Published:Updated:

ஃபண்ட் கிளினிக் : பங்கு சார்ந்த ஃபண்டுகள் யாருக்கு ஏற்றது? - முதலீட்டு வழிகாட்டல்

முதலீடு
பிரீமியம் ஸ்டோரி
முதலீடு

இலக்குகள் அடிப்படையில் நீண்டகால முதலீடுகளுக்கு சொத்து பரவலாக்கள் முறையே சிறந்தது!

ஃபண்ட் கிளினிக் : பங்கு சார்ந்த ஃபண்டுகள் யாருக்கு ஏற்றது? - முதலீட்டு வழிகாட்டல்

இலக்குகள் அடிப்படையில் நீண்டகால முதலீடுகளுக்கு சொத்து பரவலாக்கள் முறையே சிறந்தது!

Published:Updated:
முதலீடு
பிரீமியம் ஸ்டோரி
முதலீடு

நான் வாரம்தோறும் எஸ்.ஐ.பி முறையில் சில மியூச்சுவல் ஃபண்டுகளில் தலா ரூ.5,000 வீதம் கடந்த மாதம் முதல் முதலீடு செய்யத் தொடங்கியுள்ளேன். அடுத்த 7 - 10 ஆண்டு களில் ரூ.2 கோடி சேர்க்க வேண்டும். என் முதலீடுகள் சரியா..?

நான் செய்துவரும் முதலீடுகள்... யு.டி.ஐ நிஃப்டி இண்டெக்ஸ் ஃபண்ட், பராக் பரிக் லாங் டேர்ம் ஈக்விட்டி ஃபண்ட், ஆதித்ய பிர்லா சன் லைஃப் சேவிங்ஸ் ஃபண்ட், கோட்டக் சேவிங்ஸ் ஃபண்ட், கனரா ராபிகோ எமெர்ஜிங் ஈக்விட்டீஸ், ஆக்ஸிஸ் மிட்கேப் ஃபண்ட், குவான்டம் லிக்விட் ஃபண்ட், பராக் பரிக் லிக்விட் ஃபண்ட்.

- திவ்யா, கோவை

ஃபண்ட் கிளினிக் : பங்கு சார்ந்த ஃபண்டுகள் யாருக்கு ஏற்றது? - முதலீட்டு வழிகாட்டல்

“உங்கள் போர்டஃ்போலியோவில் கடன் சார்ந்த ஃபண்டுகள் 50% உள்ளன. இந்த ஃபண்டுகள் 8 சதவிகிதத்திலிருந்து 9% வரை வருமானம் தரக்கூடியவை. உங்களின் இலக்கைக் குறிப்பிட்ட காலத்தில் அடைய பங்கு சார்ந்த ஃபண்டுகள் வருமானத்தைப் பெருக்க உதவும். இலக்குகள் அடிப்படையிலான நீண்டகால முதலீடுகளுக்கு சொத்து பரவலாக்கள் முறையே சிறந்தது.

ஒட்டுமொத்த விகடனுக்கும் ஒரே ஷார்ட்கட்!

ஃபண்ட் கிளினிக் : பங்கு சார்ந்த ஃபண்டுகள் யாருக்கு ஏற்றது? - முதலீட்டு வழிகாட்டல்

உங்கள் போர்ட்ஃபோலியோவின் ஆண்டு சராசரி வருமானம் 11% இருக்குமானால், ஏழு ஆண்டுகளுக்கு மாதம்தோறும் எஸ்.ஐ.பி முறையில் ரூ.1.60 லட்சமும் அல்லது 10 ஆண்டுகளில் மாதம்தோறும் எஸ்.ஐ.பி முறையில் 92,000 ரூபாயும் முதலீடு செய்தால் உங்கள் இலக்கான ரூ.2 கோடியை அடைய வாய்ப்புள்ளது.

உங்களுக்கான போர்ட்ஃபோலியோ பரிந்துரை: உதாரணமாக, மாதம் ரூ.100 முதலீடு செய்வது என்றால், கீழே பரிந்துரை செய்யப்பட்டுள்ள விகிதத்தில் முதலீடு செய்யவும்.

யு.டி.ஐ நிஃப்டி இண்டெக்ஸ் ஃபண்ட் ரூ.15, ஆக்ஸிஸ் மிட்கேப் ஃபண்ட் ரூ.20, கனரா ராபிகோ எமெர்ஜிங் ஈக்விட்டி ஃபண்ட் ரூ.20, பாராபரிக் லாங்டேர்ம் ஈக்விட்டி ஃபண்ட் ரூ.15, எஸ்.பி.ஐ மேக்னம் கில்ட் ஃபண்ட் ரூ.20 மற்றும் நிப்பான் இந்தியா கோல்டு பீஸ் ரூ.10.”

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

என் வயது 38. கோட்டக் ஸ்டாண்டர்டு மல்ட்டிகேப் ஃபண்ட் ரூ.3,600, ஆதித்ய பிர்லா சன் லைஃப் ஈக்விட்டி ஹைபிரிட் ஃபண்ட் ரூ.3,600, ஐ.சி.ஐ.சி.ஐ புரூ. ஈக்விட்டி அண்ட் டெப்ட் ஃபண்ட் ரூ.3,500 எனக் குழந்தைகளின் மேற்படிப்புக்காக முதலீடு செய்துவருகிறேன். என் முதலீடுகள் சரியா என வழிகாட்டவும்.

- எஸ்.வித்யா பார்வதி, கரூர்

ஃபண்ட் கிளினிக் : பங்கு சார்ந்த ஃபண்டுகள் யாருக்கு ஏற்றது? - முதலீட்டு வழிகாட்டல்

“ஹைபிரிட் ஈக்விட்டி ஃபண்டுகள் அதிகம் உள்ள முதலீடுகள் உங்கள் இலக்கை எட்டும் வகையில் வருமானம் தரும் என்று கூற இயலாது. எனவே, உங்கள் முதலீடுகளை உங்கள் இலக்குக்கு ஏற்ப மாற்றியமைக்க வேண்டும். உங்கள் முதலீட்டுக் காலம் ஏழு ஆண்டுகள் இருக்கும் என்ற ஊகத்தில் முதலீடுகளுக்கான பரிந்துரை இங்கே வழங்கப்பட்டுள்ளது.

கோட்டக் ஸ்டாண்டர்டு மல்டிகேப் ரூ.3,000, கனரா ராபிகோ ஈக்விட்டி புளூசிப் ரூ.2,000, ஆக்ஸிஸ் மிட்கேப் ரூ.2,500, மிரே அஸெட் எமெர்ஜிங் புளூசிப் ரூ.2,000, ஐ.டி.எஃப்.சி டைனமிக் பாண்ட் ஃபண்ட் ரூ.1,500 (மொத்த எஸ்.ஐ.பி தொகை ரூ.11,000). உங்கள் போர்ட்ஃபோலியோவின் ஆண்டு சராசரி வருமானம் 11% இருந்தால், ஏழு ஆண்டுகளில் முதலீட்டு மதிப்பு ரூ.13.82 லட்சமாக வாய்ப்புள்ளது.”

என் வயது 32. நான் மிரே அஸெட் எமெர்ஜிங் புளூசிப் ஃபண்ட் ரூ.1,000, எஸ்.பி.ஐ ஸ்மால்கேப் ரூ.1,000, மோதிலால் ஆஸ்வால் நாஸ்டாக் ஃபண்ட் ஆஃப் ஃபண்ட் 100-ல் ரூ.1,000 போன்ற ஃபண்டுகளில் எஸ்.ஐ.பி முறையில் முதலீடு செய்துவருகிறேன். குறைந்தபட்சம் நான் 15 ஆண்டுகள் முதலீடு செய்யத் திட்டமிட்டுள்ளேன். என் முதலீடுகளை ஆய்வு செய்து சொல்லவும்.

- நந்தகுமார், மெயில் மூலமாக

“நீங்கள் முதலீடு செய்துவரும் ஃபண்டுகள் அதிக ரிஸ்க் சார்ந்த ஃபண்டுகளாக உள்ளன. மோதிலால் ஆஸ்வால் ஃபண்ட் அமெரிக்கப் பங்குகளை உள்ளடக்கியது. எனவே, டாலர் மற்றும் அமெரிக்கப் பொருளாதரத்தில் பாதிப்பு ஏற்பட்டால், அதன் விளைவு இந்த ஃபண்டின் செயல்பாட்டில் எதிரொலிக்கும். உங்களுக்கு சந்தையின் ஏற்ற இறக்கங்களை எதிர்கொள்ளும் ஆற்றல் இருப்பின் முதலீடுகளைத் தொடருங்கள். இப்போதுள்ள போர்டஃபோலியோவை அப்படியே தொடரவும்.”

நாம் அடுத்த 10 ஆண்டுகளில் ரூ.25 லட்சம் சேர்க்க வேண்டும் என இலக்கு வைத்துள்ளேன். அதற்கேற்ப என் முதலீடுகள் உள்ளதா என ஆலோசனை வழங்கவும். என் முதலீடுகள்... ஆக்ஸிஸ் புளூசிப் ஃபண்ட் ரூ.2,000 (தற்போதைய மதிப்பு ரூ.59,000), ஆக்ஸிஸ் ஃபோகஸ்டு 25 ஃபண்ட் ரூ.2,000 (தற்போதைய மதிப்பு ரூ.54,000), மிரே அஸெட் எமெர்ஜிங் ஃபண்ட் ரூ.2,000 (தற்போதைய மதிப்பு ரூ.30,000)

நிறுத்தப்பட்ட ஃபண்டுகள்... நிப்பான் இந்தியா ஸ்மால்கேப் ஃபண்ட் (மதிப்பு ரூ.1,02,000), ஹெச்.டி.எஃப்.சி ஸ்மால்கேப் ஃபண்ட் (மதிப்பு ரூ.57,000), எல் அண்ட் டி எமெர்ஜிங் பிசினசஸ் ஃபண்ட் (மதிப்பு ரூ.43,000)

- எஸ்.பாலாஜி, மெயில் மூலமாக

ஃபண்ட் கிளினிக் : பங்கு சார்ந்த ஃபண்டுகள் யாருக்கு ஏற்றது? - முதலீட்டு வழிகாட்டல்

“உங்கள் முதலீடுகளைப் பரவலாக்கள் முறையில் அமைத்துக்கொண்டால், சந்தை மாற்றங்களுக்கு ஏற்ப பலன் பெற வாய்ப்புள்ளது. தற்போது நிறுத்தியுள்ள நிப்பான் இந்தியா ஸ்மால்கேப் ஃபண்டைத் தொடருங்கள். உங்கள் முலீட்டுக்கான பரிந்துரை... ஆக்ஸிஸ் புளூசிப் ரூ.1,000, யு.டி.ஐ ஈக்விட்டி ஃபண்ட் ரூ.1,000, மிரே அஸெட் எமெர்ஜிங் ஃபண்ட் ரூ.1,000, நிப்பான் இந்தியா ஸ்மால்கேப் ஃபண்ட் ரூ.2,000,ஐ.டி.எஃப்.சி கவர்ன்மென்ட் செக்யூரிட்டிஸ் ஃபண்ட் - இன்வெஸ்ட்மென்ட் பிளான் ரூ.1,000, இன்வெஸ்கோ கோல்டு ஃபண்ட் ரூ.1,000 (மாத மொத்த எஸ்.ஐ.பி ரூ.7,000). ஹெச்.டி.எஃப்.சி ஸ்மால்கேப் மற்றும் எல் & டி எமெர்ஜிங் பிசினஸ் ஃபண்டுகளை லாபம் உள்ள நிலையில் விற்று, லிக்விட் ஃபண்டில் தற்காலிகமாக வைத்துக்கொண்டு, மேற்கூறிய ஃபண்டுகளில் எஸ்.டி.பி முறையில் கூடுதலாக முதலீடு செய்து வாருங்கள். உங்கள் முதலீடுகளின் ஆண்டு சராசரி வருமானம் 11% இருந்தால், அடுத்த 10 ஆண்டுகளில் ரூ.25 லட்சம் பெற வாய்ப்புள்ளது.”

ஏழு ஆண்டுகளுக்கு மாதம்தோறும் எஸ்.ஐ.பி முறையில் ரூ.1.60 லட்சமும் அல்லது 10 ஆண்டுகளில் மாதம்தோறும் எஸ்.ஐ.பி முறையில் 92,000 ரூபாயும் முதலீடு செய்தால் உங்கள் இலக்கான ரூ.2 கோடியை அடைய வாய்ப்புள்ளது!

ஆக்ஸிஸ் மல்ட்டிகேப் ஃபண்ட் ரூ.1,000, மிரே அஸெட் ஹைபிரிட் ஃபண்ட் ரூ.1,000, கனரா ராபிகோ எமெர்ஜிங் ஈக்விட்டீஸ் ரெகுலர் குரோத் ஃபண்ட் ரூ.1,000, மிரே அஸெட் மல்ட்டிகேப் ஃபண்ட் ரூ.1,000. நான் மாதம்தோறும் செய்துவரும் இந்த எஸ்.ஐ.பி முதலீட்டைத் தொடரலாமா..?

- சதீஷ் குணசேகரன், மெயில் மூலமாக

“உங்கள் போர்ட்ஃபோலியோவில் ஆக்ஸிஸ் மல்ட்டிகேப் ஃபண்டின் செயல்பாடு சுமாராக உள்ளது. இருப்பினும் அதில் உள்ள பங்குகள் நன்றாக இருப்பதால், முதலீடு செய்து வரலாம். இன்னும் இரண்டு, மூன்று காலாண்டுகள் அதன் செயல்பாட்டில் முன்னேற்றம் இல்லை எனில், அதை விற்றுவிடவும். உங்கள் முதலீடுகளை இப்போதுள்ளவாறே தொடருங்கள். பங்கு சார்ந்த மியூச்சுவல் ஃபண்டுகள் நீண்டகால நோக்கில் பயன் தரத்தக்கவை.”

உங்கள் ஃபண்ட் போர்ட்ஃபோலியோவை மாற்றியமைக்க வேண்டுமா?

finplan@vikatan.com என்ற மெயில் முகவரிக்கு நீங்கள் முதலீடு செய்யும் ஃபண்டுகள் குறித்த விவரங்களை அனுப்பவும்.