்று வயதில் இரண்டு குழந்தைகள் இருக்கிறார்கள். அவர்களின் எதிர்காலத் தேவைகளுக்குப் பயனுள்ள வகையில் என் போர்ட்ஃபோலியோவை அமைத்துத் தாருங்கள்.

நான் மாதந்தோறும் எஸ்.ஐ.பி முறையில் முதலீடு செய்துவரும் ஃபண்டுகள்... மிரே அஸெட் எமெர்ஜிங் புளூசிப் ஃபண்ட் ரூ.2,000, எல் அண்ட் டி எமெர்ஜிங் பிசினஸ் ஃபண்ட் ரூ.3,000, சுந்தரம் மிட்கேப் ஃபண்ட் ரூ.1,000, நிப்பான் இந்தியா டாக்ஸ் சேவர் ஃபண்ட் ரூ.1,000, எஸ்.பி.ஐ மிட்கேப் ஃபண்ட் ரூ.500, எஸ்.பி.ஐ ஸ்மால்கேப் ஃபண்ட் ரூ.500. இப்போது முதலீடு செய்துவரும் தொகையுடன் சேர்த்து என்னால் மொத்தம் ரூ.20,000 வரை முதலீடு செய்ய முடியும்.

- சிவா, மெயில் மூலமாக

“மியூச்சுவல் ஃபண்டில் முதலீடு செய்யும்போது நம்மால் எவ்வளவு ரிஸ்க் எடுக்க முடியும், அதற்கேற்ப எப்படியெல்லாம் நம்மால் முதலீட்டைப் பராமரிக்க முடியும், நாம் எடுக்கும் ரிஸ்க்குக்கு எவ்வளவு அதிக வருமானம் கிடைக்கும், பங்குச் சந்தை ஏற்ற இறக்கத்துக்கேற்ப நம் முதலீட்டு போர்ட்ஃபோலியோவை மாற்றியமைக்க முடியுமா என்பதையெல்லாம் ஆராய்ந்துதான் முதலீடு செய்ய வேண்டும்.

ஃபண்ட் கிளினிக் : கைகொடுக்கும் அஸெட் அலொகேஷன்!

ஒட்டுமொத்த விகடனுக்கும் ஒரே ஷார்ட்கட்!

உங்கள் போர்ட்ஃபோலியோவில் 75% அளவுக்கு மிட் அண்ட் ஸ்மால்கேப்பில் மட்டுமே முதலீடு செய்திருக்கிறீர்கள். அப்படியென்றால் மார்க்கெட் அதிக அளவில் வருமானம் கொடுக்கும்போது, பிராஃபிட் புக்கிங் செய்யும் திறன் உங்களுக்கு இருக்க வேண்டும்.

சந்தை ஏற்ற இறக்கங்களை கவனித்து பிராஃபிட் புக்கிங் செய்யாமல்விட்டால், மார்க்கெட் அதிகமாக இறங்குமுகமாக இருக்கும்போது பங்குச் சந்தையின் மீது நீங்கள் நம்பிக்கை இழக்கக்கூடிய வாய்ப்பிருக்கிறது. உங்களுக்கு லாங் டேர்ம் போர்ட்ஃபோலியோ தேவை என்ற நிலையில், அதற்கேற்ப அஸெட் அலொகேஷன் செய்யாமல் நீங்கள் முதலீட்டை ஆரம்பித்தது மிகவும் தவறு.

நீங்கள் இப்போது முதலீடு செய்துவரும் ரூ.8,000 மற்றும் கூடுதல் தொகை ரூ.12,000 சேர்த்து முதலீடு செய்யும்போது, 20% லார்ஜ்கேப், 35% மல்டிகேப், 30% மிட்கேப் மற்றும் 15% ஸ்மால்கேப் என அஸெட் அலொகேஷன்படி பிரித்துச் செய்ய வேண்டும். உங்களுக்கான முதலீட்டுப் பரிந்துரையை அட்டவணை 1-ல் தந்திருக்கிறேன். பார்த்துக் கொள்ளுங்கள்.’’

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

நான் மியூச்சுவல் ஃபண்டில் எஸ்.ஐ.பி முறையில் மாதந்தோறும் சில ஃபண்டுகளில் முதலீடு செய்து வருகிறேன். என் வயது 56. இன்னும் மூன்று ஆண்டுகளுக்கு என் முதலீடுகளைத் தொடர்ந்து செய்ய முடியும். என் முதலீட்டு போர்ட்ஃபோலியோ சரியாக இருக்கிறதா, ஏதேனும் மாற்றங்கள் செய்ய வேண்டுமா..?

என் முதலீடுகள்... ஐ.சி.ஐ.சி.ஐ புரூ. புளூசிப் ஃபண்ட் ரூ. 3,000, ஐ.சி.ஐ.சி.ஐ புரூ. வேல்யூ டிஸ்கவரி ஃபண்ட் ரூ.3,000, ஃப்ராங்க்ளின் இந்தியா ஸ்மாலர் ஃபண்ட் ரூ.2,000, ஃப்ராங்க்ளின் இந்தியா பிரைமா ஃபண்ட் ரூ.3,000, ஹெச்.டி.எஃப்.சி ஹைபிரிட் ஈக்விட்டி ஃபண்ட் ரூ.1,000, பிரின்சிபல் எமெர்ஜிங் புளூசிப் ஃபண்ட் ரூ.3,000, டி.எஸ்.பி பிளாக்ராக் ஸ்மால்கேப் ஃபண்ட் ரூ.2,500, எல் அண்ட் டி ஹைபிரிட் ஈக்விட்டி ஃபண்ட் ரூ.3,000, மிரே அஸெட் எமெர்ஜிங் புளூசிப் ஃபண்ட் ரூ.2,000, கோட்டக் செலக்ட் ஃபோகஸ் ஃபண்ட் ரூ.2,000, ஆதித்ய பிர்லா சன் லைஃப் இந்தியா ஜெனரேஷன் நெக்ஸ்ட் ஃபண்ட் ரூ.2,000.

- ஜி.டி.வேலவன், சிதம்பரம்

“நீங்கள் ஓய்வுபெறும்போது இந்த முதலீட்டுத் தொகையை மாதாந்தர குடும்பச் செலவுக்கு உபயோகிக்க மாட்டீர்கள் என்ற அடிப்படையில் பரிந்துரையை வழங்குகிறேன். ஓய்வுக்குப் பிறகு இரண்டு அல்லது மூன்று ஆண்டுகள் கழித்துப் பயன்படுத்துவீர்கள் என்ற அடிப்படையில் ஆலோசனை தரப்பட்டிருக்கிறது.

முதலீடு
முதலீடு

உங்களிடமிருக்கும் ஃப்ராங்க்ளின் இந்தியா ஸ்மால்கேப், ஃப்ராங்க்ளின் இந்தியா பிரைமா ஃபண்ட், ஹெச்.டி.எஃப்.சி ஹைபிரிட் ஃபண்ட் மற்றும் எல் அண்ட் டி ஹைபிரிட் ஈக்விட்டி ஃபண்ட் ஆகியவற்றை நிறுத்திவிட்டு, அதற்கு பதிலாக அட்டவணை-2-ல் தரப்பட்டிருக்கும் பரிந்துரையின்படி நடக்கவும். மற்ற ஃபண்டுகளில் செய்துவரும் முதலீடுகளை நீங்கள் இப்போது செய்வதுபோலவே தொடர்ந்து செய்யவும்.”

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஃபண்ட் கிளினிக் : கைகொடுக்கும் அஸெட் அலொகேஷன்!

என் வயது 27. நாணயம் விகடன் மூலம் எஸ்.ஐ.பி குறித்து அறிந்துகொண்ட நான் தலா 2,500 ரூபாயைப் பின்வரும் ஃபண்டுகளில் எஸ்.ஐ.பி முறையில் மாதந்தோறும் முதலீடு செய்துவருகிறேன். 2021 மத்தியில் எனக்குத் தேவைப்படும் தொகை ரூ.2 லட்சத்துக்கு இந்த ஃபண்ட் முதலீடு எனக்கு உதவுமா... மேலும், என் முதலீடு சரியான முறையில் இருக்கிறதா என்றும் ஆலோசனை கூறவும்.

என் முதலீடுகள்... ஐ.சி.ஐ.சி.ஐ புரூ. புளூசிப் ஃபண்ட், கோட்டக் ஸ்டாண்டர்டு மல்டிகேப் ஃபண்ட், கோட்டக் எமெர்ஜிங் ஈக்விட்டி ஃபண்ட், ஆக்ஸிஸ் ஃபோக்கஸ்டு 25 ஃபண்ட், டி.எஸ்.பி மிட்கேப் ஃபண்ட் மிரே அஸெட் லார்ஜ்கேப் ஃபண்ட்.

- பாலாஜி, மெயில் மூலமாக

“பொதுவாகவே, முதலீட்டாளர்கள் ஒரு முக்கியமான விஷயத்தை கவனத்தில்கொண்டு முதலீட்டைச் செய்ய வேண்டியது மிக அவசியம். தங்களின் இலக்குகள் நீண்டகால வரம்புக்குள் வருகிறதா, குறுகியகால வரம்புக்குள் வருகிறதா என்பதைப் பார்த்து முதலீட்டைச் செய்ய வேண்டும்.

பங்குச் சந்தை சார்ந்த முதலீடு எனும்போது, ஐந்து வருடங்களுக்கு மேற்பட்ட இலக்குகளுக்காக அது இருக்க வேண்டும்

உங்கள் இலக்குகள் இரண்டு அல்லது மூன்று வருடங்களுக்கானவை என்றால், கடன் சார்ந்த மியூச்சுவல் ஃபண்டுகளிலும், ரெக்கரிங் டெபாசிட்டுகளிலும்தான் முதலீடு செய்ய வேண்டும். இப்போது பங்குச் சந்தை மிகவும் இறங்கியிருப்பதால், நீங்கள் செய்திருக்கும் முதலீடும் 10 முதல் 15% இறங்கியிருக்கிறது.

ஃபண்ட் கிளினிக்
ஃபண்ட் கிளினிக்

இனிவரும் காலங்களில் அவ்வாறு முதலீடு செய்யாமலிருந்தால் மிகவும் நன்று. பங்குச் சந்தை இறக்கத்திலிருந்து மீண்டு வரும்போது லார்ஜ்கேப் ஃபண்ட் மூலம் அதிக வருமானம் கிடைக்கும்.

அதற்கு அடுத்ததாக மிட்கேப் மற்றும் ஸ்மால்கேப் ஃபண்டுகள் கணிசமாக வருமானம் கொடுக்கும். ஆகையால், உங்களிடமுள்ள ஐ.சி.ஐ.சி.ஐ புரூ. புளூசிப் மற்றும் மிரே அஸெட் லார்ஜ்கேப் ஃபண்ட் ஆகிய இரண்டையும் விற்றுவிட்டு, 2021-ம் ஆண்டில் உங்களுக்குத் தேவையான பணத்தை எடுத்துக்கொள்ளவும்.

ஃபண்ட் கிளினிக்
ஃபண்ட் கிளினிக்

இப்போது நீங்கள் செய்துவரும் உங்கள் முதலீட்டை அப்படியே தொடர்ந்து செய்து வரவும். ஆனால், ஆண்டுக்கு ஒரு முறை உங்கள் போர்ட்ஃபோலியோவை பரிசீலனை செய்து, அவசியம் இருப்பின் மாற்றியமைக்கவும்.

நீங்கள் ஒன்றை நினைவில் வைத்துக்கொள்ள வேண்டும். எந்தவிதமான அவசியமும் இல்லாத நிலையில் போர்ட்ஃபோலியோவை மாற்றியமைக்க வேண்டாம். அப்படியே தொடரலாம்.”

தொகுப்பு: கா.முத்துசூரியா

உங்கள் ஃபண்ட் போர்ட்ஃபோலியோவை மாற்றியமைக்க வேண்டுமா? finplan@vikatan.com என்ற மெயில் முகவரிக்கு நீங்கள் முதலீடு செய்யும் ஃபண்டுகள் குறித்த விவரங்களை அனுப்பவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism